التجمع (6) لحوامل الشهر / 1 ، 2 ، 3 حياااكم الله .....

الحالة
مغلق و غير مفتوح للمزيد من الردود.
بنت المعاضيد قال:
:8:انا عاد المغفلة على قولة اختي
رحت مراجعتي عادي وقام الدكتور فحصني وقاللي متى تبين تولدين جان اقوله كيفك(جنه السالفة بكيفنا)وكنت مكتئبة حدي لان زوجي بيسافر امريكا واجل سفره عشاني ولم يه موعد اختباره ما قدر يؤجل المهم بنفس اليوم مال مراجعتي
يوم فحص الدكتور جان يقول بخليج بعد يومين وانا اضحك واقول ما دام راح الغالي ما يهم متى اولد !!!!!!!!!(مسوية فيلم هندي)
طلعت انا وخواتي جان اقول حق اختي لاتروحين بيتج نطري يمكن اولد اليوم
جان تخزني بنظرة جنها تقول بس فكينا يا عديمة الاحساس صار لي اسبوع انام عندج ببيت اهلي وما صار شي جان تقول انا زوجي يبيني اليوم لا وراحت دقت عليه جدامي جان تقوله حبيبي انا مسويتلك مفاجئة لا تتاخر
وانا اتحلطم لاني اول مرة اولد زوجي مو عندي ومن القرادة حالفة ان امي هالمرة بريحها وحلفت خواتي محد يقولها لين اولد بالسلامة
المهم رديت البيت والعوار يزيد راحت اختي المتزوجة وظلت الصغيرة عندي المهم نمت وقمت على اذان الفير واهنا الفشيييييييييييلة
صليت الفير ونمت على ظهري ماكو ثواني والا اسمع صوت واحس بعد (بط) والا الماي مغرق فراش اختي الصغيرة لا وتوها شارية طقم الفراش من ايكيا ما صار له يومين
المصيبة منو ينقذني
اختي توهقت وانا قايلتهم ومحلفتهم لا تعلمون امي وابوي ابريحهم هالمرة
دقت على المتزوجة جان ترد بكل حقارة تقول انا مو فاضية (يعني تحرنا وكلش مو وقته)
مسجت الصغيرة لها ولادة لحقي
جان تقول لها قديمة دوروا غيرها هههههههههههه (والله حاطة الضحكة بعد)
اشوي الا اخواني رادين من صلاة الفير ابوي راح غرفته وهم مرونا
جان تقول اختي لحقوا قاعدة تنزف ولادة(من الخرعة قالت نزيف)
اشوي ولا باتمان وسوبرمان شايليني وطبعا ما كو خبرة ونسيت اقولهم لفوني بشي وقام الماي صب عليهم
واحد من اخواني وسواسي نظافة اهما رافعيني واحد يميني ايد وريل وواحد يساري
الوسواسي يوم شاف الماي صب عليه جان يهد ريلي جان يقول بول بول لا مسكي نفسج تكفين (سوري بس والله كل ما نذكر هالسالفة نموت ضحك)
انا طبعا الله لا يوريكم اهو حيا اهو خوف اهو ضحك ولان من قبل معلميني اذا صب الماي لاتمشين ولفي جسمج وخل زوجج يشيلج
الابلى من جذيه بينزلوني من الدرج الحين جان يقول اخوي الثاني امبيه انت ضعيفة بس اشلون صايرة ثقيلة جذيه وانا اخواني اطوال وعراض وانا صج اضعيفة واصغيرة والله ينزلوني درجتين و ويقفون يريحون (مو وقته )والماي مغرقهم يصب صب
المهم على ما نزلوني (انا اهني قاعدة اضحك على اشكالهم خوش وحدة بتولد .....بس طلع هالضحك علي بعدين عدل!!!!)
المهم الاحلى يوم وصلوا باب السكة الا اختي الصغيرة وراهم ماسكة لفتي واهم قاعدين يتناقشون باي سيارة يشيلوني جان اصرخ عليهم اهني بدا العوار يشتغل عدل جان اقول باي شي ان شا الله مشي جان يقول اخوي من صجج انا جذيه وبموت انت شنو ماكلة امس جان يقول الوسواسي تعال انت اشلون احنا مطلعينها سفور شيقولون علينا الناس (اي ناس اي سفور انا بولد!!!!!!!!!)ورد جان يقول انتي متاكدة حامل بياهل ورد عليه الثاني يستعبط لا بعجل !!!!!!!
امبيه انا اطلق وهذا يقول سفور والثاني يقول عجل ودخلوني البيت لين غطوني وردوا طلعوني ولو تشوفون اهدومهم تقولون توهم مغسولين المهم يوم ركبوني السيارة ولافيني بلحاف من راسي لريولي ما اشوف شي بس اسمع جان يقول الوسواسي بروح اسبح وارد انا ما اقدر اقعد وكلي بوووول جذيييييييييه
اول ما سمعت جذيه جان اصررررررررررخ من قمة راسي وقلتهم الراس طلع طبعا اهما اخترعوا ولافاهمين شي وانا الحيا كله طار بس ابيهم يودوني المستشفى اول ما دخل اخوي جان يقول حق الدكتورة المناوبة مسكينة دكتورة وايد باااااااااااااااااالت علينا (وهو مستحي بس يكون بيعلمها يعني شنو صار) ماتت من الضحك المرا جان تقوله ما عليه تعيش وتاكل غيرها تجربة حق زواجك باجر
اللي حرني طلع دكتوري موسعني(سوري بس بوصل المعلومة!) اكثر وكنت مفتوحة اربعة ويقوللي بالاخير مو احسن من قعدتج بالمستشفى عشتي الولادة صح الحين والله دعيت عليه من قلبي قلته حسبي الله عليك فضحتني وفشلتني
المهم عقب يت اختي المتزوجة واهي ميته ضحك وامي وابوي جان اقول لاختي الله يسامحج زين جذيه وانا حسبالي بتعتذر مني جان تقول ريلج دق علي عقب مادق عليج وما رديتي حاس انج بتولدين وانا قلتله لا مافيها ولادة بس ولدج كلم ابوه جان يقوله بابا ماما سوت بوله كبيرة على خالي اثاري ولدي متابع الاحداث وانا حسبالي نايم
الحين السالفة صار لها 3 سنين ولي يومكم ولدي يسولف فيها ما خله احد حتن مدرس الالعاب ماله المشكلة نعلمه ونفهمه وانا والله تعبانة عليه حييل يعني ماعندي هالسوالف وماكو فايدة
واخواني عقب ما فهمتهم الوالدة قالوا بعد خلاص اللي تبي تولد تخلي ريلها يقعد لها
اي والله بووووووول(حشاكم) وسفور وعجل
وييييييين قاعدين ههههههههههههههههههه
أنقر للتوسيع...

