الجديد بقصتي..ارجوا المساعده

ا

ام ساااااامر

New member
إنضم
2008/10/14
المشاركات
64
السلام عليكم ورحمه الله وبركاته


انا كتبت قصتي قبل شهور وهذي هي للي ماقراها
http://blqees.com/vb/showthread.php?t=276735

والجديد بموضوعي ان زوجي بعد الحين جاء وطلب يرجعني وعرض مبلغ كبير يراضيني فيه .ومرتب شهري مايقطعه ابد على قولته. وانه بيجتهد بالعلاج بأي مكان ابيه.

واهلي يقولون اعطيه فرصه ثانيه يمكن يتغير وانا والله اعرف انه مستحيل يتغير واصريت على الطلاق وقلت ما ابي الا ورقتي فقط .قال بعطيك شهر تفكرين وتردين علي قلت مايحتاج راي هو نفسه .وطلع وقال ابوي فكري شهر وبعدها سوي اللي تبينه .
كل ماستخرت لقيت نفسي مصره على الطلاق .انا سعيده بأن موضوعي قرب يخلص واتطلق.لكن بنفس الوقت افكر بمستقبلي لأني ما ابي اتزوج معدد ابد. انا مره مشتته ومو عارفه ايش اسوي على الرغم اني اعرف ان الأرزاق بيد الله لكن انا غياره مستحيل اقبل احد يشاركني بزوج.

ابي رأيكم حبيباتي ولكم كل الشكر لتفاعلكم معاي بموضوعي الأول.

يارب فرجك....
 
شوفي توني قريت قصتك اقترح انك ترجعي لزوجك لانه باين عليه طيب
بس يعاند شوي وتسوي جدول علاج ويشرفو عليه اهلك عشان مايلف ويدور وماترججعيله الين تنقلي
بيتك للمدينه يعني يجهزلك بيت بعدين تنقلي هاذا رايي
احسن من تتزوجي واحد معدد او واحد ماتعرفين عنه امكن يجيك اردى من الاول وبالاول والاخر استخيري
والله يوفقك​
 
في ذا الزمان البيوت مليانه من البنات استخيري قبل لا تندمين خاصه انه شاريك ويبي رضاك
 
ماخاب من استخار

خذي لك عمره وادعي ربك بالثلث الاخير ولاتطلعين من الحرم الاوانتي مطلعه كل اللي في قلبك وقولي يارب لاتخيب ضني ورجاي وصبري

وبإذن الله بتشفين ان امورك تسير بسرررررعه وللافضل
 
يااختي انت توك صغيره ولسه العمر قدامك
لكن اقولك ترى العمر محدد للمراء بمعنى
هل عندك صبر الى ان يتعالج؟
وكم مدة علاجه؟ الله العالم ممكن شهر ممكن سنه او اكثر
حبيبتي احسبيها صح وانت قرري....
وانت ان شاء الله مستخيره بامرك هذا واتبعي
ماهو مستخار لك من راحه لبعده او شوق لرجوعه
الله يوفقك ويختار لك الصالح
 
لاتتسرعين
خصوصا انه يبغه ينفذ طلباتك
الله ييسر لك استخيري
واعطيه اخر محاوله
واطلبي انه مايسافر الامعاك
 
قريت قصتصتك بصراحه حاولت الاقي شي يشفع له مالقيت

اسألي نفسك انا في بيت اهلي بدون زوج ومرتاحه وفي بيته بزوج ومضيق علي

استخيري الله وشوفي ايش انتي كسبانه من وجودك على ذمته

انا لعتقد ان الطلاق اخر الحلول اذا كان مافيه الا هو

وممكن من طول ماقعدتي في بيت اهلك نسيتي وضعك بالآول

انا ما احرضك على الطلاق لكن ممكن تضيعي سنوات من عمرك اكثر من الي راح

اعيد واقول استخيري الله وادعيه يختار لك الصالح من امرك​
 
الله يجزاها الجنه كل تفاعلت معاي وردت علي وكل من قرأت قصتي.والله ييسرلي الصالح راح اسبوع من الشهر ومازلت لا ارغب بالعوده.
 
كم لكي سنه متزوجه وش سبب عدم الانجاب وانا للي ارسالتلك على الخاص بخصوص خالتي وانتي ادرررررررررررر
 
ام سامر
عليك بالدعاء بالدعاء الدعاءءءءءءءءءءءء
والله لو انك جلستي جلسة مع ربك بالدعاء اثنا السجود وقلتي كل اللي بخاطرك والله والله والله مايخلص سنة الا انتي على بينة الله سبحانة ما ينسى عبده الا اذا عبده نساه
كل اللي بخاطرك قوليه لربك بالتضرع والخشوع وان شاء الله
يكتب ماهوه خير
الله يكتب مافيه الخير والصالح لك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل