التفكير في ..... ذابحني ساعدوني ارجوكم

ك

كتكوتة زوجها

New member
إنضم
2011/02/15
المشاركات
6
صباح الخير
كيفكم ياحلوات انا اول مره اكتب موضوع مع اني متابعتكم
من زمان
انا عندي مشكله واتمنى تفهموني وتنصحوني
وبلييييييييييييييييز بلا تجريح الله يخليكم
انابكتب موضوعي هنا لاني اثق فيكم كلكم
واحس انه عقولكم كبار والله ماهي مجامله
ويشهد علي ربي اني استفدت منكم كثير
المهم
انا متزوجه من سنتين ونصف ,
خلوني اقلكم القصه من اول شي
من يوم وانا في رابع ابتدائي وانا احب ولد وعمي
وهوه بعد يحبني هوه اكبر مني 4سنوات
ههه تعرفون حب الصغار مايدرون وين الله حاطهم
كبرت وكبر حبنا سنه ورا سنه
وكان هوه كل حياتي وكل تفكيري تخيلو شي انزرع جواتي
وكبر معي يوم صرت في المتوسط صار كل اللي حواليه يدرون بحبنا
والكل يعلق علينا انه خلاص احنا لبعض
بس لين نكبر ونتزوج
وكبرنا هوه تخرج من الثانوي وراح توظف
وانا بس كنت اقول متى اخلص عشان يجي يتزوجني
وامه كلمت امي وصار الموضوع جدي
بس قالو لين يكون نفسه
بعد ماتخرجت من الثانوي
جلست في البيت يمكن سنه
والخطاب يكثرون والله ماابالغ واولاد عمي كثير غيره
خطبوا وناس من اصحاب ابويه وكثير ودايم ابويه يقول
هوه لسى بيطول مابجلس ارد الخطاب
وانا قلت لالالالا ماابتزوج الا حبيبي
امه كانت تحبني كثييييييير وتقول مابغى الا انتي لولدي لاني ادري
يحبك وانتي تحبينه
وهوه قال انتظريني وكنت واثقه فيه اكثر من نفسي
المهم ماكان نصيبي:8:
وجاء واحد من اقاربنا وبويه كان كثييييييييير
يحبه لانه رجال فيه خير
وجاءوماحسيت نفسي الا مملك عليه
مع انه كان برضايه
وكنت وقتها احس اني في حلم
وكل شي صار بسرعه الملكه وبعدها الزواج
بعد 3شهور بصراحه اول شي استخرت وارتحت كثير
والله اول ماشفته في النظره الشرعيه كثير ارتحتله
وتزوجنا وكان زواجنا مره حلو ورحنى شهر عسل
في ماليزيا وانبسطت كثيييييييييييييير
ومن جد حبيت زوجي من كل قلبي وهوه بعد حبني
مع انه بينا عشر سنوات
وكان اول الزواج يدللني ويخاف عليه احيانا احس اني بنته
بس احساس حلو
واستمرينا في حياتنا الحمدلله والشكر
حياتنا كثير مستقره الهم لك الحمد وكل يوم
احب زوجي اكثر واي شي اطلبه يعطيني ومايبخل عليه
بشي ماشاءالله


لكن يابنات المشكله ان حبيبي الاول مايروح من بالي دايم اتذكره
واحيانا احلم فيه يبناااات والله ماهو بيدي
ماقدر دايم اتعوذمن الشيطان
واقول معاد بفكر فيه وماالقى نفسي الا افكر فيه
طبعا ابدا ماني محسسه زوجي بشي
بس انا تعبت ابغى انساه كيييييييييييييييف
ابغى يطلع من ذاكرتي نهائيا وش اسوي
 
التعديل الأخير بواسطة المشرف:
امممممم الله يكون بعونك... انا تقريبا زي مشكلتك...امممم انتي اكيد تفكرين فيه اذا كان بينك وبين زوجك مشكله بسيطه او سؤ تفاهم او زي كذااا؟؟؟
لكن لازم تقنعي نفسك انووو الخيــــــــــر والخيره في اللي اختاااره الله لك.....واحمدي ربك...واستغفري كثير والله يكون بالعون
 
