التشنج المهبلي _صعوبة اتمام الجماع للزوجات العذراوات

[احلام لم تكتمل]

ياهلا والله ملكووت تشرفنا يااعزيزتي

جعلك مو محرومه من ذريه صالحه

نورتينا بوجودك معناا

 

[ملكوت]

حياك الله منور بوجودكم

اقول ملقى عندكم كندر

هههه ماهمها الا كرشتها

يارب صحباتي (الامل المنشود )مايشفون رد

 

[سمسم كيوت]

احلام كيف على شكل زوايه وضحتليها زهلره بصوره بس ماعرفت ممكن تفهميني شوي
ايه وكمان انا اذا دفعت اشوف فتحه تتوسع ادخل الشمعه جواها ولا عادي تحتها او فوقها <شكلي بتصفق بسبب ذا السؤال الغبي>:25:

 

[احلام لم تكتمل]

هههههههه سمسم ياحلاتك مدري كيف اشرح لك

اول مايدخل شوي رخي مره وارفعي شمعه كانك تغيري الاتجاه وبتنزل

يااارب فهمتي علي

 

[سمسم كيوت]

كاني فهمت بكره بجرب لاني مافيني حيل اجرب اللحين
تصبحون على خير

 

[احلام لم تكتمل]

وانتي من اهل الخير ياقمر


الزهرا حبيبتي ليه ماتردين ؟لك مده خاشه الموضوع

عسى انك بخير ؟

 

[الزهرة الصالحة]

هههه حلومة ودي أرد بس عيني ع الموقع وعيني ع الساعة وعيني على الشغل اللي عندي هههههه حرجع أرد بإذن الله لا تطمنوا أنا بخير بس شسوي قلبي معاكم لازم أتواجد

 

[احلام لم تكتمل]

زهور ههههههههه عن جد انا دايم كذه اذا كنت مشغوله

مثلا اكوي افكر فيكم اروح اطل واكمل


الله يكون بعوونك انا لا اجازه عن كل شي ههههههههههه

 

[فقدت ابتسامتي]

مرحبا حبيباتي
ان شاءالله تكونون بخيروعافيه
انا متابعه لكم ع طول وقلبي معاكم وحده وحده بس والله اتمنى ادخل ومعاي خبر حلو او اي شي جديد لكن رحمة الله واسعه
حبيبتي الغاليه موجوده الله يسعدك وينورطريقك كلامك كله صح اربع سنوات مو قليله ابد ايام وشهور مرت واجمل سنين عمري ضاعت علي وراحت في الالم والحزن والدموووع تزوجت وانا عمري 21 سنه والحين باخلص 24سنه يعني اجمل الايام راحت علي زوجي يقول ياخسااااااااااااااااااااره ماتهنيت فيك وانتي صغيره!!! انا عارفه ياقلبي ان كلامي كله سلبي ويوجع الراس بس هذا المكان الوحيد اللي ابث فيه المي ومأسآآآتي كاتمه هالسربقلبي حتى زوجي معادصاريسمع لي ويواسيني صرت اكتب همي واحزاني ومخاوفي في اوراق وامزقها ع طول لان مهما شكيت ومهماكتبت والله ماحد يحس بالنار اللي تحرقني وماني قادره انقذ نفسي منها انتو الوحيدات اللي شاركتوني هالمشكله وساعدتوني وكلامكم زي البلسم اللي يجبر بقلبي انا اكتب لكم الحين ودموعي غرقتني انا اعيش الم وعذاب نفسي ماحديتوقعه زوجي كان حنون فاهم يموووت فيني عيشني اجمل عيشه وانا بصراحه كنت عنداهلي محرووومه من اشياءكثيره زوجي هو الوحيد اللي اهتم فيني وحسسني اني انسانه لها قيمه عوضني عن الحرمان اللي عشته بعدسنه من زواجنا بدأيتغيرعلي بسبب هالمشكله والحين صار انسان ثاني تغير كثير احس نظراته لي كلها لوم وتحسيس بالذنب لي ينام بغرفه وانا بغرفه مده طووووويله وانا والله والله مانمت ليله وحده الاودموعي ع خدي بعدماكنت انام في حضنه الدافي الحنون تركني وصارت الاحزان والدموع هي اللي تحتضني انا اعاااااني بشكل ماتتوقعونه ماابي اضايقكم بهالسواليف بس انا كتبت كلامي هذا عشان تعرفين ياالغاليه ليش انا كلامي كله سلبي وتحطيم ويمكن اذا انتي قرأتي مشاركاتي السابقه انا كتبت كل محاولاتي للعلاج فيها طوال الاربع السنوات وانا اتعالج من دكتوره لدكتوره بس ماتجددشي بحالتي آخرتها قبل اسبوعين كنت عنددكتوره اماني وفشلت فشلت بعلاجي والحين احاول اسوي التمارين شريت الموسعات وماقدرت ادخل الموسع الاول قدرت بس ادخل منه يمكن 2سم وفرحت حسيت انه تطور بحالتي بس احس انه مادخل كثيرلكن باحاول وباحاول وان شاءالله ربي يقويني ويساعدني حبيبتي موجوده كلامك صحيح ومازعلت منك الله يسعدك دنيا واخره

