التشنج المهبلي _صعوبة اتمام الجماع للزوجات العذراوات

  • بادئ الموضوع بادئ الموضوع إسوارة
  • تاريخ البدء تاريخ البدء
الحالة
مغلق و غير مفتوح للمزيد من الردود.
أهلين حبيبتي حلومة
لا خلصت الحمدلله كل الملابس الداخلية وبدلة العمل كويتها وكلشي خلصته بس باقي الثياب البيض وثياب البيت باقي ماكويتها وأحس إني الحين أحسن والحمدلله

الحمدلله الخيرة فيما اختاره الله وأنا عادة أول يوم بس أتألم بشدة باقي الأيام يخف الألم والله يعدي هذي الليلة على يسر وسهولة اللهم آمين

ونومي متلخبط ياحلومة الشكوى لله اليوم مانمت إلا الصباح متأخر

بس بحاول اليوم أنام بدري مع زوجي

ها حلومة وش معاك مع الدكتورة حجزتي موعد وله

الله يسهلك ياقلبي وييسرها عليك ويكتب لك مافيه خير لك




غاليتي دييييييييييييم

ماشاء الله وش هالأخبار الحلللوة حبيبتي

الحمدلله رب العالمين وعقبال الجماع التام ياعمري

يلا يلا خططي الليلة وبكرة قوليلنا إيش صار ت تراني بنتظر الخبر الحلو منك ماشاء الله ياديم برافو برافو برااااافو

وللأسف حبيبتي أنا نزلت دورتي وأشكر الله وأحمده وبإذن الله أرجع للتمارين بعد الدورة وأحاول مع زوجي ولاحقين إن شاء الله على الحمل إن الله هو الرزاق ذو القوة المتيـن

بس ماقلتي ديومة شنو استخدمتي كـ موسعات تتمرني فيها ؟

وكيف طريقتك في العلاج عشان يستفيدون البنات من تجربتك


 
من تقع عينه على ردي هذا أطلب منه طلب صغير وهو أن يدعو لزوجي وأهله أن يجزيهم الله الجنة على كرمهم معاي

مو مقصرين بحاجة أكل وشرب وتعامل جميل

اليوم جايبين لي خضرة وفاكهة وشيء وشويات الله يكرمهم بخير منها في الجنة اللهم آآمين

وأم زوجي حنونة علي وأبو زوجي يهتم كثيراً لأمري

اللهم جازهم جنات الفردوس الأعلى

اللهم آآمين

وجوزيتم خيراً ..
 
اهليين زهوره
الحمدلله حصل الجماع التام صعوبه بالبدايه فقط بعدين سبحان الله تسلك الامور
الحمدلله يارب .............
وعقباااال الجمييييع , بالنسبه لي كنت اسوي تمارين الاصابع اجمع الاصابع بمكان اصبع بالقفاز اول مره اصبع ثم اصبعين وكذا .....
ومن جد انا اتمنى ترجعين للتمارين ويوميا

يابنات اتمنى لكم الشفاء باقرب وووقت واي سؤال انا بالخدمه :)
 
ياعمري ياديومة لا تنسي سجود الشكر وإذا قدرتي طلعي مبلغ صدقة على محتاج شكراً لله سبحانه الحمدلله

آه ما أجمل عهذا الخبر على قلبي في هذه الليلة والله كالبلسم الله يتمم لك بخير حبيبتي ويجعل سنة 1433هـ خير وسعادة عليك ويرزقك ربي بالذرية الصالحة

عقبالي وبنات التجميع كلهن يااااااارب وكل مسملنة تعاني بصمت أسأل الله يفرجها علينا أجمعين
 
ديم ..

حمدالله ياربي والف مبروك ع شفاءك

والله يرزقك مااتتمني

ممكن تشرحي اكثر ؟

اي وضعيه تم الايلاج ؟



الي يسالون عني

انا اطلب منكم دعووات صاادقه

بكره موعدي مع دكتوره طرفه

واحول انسى الموضووع وانا قاعده ع النت
 
اتكلي على الله حلومتنا ولا تخافي سمعة الدكتورة طيبة جداً وخبيرة في مرضنا ماهي مثل الدكاترة الثانيين اللي عقدونا من شيء اسمه كشف ولمس

تذكري معاناتك والشهور الطويلة اللي قضيتيها متشنجة

وتذكري زوجك .. تذكري امومتك

وتذكري رغبتك بجماع مليء باللذة والمتعة زيك زي أي زوجة طبيعية

واستشعري أن الله معك ويكون معك في كل وقت وحتى وانتي مع الدكتورة تذكري أن الله معك ويحميك ويقدر لك الخير في كل خطوة تخطيها لا تخافين حبيبتي الله معاك ونستودعك الله

