الحب اللي معذبني....!!!!!

[mesk-nader]

متابعين​

 

[الله يوفقني]

يالله هموس ويننننننننننننننننننننننننننننننننننننننننننننننك؟؟؟؟

 

[ام شهودي]

يااااااااربي وش صاااااااااار متابعين بالحماس لاتتاخرين علينا

 

[همس الحواس]

اكمل

طبعا وحليلها ما ورى عليها شهر العسل وبعدها يتها مصيبه الزوج متأثر وتعبان بس اهي تصبره وتقوله مرحله وبتعدي طبعا طافت اشهر على الحمل والتعب واحمد رجع لشغله بعد شهر العسل والشغل بعيد اذا تتذكرون احيانا يجيها واحيانا لا على حسب الدوام مرات يمسك زام ومرات لا...​

جاااااء موعد الولاده ورحت معاها وامها واختها بعد كانو معاها بس اهي ما رضت احد يدخل غيري
علشان تاخذ راحتها معاي في الاسئله:​

سؤال خبل مثلها :frown:اقولج شو يطلع قبل الراس ولا الريول.... هههههههههههههه .... انزين يطول الموضوع ولا بسرعه؟..............خخخخخخخخخخخ اقولها لالا بس دقايق وبتربين انشالله
واقرا قرآن على بطنها وامسح على راسها وهي تصيح طلع ولا بعده ككككككككككككك يا جوجو الله يهديج يوم بيطلع بتحسين ..........كككككككككككككككككككككك انزين ياهمس يعور ولا يقصون عليه ما يعور....:e136:​

وانا فيني خوف وضحكه من اسئلتها وبعد شوي اي اي اي تقولي ها طلع ولا بعده اقولها خخخخخخخخ بعده يالغبيه بتحسين يوم بيطلع ليش انا لين الحين ما حسيت يعني يعور واااااااااااااااااي يعني يعور صح؟؟؟؟؟:sad_1:
الله ياخذ بليسج ما يعور بس اتحسين انه بطنج يعورج واااااايد اما اي شي ثاني ما بتحسين فيه صدقيني.​

هي :انزين انا الحين بطني عورني يعني الحين بربي صح ؟؟
انا: لا
هي : ليش
انا : بعد شوي...... يالله ادعي انه الله يسهلها عليج ياااارب
هي : وااااااااااااااااي يعني الولاده صعبه ؟؟؟؟
أنا : يعني
هي: يااااااااااارب سهلها عليه ياااارب سهلها عليه.... والدموع صبت مسكيييينه:tears:​

واااااااااااااااخيرا طلع البيبي مبروووووووووووووووك ياجوجو:clap::clap:
:a122::a122::a122::a122::a122:
ولد ولد ما شاء الله احمر توه طالع مسكين واحمد وصل عند باب الغرفه بس ما دخلوه لين ينظفون البيبي وجوجو!!!!!​

وبعدين دخل احمد وطلعت انا واسمعها تقوله تدري طول الوقت هموس تقص عليه وتقولي بس بطنج بيعورج وانا مت وحييت وهي تقولي صدقيني ما بيعورج غير بطنج.... يوم اقولكم خبلا ماتصدقون كككككككككككككككككككككككك:e130:...
بعدين نقلوها الغرفه واتسبحت (استحمت) وتنظفت مسكيييينه بعد المعاناه والبيبي شلوه ينظفونه ويسون له فحص
بخرنا الغرفه وعطرناها وارتاحت جوجو وطلبنا لها عصير وغدا وتغدت ورحت انا البيت ارتاااااااااااااح.​

دخلت غرفتي وجهزت ملابسي واستحميت وانا في الحمام اتذكر المواقف اللي معاها واضحك واقول صدق هذي البنت على نياتها واااااااااااااااايد مسكينه تقدرين تقصين عليها. ككككككككككككك:shiny:​

المهم بعد المغرب زرتها وتحمدنا لها بالسلامه وباركنالها واحمد اتصل بأمه يخبرها انه جاله ولد
والأم ماتت صياح ( بكي) ليش يا احمد ليش؟؟؟؟
بدال ما تباركله مسكين صيحته وسكرت التيلفون......:tears::icon1366::tears:​

