البارحه كانت صدمه لي شسوي يابنات؟؟

[شوق وكلي ذوق]

السلام عليكم

شلونكم خواتي شخباركم

انا ماكان ودي اوصل لي هالحاله اللي احس فيها مخي وقف وموقادره افكر بأي شي

المهم
خواتي زوجي مسافر علاج للخارج مع ولد عمته قبل لايسافر ماكنت راضيه والى الان موراضيه بس استسلمت لانه اللي بمخه يسويه يسويه

اتفقنا على انه بيسافر شهرين بس وقالي يمكن اقل وعدوا هالشهرين مثل الموت علي
وسكت وماكنت اقوله متى بترجع او يلا تعال بس بنفس الوقت كنت ادزله يافلان انا ولهانه عليك ومحتاجتلك
الله يردك لي سالم ومن هالكلام واهو بعد كان بنفس الوقت يبينلي انه مو مرتاح هناك وانه يحس بملل وندم على انه قبل هالسفره بس يقول انه يبي الاجررر ومحتاجله

المهم عقب كل هالكلام خلصوا الشهرين وصار فوقهم اسبوع زياده ومع ذلك سكت بس ماانكر اني كنت اقوله يلا بس تعال الشهرين خلصوا انا تعبت من الانتظار فاقدتك واهو كان رده انه كل شي بأجره ميخالف تحملي تصبري مااقدر اخلي اللي انا مسافر معاه وارجع...
مع انه والله يابنات المريض اللي معاه مافيه شي الحين تشافه الحمدلله ويقدر يقعد بروحه او مرته تروحله هناك بس اهو مايبي مرته...مادري ليش؟؟

المهم
البارحه كانت صدمتي

دزلي مسج يقولي فيه انه السفاره مددت شهر ثالث للعلاج

يعني شنو بتغيب عني شهر ثالث وقعدت اترجاااااااااه وماكو فايده كأني اتكلم مع انسان فاقد الاحساس انسان كأنه يقولي انا بايعج المهم عندي ولد عمتي مع انه المفروض يكون عندي لانه خيركم خيركم لأهله

واهله المقصود فيها هني ((الزوجه)) اللي اهي انا !!

يابنات انا حدي مصدومه وهالشهرين كانوا اتعس ايام حياتي والشهر اللي جاي بالطريج اصعب واصعب شوروا علي شسوي ابي انسى هالهم ابي اسوي اي شي ماابي اترجاه اكثررر خلاص ذليت نفسي بما فيه الكفايه


فيدوووووني الله يخليكم
ويسخرلكم ازواجكم ياااااااارب

واسفه لاني طولت عليكم

 

[some1]

بداية" ادعوك للهدوء - مع اني اعرف صعوبة تحكُمك بمشاعرك و اعصابك بنفس الوقت -
وثانيا" احب اقول لك انه هالشيء اللي يسويه زوجك - والعلم عند الله - شيء عادي يعني سواء كان مرافق لمريض او غيره ،،
فأنانية الرجل - الزوج - الشرقي هي التي تتحكم بتصرفاته ،،
فأنت حاولي -بعد ما حاولتي وفشلتي بالطرق السابقة - حاولي بعدم التطرق لموضوع طلبك عودته بأسرع وقت ،،
يعني
ما تجيبي سيرة موضوع الردة !!
ويمكن يجيب التطنيش نتيجة ،،
والغايب صدقيني عذره معاه ،،
واللي يبغي الصلاة ،،!!! ما تفوته ،، يعني اللي يكون حابب يعمل اي شيء غلط - أي شيء كان - فانه رح يعمله سواء في البلاد او برة البلاد
يعني مش عبرة ،،،،
ولك التوفيق و الصبر حبيبتي

 

[الجذابه]

طيب هالمريض ماله اخوان ؟؟

ماله اهل؟

زوجك ماعنده اخوان؟ ماعنده عيال عم ماعنده عيال خال ما...ما... اي احد يكون بديل لزوجك..

وزوجك يرجع..

وانتي متأكده من ان ولد عمه مريض لدرجة انه يحتاج لهالمده كلها؟

ولو فرضنا انه مايقدر يرجع ولافيه امل ان المده تقصر قولي خلاص ابي اجيك انا .. وشوفي ردة فعله.. كل شي بيوضح لك..

واذا ظروفه ماتسمح حاولي تدبرينها انتي واذا ظروفك ماتسمح اتمنى يكون موقفك جاد..

طبعا هالكلام اولا يكون بعد تقديم حلول اخرى واللي ممكن ياخذ فيها واذا حسيتي انه مايبي اي حل اقولك هنا يتلزّم عليك تتخذين طرق ثانيه..

اتمنى تكونين واضحه معه وتجبرينه على الصراحه ولاتصيرين سهله اذا اكتشفت تهاونه وعدم اهتمامه فيك..

