التشنج المهبلي _صعوبة اتمام الجماع للزوجات العذراوات

  • بادئ الموضوع بادئ الموضوع إسوارة
  • تاريخ البدء تاريخ البدء
الحالة
مغلق و غير مفتوح للمزيد من الردود.
السلام عليكم ..


انا من تزوجت عانيت وايد مثلكم ..

بعد شهور تم الايلاج وكان يصير الجماع وانا اضغط ع نفسي عسب زوجي ..
كان ساعات يتم الايلاج وساعات لا ..

الى ان كتب لي رب العالمين الحمل ... الحمدالله فرحت وايد ..
بس للحين انا اعاني من شد المنطقة ..

وانا اللي اعرفه ان الجماع يسهل ويوسع المهبل ويسهل الولاده ..

بس انا مب رايمة حاولت وايد مب رايمه ..

خاطري يتم الجماع بطريقه سهله ..

وانا من الامارات .. وين ممكن احصل دكتورة .. ؟؟؟

وبعدين لو استخدمت الموسعات عادي ما ياثر وانا حامل ؟؟


الله يسهل علينا جميعا يارب .. ويروقكم بالذرية الصالحة ..

افيدوني الله يجزيكم الف خير ..
 
عليكم السلام عليكم ورحمة الله وبركاته

غااااليتي AA أول شي مبارك عليك الحمل يالغالية والله يتممه بخير ويهون عليك شهور الحمل

وثاني شي يالغلا إنتي علاجك أسهل منا بكثيــــــــــــر خلاص إنتي تعتبرين في المرحلة الأخيرة في التخلص من المشكلة

لأن أحنا ماتم الإيلاج إلا مرات نادرة وبعضنا ماتم ولا مرة

أما أنتي برافو عليك مرات تتحملين ويصير عادي

كل مافي الأمر حبيبتي مايحتاج لا دكتورة ولا شي

إشتري الموسعات المهبلية من أي صيدلية تابعة لمستشفى أو أطلبيهم من النت

وهذا شكلهم

Painfu1.jpg


إنتي تمرني عليهم واحد واحد لين ماخلاص تتعودين على أكبرهم ( اللي هو بيكون مقارب لحجم العضو الذكري )

رح تتمدد عندك العضلة حول المهبل ولا رح تحسين بألم شديد لأنك وسعتيها بمافيه الكفاية


وبعد ما تتمرنين عليهم وتخلصين من آخر واحد

وقبل لا تبتدون الجماع إستئذني من زوجك 5 أو 7 دقايق تسوين التمرين بالموسع الكبير قبل الجماع مهــــم

لأنك حتى لو كنتِ شادة مع التمرين ودخول وطلوع الموسع المهبلي رح ترخي العضلة من نفسها شوي شوي

وأتوقع مافيها خلاف لو استخدمتيها وانتي حامل لأن التمرين كأنه جماع بس على أخف هل يضرك الجماع في الحمل ؟ لا بإذن الله

فلا تحاتين الضرر منها وقت الحمل

هذا ما عندي حبيبتي ماحبيت أمر ولا أفيدك والله يسهل عليك ويوفقك ويرزقك بالذرية الصالحة المصلحة في هالليلة المباركة والساعات المباركة
 
اختي ..

هل تنصحيني امهد نفسي بالاصبع ؟
 
أهلين حبيبتي آسفة إنشغلت ومارديت بسرعة

إي يالغالية أكيد بداية التمرين الأصبع

أنا أول يوم تمرنت جربت بصبع واحد بس

ولازم تكونين لابسة قفاز طبي وتحطين مزلق طبي أو زيت زيتون على صبعك وتبتدين نتفة نتفة من صبعك تدخلين

وعااااادي خذي وقفتك لو ساعة او ساعتين اهم شي تسترخين وتتشجعين

وتخلينه داخل لمدة ربع ساعة إلى 20 دقيقة عشان يتمدد المهبل

وبعدها بيوم نفس الشي

اللي بعده دخلي صبعين يم بعض بالراحة مـــــرة
وهكذا تدرجي لحد ماتوصلين للموسع اللي بحجم القضيب

والله ييسر لك حبيبتي
 
أهلين حبيبتي أحلام ..

