البــــــكر ..... !!!

[أحب اللي يعشقني]

السلام عليكم ورحمه الله وبركاته

مساء \ صباح
الورد والفل واللوز
على أحلى بلقيسيات في الكون
شأخباركم حبيباتي ... عساكم بخير وتمام
اتمنى ذلك

يالغاليات
<<< هاالحبيبه مخطوبه ومقبله على الزواج
وماتدري عن الخطيب شيئا يذكر
وكلش إن شاء الله مايضر لأني بعرفه بعدين
وبشبع معرفه ....
المهم

خطيبي بكر أهله ... يعني أكبر عيالهم
ماشاء الله
وبصراحه فكرتي عن البكر إنه غير عن باقي إخوانه
عليه شيء من مسؤوليه أهله ... ويلجأون له لحل مشاكلهم
أبي أعرف

فكرتي صح أو مبالغ فيها..؟؟
وكيف يكون نمط الحياه في الغالب...
وكيف أتعامل مع بعض المواقف إذا فكرتي
فيها شيء من الصحه...؟؟

اللي عندها خلفيه أو زوجها بكر أهله
ياليت تفيدني الله لايحرمكم ووالديكم الجنه

:icon26:
تحياتي يالغاليات



​

 

[التحدي صعب]

فكرتك صح ان غالبا اكثر واحد يشيل هم اهله
وطبعا على طبعه مع اهله اذا هو طيب وحنون بيلجاون له
لكن انت وش تبين بهالسوالف
ياحياتي اهل الزوج عامليهم زين بيحطونك فوق رؤوسهم
الله يوفقك

 

[صمت الزهور]

مو شرط انا زوجي ماهو البكر واهله معتمدين عليه بكل شي

والكبير كأنه اصغر واحد مغسل يده منهم ,, هو على حسب شخصية الولد اذا كانت قويه واذا كان حبوب فأكيد مرغوب من اهله مهما كان كبير او الصغير اما اذا كان غامض مع اهله وعصبي او بارد اكيد مايعتمدون عليه انا من وجهة نظري ان الاعتماد من قبل الاهل يرجع لشخصية الرجل نفسه

والله ولي التوفيق

الله يسعدك يالحبيبه *_^

 

[ألماسة آسيه]

صح مقولتك بس مو دائم
بل احن واحد لهم هو يكون ملجا لهم بمشاكلهم وهذا فخر لك وله بالداريين

 

[S.smsm]

عن تجربه صح...
زوجي البكر للأهله وفديته شايل همهم كلهم من أصغرهم إلى اكبرهم سنا
والله يقويه ويكتب اجره.....

 

[أماني نجد]

أخو زوجبي البكر شايل بيت أهله كله والحب والمشوره له

 

[أحب اللي يعشقني]

التحدي الصعب

ياهلااا بك ويامليووون غلااا حبيبتي
ألف شكر لك على الرد والنصيحه
وبإذن الله أهل زوجي هم أهلي
وبصدق يشرفني إن زوجي يكون هو
ملجأهم وملاذهم وسندهم إذا إحتاجوا لعون
هذا ينحسب له ولي ولعياله
بس أبي أعرف الضغوط على الزوجه تكون
أكثر من اللي زوجها أصغر ...؟؟
أعتقد زوجه البكر مهما كان عليها العين
كأنها أختهم الكبيره .. كيف اتعاون معه ..؟؟

سلمتي يالغلاااا
تحياتي
:icon26:..​

 

[أحب اللي يعشقني]

صمت الزهور

هلااااا بك ومليااار غلااا يالحبيبه ..:icon26:
ويسعدك ربي ويوفقك تسلمين على مرورك وردك
وأخو زوجك مثل أخوي الكبير ...
ماله شغل فينا ... عكس اللي أصغر منه
وهذا طبع أعتقد ...

ألف شكر لك قلبي
تحياتي

​

 

[أحب اللي يعشقني]

الماسه آسيه

هلاااا بك يالغلاااا مليوووون
تسلمي ياقلبي
نورتي متصفحي

الله يجزاك خيرحبيبتي
تحياااااتي
:icon26:​

 

[زوجةاسير]

حبيبتي صح كلامك انا زوجي بكر اهله وابوه متوفي وشايل همهم حتى وهو في اسره فك الله اسره

 

[أحب اللي يعشقني]

S,smsm

هلاا وغلااا بك مليوووون

الله يخليه لك ولهم ... صدق زوج يفتخر فيه
ألف ماشاء الله
اللي فيه خير لأهله فيه خير للناس

حبيبتي بسألك كيف تكونين عون له
خصوصا أول سنه لأنها أصعب سنه
نصائح عامه فقط تفيدينا بها
الله يجزاك خير

ألف شكر لك يالغلااا
تحياتي ... :icon26:​

 

[أحب اللي يعشقني]

أماني نجد

هلااا ومليارااات غلااا
حياك الله ...
عطرتي صفحتي بتواجدك ..

