السلام عليكم اخواتي
وين هالغيبات المهم
انا عندي قصه وحاب اطرحها طبعا حقيقيه وهالايام صارت وبدي حل الها لانه صاحبة القصه بتعاني وبدها مخرج
متزوجة منذ 12 سنه وجوزها من النوع اللي بغار كثير ممنوع الباب ينفتح لأحد ممنوع تهوية البيت من خوف ما حد يشوفك
ممنوع الخروج الى السوق ممنوع ممنوع ممنوع .........................
خلفت منه اولاد وبنات وكبروا هسه لازم تعلمهم كيف يروحوا عالمدرسه لانه ابوهم ممكن يكون دوامه ليلا
وافق تحطلهم باص يجيبهم ويوديهم وافق انه يكون مفتاح البيت معها عشان ترويحة الاولاد من المدرسه
مش هون المشكله سافرت معه لمدينه غير مدينة اهلها وكان يجيبها بالعطل وهناك ممنوع تتعرف على جاراتها قالت له طيب ممكن يصير عنا اشي وانت مش موجود انحرقت الدار فرضا ولد تعب فجأه ** بدي تلفون عالاقليّه**
وبعد محاولات جابلها تلفون ولأبنه عمره 10 سنوات تلفون طبعا فرحت ويا فرحه ما تمّت التلفون اللي جابه لأبنه طلع عشان يسأله مين حكى مع أمك لمين فتحت الباب لمين شكت .................(جاسوس)
طبعا اعترضت انا بدنا نعود اولادنا على الامانه ولا على الخيانه طبعا صار يقتلها ويضربها ويهينها
مع انه كان يضربها قبل ويهينها وصارت مشاكل عشان هذا الموضوع لكن لا حياة لمن تنادي
رجع يبهدلها ويهين اهلها
وحرام هيه ما انكرت معاملته الجيدة معها ومصروفه للبيت ما بتنكر
بس بتحكي بكون ملاك برة البيت وعند ما نرجع من مشوارنا كأنه شيطان
فجأة بكون ملاك بالبيت وبنضحك ما بنلاقيه الا عصّب وصار يضرب الاولاد ويضربني لدرجة عندي طفل عمره سنتين ما بتشفيه لهوه خابطه وضاربه
حكتله مَرَته تعال نحصن حالنا بسورة البقره ونعوذ اولادنا
قاللها انا ما قيه اشي انتي روحي اتعالجي لحالك
طبعا حاليا هيّه عند اهلها
بعد مشكله صارت بينهم سألوها ناس شو السبب
ضحكت وحكت من ولا اشي
كنت بفوّط ابني الصغير ومسكت كيس المحارم وحطيتهن جنبي
قال الها ليش تحطيهن هون
حكت وين احطهن
فجأه من سابق انذار عصب عليّ صارت كلمه مني وكلمه منه وجاب بربيش الغاز وضربني وضله يخبط براسي
لحد ما رح يغمى عليّ
طبعا هاي مش اول مرة بضربني
بتحكي هوه مليح فجـأة بنقلب وبعصب وبقلب البيت كله صراخ عليّ وعلى الاولاد وخايف يأثر عليّ وعلى نفسية اولادي
زوجي في اشي وبدي حل
الرجاء من الاخوات اللي بقرأن القصه يعطن حلول لهذه المشكله فقط بدون اهانه للرجل لانه ما بنعرف اللي بداخله