وأسأل الله أن يفرج همك ويرزقك أكثر مما تتمني اللهم آمين
 
زهوره ياعمري ربي يعطيك على قد نيتك

واحلام الله يبارك فيييك يارب وعقبااال الجمييع
ان شاء الله راجعه لكم بعد سااعه بس عندي كم شغله بخلصها :)
 
ودي اكتب بس مو عارفه وش اكتب والله ان دموعي نزلت كذا فجاه مجرد مادخلت الموضوع
وفيني حرقه بقلبي ياربي ارحمني وارحم ضعفي ودي اقوم زوجيمن النوم هو جنبي اللحين نايم ودي اضمه ودي ابكي بحضنه
ودي انام واقوم من الحلم البشع اللي عايشته
تخيلو اكل بس وجبه باليوم يمكن اقل بعد واذا ضغطت ع نفسي اكل اكثر مارتاح حتى استفرغ
نزل وزني بشكل غير طبيعي عيوني ذبلانه مره
عندي كلام كثير ودي اقوله بس مشكلتي ماحب ابين ضعفي لاحد امي مجرد تفتح الموضوع اقعد اصيح تقولي تكلمي فضفضي
بس مقدر خايفه يصير فيني شي من الكبت بس شسوي هذا طبعي
لي اسبوعين تقريبا نفسيتي عدم حتى اذا طلعت معد استانس مثل اول كرررررررررررهت بيتي اذا طلعت معد ابي ارجعله بس اغصب نفسي واتعوذ من الشيطان
اخاف هذي بدايه كئابه المشكله اختباراتي بعد 20 يوم ولاني حافضه حرف واحد
يارب برحمتك استغيث
 
حلومة / اقري قرآن و اشربي بابونج يهدي الأعصاب واكلي تمر يرفع السكر بدمك ويحسسك بالقوة

ديومة/ ادعيلي حبيبتي ربي يوفقك وحنا بنتظارك


أهلييييين سمومتي الحلوة كيفك

له له له حبيبتي ليه كل هذا أحنا هنا اخواتك ياقلللللللبي لا تقولين كذا

أنا تحت أمرك فضفضي نسمعك كلنا قولي كل اللي بخاااااااطرك ماحد من البشر رح يحس فيك كثرنا حنا مثلك ونمر باللي تمرين فيه

تعوذي من ابليس هذي وسوسة الشيطان

وروحي احضني زوجك من ظهره وابكي بصمت وقولي كلشي بقلبك بصوت واااطي وهو نايم عشان ترتاحي وماتزعجيه

انتبهي لصحتك ياعمري الله مايرضى باللي تسوينه :( الحرمان ماهو حل ولا البكاء

الحل عند الله تعلقي بحباله سبحانه واطلبيه ودقي على باباه والله ماااااااارح يردك

اسم الله عليك حبيبتي امسحي دمعتك ياله وابتسمي معاي ^__________^ ياقمر انتي

شدي حيلك عندك 3 أسابيع للمذاكرة لا تخسرين دراستك ونفسك

ابتعدي عن أي شيء يسبب الحزن وخلك دايماً في جمعات مع الناس اهلك زوجك اهل زوجك اهم شي لا تكوني بروحك

واذا كنتي لوحدك اشغلي نفسك

الله ييسر امرك ويعافيك ياقلبي
 
مساء الورد لكل الغاليات اللهم اجعل هذا العام الجديد عام خير وبركة وطمأنينة ورزق وسعادة لكل من في هذا التجمع

والله اني داخله افكر في زهوره قلت اشوف وش صار معها بس الحمدلله على كل حال مقدر ومكتوب ويمكن خيره حبيبتي انك موحامل يمكن ربي كاتب انك تحلين موضوع الجماع اول وتفرحين ثم تفرحين بالحمل باذن الله عن قريب انتي وكل البنات هنا بالتجمع ....لاتحزني ولا تتضايقي ابدا

فكري بايجابيه ....
الشيء الجميل في انك لم تحملين حتى الآن هو انكما لازلتما ستستمران بالمحاولة >>>>هاذي مقوله دايما اسمعها واقرأها وكنت احطها في بالي لما تاخرت بالحمل وكانت الدوره تشرف كانت تخفف علي شوي

تدفي زين واشربي اشياء ساخنه انا مثلك الحين عندي الدورة من يوم الاربعاء بس سبحان الله بالشتاء تجي متعبه زيادة سويت لي دله قشر قهوة مع قرفه وزنجبيل واشرب منها حلوه وممكن تضيفين يانسون او شمر وممكن تشربين كمون ترى مره يهدي الالم