حلووومه
مشكووره ياقلبي ع الشرح الله يفرجها علينا كلنا يااااااااااااارب متى تجي اللحظه اللي كل وحده فينا تكتب وشو جنينها بنت ولا ولد ونختار الاسماءلهم يااااااااااااااااااااااااااااااااااااااارب بلغنا هاللحظه ولاتحرمنا منها
انا قلبي يتقطع لما اشوف اطفال اخواتي واشيلهم واقول بنفسي متى اشيل طفلي وابوسه واشمه واهتم فيه آآآآآآآآآآه يارب لك الحمدوالشكر
سمسم
لاتخافين حبيبتي دامك قدرتي اول مره اعرفي انك بتقدرين المرات الجايه وعندي احساس انك انتي واحلام عما قريب تبشرووونا
ياااارب يسهلها علينا كلنا
زهرتنا
طمنينا عليك وش جديدك؟؟؟؟؟؟
والبقيه كلكم برائه ومتزوجه ولكن وورود جوريه وزوجة حبيبها وdeemوكل الموجودات انامتابعه لكم ولاخباركم الله يفرجها علينا جميعا

 

[الزهرة الصالحة]

السلام عليكم ورحمة الله وبركاته

صباحكم خير أحبابي في اللــــه:icon26: أخييييييراً قدرت أنسق الرد بعد ماغيرت المتصفح اكسبلورر كان فاشل مرة :no:

طبعاً جيت بعد ما الكل نــــاااااام :8: اهيء اهيء ياخسااارة محد في

منوريـن كلكم وخصوصاً النجمتين الغاليتين حلومة وبسومة

الحمدلله على السلامة أحبابي نورتووووووا

حلومة عمرة مقبولة حبيبتي وحشتينا كثيييير كنت أفكر فيك وتوقعت إنه ليلتكم بتكون رونمسية بمكة لكن العوض في الأيام الجاية لا تيأسين حبيبتي

بسومتي الغالية لا تزعلين حبيبتي من كلام أختنا موجودة جزاها الله خير أكيد نيتها صافية وماقالت هالكلام إلا تبي تشجعك وتحفزك

شوفي لااااا تفقدين الأمل

أنا أحس العلاج بالتمارين وكذا مألة وقت وهو رزق من الله

يعني عندك أنا مثلاً

أنا عرفت إن علاج تشنجي يكون بالتمارين متى تتوقعين ؟ من أوووووووووول شهر بعد زواجي

وتميت خااااايفة من التمارين ومن الاقتراب للمنطقة ومن حتى العلاقة الجنسية السطحية كلشي كلشي كنت خاااايفة ومادري شسوي شهووور

يمكن وحدة غيري تعرف العلاج وسبحان الله تتشجع وتنحل مشكلتها وماتطول

ومتى بديت تمارين تتوقعين ؟ بعد 8 شهوور تصوري

وهذا هو اللي مكتوب لي

وكنت اشوف بنات في تجمعات ثانية يتمرنون وانا لسة خايفة ماقدر اتشجع زيهم .. مثلك الحين تشوفينا نتمرن وانتي لسه خايفة