المهم طلعت جوجو وراحت البيت كل ما يصيح الولد تتصل اقولج سالم يصيح شو اسوي اقولها رضعتيه تقول ايه رضعته بس شوي ليش شوي لانه يمص قوي وانا اخاف يعورني كككككككككك يالخبلا البيبي يبي حلييب خليه يشرب لين يشبع وبينام اذا ما شبع بيصيح!!!!!​

على هذا المنوال لين البيبي بدا ياكل ....​

طبعا اذا تتذكرون جوجو كانت كشيخه ودلوعه وريحتها كلها بخور والله ما اقص عليكم تغيرت تدريجيا
البيت كانت ريحته اول بخور الحين صار البيت ريحته وصخه من الحليب والبامبرز وهي مسكينه ما عندها خدامه تساعدها كل شي على راسها....​

احمد بدات المشاكل معاه ليش لأن احمد كان يحب جوجو علشان هي انسانه كشيخه وحلوه وريحتها دوم طيبه وكانت دوم مهتمه بنفسها وشعرها وبشرتها الحين البيبي ما عطاها فرصه تسوي شي!!!!!!​

الريال تغيرت احواله كل ما يدخل البيت يسمعها تصارخ وتلعن وتسب انا ما ألومها تعبت الحرمه وااااايد عليها البيت والطبخ والغسيل والتنظيف والكوي والترتيب والمسح والبيبي والزوج الصرااااحه واااااااايد بس شو الحل؟؟؟؟​

الخدامه جاب لها الخدامه بس البيبي يسهرها وما يخليها تنام زين والصبح( الكشه)يعني (شعرها) واصله السقف والصدر برا لانها طول الليل ترضع ويدخل الزوج ويحصل شكلها مقرف...
يقدر احمد انها تعبانه بس مو كل يوم ويقدر انها ما نامت بس مو الكشه واصله الصقف!!!​

بدت الخيانات مع احمد الحب بدا ينكمش بسبب اهمال جوجو لنفسها صارت انسانه عصبيه والآنوثه شردت من البيت ودخلت الذكوره يعني الريال متزوج وحده والحين الوحده تحولت الى وحش طيب ليش الحريم يجيبون عيال ليش التغير يا جوجو ؟؟؟؟؟؟​

يوم تشتكي اقولها انتي مقصره تزعل!!!
تقولي خانني اقولها والله انتي مقصره تقولي انا والله مش مقصره انا صرت اتعدل !!!!!!
الريال يحب الهدووووووء في بيته ما يحب الحرمه تصارخ والبيبي يصارخ والخدامه تفحط يمين وشمال البيت كله حركات سريعه وازعاج.
اكييييييييييييييييييييييييييييييييييييييييييييييييييييد الريال بيروح يدور برا.
تقولي كلامج صح بتغير خلاص تتغير يومين وترجع.
ما استفدنا شي....؟؟؟​

بدا احمد يقطع المصروف عليها وبدات تخف مسؤلياته .....
وفي الأخير احمد مل
......​

تزوج احمد عليها وحده ثانيه بالسر وجابت بنت وسمتها امل والحرمه بعد صديقتي من بوظبي بس جوجو ما تعرف بالزواج وانا ما اعرف ان زوجها احمد زوج جوجو لاني ما اتداخل مع زوجها...​

بس بيتها يشرح النفس والحرمه صدق هاااااااااااااااااااااااديه وريحة بيتهم حلوه ما فيها ريحة البامبرز والحليب اللي منكب على السجاد... الحرمه الجديده اسمها مريم.
مريم انسانه راقيه في التعامل وحبوبه وبشوشه عمري ما سمعتها تشتكي من زوجها اهي تعرف انه متزوج قبلها بس ما تدخل بزوجته ابد وكأنها مس موجوده جوجو مريم ما عندها مشاكل...!!!!
انا بعدين اكتشفت انه احمد زوج جوجو بس ماقدرت اخبرها احاول أصلح اخطائها وعيوبها بس ما قدرت هي ماتسمع كلامي الله يهديها​

