التعامل مع اهل الزوج

[Moon_light_2009]

السلام عليكم حبيباتي

ممكن تعطوني نصائح بخصوص التعامل مع اهل الزوج .. الحمد لله ام زوجي وحده طيبة و تخاف ربها بس وحدة من خواته احيانا شرانية و هي قريبا بتنتقل للسكن في شقة ملاصقة لي. .

طبيعه شخصيتها تتدخل في اللي يخصها و اللي ما يخصها .. و مشكلتها عنيدة يعني لما تصر على شئ تحاول بكل الطرق حتى تنفذه .. اكثر مشاكلي معاها هي بخصوص الابناء..تتدخل في تربيتي لابنائي و انا ما احب نظامها في تربية ابنائها لانه فيه حرية زيادة عن اللزوم يعني ممكن الطفل يسهر لحد الفجر على التلفزيون يشوف رسوم متحركة.. و يطلع من البيت مع ربعه و ما يبقي مكان ما يروحله مع ربعه مشي و يرجع اي وقت يريده.. بالمناسبة عمر اكبر اطفالها و اللي الحين اكلمكم عنه هو 9 سنوات فقط !!!

الصراحة ما عارفة كيف اتصرف معاها .. في الاول تهاوشت معاها و تخاصمنا فترة لانها كانت تشتكي علي عند زوجي على اتفه الاسباب (تريدني اكون على هواها ما عندها شغل غيري) .. و حطيت تعاملي معاها سطحي بحت بعدين اعتدلت و صارت معاملتها افضل و تدخلها اقل.. الحين بدانا نحتك ببعض اكثر و خايفة من الجاي لانها اول ما كانت تسكن قريبة مني بس الحين بنكون قريبين من بعض..

كيف تتصرفوا مع اهل الزوج و تعيشوا بدون مشاكل مع الحشريين ....:surrender:

و مشكورات مقدما حبوبات و الله يوفقكم جميعا في حياتكم ..

 

[بقعة ضوء]

الله يعينك على هالحرمة

بالبداية حطي قوانين لعيالك ولزاراتكم لهم وزيارتهم لك

يعني مو كل وقت تطق بابكم وتدخل ,,, لازم يكون معكم خصوصية

وإذا كانت جالسة معك حاولي ماتتكلمي ولا تجيبي طاري لعيالك ,,, وممكن تألفي قصص عن خطف الأولاد ومخاطر السهر برا البيت عشان تخاف على ولدها وتخفف الحرية الزايدة ,,

 

[@فرحه وانتهت@]

خليك رسميه معها جدا جدا
وزياراتك لها قليله جدا ..
حتى العيال لا ترسليهم يلعبوا مع العيال الا قليل......واحسن اذا كنتي معهم..
بيتك لك خصوصيه يعني لا تدخل غرفة نومك ولا تفتش باغراضك..(لا تتجول بالبيت براحتها لها مكان محدد)
هالاشكال ماينفع معهم الا كذا...اسالي مجرب...