حلومه الله يسعد قلبك على الدعاوي الحلوه وامين الله يجعل السنة الجديده فيها خير للجميع يارب ويفرجها علي وعليكم
على فكرة انتي شطوره بكره بأذن الله مع بداية السنة الجديدة رح تحلين مشكلتك ان شاء الله
انتي مسكتي بأول خيط للعلاج استمري في الجلسات وقبل كل هذا حطي في بالك انك رح تنهين هاذي المشكلة خلي فكرة انك قادرة وعندك عزيمة قويه هي الي في راسك
لاتخافين ابدا ترى الدكتوره مبين انها فاهمة ومارح تجبرك على شيء يضايقك
بالنسبه لحبوب منع الدورة انا مااحبها بس دامك بديتي فيها خلاص استمري وترى الاشياء الي تحسين فيها من غثيان وبكى وهيك بسبب ان الدورة مانزلت بموعدها سبحان الله الدورة اذى ونزولها راحه
 
الله يعطيك العافية يا ورود يا اختنا كلنا

حبيبتي أول ماجاتني مابي اقولك وشلون كانت نفسيتي وربي تطيح دموعي لا إرادياً

بس الحين الحمدلله يوم جى زوجي نسيت شوي وخف الألم

أنا قلت إن شاء الله إن نزولها خير وعدم حملي خير لي عشان أتعالج وأتعود ومن ثم أفكر بالحمل

أنتي طمنيني عنك وشلونك وش آخر تطوراتك
 
الزهرة الصالحة قال:
الله يعطيك العافية يا ورود يا اختنا كلنا

حبيبتي أول ماجاتني مابي اقولك وشلون كانت نفسيتي وربي تطيح دموعي لا إرادياً

بس الحين الحمدلله يوم جى زوجي نسيت شوي وخف الألم

أنا قلت إن شاء الله إن نزولها خير وعدم حملي خير لي عشان أتعالج وأتعود ومن ثم أفكر بالحمل

أنتي طمنيني عنك وشلونك وش آخر تطوراتك
أنقر للتوسيع...

حاسه فيك ياقلبي والله بس ترى وضعك الحمدلله فعلا لو تفكرين بالمنطق ان شاء الله انه من صالحك ورحمة من ربي عشان ترجعين تتمرنين وتتأقلمون على الجماع بالاول
لانه لو كان حمل صدقيني ماكان باقي جربتوا وبتروح فايدة التمارين السابقه
والله يخليلك زوجك ويخليك له ولا يغير عليكم واهل زوجك الله يوفقهم ويسخرهم لك

انا ياقلبي الحمدلله من ربي بخير عند اهلي لي اسبوعين عشان زوجي راح يجهز شقتنا الجديده نقل عفش وغسيل موكيت واثاث وكذا
والوضع النفسي لك عليه بسبب البعد و ظروف العمل والسكن وغيره بس يارب يكون في نقلنا والبيت الجديد خير وسعادة واستقرار لنا
والله تعبت يازهوره تعبت
الله يفرجها من عنده
دعوااااااتك
 
السلام عليكم

مع بداية السنة الجديدة راح انضم معاكم وان شاءالله ربنا يفتحها ويسر امورنا
بعد تجربتي السيئة اصبت بتشنج المهبلي حسب ماقالت لي الدكتورة العضلة عندي تنقبض بقوة وتتقفل فيصير الموضوع صعب ومؤلم الحمدلله هالايام مرتاحة عشان الدورة معايا بس بعدين مدري اش حسوي ..
محتاجة لدعواتكم ونصايحكم
http://www.niswh.com/vb/showthread.php?t=361374
 
حممدالله ع كل حاال انا صراحه فيني رغبه

باالعلاج واالله يعلم بنيتي اكلي لحبوب مو عشان دكتوره

بالعكس كان ودي اروح لها وانا خالصه من دوره

عشاني اعرف تاثير هالحبوب

بس ان شااء الله اذاا الله كتب بروح العمره هالاربعاا

وماتخيلون شقد مشتاقه للحرم واتمنى تكون فتحه خير علي

من شووي جلست ابكي من اشيا كثيره مرت علي

وجلست اقول لزوجي وش تتمنى هالسنه ؟

سمسم كيووت ..