طبــــــــيعي ماحس إنك مسوية شيء غريب

لأن النفسية تلعب دور والظروف وهذا كله يرجع لله سبحانه وحكمته

صدقييييني أنا عندي أمل كبير فيك

لأنك تذكريني بنفسي

رغم تشجيع الكثيرين وحتى زوجي بكبره كان يساعدني ويشجعني على التمارين بس أنا ماااااااقدرت إلا لما كتب ربي برمضان من نفسي كذا وبدون ماحد يقولي رحت جبت الأدوات وبديت أشتغل

ولا تحاتين حبيبتي بالعكس كلامك وشكواك مو مزعجة أببببببداً لا تتحسين من كلام البنات , أنا أنبسط إذا شفت لك رد لأن فضفضتك ونقاشك معانا عن المشكلة يخفف عنك ويساعدك ويكون سبب بإذن الله في العلاج النفسي

أهم شي تكونين مقتنعة إنك بيوم من الأيام رح تتشافين بإذن الله .. كل هم مصيره يفرج بحول الله وقوته

وانتي الحمدلله الحمدلله في تطور ملحووووظ ياعمري وأعتبر ال2 سم اللي قدرتي تدخلينهم إنجــــــــاز كبييييييير

أنا أول تمرين لي دخلت صبعي لحد الخط الثاني يعني تقريباً يجون 3 سم ونص أو 4 سم

كرري المحاولة وهذا المهم

لأنك كل ما خليتي المحاولات متكررة كل ما خف الخوف أكثر وتشجعتي أكثر

خليها بالأسبوع من 4 إلى 5 مرات أو يومياً إذا قدرتي

ومدامك دخلتي شوية من الموسع يعني تقدرين تستبدلينه بشي ثاني لأن الموسع من أول مرة أحسه صلب ويألم ومايساعد

فأنصحك تكلمين بصبعك ورح ترتاحين أكثر وربي ورح تلمسين مهبلك لأول مرة وهذا شعور رائع لاااااا يوصف يابسومة

ورح تتعرفين عليه أكثر وتحسين بالدفا الداخلي لمهبلك اللي كل الرجال يحلمون فيه ليل نهار ويتمنونه بالجماع

وخلي تمارين بوقت مايكون زوجك موجود بالبيت عشان يخف عليك الضغط لأن وجود الزوج يوتر شويه ويمكن يعلق تعليقات سلبية انتي في غنى عنها

شوفي بسومة الحين اجمعي روس أصابعك مع بعض .. شفتي شكلهم كذا مثل الوردة صح

تدرين إنك بيجي يوم وبتقدرين تدخلينها كلها بهالشكل في مهبلك بدون ألم ؟ ورح تشوفين بإذن الله

أنا ليومك هذا مش مصدقة نفسي

لأن هذي الفتحة ممكن يطلع منها جنين كامل وقابلة للتمدد

بس خليك متفائلة وواثقة بالله

تدرين أنا مؤمنة 1000 % إن رحمة الله هي السبب في علاجي

ماقدرت أسوي تمارين إلا بعد التزامي بسورة البقرة والاستغفار وقيام الليل وباقي النوافل اللي كنت غافلة عنها

والله ماخذت شهر إلا بديت أتمرن

بديت الإلتزام بشهر شعبان وجى رمضان وعلى طول الله كتب لي أتمرن وأبدأ المشوار

وإن شاء الله أنا وانتي ننهي المشكلة سوا وعما قريب بإذن الله

والفال لسمسم وحلومة وزوجة حبيبها والبريئتين وغلا وكل البنات اللهم آمين

أرجوكم حبايبي أرجوكم خلوا شعاركم بالحيـــــاة لا يأس مع الحياة

تفائلوا بالخــــير تجدوه

أنا مؤمنة بأن اللي نمر فيه من صعوبات كلها خير لنا ورح نشوف الأجر من الله سبحانه يوم القيامة ونتمنى لو عانينا أكثر وأكثر عشان نآخذ أجر أكثر

وعسـى أن تكرهوا شيئاً وهو خير لكم

الإنسان يمكن يحزن وتضيق عليه الدنيا ويتسائل في نفسه .. ليه أنا بس اللي يصير لي كذا من بين الناس
كل الناس مرتاحة إلا أنا .. أنا شسويت بحياتي عشان يجيني كل ذا .. أنا تعبت وأنا أنا أنا ..... وهذا كله من السخط والرسول صلى الله عليه وسلم يقول
( من رضي فله الرضــى , ومن سخط فله السخــــــــط )
يعني مافي فايدة من الجزع وعدم الرضى إلا النكد وتعطيل الأمور وتعقيدها أكثر وأكثر