هل تقدري تعملي التمارين لوحدك ؟ يعني عندك الشجاعة الكافية ؟

إذا جوابك نعم فتوكلي على الله واشتري الموسعات وإبدأي

وإذا كان جوابك لا أنصحك بالدكتورة طرفة المعمر في الرياض وإبحثي عنها في قوقل تحصلي عنوانها

:-) قلوبنا معاك حبيبتي طمنينا عنك
 
الزهره الصاالحه

كلمت ع عيادتها طلع ماعندها

مواعيد الا بعد العيد

بس مدرري متخووفه كثييييييييييير

خايفه تسوي لي نفس دكتوره النساء الي الي رحت لها

اول مادخلت سدحتني ع سرير ودخلت صبعها مندون رحمه

وكانت نتيجه اغماء

واستفراغ

واستهزااء منها دلع وانتي راح ترجعي بيت اهلك

<<وربي حطمتني



وودي اشتري موسعات بس من وين

وكيف اسعارهاا

انا الحين عند اهلي بعد كم يوم بيصير زوجي عندي

ابي اعطيه قرار هالمسكين الي تعبان معاي

هو متشجع انو يوديني لطرفه معمر
 
أحلام لم تكتمل
نصيييييحة من وحدة مجرررربة نفس الحالة
روحي لطرفة المعمر والله ثم والله ما أنحلت مشكلتي ألا على يدها بعد الله
ولا تخافين أنا كنت مثلك بالأول كنت ميييييتة خوووووووف وربي وكنت يائسة أنها تنحل مشكلتي وجربت دكتورة نساء قبلها وكانت سيئة الله يسامحة بس هي اللي زودت خوفي خوف
لين دلتني صاحبة الموضوع والبنات الله يجزاهم كل خير على طرفة المعمر ورحت لها وكان تعاملها بمنتهى الهدوءءءء بالعكس تطمنك وتخليك متفائلة وشوفي مشاركاتي السابقة بنفس الموضوع بديت زيك والحمد لله ربي كتب لي تنحل مشكلتي والحين حامل وأنتظر المولود بأذن الله
عشان كذا خذي عندها موعد بعد العيد ولا تترددين والله يكتب لك الخير وين ماكان
 
قلبي مسافر
أحلام لم تكتمل
AA
الله يسهل أموركم وتنحل مشاكلكم قريييب يارب بس لا تسكتون على أنفسكم أسألو عن الطبيبات اللي متخصصات بهذ الموضوع مو أي طبيبة نساء ممكن تفيدك بالعكس

الزهرة الصالحة
ماشاءالله عليك الله يتمم لك على خير يارب
عزيمتك قوية ماشاءالله كملي ولا تترددين بالمرة ويارب يرزقك ويرزق كل البنات بالحمل السليم المعافا عاجل غير آجل يارب
 
مشكورة اختي الزهرة الصالحة
الله يسعد ويوفقك في حياتك
ويجزاك الجنة
ماشاء الله عليك
والله يزقك الذرية الصالحة
بس انا ابغيت استفسر عن المستوصف
 
قلبي مسافر وش المستوصف اللي تبغي تسألي عنة
إذا قصدق عيادة طرفة المعمر قولي وأنا أعطيك الوصف كامل
 
خواتي الله يعطيكم العافيه

انا وقت العلاقه يجيني تشنج مؤلم بيديني واختلاجات ببعض المناطق

مادري ليش يصير كذا
وفي له علاج ؟؟
ياليت تعلموني لان هالشي مؤلم ويخرب .​
 
بلييييييييييييييييييييييييييييييز


هييييييييييييلب

النجــــــــــــــــــــــــــــــــــــــدهـ​
 
السلام عليكم ورحمة الله وبركاته
كيفكم يالغاليات , مبارك علينا وعليكم بلوغ العشر .. لا تنسونا من دعوة حلوة بظهر الغيب
قرب يخلص رمضان :( آه آه آآآه ياربي تجعلنا من عتقاءك من النار وتغفر لنا وتخرجنا من رمضان بلا ذنوب وبلا هموم وترفع رصيدنا من الحسنات اللهم آآآآآآمين يارب العالمين


