التعاملات المالية بين الزوجين .. ارجوكم الناضجة ترد عليا واللي عندها خبره من العشره

[مليك قلبي]

استفدت من موضوووعك ياعسل

الله سعدنا ويوفقنااا


انا نفسي اعررف هل من صفات الجنوبي البخل


نفسي اقنع انه مش بخيل

 

[الصبوره]

ما أدري أختي شو سويتي لكن من رأيي بما إن ظروفكم صعبة الحين ما في داعي تاخذين البطاقة لكن لازم تتكلمين معاه وتتفقون على اللي تبغينه مثل إنه ما يرفض يعطيكي لما تطلبي وتذكري أختي الحياة الحين غالية و990 ما تكفي وهو رجال أكيد عشان يحس إنه انسان مسؤول لازم يكون عنده مبلغ مطمئن شوي .
حاليا إنت اصبري وإن شاء الله بعد التعيين بتحققين كل اللي تبغينه أما الحين فزوجك محتاج لفلوسك وإنت على كلامك هو طيب وزين معاج فلا تخربين علاقتكم عشان الفلوس. إنت بس بين الحين والآخر ذكريه إن الوضع بعد التعيين بيتغير وما بتعطينه بطاقتك ولازم ما يعتمد عليج حينها أما الحين فلا ما يستاهل.

وعلى فكرة الجنوبي الشرقي بخيل شوي مو بخل البخلاء بس هو ما يصرف إلا في الأمور اللي يحس إن منها فايدة وما يعطي إلا لللي يستاهل ويقدر ويتفهم الظروف أما غير ذلك فلا،وإنت بما إنك شمالية غربية فممكن تعلمينه كيف يتخلص من هذه الصفة السيئة اللي في نمطه لأن الشمالي الغربي كريم وما يفكر في الفلوس إذا عنده.

الله يوفقك وطمنينا عليج

 

[نــــونــــي]

حبيبتي شو الفرق بين الموظف والطالب؟؟

دام هو عنده راتب ينزل على حسابه لازم ولازم يصرف عليج وبدون ما يلمس ريال واحد من جيبج
لو يتسلف من اهله بس اهم شي ما ياخذ منج

انا مابي اخرعج واقولج باجر بيسوي وبيسوي لاني ما اعرف الغيب بس انا اللي اعرفه اكبر غلط انج تصرفين على زوجج وبطاقتج لازم تكون في جيبج

انا مزوجة وطالبة وزوجي موظف وحالته المادية مافي اخس عنها وعلى هذيه يصرف عليي ويشتريلي اللي ابيه حته لو قصراه بس اهم شي مايقصر معاي ولا يتمنن عليي
صح اوقات يحتاج واعطيه بس مو كل مرة عيد

انا ماقولج كوني بخيلة ولاتساعدينه بس يوم عن يوم بيتماده وقوليله انت تزوجتني وانت اللي ملزوم تصرف عليي وعلى البيبي وعن بطاقتج اخيها منه واذا حسيتي صج قاصره فلوس عشان اييبلج شي ذيج الساعه انتي روحي سحبي منها وعطيه


........... الله يصلح بالكم و ايسر لكم اموركم .............

........... الله يبعد عنكم المشاكل ان شاء الله ...........

 

[شجن جدة]

انتي قولي انا ابغى صرافتي بهدوء لان البيبي له احتياجات وانا بعد انتى ماتعرفها ويااختي الدنيا صارت نار وربي ماالومة 2000 وش تسوي بالزمن ذا الله يعينكم انتي قولي مثلا اعطني من مصروفي 500 واذا جاء البيبي خلاص هات الصرافة الله يرزقكم يارب وصدقين بداية الزواج الحياة تكون صعبة وقولي لة اذا توضفت اقولها لك من الحين صرافتي ماراح تاخذها

 

[منعشة]

غلطااااااااااانه يا اختي .. و غلطك هذا ما جا الا من طيبك و قلبك الحنون .. و هذي اكبر مشكلة لما الطيبة تنفهم بشيء ثاني

و على فكرة ...... اسحبي كلامك معاه على ان مصاريف البيبي عليك .. هذا ابنه و راح يحمل اسمه .. مو اسمك انتي .. خليه يتحمل مسئولية البيبي و انتي كمان اعتمدي عليه اذا صار في مجال .. يعني اذا حسيتي ان في يده فلوس زايده .. طيريها من ايده .. اغراض للبيت .. ممكن تطلعون عشا برى مثلا .. او اي شيء

 

[أطعم بنوتة]