هالكلام أقوله لكم وأذكر فيه نفسي قبلكم

وأناجاتني حالات ضعفت فيها كثير وخلاص قلت أنا بقعد طووووووول عمري كذا وزوجي مرده بيتزوج علي أو بيطلقني

لكن رحمة الله واسعة وماندري عن المكتوب

يمكن لو اطلعنا على الغيب حمدنا الله أكثر وأكثر لأن الخيرة فيما يختاره الله ولله حكمة في كل شيء

مافي أحد يحبك أكثر من ربك

ربك هو اللي سواك وخلقك وكتب رزقك من يوم كنتي جنين في بطن أمك

الحمدلله على كل حــــال مابعد الضيق إلا الفرج

وعندك أبواب فرج أطرقيها

عندك باب الصدقة

وباب الدعاء في الثلث الأخير من الليل

وباب الإستغفار

وباب قضاء حوائج اخوانك المسلمين

وباب النوافل

وباب قراءة سورة البقرة والقرآن عموماً

وباب صيام النوافل مثل يوم عاشوراء الفضيل اغتنميه وصوميه واستغلي آخر ساعة قبل الفطور وادعي فيها من كل قلبك

بس هاااااه ؟ وانتي موقنة بالإجابة

لا تقولين حالتي صعببببة وانا ماقدر

انتي تطلبين من ملك الملوك وأقوى الأقوياء

الله اللي ماعنده كلمة اسمها مستحيل

توكلي على الله وانسي اللي فات وقولي يارب اجعل القادم أجمل من كل التوقعات

واطلبي من امك وأبوك يدعون لك أو جدتك وجدك

وحتى زوجك

قوليله بكل صفاء : يا خالد "مثلاً" ما أستاهل دعوة حلوة منك الحين ؟

واستغلي الفرصة وارفعي يدينك انتي واسبقيه بدعواتك له

وبينحرج منك وبيقول آمين وانتي كذلك الله يسعدك ويوفقك وين مارحتي

هههههه ترى زوجي اسمه مو خالد لا تفكرون الاسم له هههههههه بس تعالوا من طلع اسم زوجها خالد يلا قولوا هههههههههه

أتمنى إني ما قرقرت فوق راسكم ونفخته بهذرتي

الله يعينكم جايه رايقة وزوجي نايم وملخصة أغلب اشغالي وياسلاااااااااااام على القرقرقرقرقرقرقرقر:blushing: سامحووونييي

اليوم إن شاء الله بغتسل يابنات ادعوووووووا لي:showoff:

على فكرة حبيباتي

مايخفى علينا صعوبة هالفترة على أزواجنا

من ناحية عدم القيام بعملية جنسية تامة وحرمانهم من حقهم الشرعي

أنا أقترح نقوي علاقتنا فيهم من خلال مواقف حلو وخلق أجواء لطيفة بالبيت

مثل التفنن بالطبخ واختراع طبخة جديدة أو حلا جديد وتسمونه مثلاً " حلا فيصل "

وتقدمينه له مع عشا أو مع قهوة

كركركركركركر مييييييين اسم زوجها فيصل اعترفوا يلا هههههههه عني أنا لاااا مو فيصل

وهذي الفكرة طلعت معاي الحين وخلونا نطبقها سوا

ومو شرط تخترعين عادي أي حلا تعرفينه سويه بس عطيه هالأسم فكرة صح ؟

كمان شرايكم نتشارك يوم بتغيير ترتيب الشقة

نغير مكان الكنبة من مكان لمكان أو نضيف شغلة جديدة ع الشقة ونركبها سوا أو نروح السوبر ماركت سوا نتقضى للبيت

من باب التغيير إذا كان زوجك يروح لوحده روحي معاه

شرايكم نلعب مع أزواجنا لعبة معتادة مثل الأونو أو الكيرم أو شي ثاني تعودنا نلعبه مع اخواتنا بالبيت

