:: الجــــــنوبي الشـــــرقي أروع الشخصيات ::

الحالة
مغلق و غير مفتوح للمزيد من الردود.
up up up
 
فارس المراه اليتيمه والمسكينه ...
اللي زوجها هالنمط .........بيخونها اكيدددددددددددددددددددددد ولنفس السبب انه حنون ورحوم وفارس الحريم المغلوبات
ااااااااه ليتني عرفت عن الانماط قبل كان بعدت عنه الف ميل وجلست عند اهلي ارحم لي
 
عدسه كيف اعرف انه فارس اليتيمه تكففييين خوفتيني
 
حبيبتي لميس، كلام عدوسة صحيح، ينطبق على كل الجنوبيين،،
عشان كذي لازم ماتجيبي قدامه سيرة أي امرأة حزينة أو مسكينة أو مظلومة،،

وبنفس الوقت حسسيه انه فارسك انتي،، يعني تقمصي دور المسكينة أحيانا
عظمي وانفخي بعض المواقف له بحيث يبدو فارسك، حتى تشبعي فيه هذه النقطة معك انتي فقط!

يعني أيد رأيك قدام أهله أو أي حد عارضك، قولي له بينك وبينه "الله يخليك لي،جبرت خاطري بعد ماكان رح ينكسر">>> لكن بدلع وغنج وتودد مو بخاطر مكسور وشخصية مهزوزة!!

عيشيه دور الفارس معك بأتفه الامور، عشان ما يدوره في غيرك! ولا تخافي،
الموضوع ما يخوف -إلا أن يشاء ربي-

الله يخليكم لبعض ويعغكم ويسعدكم ويرضيكم ببعض!

​
 
حنيني مشكوووره ياقلبي ماقصرتي
حتى لو كنت حزينه مثلا بينبسط ؟؟
يعني انه صار فارس هه
 
لمييييييييييييس، انتبهي يحس انك تضحكين عليه تراه ذكي !!!!!

أنا شمالية وأحيانا يحس علي، لكن بدلعي أنسيه،، المهم هو يحب يكون سبب سعادتك لو حزنتي، سبب بسمتك لو كنتي مكتئبة ،،
صح يحب يلاقي زوجته دايم فرفوشة،، لكن إذا حس انها زعلانة أو مهمومة (شرط ما يحس انه هو سبب الهم!) يحاول المستحيل ليغير مزاجها ويخليها تفرفش، خاصة إذا كانت بطبيعتها فرفوشة!!

وهالأشياء البسيطة تخليه يحس انه فارسك، ممكن تبرمجين عقله الباطن، في موقف جبلك شي أسعدك فعلا أو غير مودك الكئيب،، قوليله شي بمعنى
( انت سبب سعادتي، بدونك مو سهل الواحد يضحك)
أشياء بسيطة من قلبك لكن أعطيها شوية حجم زيادة، مو نفاق ولا تمثيل
هذا السحر الحلال،، أوك؟​
 
بنات سويت الاختبار وطلع زوجي جنوبي شرقي غربي ... يعني الجنوبي 20 والغربي والشرقي 10 و 10 وش يصير يعني ... سويت الاختبار اكثر من مره ونفس النتيجه

صفاته كالتالي :
- في البيت كسوووووووووول جدا وعجاز لدرجة انه ما يقوم يجيب لنفسه ماي ولو ماكنت موجوده بالبيت ممكن ينام من غير عشا كله من العجز انه يتصل يطلب بيتزا

- كل انواع التسويف والمماطله عنده .. جرس الباب خربان من 5 سنوات ما صلحه اللي يجينا لازم يدق جوال عشان نفتح له

- يموت بتجارته يقوم لها مثل الحصان من الساعه 5 الفجر وما يطلع الا 10 بالليل واحيانا يشتغل بالعطله يعني عنده ادمان للعمل

- بالعطله ما يطلع من الغرفه طووووووووول الوقت جالس عند التلفزيون او الانترنت .. انا غربيه وانهبل ابي اطلع مستحيل اقعد كذا محبوسه انجن .. لكن مهما قلت له ما يحب الطلعه ولا المطاعم ولا الكافيهات ... ممل بدرجة غير محتمله

- علاقاته مو كثيره هم نفسهم ربعه يجتمع معهم مره او مرتين بالاسبوع لكن يمووووووووت بجمعتهم مستحيل يفوتها ولا مره حتى لو احد عياله بالمستشفى

- ما يهتم بعياله ولا يطلعهم ولا يمشيهم بس لو طلبوا شي هومقتنع فيه بيشتريه لهم

- في البيت على السايلنت وعند ربعه انواع الضحك والوناسه والفرفشه هو زعيم الوناسه عندهم

- يموت بالجنس وسوالف الجنس والحريم وعينه زايغه ويتكلم عنه كثير
ويحب النكت الجنسية بس بالجنس نفسه ما يبدع ولا يبتكر كل مره نفس الشي

- ما يحب التخطيط للجنس ولا الليالي الرومانسيه يحب الجنس العفوي لما اكون غافله عنه

- بداية الزواج كانت غيرته قاتله لكن الحين ما يغار نهااااااااااااااائي

- اي شي جديد البسه او اسويه يلاحظه بسرعه .. دقيق الملاحظه

- ما يحب التغيير كثير يعني لو سافرنا يبي نفس المكان ونفس المطاعم ونفس الفنادق

- ما يوثق كثير بالناس

- اهم نقطه فيه انه اذا زعلت يزعل ويعصب واذا تركته يومين ثلاثه يجي يدورني ويبي يراضيني باي شي ويوعدني وعوود مشدده واذا رضيت خلاص صار كله كلام وطار بالهوا