غاليتي أحلام معليه حبيبتي لا تيأسين صدقيني عندك حلول كثير مو شرط العيادة
أنا كنت مثلك وكنت أصعب أنا الرياض وجدة بعيدين عني كثير لأني بالشرقية
وزوجي عمله صعب جداً مو بالساهل ياخذ إجازة وحاجات كثيرة تعرقل روحتي
وتميت فترة كله أبكي وأفكر ويأست أستغفر الله :'( من إني أتعالج لا عندي موسعات ولا شي ولا أقدر اروح مستشفى
وسبحان الله يا أختي
الله ألهمني أستخدم إشياء موجودة عندي بشقتي من أغراضي تشبه الموسعات
مثل الأقلام أو فراشي المكياج أو أشي شي كذا عود عريض أقدر أستخدمه
وبديت أتدرج بالأحجام من نحيف مرة إلى وسط إلى عريض إلى عريض جداً
وأول العلاج إستخدمت أصابعي
بعديت جبت الفراشي الكبار ولميتهم مع بعض تقريباً 3 إلى أربع

ولفيتهم بقماش وقطن عشان يكون الموسع ناعم شوية مو قاسي

وآخر شي لفيتهم بمناديل ولبستهم واقي ذكري وصار موسع ممتـــــاز عرضه 4 سم وطوله 16 سم
وخلاص كل مرة بسوي تمرين ألبسه واقي جديد
 
قلبي مسافر حبيبتي الله يسعدك على الدعوات الحلوة وإذا بغيتي الغالية إسوارة ارسلي لها خاص
 
حبيبتي غريبة وطن الله يجزاك خير على دعواتك الحمدلله على سلامتك وشفاءك ياقلبي والله يتمم حملك ويقر عينك بشوفة ظناك بصحة وعافية
 
الغالية ملاك جذاب بالعكس علاجك سهل حبيبتي بالتمارين وابدأي العلاج معانا بالموسعات عشان تتعودين حبيبتي

إما إنك تروحين عند الدكتورة أماني في جدة / مركز سمير عباس الجلسة ب200 ..
أو الرايض عند الدكتورة طرفة المعمر / عيادة خاصة .. كل جلسة علاج ب500 ريال
كل جلسة حبيبتي الدكتورة تستخدم موسع وكل مرة تدرج من صغير إلى وسط إلى عريض إلى أعرض إلى الشفاء بإذن الله
إحنا كلنا وياك وأي سؤال حياك الله أي وقت
 
الله يسعدك اختي غريبة وطن
وكل من ردت علي لها دعوة خاصة

انا أسال عن المستوصف الي تعالجت فية اخت اسوارة
انا ما ادري هو نفسة الي تقصدينة
انا من جدة
وابغى اعرف كيف اخذ جلسة عند الدكتورة اماني
الي تعالجت عندها اخت اسوارة
وكم الجلسة
اذا زي ما قالت الاخت الزهرة الصالحة
كل جلسة ب200 ريال
يعني ما ادفع قبل شيء

والله يجزاكم الجنة ويرزقكم من حيث
لا تحتسبون

ولكم دعوة في ظهر الغيب..

قلبي مسافر
 
الله يجززيكم خير عن المعلوماات

سطووركمم تعطيني امل

لكن بنات تكفوون دعووه من قلب

مرااح ننساها

بما انو الاغلب مر بهالظروف

واشووف في تطوور في علاجكم

ادعوا في كل سجده ووقت الفطور

كل وحده تعاني من هالشي

الله يسهل لها امورها واشفيهاا ولايحرمها من كلمه ماما
 
غريبه ووووطن

رربي يتمم لك ع خيرررر

وربي يوم قريت عن حالتك وانك حملتي مااتتصووري قد فرحت

اشكري ربك الف مرره عقبال البقيه ياارب
 
الحالة
مغلق و غير مفتوح للمزيد من الردود.
عودة
أعلى أسفل