أو نروح مدينة ملاهي ونلعب ببراءة

وانا بطبق هالأفكار وياكم رغم بساااااطتها وعدم تكلفتها إن شاء الله نحتسبها لوجه الله وتجيب نتيجة حلوة على نفسية الزوج

ومن الأفكار كمان إعادة ترتيب دولابه وتعطير ملابسه بعطر مختلف عن العطر اللي تحطينه له دايم

وبيفتح الدولاب وبيشم الريحة وبتعطينه شعور حلوووووووو عنك

كمان لما يجي بيروح العمل عاونيه بلبس البدلة مثلاً شيليها من العلاق وقربيها له عشان يدخل يدينه وساعديه بتسكير الأزرار وعطريه

قربي البنطلون والحزام والشراب ولبسيه الشراب ترى ينبسسسسسسسسط

تدرون أحياناً زوجي يناديني وأنا ع السرير يقولي زهرة وين الشراب يلا يلا لا أتأخر

يعني تعالي يا زهرة ولبسيني:in_love: .... بس بطريقة غير مباشرة

وإذا جيته بالشراب يجلس ع الكنبة ويمد رجوله يعني لبسيني بس بطريقة مؤدبة وكلها ذوق

وبعدها خذي شويه كريم مرطب وامزجيها بيدك ومديها على وجهه ويدينه

صدقيـــني لمسات بسيطة ماينساها زوجك

أنا إن شاء الله بطبق هالكلام وياكم لأن في أشياء لسه ماعملتها وأبيكم تشاركوني ونشوف النتيجة إن شاء الله

وأهم شي نحتسسسبها لوجه الله عشان الأجر

خلو أزواجنا ياخذون فكرة إن الجنس مو كلشي في الحياة
وإن زوجتي حبوبة وطيبة ومهتمة فيني وسوالفها حلوة وتشاركيني همومي وووووو .. إلخ

اطبعي هالكلام في راسه بمواقفك الحلوة عشان يعرف إنك تحبينه فعلاً ويخلي الجنس شيء ثانوي وتكون أهم شي سعادتكم

وخلي سلاحك بالليل والنهار الدعــــــاء

تدرون مساع قبل الفجر كنت رافعة يديني أدعي

وكان زوجي يمي يطقطق بجواله

وأنا أدعي بصووت واااااطي

يوم خلصت جلست أسولف معاه

وقالي : أووول شي دعيتي لي ؟

لا صدق صدق دعيتي لي ؟ لا تجاملينييي قولي الصدق

ورديت عليه رد سكته وخلاه يعرف قيمته عندي

قلت له : عمرك شفت واحد ينسى يدعي حق نفسه ؟

عشان يكون واثق إني ما أنساه من دعواتي

وهذا حلم من أحلام الزوج إن زوجته تدعي له

حتى ساعات قبل ما يطلع أقوله رووووح والقلب داعي لك

ينسبط ويقول إييييييييييييييييه عزّزي .. عطيني من هالدعم :clap:

ياحليله هههههه

الله يوفقه ويرزقه ويغفر له ويسعده ويزوجني منه في الجنة مثل مازوجني منه في هالدنيا الفانية

قولوا آمين

أنا بإنتظاااااااااااااركم حبايبي شاركوني بأفكاركم انتوا بعد ومواقفكم

سبحان الله أحياناً موقف بسيييييييط لكن مفعولة في القلب كبيييييير

دعواتي لكم بالخير أخواتي في الله ورود جورية , أحلام تكتمل , سمسم كيوت , مهاجرة بإحساس , فقدت إبتسامتي , براءة طفلة , براءة متبعثرة , زوجة حبيبها , الغلا , موجودة , متزوجة ولكــن ,ديـــــم وكل من تقع عينها على ردي

أحبكم في الله ولله والله يجمعنا بالجنة قولوا آميييييين ياااااااارب العالمين

ملكوووووت الغالية نورتيــــنا:32: للأسف ماعندنا كندرررر بس عندنا مارس تفضلي وياحي الله من جانا

حياك الله حبيبتي والله يرزقنا وإياكم بالذراري الصالحة البارة المباركة اللهم آآآآآآآآميـــــــــن
لا تقاطعون يا راعين الأمل المنشود تعالوا لنا كل يوم نحطكم بعيوووووناااا
ونجيب مو كندر وبس إلا بقالة كومار كلها نجيبها هههههه الرسول عليه الصلاة والسلام وصى بسابع جار :in_love:

