الحائره

[krkr]

السلام عليكم
انا عضوه جديده بالمنتدى وبصراحه حبيت هالمنتدى لأني حسيت أنه فيه حلول لكثير من مشاكلنا
وأنا حاليا بمشكله وحيره وحبيت آخذ رايكم
أنا صارلي سنتين متزوجه والحمدلله عندي طفل واحد وموظفه
اشنو المشكله؟؟؟؟؟؟؟؟؟؟؟؟؟
المشكله اني اكتشفت ان زوجي مشترك بنتدى لزواج المسيار وحاط مواصفاته وطالب يتزوج!!!!
والمصيبه الاكبر انه كان يطالبني اننا نجمع فلوسنا بس عنده وانا ماعجبتني الفكره وصارت مشاكل لاني مارضيت,يعني بيجمع المهر من ظهري ويصرف عليها,أنا الحمدلله جميله بس زاد وزني اشويه وقاعده احاول اخففه
سؤالي هل أواجهه وأقوله اني دريت؟والا اسكت واصبر؟مع العلم ان الزواج بالسر منتشره عند عايلته
أرجو الرد لأني حياتي متوقفه على ردودكم بعد الله سبحانه وتعالى
وآسفه لأني طولت عليكم

 

[مستغربه]

اختي انتي كاتبة الموضوع باختصار وما نعرف شوو السبب اللي يخلي زوجج يفكر بالزواج وشو طبيعة العلاقة بينكم..
اذا في شي غلط فيج حاولي تغيرينه وتستفيدين من خبرات البنات في المنتدى
موضوع الدكتورة ناعمة (انت ام الاخرى ) بيفيدج وايد
حطي في بالج لو مكتوب له يتزوج بيتزوج وهذا قدر من الله لكن انتي بيدج الدعاء والتقرب من الله بالصلاة والاستغفار والنوافل ...
ونصيحه
لا تخلينه اخر همج وخلي قلبج معلق برب العالمين هو اللي يستحق المحبة الكامله..
الله يوفقج ويعمي عيون زوجج ويكرهه بغيرج من النساء..​

 

[krkr]

مشكوره اختي مستغربه على ردج

انا قريت الموضوع وعجبني
حياتنا الحمدلله حلوه ومتفاهمين بس المشاكل بدت لما توظفت من كم شهر,زوجي طيب ويصلي ويخاف الله بس بخيل يموت عالفلس ويبي انجمع فلوس و
اكبر دليل على بخله يقول ليش تشترين للعيد بدله جديده لج ولولدج!! لبسي اللي عندج
وهو يبي يتزوج جذي ! يعني شي جديد ومتداول بين اهله
واهو يقول بالضحك انه بيتزوج لانه رجال ويبي يسد احتياجاته مع العلم انه مو قاعد يسد احتاجاتي الزوجيه
والله يسمع منج ويشيل هالفكره من راسه
ومشكوره مره ثانيه عالنصيحه

 

[لو يموت الحزن]

كيف هو بخيل ويبي يتزوج الي اعرفه عن البخيل راح يفكر مية مره

ع ان يتزوج لنه زواجه الاول ياله يلحق ع طلباته وانتي والحمد لله تشتغلين

أختي الكريمه نصيحه لوجه الله . فلوسج خليها لج ولا تعطينه اي فلس

لنه معاشج لنج ولمستقبلج . وحاولي تغير من نفسج من قصه حلوه مكياج

عطوارات واشتري اجهزه تلعين رياضه بالبيت ايام الفراغ . اهتمي بزوجج

وتخلينه يطير منج يمكن الثانيه مهتمه بلبس وشياكه . هذا زوجج لج انتي مب

لاي وحده . ولا تقولين له انج تعرفين انه مشترك .

والله يهديه

 

[krkr]

مشكوره اختي لو يموت الحزن عالنصيحه
زوجي صج بخيل وعشان جذي يبي يتزوج زواج مسيار عشان ما يصرف عالزواج الثاني
وانشالله راح اغير من شكلي بقصه شعر وبدخل نادي انشالله
وبالنسبه لفلوسي بجمعها بدون ما يدري عشان أأمن نفسي اذا فكر يخليني
وانا ماصارحته باكتشافي لاشتراكه بمنتدى زواج مسيار بس اختي تقول صارحيه قبل مايطيح الفاس بالراس
ما عندي الجرأه اصارحه
ومشكوووره