كلنـــــااا حبينا ناس وصاروا من نصيبنا ناس ثانين :)

اختي : لكل بدايه نهايه وإنتي نهايتك مع ولد عمك خلاص انتهت ،
وحطي ببالك أنه صار مااضي وزوجك الان حاضرك , ومستقبلك وابو عيالك :)

و من الطبيعي ان ولد عمك يمر بذاكرتك لأنه حُب طفوله بريئ وكـان حلو بس .. انتهى
وصدقيني مع مرور الايـااام ربي راح يرزقك بـ نعمة النسيان وراح تنسينـه .. وبس لمن تتذكرينه تبتسمين فقـط ، ما تحنين زي الحين .. :)

دام ربي رزقك بزوج يحبك فـ فكري فيه هو وحافظي عليـه ..

والله يوفقك عزيزتي ويسعدك يارب ​
 
حبيبتي نفس حالتك كثير من البنات بس شوفي اولا اجعلي الله امام عينيك واعلمي ان الخيره فيما اختاره الله كثير اعرفهم واسمع عنهم وحتى اقرا عنهم بالمنتدى انه تزوجوا عن حب وبعد الزواج صارت حياتهم ممله وفي فراغ حبيبتي احمدي الله دام زوجك يحبك ويهتم فيك واذا طرا في بالك حبيبك تذكري انك تخونين زوجك وحبيبك الاصلي وان الله يعلم مافي نفسك بعدين لازم تقتنعين انه شي مستحيل لانك الحين على ذمة رجال والنصيب يصيب الله ماكتبه لك سبحان الله لحكمته في امورنا
كل ماطرا في بالك تعوذي بالله ومع الوقت والعشره الطيبه بتنسينه

الله يوفقك ويسهل امرك ويسخر لك زوجك
 
دامك تحبين زوجك وحياتكم حلوه وماشيه ما أشوف تفكيرك بولد عمك مشكله عادي اصلاً طبيعي تفكرين ويمر في بالك لاكن انتبهي تسوين مقارنات ماتدرين بعد يمكن لو كنتي ماخذه ولد عمك ماعشتي سعيده كذا ارضي بنصيبك وقولي دايم اللهم لك الحمد كماينبغي لجلاك وجهك وعظيم سلطانك,,وقوليالحمدلله ان فلان صار من نصيبي وصدقيني بترضين,, يعني دايم استشعري النعمه اللي انتي فيها.,,,
 
هذا الشيطان وزوجك لالالايقرا مشكلتك وبعدين تعرفين إن الله حق أنت أستخرتي والله أختار لك اللي فيه خير لك
 
يعور الحب ويقتل احيانا
عشان الوحده قبل ما تقع في هذا النهر ويغرق
لا يحب ولا يمشي وراء عواطفها ومشاعرها حتى لو كانت صادقة
ربي يكوون في عوونك
 
الحمدلله انك مبسوطه وصدقيني هذا كله من الفراغ يعني املئ وقتك عشان لاتفكري وترى الشيطان مامات موجوداستعيذي بالله
 
الله يعطيكم العافيه وان شاءالله اني انساه
لا ابدا مافكر فيه بس اذا صار مشكله
كذا هوه احيانا يخطر على بالي
وابدا مااقارن فيه ابدا ولا يخطر في بالي
اني اقارن
لكن الله يعيني
وانساه
ادعووووولي ان ربي يرزقني بالذريه الصالحه
يملا عليه حياتي
 
حبيبتي لا تخلين الشيطان يلعب فيج ولو كان هو من نصيبج كان تزوجج بس الخيره في ما ختاره الله وما تدرين يمكن لو تزوجتي ولد عمج يمكن تعيشين معاه في نكد وهم حبيبتي حمدي ربج ورضي بنصيبج وحافضي على بيتج وزوججوالله يسعدج ويسر امرج
 
الله يرزقك الذريه الصالحه الي تنسيكي اياه بس عارفه انا انه اهو مجرد ذكرى جميله تطري على بالك مثل الذكريات الحلوه بحياتك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل