البارحه ما نمت بسبب صديقه لي ساعدوني جزاكم الله خير هذا اليوم

[حياتي بوجودك]

السلام عليكم ورحمة الله وبركاته
صباح الخير
انا بدخل على طووول بلموضوع
لان بصراحه فيني نعاس :29:
البارحه ما نمت والسبب صديقه لي وغاليه على قلبي
اتصلت علي بليل
وانا بقيت افكر فيها
واليوم من الصبح اتصلت علي
وبصراحه انا ما رديت كلت انتظر اشون رايكم ونصائحكم يا غاليات فلا تبخلو علي جزاكم الله الجنه
صديقتي
البارحه زوجها طلع وجه متاخر لانو معزوم ولا سال فيها ولا قال لها بتاخر
هيه جالسه نتنظر
ومن جه للبيت كان مبسوط على الاخر وهيه المسكينه تقول بموت من القهر لان هو لا سال عنا ولا قال اي شي
المهم
هيه حبت تقهره
خلت يمه اطفاله وهيه راحت مكان ثاني
وهو بعد ما سال عنها
قالت رجعت بشوف شو مسوي
لقيته جالس يطالع تلفزيون وولده قريبين عليه جالسين بعد وابن الصغير عمره 2 شو مسوي بغرفة النوم
بلدهن وعلى الفراش وعلى الارضيه وهو لا كانما يشوفه
تقول متت قهر
وضربت ابنها الصغير
واخذته تحممه ومن رجعت زوجها اخذ منها الطفل وتفل عليها
وقالها انتي صدك ما تستحين تقول انا قلت له احترم نفسك منا العيال
قال لها اتركيه يله
تقول انا ما جاوبته وجبت ملابس وجيت البسه تقول وهو وقف على راسي
وقال لي انتي صدك حقيره تقول ما جاوبته
وقالت له جيب الطفل البسه لا تجيه فلاونزة تقول هو ما رضا
وراحت تجيبه منه
وهو زوجها يعني قام وضربها ضرب على عينها وجرها من شعرها
علما هيه حامل المسكينه
وهيه ما تكلمت ولا كلمة
بس طلعت من الغرفه وكلمتني
وانا قلت له صلي على النبي
واهدي مو زين لج القهر
وانشاء الله شوي بيعتذر ويهدى
وظلت المسكينه اكثر من ساعتين بس تبكي وهو ما معبرها
واتصلت علي بعد مرة
وانا قلت لها روحي اتحممي ونامي ولا يهمك البيبي شو ذنبه الي ببطنك
والصبح يمكن يصالحك
وهيه راحت سوة الي قلت لها عليه
تقول من دخلت الغرفه شافت زوجه جالس علنت ولا كانما شي صاير ولا همه الي سواه
ونامو وهو مزاعلين
واليوم الصبح قبل لا يروح للشغل
هو صحى قبلها وما صحاها حتى تعمل له فطور
وهيه صحت تعمله هم ولا كلمة
وقالت له تعال اقولك شي
هو ما جاوبها ولا كلمة بس هز راسه بمعنى ما يريد يكلمها
وبس طلع المسكينه على طول اتصلت فيني تريد المشورة
انا محتارة كيف انصحها
هيه تقول شو رايك اروح بيت اهلي لو اصبر واعتذر
وانا بصراحه ما اعرف اخاف انصحها بشي واتصير مشكله اكبر
فانا اريد اشوف اكثر النصائح بشو
حتى اتصل عليها واعلمها ​

 

[نوتيلا لمار]

الله يسخره لها
خليها تنطشه ماأشوف أنها سووت شي هو المتخلف اللي يحتااج الضرب

 

[خلود بكر]