حبيبتي

بطاقتك خذيها منه..ولاتعوديه يمد يده على فلوسك..ومساعدتك له انك تتكفلي بنفسك من ملابس وغيره اما البيت هو المسؤول مش انتي واذا هو موقادر يفتح بيت ليه يتزوج؟؟

انتبهي حبيبتي واياك يتعود على انه ياخذ فلوسك وقولي له مفروض انت تصرف علي بالكامل بدون مساعدتي وانا تكرما مني لين تتوظف بتكفل بلبسي ومصروفي

وربي يساعدك
----------------------------------------------------------------

8
عجبني ردهاا​

 

[دلوعة مملكتنا]

اممممم مدري بس ما تدرين وش الظروف بعدين ممكن بعد مايتوظف يقدر لج وقفتج معاه ويرشج بالفلوس رششش

كلنا بداية زواجنا كان مصروفنا 500وقاعدة عند اهلي

وبعد الزواج سنة وشهرين صار عندنا بيبي واشتغل بالشرطة

وانا دخلت الجامعة وربج يسرها
وتخرج وراتبه خيااااااالي وانا كان عندي راتب وماشاللهمشت الامور

بعد سنين صار عنده فلوس ودخل من الاسهم يعطيني مبالغ اللي اطلبه مهما كان يعطيني ولا يقصر علي يقول ما قصرتي معاي قبل تستاهلين


ماعليش حبيبتي استحملي ومن يتوظف وتتوظفين احكمي عالظروف ورتبي امورج المادية

 

[زهرة في الصحراء]

هلا بك يا قلبي
اسمعي مني نصيحة
خذي بطاقتك منه ما كنك مخططه على اي شي
كنك تنظفين او ترتبين محفظته وخذيها واسكتي
واذا سالك عنها قولي ايه كنت ارتب واخذتها عادي ليش فيه شي ؟؟؟
سوي نفسك عبيطه مرررره

ولو قال شي قولي ابغى مثل صاحباتي واخواتي ببطاقتي بمحفظتي

نصيحة لا تعودين تصرفين عليه

وهو وش عنده تكفين ؟؟؟
ودام انه مو قادر على الزواج ليش يعرس ويفتح بيت

وترى لو انك اميرة هو مجبر بالصرف عليك

ولا تقولين له مصاريفي انا والبيبي علي
خيرر انشاء الله

وهو وش حاجته يدور له خارج دوام ويشتغل ويصرف عليكم

بس لا تحسسينه باي شي نهائيا حتى ما يحقد عليك
سوي نفسك عادي
قولي انت رجال وابوك اللي يصرف عليك مو امك انت ساكن بحلال ابوك

ولو طينها معك قولي خلاص ابطلب من ابوي يدور لي اي شغله مشغل اديره او اي وظيفه او اطبخ وابيع

حتى تهزينه هز من جوى
وطبعا لا تسوينها

وبرضه ارجع اقول لك لو صارت بطاقتك معاك انتبهي لفلوسك واجمعيها لا تظيعينها قسم محد ينفعك ​

 

[منعشة]

أختي العزيزة .. لاحظت انك متعاطفه مع زوجك لانه مريض بالسكر .. و خذيها مني .. مريض السكر من اكثر الناس اللي المفروض يتحمل مسئولية نفسه و البعض من وهم صغار يشيلوا المسئولية و يعرفون كيف يتصرفون لما تجيهم دوخة و تعب سواء هبوط او ارتفاع في السكر

مربط الفرس .. لا تحسسي زوجك ان مرضه يخليه انسان عاجز و يعتمد عليك اكثر .. بالعكس مريض السكري يقدر يعيش حياته زي اي انسان عااااااااااااااااادي و ينجب و يشتغل و يمارس حياة طبيعيه .. اهم شيء يحصل الثقافه اللازمه عشان يعرف يتعامل مع مرضه

و سلامتك انتي و حبايبك من كل شر

 

[خوافي]

انتي ادرى بزوجك ....... صح اخذي راي هذي وراي ذيك بس بالاخير قرري انتي ....وقبل كل شيء طلبي ربج يسر لج امورج........

بس بكراا تتوظفي لا تعطيه من راتبج اهو ملزوووووم فيييييييييج ......بس لا تقهرينه فنفس الوقت لانه الرجال يبي احد يفهمه وتكتكه وعندج دهائج استخدميه .

 

[يااارب]

شكرا لكل اللي ردووو وربي يسعدكم يااااااارب
والحمد لله الأمور زاانت ..

4F084C93-F84C-811E-7D67-3358D603317B
1.03.01