 

[متزوجه ولكن]

الله يتقبل منا ومنك ياحلوووومه
ويوصلك بيتك سالمه يارب

وعقبااااال ما اخذ عمره قريب باذن الله
مرررررررررررررره مشتاقه للحرم
ان شاء الله ربي يهدي زوجي ويودينا

ع فكره بنات الي وده تروح للحرم افضل وقت من ناحيه اقل زحمه
شهر 2
لان في هاشهر تقل فيه الحملات الي جايه من برا
يعني بيصير غالبهم من اهل البلد فقط
ياااااااااااااااااااارب تحصل لي ولكم عمره في شهر صفر



ياحلوووو كلامك يازهوره يرووق الواحد ع الصبح
الله يجعل الفرح والتفاؤل يملا حياتنا

بس ترى مو انا اسم زوجي لا خالد ولا فيصل
يلا الي هذا اسم زوجها تعترف ههههههه


<<< ملونه ومكبره الخط من زمان مادخلت من اللاب
دايم ادخل من الجوال وهاجره اللاب توب المسكين

 

[متزوجه ولكن]

سمسمه
ربي يوفقك طمنينا بعد موعدك اليوم
وعادي خليك قويه لو ماقدرتي اليوم باذن الله تقدرين بكرا




فقد ابتسامتي
الدموع ماراح تغير حالك
ونومه زوجك لحاله مو حلوووه ابدا تبعدكم عن بعض
شيلي مخدتك ونامي عنده
دامكم بعيدين ماراح يكون اي نحسن بوضعك
وماراح يحس واحد منكم بالثاني

اجلسي مع نفسك جلسه مصارحه ورتبي اوراقك
ياتحلين المشكله مع زوجك وتتركي الخوف عنك ياتتنازلي عن زوجك
لان نومته لحاله هذا تنازل منك لانك بعدتيه عنك

وكتاباتك الحزينه ترى مرينا فيها
كنا نبكي ونتألم لحالنا
ونصحى بنفسيه شينه نعكسها ع وجيه كل الي حولنا
شوفي بدال ماتبكين لحالك
كل ماجتك نوبه البكاء
قومي توضي وصلي ركعتين وطلعي كل دموووعك ع سجاتك مع دعوات من قلبك
اكثري من الدعاء
والنوافل
ابعدي عن الذنوب
علييييييييييييييييييييييييك بالبقره
والله الي ماله ورد يومي منها خسرااااااااااااااان دنيا وآخره

 

[متزوجه ولكن]

ملكوت
حياك الله ع زيارتك الحلوه
الله يفرحك يارب بحملك عاجلا
ويفرحنا:32:

تصدقي من زمان ودي ازوركم بس مابي اتفاول ع نفسي اخاف اطول عندكم

 

[الزهرة الصالحة]

أهلين خيتو متزوجة منووووورة ياعمري صباحك ورد وجوري ياااااارب

هههههههه انتي وعرفنا اللي عندك لا هو خالد ولا هو فيصل باقي البنات صايدينكم صايدينكم إن شاء الله عاد ياااااكثر الخوالد والفواصل هههههههه حلو فواصل

الله كريـــــم ونروح العمرة في صفر ياااااارب أو أي شهر أهم شي أروح مكة مع أقرب أجازة والله كريــــــم

ياحلونا اليوم ملونين ومروقين الله يازيييين الألوان ياكرهي للتاهوما السادة اللي يجيب المرض مثل هذا >>>>>>> ( يعني حلو هالخط وهالتنسيق بالله بالله ؟ )

 

[متزوجه ولكن]

هلا وغلا بزهوووره

ايييه لاتخلين البنات امسكيهم وحده وحده لين يعترفون بالاسماء هههههه تحقيق
رجاء بنات الي تبعها هالاسمااء تعترف

الخط الساده مو حلو ابد بس لما نكتب فيه نكون مضطرين وتفكيرنا مع الرد مو مع الخط

 

[الزهرة الصالحة]

