التغيير بالقوه ..؟

[moon sonnet]

::

::


حبيباتي ابغى اوصف لكم وضع .. واتمنى كل وحده تكتب ردة فعلها ..

وبأحاول اطول بالي.. واحسّن اسلوبي عشان ما تدخل لي وحده برد ماله داعي .. :smoke1:

ومن الحين .. اللي بتكتب لي تعليق ماله علاقه بموضوعي بأرد عليها رد تستاهله ..و بأدعي عليها قبل نومي ..

كذا ..

عشان تعرف أن الله حق .. وتعرف قاعده ( قل خيرا او اصمت :shutup

::

الوضع كما يلي ..



انتي توك عروس .. اهلك دلعوك .. ولك عاداتك الخاصه ولك ستايلك الخاص ..

دخل عليك زوجك اول يوم وبدل ما يجاملك او يقول لك كلمه حلوه.. قال لك ..


عباتك ما اعجبتني .. ابغاها على الراس .. ومعها قفازات وشراب .. وش تسوين ؟


( مع العلم ان العبايه اللي شافها صحيح على الكتف.. ولكن محتشمه ومحترمه ولا تظهر الجسم ولا الاكتاف وغير مزينه )
..

تخيلي دخل عليك وانتي لابسه ستايل معين وبتستعدين تروحين برا .. قام قال لك غيري هاللبس ..

وش هذا ...؟ ذراعك ظاهره .. تبغين تفشليني ..؟؟

وسوا لك خناقه طويله عريضه على بلايزك .. وخرب الطلعه ؟؟

..
تخيلي شافك لابسه بنطلون داخل بيتك او لبس حلو قصير ما قصدتي فيه الا اغرائه والتجمل له .. وقام قال لك بكل " وقاحه" ليه ما تلبسين قمصان زي العالم والناس ؟؟؟


( العالم والناس يقصد فيهم " عجايز اول .. واخواته" )

..


تخيلي تتنكد عيشتك بسبب لبسك ..

تفتحين دولاب ملابسك .. وفيه كل الماركات .. وكل الاشياء الحلوه والغريبه ..

بس ما تقدرين تلبسين اي شي منها .. ؟؟!! حتى لو رايحه لأهلك ..محرومه منها وممنوعه عنها ..؟

..


1- تعاندين وتلبسينها ..؟

2- تحرمين نفسك وتسمعين كلامه وبدل التطور ترجعين ورا ؟

3- تناقشينه ( مع انك ما تقدرين تقنعينه)

::


اتمنى الاقي ردود صريحه وواقعيه ..

الا اذا بينكم وحده ما تلبس الا القمصان وريحتها بصل طول اليوم .. اعفيني من ردك تكفين :nosweat:


:::



كل الحب حبيباتي

 

[wild angel]

أعتقد أنك لن تستفيدي من المعاندة واللبس لأنه سمنعك من الخروج وانت الخاسرة في النهاية ...
أعتقد المناقشة والصبر والتكرار سيفيد في النهاية ... زوجك كما يقول المثل (( يحاول أن يذبح رأس القط من أولها )) وهو يريد أن يفهمك أنه هو المسيطر من البداية ... أعتقد إبدئي بلبس البيت الذي لا يعجبه وإن علق حاولي تتدلي عليه وتقولين له كلام حلو ..

لا تعاندي بل إعملي ماتريدين وبمكرك إجعليه يظن أنه مايريده هو ...

 

[moon sonnet]

::

wild angel الله يعطيك العافيه .. والف شكر على تفاعلك يا ملاك..

نعم العناد لا يفيد .. لأنه هو العنيد ..


:..

طيب.. اعديها .. البس اللي يبغاه . وبعدين ..؟؟


هل اعيش بلبس ما تعودت عليه .. ؟؟ ليه ما اقدر البس ملابس زي بنات خلق الله ..؟؟ وحسب مزاجي انا ..؟


...


يعني عجيبين هالتماسيح ..

اللي يسافر بروحه ويترك زوجته ما يكلمها ولا يطمنها .. تقل ما يعرفها ..!

واللي ما يبغاها ترد عليه بنص كلمه ..


واللي تلبي له رغبات ومع كذا ما يملى عينه الا التراب .. يعاكس ويواعد ..