احنا معاك ولاتكابري الله ارسلنا للبعض لنفضفض
ومهما تقولي لااحد مراح يفهمك مثلنا
وشي الاحلى فيك امك تعرف وتقدري تبكي عندها
وترشدك

مااعليك لاتقولي عندي ازمتين اختبارات ومشكله تشنج

تره الله معاك في كل الاحوال تفاهمي مع زوجك

انك تبي تاجلي الموضوع الى بعد الاختبارات


الزهراا

بجرب البابونج حاليااا واختلي بنفسي واذا مانمت رجعت لكم

ورده جوريه

الله يسعدك وين ماكنتي تكفين كوني معانا في كل لحظه

ووذكرينا ان الجماع اسهل مايمكن

وانك تمارسي حياتك طبيعه

الله يحفظ لك ولد ويسخر لك زوجك
 
تسلمين زهره زوجي لما يشوفني ابكي مره يتضايق ولانه مره حساس وتنزل دموعه اكره نفسي ا ويمكن يقعد شهر حزين تخيلي
عشان كذا ماحبه يشوف دموعي مابي اتعبه معاي كفايه اللي سويته فيه وحرمته من حقه

ادعوليت كفون قسم بالله حالي مايسر عدو فيني شي موب طبيعي يارب ترحمني
ليه سنتين متزوجه ماعمره مرت علي ايام عصيبه مثل ها الاسبوعين بكره بطهر من الدوره وبحاول احس معلقه امالي ع بكره اذا ماقدرت
مدري وش بيصير فني لان الكيل طفح وضالمه انسان معاي ماله ذنب الا انه تزوجني

<<لااله الى الله عدد ماكان وعدد مايكون وعدد الحركات والسكون>>
 
Deemماشاء الله تبارك الله واصلي وربي ييسرلك ويسهلك امورك اهم شي لاتتراجعي
احلام لاتتوتري ولا شي الدكتوره مره طيبه تحسينها امك مو دكتوره واذا رحتي العمره لاتنسين تدعين لنا
وان شاء الله ينحل موضوعك قبل ماتسافري عشان السفره تصير شهر عسل جديد وصدقي هههههه حلوه صدقي
احلام والله مومكابره بس احسماعندي كلام اقوله احساس غريب احس اني وحيده بالدنيا وماعاد يعجيني شي احس بملل قاتل
الله يعن بس ان شاء الله تفرج عن قريب ربك كريم
 
السلام عليكم ... كيفكم بنات ..
انا جديده في هالمنتدى وماسجلت الا لما شفت قلوبكم على بعض ..
وسجلت في كذا منتدى عشان هالتشنج المهبلي ..
حاولت اجرب بالموسعات وكل شي بس يأست وصار لي سنه ونص متزوجه ..
وبآقي بكر ..
وخلاص الحين قررت ان شاءالله اني اتعالج عند الدكتوره اماني شلتوت ..
بس بنات انا من الرياض كيف اخليها تقتصر علي المده ..
وبكم جلساتها وكم جلسه تستغرق ؟؟ الله يوفقكم
 
سوسو بيبي ..

ياهلا فيك ياعزيزتي ماشااء الله عليك متحمله كل هذا

الله من فوق يشوف حالاتك وراح يسهلها عليك ؟

بس لازم تقعدي مع زوجك قعدت صراحه انك مستعده

لهالموموضوع بس

لين تلتائم الجروح ووكل مازاد عليك

كل ماتعقدتي اكثر

انتي حاولي تفتحي صفحه جديده

تقربي من الله لاتمر ليله
وسوره البقره لم تقرينها
وواضح من كلامك انك متمسكه فيها

الله يحفظك

الزمي دعاء في قيامك لليل

والاستغفار له فائده في حل كثير من المشااكل )

سمسم كيوت

الله يسمع منك واتمنى هالشي من كل قلبي

لي ولكم ..

طيب اذاا انتي رافضه الدكتوره وسعي نفسك

وجنب زوجك ؟

والي اعرفه انو مافي حل للموضوعنا الاتمارين سوى بنفسك

او مع طبيبه

الله لايضيق عليك وحتى لو ضاقت عليك بتفرج

بس احسني ظنك بالله واي مؤمن يحسن

ظنه بالله يكرمه الله بااعطاء بلاحدود

لاتشيلي هم الاختبارات صدق هذا مستقبلك

بس احتسبي كل امر تمري فيه لوجهه الله
لان ينتظرنا اختبار اكبر في الاخره

وكل ماصبرنا وابتلينا غفر الله لنا

بما ان فيه دوره استغفري

فالاستغفار يغفر ذنوب ويمحي الافكار سلبيه

دلوعه علاوي ..

ياهلا فيك منوره والله يخلي لك علاوي

ويسخركم لبعض

اممممم

طيب بدالك في الرياض في دكتوره طرفه المعمره

وسمعتها حلوه

انا بكره باابدى معها اول جلسنه

وانا مثلك لي سنه وشهر
 
الحالة
مغلق و غير مفتوح للمزيد من الردود.
عودة
أعلى أسفل