التأهيل الاسري

[alma]

السلام عليكم ورحمة الله وبركاته اخواتي في المنتدى الاكثر من رائع والذي اعتبره مرجعا لي في الامور الحياتيه المختلفه ... اخواتي لي رجا منكم وهو ان لاتبخلوا علي بالرآي في موضوع يتناول حياة شخص غايه في الاهميه عندي وهو ابني الله يحفظه ويحفظ اولاد المسلمين ... عمره 15 سنه هادي مطيع حنون اسأله في كل شئ اشاوره احترمه وافرض احترامه في البيت بشكل غير مبالغ فيه البيله جزء من مطالبه اللي اشوف فيها فايده له اولا مثل هواية تربية الحيوانات الطيور والرحلات والدراجات والحاسبات .. وبقول الكم ليش انا اتعامل وياه اباهي الطريقه لانه يتحمل المسؤليه يتحمل غلط اخوانه عليه وكأنه اب اخر في البيت عنده القدره ايحل اي مشكله اتصير جدامه وبكل كفائه مطلع مثقف في مجالات كثيره محب لاهله ايقوم بالواجب ومع الكل يقضي جزء اكبير من وقته في الاتصال باهل والكبار في السن والدردشه مع العجائز خدوم يلجا له خواله في امور كثيره ويحملونه مسؤليه الاختيار واصدار القرار في ملبسهم سيارتهم صداقتهم مع ان الفرق في السن بينهم يتعدى 7 سنوات وذالك لعلمهم برأيه السديد ولله الحمد وطبعا قضاء الوقت برفقة التي لاتمل نأتي للمشكله والتي لاتصدق ان هذا الولد وبهذا العقل والذكاء يرسب وتصعب عليه الدراسه اولا لقلة التركيز مثل ماقلت فهو يفكر في جدته والتي تأخذ كل تفكيره فهو يفكر فيها في كل ثانيه حتى في منامه قديستيقظ ليتصل فيها مثل ليخبرها انتقفل الشباك لوجود رياح والغبار او امطار وحيواناته ولتزويد دراجاته ومرات فعلا ايكون مشغول اكثر من ابوه في المجاملات الاجتماعيه كل هذي الاشياء لهته كثير عن دراسته وحاولت ابعده عنه وقت الامتحانات والحمدلله قدرت بس الولد مخه مب في الدراسه ابدا والسبب انه اجتماعي ازياده عن اللزوم اخاف اتعامل معاه بطريقه هو ماتعود عليها وافشل جربت الشده وياه وكان يضحك عليه لانه ايعرف انه هاي مب طبيعتي مثل الموبايل والزيارات بس في الويك اند هاي هي قصتي ويا ولدي
قولولي شسوي وياه والله يجزيكم الخير ....