طيب طيب تعالي لا تفكرين انتي بتفلتين مثلاً ...شوفي شوفي اكيد انتي مارح يطلع زوجك عن هالأسماء ( يا محمد يا عبد الله يا تركي يا عبدالرحمن يا أحمد يا فهد )

هالأسماء فيها كثرة في المجتمع السعودي اعترفففففففففيييييييييي ههههههههههههههه

إلا بسألك سؤال مطبخي مدام توني جاية من المطبخ

كنت ناوية أسوي بروستد ع الغدا بناءاً على طلب زوجي ويوم رحت أجهز الأغراض الحين

اكتشفت إن مااااااااعندي بيييييض والبيض ضروري حق الخلطة قبل البقسماط

وش ممكن أستخدم ويعطي نفس مفعول البيض يعني مادة رابطة

وله عادي اسوي الخلطة واحطه على طول بالبقسماط مايأثر

احترت ماودي اكسر بخاطره واطبخ شي ثاني

 

[DeeM*]

سمسم كيوووت & احلام لم تكتمل

متفائله كثير بتطوراتكم استمروو وان شاء الله بتنفرج .....


فقدت ابتسامتي ..

الله يجعل القااادم من حياتك افضل من اللي فات , وربي حاسه فيك ف انا انصحك تقرأين سورة البقره ,
وكويس انك بديتي بالتمارين ترا التمارين اذا استمريتي فيها ان شاء الله خلاص رااح تنفرج , ورخي نفسك وقت التمرين وخذي وقتك لاتستعجلين
اشتغلي على نفسك اسبوعين بالتمارين واستمري بسورة البقره , ان شاء الله بتخلصين
وبعدها فاجئي زوجك , اشتري مفرش جديد غيري ترتيب ديكور البيت غيري حيااتك كلها ...
الله يوفقك يااارب ويشرح صدرك ....

الزهره ..
صباااح الخير , ان شاء الله تجين تبشرينا بأخبار حلللوه وتكونين تخلصتي 100 % من المشكله
مع ان ما اشوف في عندك مشكله الحين الا مخاوف بسيطه منك وقادره بمشيئة ربي تتخلصين منها
عجبني كلامك عن العنايه والاهتماام بالزوج عني انا اعترف اني مقصره من هالناحيه وااجد
يعني الصباح ما اقوم معاه ونادرا يرجع يلقى الغدا جاهز , الله يعين ويقدرني اهتم اكثثر
ودي ادلعه واهتم بس مالي خلق هههههههههههه




سمسم كيوت
الزهره
احلام
ورود جوريه
بسوووومه
زوجه ولكن
زوجة حبيبها
مهاجره
براءة طفله
براءه مبعثره

الله يوفقكم وينور دروبكم ويسهل اموووركم يارب ....

 

[متزوجه ولكن]

ههههههههههههههههههه زهوووره يعني غصب تعرفين
بس ولا واحد منهم بس خلاص لاتجيبي اسماء ثانيه بعدين ينكشف الاسم يكفي ههههه

بالنسبه للمطبخ مابعرف
انا مابحبش المطبخ ياله اطبخ الغدا واهج لاياكلني المطبخ ماحبو

 

[متزوجه ولكن]

والبروستد ماحبه والا كان قلت لك احسبي حسابنا معك وريحيني من الطبخ اليوم

 

[الزهرة الصالحة]

هههههههههه لا لا جاني فضوووووول يامتزوجة بس حمدي ربك الحين انا مشغولة بالمطبخ وله كان طلعت الأسم

الموهيييييم مافديتيني بشي الله يهديك انا كونت علاقة حب بالغصب مع المبطخ من تزوجت ونا في علاقة مستمرة معاه فطور وغداء وعشاء واحيانا نكتفي بوجبتين او وجبه او من المطعم يعني هيك وهيك

بس ابشرك حصلت طريقة بروستد بدون بيض بس بالطحين بدون بقسماط وبشوف :/

ديومة منورة حبيبتي صباحك ورد ياعسل
الله كريم شجعيييييييييني تكفين حركي الحماس فيني ابي اخلص اموري وافتك والله كريييييم
هالله هالله بزوجك ياديومة توووك عروس لا تهملينه المفروض الحين هو بقمة الدلال والدلع احلى شي اول الشهور
وخلي الحب دافع قوي عشان تدللينه