وجااااااا اليوم اللي جوجو اكتشفت انه احمد تزوج مريم بس هي ما تعرف مريم ولا عمرها شافتها...
وطردت احمد من البيت وقالت له طلقني انا ما اباك تتزوج عليه وانا مو مقصره وياك؟؟؟؟​

لالالالالالالالالالالالالالالالا ياااااااااااااااااااااا جوجو انتي مقصره وااااااااااااااااااااايد انتي اهملتي نفسج صح تدلعين احمد وتسوين ليالي رومنسيه بس احمد عند مريم عايش في هدووووووء واستقرار
نفسي وعاطفي الحب مو مشاكل الحب مو كله عتاب الحب مو كله مكشره وزعلانه الحب........... حياه
الحب .....حياه وهوعندج مات ودفنتيه يا جوجو....
تتذكرين الحب اللي ما خلاج تنامين والحب اللي خلاج ما تاكلين والحب الحين خسرتيه ياااااااااااااجوجو.....​

جوجو صارت مكسوره نفسيا كله تصفع سالم وتسبه وتسب ابوه وكل ما يجيها الغرفه تقوله رووووووووووح هناك العب لاتدخل الغرفه والله ما ادري خفة الدم مالتها وين اختفت والضحك اللي بالساعات رااااح.:schmoll::thumbdown:​

احمد زعل عليها شهرين يحاول معاها وهي ما تخليه يجي البيت مع انها تموت عليه....:busted_red:​

هاااااااااااااااااه يااااا بنات شو راااااايكم والله أغلبية الحريم يوم يجيبون عيال يتغيرون طيب ليش مريم ما تغيرت بالعكس اهتمامها زاد بنفسها وبيتها وزوجها بعد هي تعبت بس فيه فرق بين تعبت وبين انها استسلمت للتعب.....!!!!! صح؟:surrender:​

المهم احمد اتصل بزوجي يطلبه تدخلي مع جوجو وانه باقي عليها.....:tears:​

اما جوجو..... شو سوت الخبلا.....؟؟؟:busted_red::busted_red::busted_red:​

 

[الشحرورة]

كملي القصة ولي تعليق بالاخير حياتي

 

[امي كل حياتي]

بانتطارك ياحلوة......:bigsmile:

 

[شجن2008]

احس انه ما صبر عليها00كل الحب اللي بينهم واتحدى اهله وفي الاخريتزوج0كان لازم يحذرها ويحسسها انها اذا مااتعدلت راح يتزوج00مو خلاص الحل السريع الزواج الله يهديلها000

 

[همس الحواس]

احس انه ما صبر عليها00كل الحب اللي بينهم واتحدى اهله وفي الاخريتزوج0كان لازم يحذرها ويحسسها انها اذا مااتعدلت راح يتزوج00مو خلاص الحل السريع الزواج الله يهديلها000

بلعكس اهو دوم يقولها اريدج مثل قبل بس اهي ما فهمت وماهتمت فيه في الجنس وغيره واااايد اشياء الله يهديها. :schmoll:​

 

[شوشو.]

كملي حبيبتي
​

...

والله سرد رائع
​

..
حماس

 

[ام الآء]

همس الحواس .. سردك راااائع .. متابعه لك ..

 

[دوومي عالية]

واااااااااااااو ..فنانه انتي يا هموووسه..

وكلامج فيه تنبيه لكل زوجة اهملت نفسها و عمرها...

هذي انا اقرا و حسيت بتعب نفسي..كيف احمد اللي يدخل البيت ويشووف بعيونه !!!