واللي واللي ..



الله ينصرنا عليهم وبس

 

[البعد همي]

اختي انظري للملابس منحيث الحشمه اولا يعني ان كانت ماهي عاريه ولاشفافه ولاضيقه هذه مافيها شي وما له حجه يقولك لاتلبسيها اما ان كانت غير ذلك فهناك له الحقفي منعك والتطوريكون بالالتزام وليس البس مايحلو لي حتى لوكان محرما واقولكذا التطور بل التزم بالشرع وبعدين لو عيب على ملابسك داخل البيت قوليله اتزين لك وانت حلالي وهذا شي ربي حلله وليس للبشر الافتاء فيه لانه امر واضح وهذا الامر نعني منه جميعا ليس انت فقط والله يعينك

 

[الدميلة الدمال]

مساء الخير
انا اول ماتزوجت صار لي نفس موقفك ماعاندت زوجي ابد بالعكس كنت اسمع كلامه لدرجة كنت اكلمه استاذنه بلبس البنطلون في زياراتي لما اكون عند اهلي وكان يرفض وكنت البس زي ماكان يبي, قعدت على هالحالة لمدة سنة تقريبا لدرجة عمتي كانت تقول لي صايرة كأنك عجوز بهذا اللبس وكنت اسكت واتحمل لما اشوف كل اللي حولي يلبسون اللي يبون وانا لا..
لكن الشهادة لله ما كان يمنعني البس اللي ابية في بيتي
الحين مع الوقت والاقناع صار يخليني البس اللي ابيه(قولوا ما شاء الله)
نصيحتي لك الصبر ثم الصبر ثم الصبر ولاتعاندينه وتنكدين على نفسك وعليه عشان لبس
وبعدين معروف ان اول سنة هي اكثر سنة تتعبي فيها لانكم تبدون تتعرفون على طباكم وشخصياتكم ومع الوقت لما يفهمك وتقنعيه راح يسمح لك تلبسي اللي في بالك....

 

[احاسيس بريئة]

مساء الخير

انا بلبس قمصان وريحتي بصل طول اليوم ممكن اعطي رايي؟






ههههههه بمزح بس حتى تضحكي وتنسي همك شوي


بس لاتزعلي مني وتدعي علي

صدقيني كلنا عندنا هموم تكفينا وتزيد .....






المهم عزيزتي وضعي يشبه وضعك

انا اعيش في بلد اجنبي ولازم نساير طريقة حياة اللي حولنا بس طبعا بما يرضي الله

صدقيني زوجي بهدلني بطريقة اللبس صايرة متل النوَر
كل شي لا يعجبه

مع اني ما كنت هيك ابل الزواج

الله يعيننا على هالرجال بس

بس برأيي المناقشة حتى لو ما اقتنع ,مع الوقت يلين دماغه

واذا علاقتك جيدة باهله وفي حدا منهم بيسمع منه زوجك حاولي تشرحيله شوي حتى يساعدك

بس طبعا كل هذه التصرفات بحاجة للذكاء ...

وما شاء الله عليكي باين من اسلوبك انك ذكية وعاقلة



​

 

[moon sonnet]

::

مشكورات على تفاعلكم حبيباتي ..

..

البعد همي

الله يفرج همك يارب ..

والله الحشمه موجوده الحمدلله .. انا من عائلة محافظه وحجابي يعتبر كامل ويحقق كل الشروط الشرعيه ..

الشفاف والقصير في بيتي بس مو عند الناس .. بس احيانا البس بلوزه " ربع كم" وما يعجب فخامته استغفر الله ..

.....

الدميله الدمال


الله يزيدك حسن وجمال ودلال يا عسل

ما شاء الله عليك الله لا يغير عليك يارب .. انا مشكلتي مو صبوره .. ولساني مفلوت احيانا أسأل الله يهديني بس ويعينني على بعض طبايعي ..

شكلي بأمشي على طريقتك .. وبأجرب ..

بس اخاف يكتمني افضل من اللازم ويظن انه خلاص تحكم فيني .. امووت قهر عاد فوق القهر الي انا فيه ..!!

..


..