لاحول ولاقوة الا بالله شوفي ياعسل هي غلطت لكم زعلت عشانه خرج وتركها يعني اختي عادي كل الرجال يخرجوا وليش نسوي من الشئ القلليل كبير هي كبرت الحكايه لمن زعلت وتركت اولادها وراحت مكان ثاني بعدين تتوقع ان زوجها بيخاصم ويقوله ليش تسوي كذا في رجال عندهم التطنيش يعني يشوف الولد يسوي مصيبه عادي مو مشكله عنده وخاصه ان هي الي تركتهم يعني بيقول تستاهل وثاني شئ لمن غلط ولدها ليش تضربه شوفي مع ان انا اضرب ولدي بس اكره الصفه هذي وبحاول اخففها وعن جد هم مو ذنبهم يعني الوحده تنزل غضبها بهذا الولد واكيد الاب بيزعل وبيسوي الي سواه بس هو غلط لمن قام وضرب بس بقولك قولي لها اتركيه لاتكلمه ولاتناقشه وتهتم بنفسها وباولادها ولاتتجادل معاه وقت ماهو يكون معصب اي شخص وقت الغضب الواحد يحذر منه لانه بيتصرف تصرفات خطأ عشان كذا بقولك لاتجادله ولاتتناقش معاه والله يهديه يارب

 

[حبيبي معاي]

الله يعينها المسكينه..

حسبي الله عليه مايخاف ربه..اشك ان عقله صاحي

قولي لها تتصبر وتطنشه وما تكلمه ولا كأنه موجود بس تنتبه لنفسها ولعيالها ولاتفكر فيه لأن التفكير الزايد بالموضوع يتعبها وهي مو ناقصه يكفيها تعب الحمل ..

الله يصبرها وينصرها ويهون عليها ويقومها بالسلامه..

طمنينا عليها الله يخليك..

 

[استغفرالله000]

صديقتي
البارحه زوجها طلع وجه متاخر لانو معزوم ولا سال فيها ولا قال لها بتاخر
هيه جالسه نتنظر
ومن جه للبيت كان مبسوط على الاخر وهيه المسكينه تقول بموت من القهر لان هو لا سال عنا ولا قال اي شي
المهم
هيه حبت تقهره
خلت يمه اطفاله وهيه راحت مكان ثاني
ياقلبي وين المشكله الرجال معزوم وأنتي مقهوره لأنه ماسأل عارف انكم بالبيت ماعليكم خلاف وين المشكله ؟
والمسكين راجع ومبسوط بدال ماتجلس معه وتكمل السهره تروووح تترك الأطفال عنده
نصيحه تروح تعتذر منه والله لايجيب الزعل بينهم مره ثانيه

​

 

[الأميرة شهرزاد]

عزيزتي
اللي صار صار خلاص
المفروض إنها ما زعلت و كبرت المسألة يعني عادي كل الرجال يطلعون و يسهرون و بعدين شي طيب منه إنه جالس مع أولاده بعد ما رجع
بعضهم يجي و يحط راسه و ينام و لا يعبر أحد
أحس إنها سببت مشكلة هي في غنى عنها
اللحين المفروض إنها تحاول تنسى الموضوع بس إذا كان زوجها رايق و أعصابه هادية تحاول تفهمه إن اللي سواه غلط يعني المفروض ما يمد يده عليها مهما صار ما يضربها حتى لو كانت غلطانة إلا الضرب لأني أعتبره إهانة و هي بعد إذا شافته في حالة غضب لا تجادله و تحاول تبتعد عنه عشان ما تفلت أعصابه و يمد يده عليها يعني تحاول تمتص غضبه و بعد ما يهدأ تناقشه بهدوء لحد ما يوصلون لحل يرضي الطرفين .
و الله ييسر أمورها و يسخره لها يااااااااارب​

 

[رازيا]

بصراحة احسها هي الغلطانة وكبرت الموضوع وهو صغير كل الرجال يطلعوا ويسهروا ويرجعوا مبسوطين
قولي لها تعقل وتتعوذ من الشيطان لانه هو اللي مكبر الموضوع في راسها وخليها تنشغل عن زوجها
يعني تقراء كتب او قران او تشوف برنامج او تشتغل بشغل البيت وتلتهي بعبادة الله وتقراء يوميا سورة البقرة وراح تهداء

 

[مدمنة صبر]

الله يعينك ومثل ما قالوا انتي كبرتي الموضوع وحطي نفسك مكانه لو انك رجعتي وانتي مبسوطه وهو زعلان وش بيكون موقفك !! واحمدي ربك انه عايش ورحي تسامحي معه وانسي الموووضوع

 

[بنوتة بلادي]

موضوع صغير و كبر بسبب عناد صديقتك... حتى انا اخوتي و زوج اختي لا يتصلون... يعرفون اننا بالبيت و إذا احتجنا شيء سنتصل لهم....