تحياااتي
:icon26:​

 

[أحب اللي يعشقني]

زوجه أسير

هلااابك ومليوون غلاااا حبيبتي
اسأل الله العلي القدير ان يفك أسر زوجك
ويرده لك سالم غانم ويأجركم على كل ضيق
وهم ... ويخليه لكم ... ويصبركم ويفرج همكم
آآآآمين يارب

نورتي متصفحي بتواجد الجميل
ألف شكر لك يالغلاااا
تحياتي
:icon26:

​

 

[حبيبة كوكي]

لا موشرط
اخو زوجي مو متحمل شي على انه البكر

 

[كسرني غيابهـ]

ياقلبي الله يوفقك وماقصروا البنات بردودهم

 

[جوري التركي]

موشرط انه البكر ان يكون المسؤول عن حل المشاكلويساعد ان زوجي ماهو الكبير
ومع هذا كل شي على راسة

 

[مستمعه]

مرحبا غاليتي

اولا الف مبروك والله يتمم عليكم بخير

شوفي حبيببتي موشرط اذا كان الكبير انه يكون شايل مسؤلياتهم ع حسب الشخص نفسه

بالنسبه للنصايح
اهم شي امــــــــه حطيها بعيونج والله ضحي علشانها والباقي بكيفهم خخخخ موقصدي بس اهم شي الام والبنات بعدهااا

يعني عامليهم معامله زينه

الله يوفقك وييسر امرك ويسخرلك زوجك

 

[صباح الورود]

اهلين حبيبتي بصراحة مو كل بكر عليه المسؤليية ان زوجي البكر بس ابد ماعليه من اهله نادرا ما يعتمدوا عليه هم يعتمدوا على ابوهم والخدم وطالعاتهم واغراضهم المسوؤل عنها السواق بس تبغين الصراحة ودي ان اهله كانوا يعتمدون عليه لانه الان بالموت اطلع وبالموت اجيييب اغراضي لانه ماتعود انه مسوؤل عن احد هو مسوؤل عن نفسه فقط000 لذلك اعتبر نفسي اني ضحية غلطة اهله اللي ماعلموه المسووليه 00بالعكس انا من رايي ان المسوول عن اهله افضل من غيره بس بشرط ما يكون على حساب زوجته واولاده00الف مبروك والله يوفقك ويسخر لك زوجك:icon26::icon26::icon26::icon26:

 

[ياربي انصرني]

مو شرط يكون البكر يتحمل المسؤليه000على حسب شخصية الزوج000


اذا كان حريص وعنده روح الايثار باهله تجدينه يضعهم في مقدمة حياته حتى على نفسه وزوجته وعياله

وان كان شعاره في الحياة 000نفسي نفسي تلقينه حاصر اهتمامه بعياله وزوجته ولا عليه من احد تقولين برود او قل اهتمام او من النوع اللي مايتحمل مسؤليتهم يعني اتكالي اذا شاف احد اخوانه مهتم يسقط عن نفسه المهام000

وبحكم قربي لمن حولي اقولك موشرط يكون الكبير ممكن الوسط او الصغير000على حسب شخصية زوجك

 

[زهرة الشرق]

الله يفك اسر زوج (زوجة اسير يااااااااارب) انا بعد زوجي اكبر اخوانه واخواته وامه دايم النظر علي لانه اخوانه الثانين ما كانو تزوجو بعد لكن الحمدلله الحين تزوج الثاني وارتحت شوي والله يعين اللي بعدي المهم نصيحه مني لك لوجه الله اذا صار موقف ما عجبك او قالو لك كلام يجرحك لا سمح الله لااااااااااااا تردي عليهم ابدا وقولي لزوجك الشي اللي صار وقولي له حبا فيك ما بغيت ارد عليهم وبعدين طولي بالك معاهم ع الاخرررررر ررررررر ررررررررر هههههههههههههههه وتحببي لهم بكل انواع التحبب ومن تواضع لله رفعه وسلامتكم