الله يسعدكم يا رب .. ويحقق امانيكم ياقمرات

 

[بنوته كلها حزن]

عاد مره قالي لاتلبسين هاللبس وماقلت ولا شيوغيرته بالعكس استانست لن يغار علي وما عمره كلمني بلبسي داخل البيت وعارضني مرات لمن اروح بيت اهلي يقولي شاللبس اقوله رايحه بيت اهلي عادي مايقول شي بس اذا انا عارفه لبسي فيه شي واهو ما اعجبه اغيره بدون نقاش

 

[moon sonnet]

احاسيس بريئة

تأبري ألبي انتي

الله يسعدك يا عسل .. مرورك جدا جدا اسعدني ..


الله ييسر لك امورك ويصلح لك زوجك ويهديه يارب

 

[moon sonnet]

::


بنوته كلها حزن


الله يفرج همك ويبدل لك الحزن فرح وسرور يارب

يحّز في نفسي حرماني من الاشياء الطبيعيه اللي البنات يتمتعوا فيها .. وكنت انا كمان اتمتع فيها ..

كل اللي حولي متهنين بحياتهم وسعداء ..


حياتي ما ينقصها شي الحمدلله .. وتجي مسألة اللبس عشان تثبت لي اني مبتلاه .. وقاعده اطلب النصح من الخبيرات في هالحياة في موضوع تافه..

..


الادهى والامر.. اني ما تزوجت صغيره .. والا كان قدر يغيرني واغيره ... انا واياه ناضجين كفايه .. يجي يغيرني ليه ؟؟ وش اللي يجبرني اتحمل السيطره هذي .. ؟!


..


كل الحب يا عسل

 

[بنت قبايل]

من احيه لساانك مفلوووت انا ملاحضه هالشي ...:bleh:

بس تراه ماراح يفييدك مع نوعيه زوجك تبي نصيحتي قولييله انشالله ولبييه وانتضري شوي بالييل لمن تكونوون مع بعض في وضع رومنسي قولييله وققي بكلامي ( حبيبي انا لو تطلب مني الشمس اجييبها لك والله لا اجييبها وعيني مغمضه لو تطلب عيوني ماتغلى علييك انته حبيبي وكلمتك على راسي وعلى عييني وانا ماااودي ازعلك بشي لانك انته الغالي ومافي اغلى منك ورووحي وقلبي وحيااتي كلهااا انت بس حبيبي انته تعتبرني انساانه او لا ؟

اذتا قالك اكييد انساانه قووليله حبيبي انا مستعده اسوي كل الي تبييه لكن انا ودي اتجمل لك انته انته بو عياالي وحبيب قلبي الناااس بلعنه عنهم ماشافووني حلوه لكن ودي اكون حلوه بعيووونك فممكن تعطيني فرصه اتجمل لك )

وانشالله اقدر افييدج جربي واذا مافااااد منتي بخسرانه شي :tears: بس الحمدالله انا بحكم اني في دوله متفتحه فزوووجي لو البس شنو واطلع مايقولي شي بس ليين بغييت شي ماعطااني اياااه اعطييه من كلام حوا

 

[عهد علي]

هلا حبيبتي moon sonnet
بصراحة زوجكِ يرفع الضغط ..
بس بأقول لكِ شغله ..
أنا وحدة قريب زواجي وأقول لزوجي من اللحين أي شيء تربيت عليه في بيت أهلي راح أبقى عليه لين أموت .. مو يجي يوم من الأيام تقول لبسك فيه .. شعرك ماتقصينه وعباتك مو عاجبتني ولازم تلبسين شراريب وجوانتي ..

هذا الكلام مايمشي معي ..