في انتظارج حبيبتي

 

[لحن المطر ~]

الله عليج هموسه اسلوبج يخليني اندمج معآج فالقصة ^،^

مبدعه ما شاء الله عليج

متآبعين معآج

أماا تعليقي عالقصة

دآيم الزوجة تقط الميانة مع زوجهآ لما تستقر معاه وتجيب العيآل

حتى لو ما صارت قصة حب او جي فأيام الملكة مثلاً تلآقينها ملكة جمال
وبس تتزوج وتقضي سنة تبدأ فالاهمال بحجة التعب
يعني ابي افهم في بيت ابوها ما كانت تتعب !
اليأس وقلة التنظيم والانفعالية عدوة المرأة وهي سبب المشاكل غالباً وفوق كل هذا
لازم الزوج شوف الوسخ والقذارة والاهمال ويسكت

الله يهديهم تفاصيل صغيرة تغفل عنها تدمر حياتها

 

[coffee]

الريال تغيرت احواله كل ما يدخل البيت يسمعها تصارخ وتلعن وتسب انا ما ألومها تعبت الحرمه وااااايد عليها البيت والطبخ والغسيل والتنظيف والكوي والترتيب والمسح والبيبي والزوج الصرااااحه واااااااايد بس شو الحل؟؟؟؟
اتمنى زوجي يقرا هذا الكلام حتى يعرف انه عايش بنعمه اختي همس...انا والعياذ بالله من كلمه انا انجبت بنت وولد بينهم بالعمر 11 شهر وبيتي كبييييييييييير ماشاء الله 4غرف وصاله وحمامين اكرمكم الله ومطبخ كبير وما عندي شغاله وحتى يوم طلبت من زوجي شغاله بس تساعدني بالبيت رفضضضضضضضضضضضضضضضضضض تماما الفكره طبعا مت من التعب والحمدلله عمري ما اهملت بنظافه بيتي بس كنت دااااااااااايما مثل ما ذكرتي اصارخ واعصب وصارتلي مشاكل مع زوجي لكن ابدا ابدا ما اهملت بشكلي قدام زوجي يعني احاول البس قبل جيته واتكشخ اتعطر اتمكيج الحمدلله..بس فعلا العصبيه(الي ما يحس في سببها الزوج)مصيبه والله يعينا معشر الحريم مطالبين نكون بالريموت كنترول نضحك لمن يبغون الرجال وهاديين ورايقين ومتكشخين ولا على بالهم وفوق هذا كله لازم نقوم بكل واجباتنا بحذافيرها اييييييييييه بالنسبه لمريم اختي الزوجه الثانيه لازم تكون كذا لانها لو ما كانت كذا بتخسر كثير وهي عارفه ان الزوجه الثانيه اذا ما كانت سوبروومن ما تدووم...الله المستعان.تسلمي اختي متابعتك اسلوبك حلو مره..كملي يالغاليه.

 

[روح العطاء]

اضافة على اهمال جوجو
يمكن لأهله يد في زواجه الثاني
سواء بطريق مباشر او غير مباشر
احساسه الملح ان يتزوج بنت من نفس عرب اهله:sad_1:

لكن بشوية حنكه من جوجو راح تستعيده وتتربع على عرش قلبه
كما كانت:icon31:
لكن انها تتطلق او تبيه يطلق مريم هذا مو حل عقلاني نهائياً:schmoll:
لأنه متزوج مريم بالحلال على سنة الله ورسوله
وعنده منها بنت


(الله يعينها دخل في حياتها ارنوب<<<متأثره بقصة هيلين):shiny:


كملي عزيزتي

 

[شهدالغالي]

كملي الغالية الله يعين

 

[التحدي الصعب]

:essen:ياربي يسلمك ياهموسه لاتطولين انا افتر راسي قاعده اتابع اربع قصص وكلهم ماكملوا تعبنا والله صرنا مانجمع من جوجو لريما لباربي لرحمه وكل واحد سالفته سالفه الله يكون بالعون بس اكيد انت اسرع وحده بتكملين يالله ياحلوه ننتظر بحماس

 

[coffee]

متابعتك ...واتوقعت ادش الاقيك انهيتي القصه ببريك الغدا..كخكخكخكخكخ بس لسه؟يالله يا حبيبتي شدي حيلك وكملي ترانا معاك...

 

[مدي الحب]

وووووووووووووووووووووينك يا هممممممممممممممممموسه كملي

 

[هالةالقمر]

متابعينك

زوجى كان دائما يقولى
الحرمه بس تتزوج وتجيب عيال خلاص تنسي زوجها
كان متعقد من اخواته لانهم كانو زي جوجو

 

[loely]

يلا الله يخليج

نتظـر لاتخلينــا على اعصابنــا