البس بنتي حفاضه وقت النوم والا خطا؟

[د. نوال**]

السلام عليكم

بغيت اسال بنتي عمرها 2 و5 شهور

ومن عمرها سنه ونص وهي عارفه وشو الحمام وش نسوي فيه

لكن لانشغالي بالعمل ماكنت مركزه بشكل جدي معاها

لكن الان حسيتها تقدر وبدينا بالويك اند لكن احيانا تعمل على نفسها

وناويه ابدا بجديه بدون حفاظ لكن وقت النوم بالليل كيف؟؟؟ مستحيل تعرف او تتحكم بهالعمر هل خطا البسها حفاظ ام لا؟

 

[ديم الغيم]

وعليكم السلام ورحمة الله وبركاته

عادي اختي مافي مانع انك تلبسي بنتك الحفاظ بالليل بس على طول اول ماتصحى من النوم شيليها ودخليها الحمام يعني لاتتركين الحفاظ عليها وقت طويل وتتعود عليه :no: بس حبيت اقولك شغله وهي ان الوقت الحين مو مناسب للتدريب والشتاء على الابواب ويتزيد دخلاتها للحمام الله يعزك وممكن تملين ويخترب كل التدريب :dunno:

الله يحفظ بنوتك ويخليك لها يارب :icon26:

 

[هني مون]

انا عمر ولدي سنتين واربع شهور بديت اعلمه على الحمام كنت كل نص ساعه اوديه الحمدلله اللحين اتعلم بس المشكله بالليل مرات انسه البسه ويبلل الفراش يعني بس بالليل البسه الحفاظ
واحيانا لما اطلع برا والبسه وانسى ان الحفاظه عليه يتعود ومايروح الحمام ويبلل نفسه
فالافضل يكون بالليل

 

[روحي تحبه]

أختي ..الأحسن لما تنوين تدريب الطفل على ترك الحفاظ تعودينه على تركها في الليل والنهار داخل المنزل وخارجه في نفس الوقت..لأن مخ الطفل ستحدث له خربطه ولن يعرف متى يتحكم بنفسه ..وبالتالي سيتشوش أداؤه ويبطيء من التعلم ..
الأفضل أن تستعيني بالله وتضعي تحت شرشفه نايلون أو ما شابه وتحاولي إيقاظه بعد نومه بعدة ساعات ليتعود ..
أدري إنها فترة متعبه ولكن الله المستعان ..أنا أؤجل دائماً تدريب ابني (عمره 2 و4 شهور ) لهذا السبب فأنا بحاجة لتفرغ لتدريبه ..وسأفعل بإذن الله في أقرب فرصة ..الله يعينا جميعاً ..

 

[تفوق الوصف]

اولا غلط ثانيا الخطه الاولى قللي السوائل بالليل على حسب وقت النوم اذا تنام بنتك الساعه 9 من الساعه 7 وقفي السوائل واذا تنام 12 وقفي السوائل 9 الخطه الثانيه تبدين تقومينها مرتين بالليل كل اربع ساعات قوميها وديها الحمام كانك تعطينها دوا لازم بالبدايه تكونين حريصه الخطه الثالثه تبدين تحفزينها وتشجعينها ومع كل بوله عطيها حلاوه او هديه الخطه الرابعه اذا دخلت الحمام خذي شي يسليها مثل القيم بوي او بي اس بي حتى تلهى وتفرغ المثانه كاملها وستلاحظين الفرق باذن الله وهذي الخطه ماخذتها من دكتور مسالك بوليه وطبقتها على بنتي وان شاء الله تلاحظين الفرق

 

[احبه ويحبني]

وانا بعد وياكم هالايام اعود بنتي على الحمام
بس بعض الاحيان اتكاسل
فحاليا راح اجد لانها كبرت عمرها 2 ونص

 

[د. نوال**]