هههههههه والله صج فشله لو انا بدالها واخواني يقولون عني جي بالت فششششششششششششله :39:

مابطلع يدامهم ابد توبه هههههه عضوده هالقصة منقوله من تجارب ولادات والا لج
 
ولكم حبيبتي اجمل اخبارج بديتي تشترين للنونو
 
هلا الحمدلله بخير وسهاله بس شوي حمى وحراره من البارحه

انتي باي شهر حبي؟

انا ناوية من ادخل الخامس ابدا اخذ له شوي شوي
 
اهلين اهلين بالعسولاااات

كنت اتفرج ع طيور الجنه *_* من الحين اتعود ع هالقناه ههههههههههههههههه

قبل ما يجي النونو ان شاء الله

بنوتات اشتريو ملابس للنونو ولا لسه

انا كنت ابي اعرف هو ولد ولا بنت علشان ابدا بس ما بان في الاشعه عندي موعد الاسبوع الجاي ان شاء الله بقول لهم يسون لي اشعه ثانيه
 
جسرالاحزان قال:
اهلين اهلين بالعسولاااات

كنت اتفرج ع طيور الجنه *_* من الحين اتعود ع هالقناه ههههههههههههههههه

قبل ما يجي النونو ان شاء الله

بنوتات اشتريو ملابس للنونو ولا لسه

انا كنت ابي اعرف هو ولد ولا بنت علشان ابدا بس ما بان في الاشعه عندي موعد الاسبوع الجاي ان شاء الله بقول لهم يسون لي اشعه ثانيه
أنقر للتوسيع...

ههههههههه تصدقين وانا من يومين كنت اشوف اسبيس تون ورسوم والا افتح حكايات

عالمية ع يوتيوب ماعرف شو يايني وبنت عمتي تضحك علي تقول هذا مب انتي النونو مالج

يبي يطالع ,انا بعد كنت اتريا اعرف الجنس وابدا اخذ له ان شاءالله ببدا اول مابدخل الخامس

ان شاءالله راح يبان الجنس وتشترين له
 
مساكم مسك ابغى انضم الكم كيف بليززززززززززززززز انا حامل بالشهر الاول ممكن تتقبلوني معاكم
 
باج -_- ابي اصيح

كروشات مسوين دياي وصالونة سمج وانا ماحب لا دياي ولا صالونة سمج حاولت اكل

خذت لقمتين اتلوعت وقمت
 
برنسيس لازم تاكلين من شان النونو
ويفضل انك تاكلي سمك مره في الاسبوع من شان مايصير في النونو حساسيه
والسمك مفيد الان لك
 
السلام عليكم كروشات

اجمل عيون
برنسس
جسورة
كيفكم حبيباتي وكيف الثقل مااظن ابتدى عند وحده فيكم

امس ماقدرت انام والله احس الحوض مكسور وشربت بندول ولافادني شي
اتقلب يمين شمال والالم يزيد حتى شكيت ان عندي طلق بس رجعت اتعوذت بالله من ابليس وحطيت ورايا 3 مخدات وحاولت انام الا والثقل ماسكني بصدري ماني قادره اتنفس
المهم ليلتي مرت بين تقلب والم وضيق تنفس
وقبل صلاة الفجر بساعه تقريبا غلبني التعب ونمت استغفر الله واتوب اليه
الشيطان اللعين يعرف كيف يزين المعصيه للعبد
خلى التعب يغلبني علشان تفوتني الصلاة والله مقهوووورة
 
أجمل عيوون قال:
برنسيس لازم تاكلين من شان النونو
ويفضل انك تاكلي سمك مره في الاسبوع من شان مايصير في النونو حساسيه
والسمك مفيد الان لك
أنقر للتوسيع...


حبوبة شي اتلوع منه او مااشتهيه ماحب اكله غصب لاني عقب برجعه مافيني طلبت لي من برع

انا اكل سمج عادي بس ماحب صالونة سمج
 
انا ما اكل سمك ابد

معقوله يصير في النونو حساسيه من السمك لاني ما اكلت وانا احامل
 
الحالة
مغلق و غير مفتوح للمزيد من الردود.
عودة
أعلى أسفل