أنقر للتوسيع...
-


بنات شرايكم الله يجزاكم خير دلوني :8:
 
عزيزتي المركونة:

الجنوبي الشرقي روتيني و لديه صبر على إنجاز عمله ، بينما الجنوبي الغربي ملول ما يحب الأعمال الدقيقة و اللي تاخذ وقت طويل
- الجنوبي الشرقي غامض جدا و كتوم ، الجنوبي الغربي غامض و كتوم لكنه أكثر تفتحا من الجنوبي الشرقي ، و قد يتحدث عن حياته و مواقفه اليومية لأفراد عائلته فقط ، يعني ما يخبي شي يخصه

الجنوبي الشرقي لطيف لكنه لا يحب الرعاية ، يعني تجده يفقد صبره مع الأطفال ( و يتضح هذا مع الأمهات أيضا ) ، بينما الجنوبي الغربي باله وسيع جدا مع الأطفال ، و أفضل أوقاته هي اللعب و المرح مع الأطفال، كما أنهم حليمين جدا مع كبار السن و العناية بهم ، و هم أفضل نمط لتقديم الرعاية

- الجنوبي الغربي عصري و يحب يمتع نفسه و يحب السفر و الفخامة ، بينما الجنوبي الشرقي غالبا متدين و يحافظ على العادات و التقاليد و يميل للبساطة
- الجنوبي الشرقي يميل للكسل و بطيء الحركة ، الجنوبي الغربي لا يمل من الحركة و سريع نسبيا
- الجنوبي الشرقي لا يغير من حياته و لا يقدم الدعم لنفسه فغالبا ما يحتاج لدعم نفسي، بينما الجنوبي الغربي يحب يطور نفسه و يغير من نمط حياته و يحب التجديد و الإبتكار ويقدم الدعم لنفسه .
 
هلا اخت حنيني ، الف شكر ع المعلومات وجعلها الله في موازيين حسناتك

اختي اسمحيلي بهالسؤال لو تكرمتي

انتي ذكرتي بمشاركتك السابق هالكلام

صح يحب يلاقي زوجته دايم فرفوشة،، لكن إذا حس انها زعلانة أو مهمومة (شرط ما يحس انه هو سبب الهم!) يحاول المستحيل ليغير مزاجها ويخليها تفرفش، خاصة إذا كانت بطبيعتها فرفوشة!!

طيب اذا كان هو عارف انه هو سبب الهم ، كيف يتصرف الجنوبي ؟ وكيف اتصرف معه بهالحالة ؟

وعندي سؤال اخر عزيزتي . اذا طلب مني الجنوبي طلب و ما سويته وكان الرفض بطريقة غير مباشرة عشان حساسيته وزعل ! اش الحل ؟ وكيف ارفض طلبه باسلوب لا يتعارض مع كرامته اللي ممكن يعتبر رفض الطلب رفض لشخصه .

كل الشكر :)
 
مرررره يزعل ويتضايق لو زعلك او عرف انه هو سبب همك !

من تجربتي تصرفه الصمت ويبين بوجهه انه متضايق واذا سألته وش فيك يقول زعلان على نفسي !!!

ما يتأسف الا اذا تركتيه يراجع نفسه وبيتحسف وبيجيك يتأسف منك


******************************************************
معقول مامريتي بهالموقف ؟ يا خت nayz
 
up

وكمان ودي نتناقش من ناحية بخل الجنوبي الشرقي !!!

وكيفية اقناعه :)
 
الجنوبي الشرقي مو بخيل بالعكس مسرف لكن بحكمة
لأنه شرقي : ياخذ اشياء لها قيمه ما يهمه سعرها لذلك يري بأنه لاداعي لأخذ اي شئ ما له قيمه
( يحب الاشياء القيمة الثمينة الماركة ) ولأنه اقول مرة ثانية شرقي لذلك يحافظ على الاشياء فيري انه ليس هناك ضرورة لشراء اشياء جديدة وموجود مثلها لديك لانها ثمينة ما تخرب لها قيمتها
لكن اذا كنت غربية ومن طبعك الملل وتريدين التغيير باستمرار استخدمي معه سلاح الأنوثة الطاغية
الجنوبي الشرقي له بال طويل يحظها فيه اللي تاخذه حنون لأبعد الحدود مع الجميع صغار وكبار
 
والله احيانا احسه يحن علي الناس اكثر مني مادري ليش

لاتطيرونه وتكبرونه اكبر من حجمه احسه شخصيه صعبة التعامل مع اني جنوبيه غربيه

احس الشمالي( الغربي ) احسن شخصيه لانه مو غيوووووووووور لدرجة الجون واحسه كمان مو عصبي لدرجة الجون كمان مثل الشرقي

وش رايكم ؟
 
بسألكم يالشماليات انا غربيه وصوتي اذا عصبت يرتفع وش الحلللللللللللللللللللل ؟؟؟

والله غصب عني بس وقت الطقاق بعدييين اتحسسسسف مررررا ماقدرت اغير هالشي الشين

لاحول ولاقوة لا ب الله
 
الحالة
مغلق و غير مفتوح للمزيد من الردود.
عودة
أعلى أسفل