استفدت كثير من افكاركم وتجاربكم

بس يابنات لموضوع الشتاء انا ببريطانيا والجو بارد عموما

وكمان بنتي تروح حضانه وشايله هم تعملها على نفسها وتفتشل

ولكن هم ابدو معاي تعاون انهم يساعدونها شرايكم؟ مشكلتي ادرس وماعندي وقت الا الويك اند اعلمها

 

[ديم الغيم]

اهاا اختي نوال انتي في بريطانيا اجل الله يعينكم على البرد .. دام بنتك بالحضانه وهم مستعدين يتعاونون معك خلاص المشكله انحلت انتي عطيهم طريقتك بالتدريب وخليهم يمشون عليها وانتي كمليها بالويك اند وبكذا تضمنين ان شاء الله ان عملية التدريب تتواصل ولاتنقطع :icon30: اتمنى اكون افدتك والله يكتب لك النجاح .

 

[rorona]

حبيبتي انا بعطيج افكاري لاني ام اربع اطفال وعندي يمكن خبرة اكثر منج.
اولا : لما تقطعين الحفاظة عن بنتج لازم تكونين جادة وصبووووورة.
يعني اخذي القرار المناسب في الوقت المناسب وهني مطلوب الصبر وانا انصحج ان يكون عندج ايام عطلة او تكون ايام مو وقت امتحانات بالنسبة لج يعني متفرغة بنسبة 60%.
ثانيا: استخدام لغة الحوار مع الطفل.
يعني تكلمين بنتج واتفهمينها ان هذا حمام وهذا مكان اللي ....الخ وانتي فاهمتني .
ثالثا: معرفة اوقات حاجة دخولها الحمام.
وهذا يعتمد علي الطفلة وكمساعدة منك لبنتج دخليها الحمام كبداية كل 10 دقائق اول يومين وبعدين تتطور 15،30دقيقة حتى تتعود.
رلبعا: قطع الحفاظة وقت وجود بنتج بالبيت وحتى وقت النوم.
يعني ما تلبس الحفاظة نهائيا بالبيت ولما تنام قعديها ووديها الحمام مرتين واعرفي ان في البرد لما يكون الطفل ي فراشه دافئ راح يحتاج دخول الحمام واذا كان عندج ضيوف عادي لبسيها حفاظة عن الاحراج واذا في طلعة لبسيها الحفاظة اللي نفس الكلوت " السروال " ودخليها بالحمامات الموجودة بالاماكن العامة بس تذكري تعقمين كرسي الحمام بمناديل تعقيم او سائل تعقيم كله موجود بالسوبر ماركت " لأنها بنت " واخذي احتياط تبديله لها.
خامسا: بلغي الحضانة ان بنتج قاعدة تتعلم دخول الحمام.
يعني حطيلها ملابس احتياط وخليهم يدخلونها الحمام كل ربع ساعة كبداية وصدقيني اغلب الحضانات متعاونات.
سادسا: واخيرا ابتعدي عن الضرب.
وهذا رجاء مني لج لان اسلوب الضرب خلا بنتي الي اليوم عمرها الحين 8 سنوات توصخ بملابسها لانها كانت تزعجني وكنت صغيرة في العمر مع ان باقي عيالي يدخلون الحمام عادي. فارجوج لا تكررين غلطي .
مع تحياتي وموفقة​

 

[ام فطومه]

ما شاء الله الاخوات ما قصروا
بس ما حبيت امر وما اعقب لعيونك الحلوة
انا ما بعد اعلم بنتي عمرها سنه و4 شهور بس سالت اغلب الحريم يقولون في النهار ماتلبس حفاظ ويدخلوها الحمام من وقت للثاني
اما في الليل يلبسوها ومع ذلك تدخلينها من وقت للثاني بالليل بعد عشان تتعود
يعني الحفاظ بالليل احتياطي بس
وانا اوافق على اقتراح الحضانه اذا كانوا ثقة
والله يوفقك يالغاليه