بس في حالة مثل حالتكِ مو كل شيء أسويه

مثلا إذا صرت بروح لأمه ألبس دراعه لأنها راح تاكلني بقشوري لو لبست بنطلون قدامه
بالنسبه للعباية فيه نوعيه يقولون عنها عباية راس كتف حلوة مرة

وفي البيت قولي لو أجلس عريانه ما تدخل بلبسي أنا حرة في بيتي أسوي اللي أبيه

"غريب زوجك بصراحة أول مرة أعرف عن رجال يتضايق من لبس البنطلون في البيت


وإن شاء الله يعجبك ردي ولا تفشليني بريحة البصل :harhar1:​

 

[دلع نادر وجوده]

اسلوبك بعرض موضوعك جونآآآآآآآآآن

ابتسمت لشقآوتك:harhar1:

شوفي برأئيي ان يبي لك بس تسايره
والرجال اول سنه يحب يحس ان مسيطر على زوجته
وانو الكل بالكل
لكن انتي خليك ذكيه ومدام توك عروس


لاتنكدي على روحك

اسمعي كلامه وقولي له ان شاء الله
وهي فتره وبتعدي
ولا عاد بيهتم بشنو لبستي وشنو خليتي


:icon31:شقآوة

 

[moon sonnet]

::

بنات .. والله ما كتبت التعليق اللي في الاول وما علقت بخصوص بعض الردود الا بسبب بعض البنات الله يهديهم .. يدخلون يهاوشوني ويطلعون .. تقل جبت سيرتهم بشر !!!!!

..

ضحكتيني يابنت قبايل الله يسعدك

انا بأجرب طريقتك الله يسخر لك زوجك ويصلحه لك..

وياارب تنفع ..


..

هلا عهد علي

انا بعد تفاجأت بشخصيه مثل هذي ..!!1 بالمرة شي مو طبيعي .. !! وش تحسبين كل هالمقاومه والهواش .. يا مامي .. !!! من جد انا انفجعت !

الله ييسر لك زواجك ويسعدك يا رب ..

انتي طالما توّك ما دخلتي " السجن" الذهبي .. افرضي شروطك من البدايه .. والا الله يرزقك احسن منه يخاف الله ما يخاف التقاليد ..قبل تطيح الفاس بالراس مثلي ..

سرني ردّك يا قمر

...



هلا دلع نادر وجوده

انتي اللي جوناان يسعد لي قلبك يا عسل

تراني مب عروس جديده .. لي سنه خلاص.. جربت التعذيب فوق الاثنعش .. طقاق حول اللبس ..

كل الناس تحبني .. واهله يموتون علي .. وهو مو عاجبه العجب !

وان شافنا رايقين طلع لي سالفه اللبس عشان يخرب علي ..!

انا اعترف ان غلطتي من البدايه ما سايرته واخذته على قد عقله .. احسبه مثل قرايبي وعيال عمي .. متطور ومثقف وعاقل ..

الله يهديه ويهدي ازواجنا جميع يارب .. ويصبرنا عليهم

:::::


الله يسعدكم يا قمرات .. من جد اسعدني سماع اراؤكم .. والحمدلله مافي كلاشات اليوم

 

[MEEMO-11]

زي مانتي متعوده على وضع معين في اللبس وغيره

هو بعد نفس الشي

فانتي ابدي معه حبه حبه

يعني مره البسي زي مايبي

وشوي شوي انتي ابدي تغيرين اسلوب لبسك
اول مره بيرفض اللي بعدها بيرفض اللي بعدها بيسمح لك

هذا بالنسبة للطلعات

اما اذا انتي عنده في البيت صح انك بتكونين متجمله له وبيصدمك بردة فعل مالها داعي

قوليله انا ماني عند غريب انا عند زوجي ويحق لي البس اللي يبي بأسلوب هادي ومقنع
مره عن مره خلاص


زوجك اتوقع انه من النوع اللي يبيله طولة بال

طولي بالك عشان ترتاحين انت في النهايه


والله يسخركم لبعض

 

[زرقاء نجد]

انا من رأيي تلبسي اللي يعجبك بس يكون ساتر شكله يبي الستر
ولاتضيقين صدرك ترى الدنيا ماتسوى وانبسطي وفرفشي واكشخي ولا تقارنين نفسك باأقاربك ترى المقارنه تقتل ولا تنسي كل عنده همومه يعني انتي همك انو مو كل شي يعجبه ناس عنده ا

 

[الملقى]

الله يفرج همك

 

[احمديه]

الله يكون في عونك حبيبتي وانا بعد اعاني من نفس المشكله
بس في البيت عادي البس زى ماابغى

 

[الملقى]

وينك ياكيرن نحب مشاركاتك

 

[الملقى]

وينك ياابلا كراسه ماعرفتيني