 

[احبه موووووت]

افضل انج تشغلين نفسج بزيارات او اذا انتي في البيت بروحج روحي قعدي عند اهلج لين مايرجع ولا تترجينه اكثر تذلين نفسج الأن الرجال بطبعه مايحب وحده يحسها ميته عليه وانتي صبري هشهر الي بيي بعد واجرج عند الله واذا رجع تغلي عليه وصدقيني بينقهر وبيلزق فيج وعن تجربه كلهم مثل بعض.

 

[الوفيرا]

رأي مثل ما قرأت قصة بائعة الايدز لاتتواصلين معاه , طول ماهو ضامن مشاعرك, السفر بيحلى في عينه ,ياريت تقرين النقطة إلي في القصة وتتكلم عن سفر الزوج,في أمور في حياتنا لازم ناخذ فيها موقف,,أنا ما أقول ان عنده سوالف هناك لا,وبعد هذا مو عذر اني اسمح بسفرة مالها داعي تطول لهذه الدرجه,,هذا حقك ولا زام تدافعين عنه صح,,والرجل مايقدر يميز وهني يجي دورك ,,عشان مايقول: انتي ماقلتي شي,,او عشان مايكررها مرة ثانية ,لأنك في الاولى ما كان موقفك حازم,,
والله يقويج

 

[هند بنت عتبة]

لااااااا نعليييق

الله يعينج

 

[The Silent Moon]

مرحبا اختي ...
انا مع اختي Mrs.Lonely
ولد عمته المفروض يخجل من ابعاد زوجك من أهله كل هذه المدة اذا تعافى شوي مثل ما تقولين
ليش يخليه معاه المفروض يتشكره ويخليه يرجع !!!!
وانت خلي احد من اهل زوجك يكلمه ويقولة اقل شئ يجي يطل عليكم ويرجع غريييييييييييبه !!!
انت تأكدي من السالفه زين وحاولي تعرفي وضعهم هناك كيف ؟ ومع مين يقضون معظم وقتهم ؟
وايش الشئ الثاني غير مرض ولد عمته شاغله عنكم ؟؟!!!!

والله يكون بعونك حبيبي ويرده لك ان شاء الله ....

 

[انا الذوق]

يا قلبي الله معاك اسمعي نصيحتي بما انك سمحتيلو من البدايه وماكان لك اي مو قف واضح0 لازم تصبري مدام انه مدد كمان شهر اش حتسوي وفكري بعقلك يعني زعلك معاه ونكدك على نفسك ماراح يفيدك بشي لانه واضح انه مبسوط هناك(لو موبشي بطال اقلها مع المريض اللي معاه) راح انصحك وياليت تسمعي كلامي طنشيه يومين لاتكلميه اقفلي جوالك يكون احسن طبعا هو راح يستغرب انك مقفلاه في اليوم الثالث اول مره يتصل لاتردي واذا اتصل مره ثانيه ردي بس ببروووووود واعملي نفسك مشغوله واستاذني منه ولاتقولي انك اشتقتي او تسالي عن رجعته واذا هو فتحلك الموضوع قوليلو براحتك واقطعي الموضوع واسالي عن المريض اللي معاه اليوم الرابع لما يرد حسيسيه انك عايشه حياتك ومبسوطه حتى لو هو مو موجود يعني تقدري تقوليله شي يحيرو مثلا وانت تكلميه ببرود قولي :تصدق الدنيا حلوه تجنن رووووووعه واضحكي واستاذي وقفلي هو حيتحنن:busted_red: وانت ابد لا تتصلي عليه وشوفي والله انه راح يستعجل الرجعه بس عشان يكون جنبك لانه كذا حس انه مو فاهمك :crazy:يعني بالوقت اللي المفروض تكوني زعلانه انت مبسوطه وفاله يعني مرفه عن نفسك وشوفي كيف راح يتغير بس لمل يرجع بالسلامه لازم تاخذي موقف موتتركيه على كيفه وانتي توافقيه وبعدين تقوليه ليه عمل كذا:fish:وعلى فكره الرجال يموت عالزوجه الرايقه وانتي وشطارتك" وياليت تطمنينا:smoke1: واتذكري انه الزم ماعليكي راحتك ونفسك:blush-anim-cl:

 

[ميوسه]

عزيزتي

طنشيه هالشهر ردي بس بعد كذا مكالمه ولاترسلين مسجات ولاتدقين ومتعي نفسك كل مادق عليك وانتي عند ازعاج وطالعه ومستانسه

موفقه

 

[هلا نجد]

سافري له انتي واقعدي معه حتي يرجع والله يسهل اموركم

 

[عنقود عنب]

اختي ...ربي يرجع زوجك بالسلامة ويشافي مريضكم

عزيزاتي ملكات واميرات بلقيس

الرجال مسافر عشان ولد عمته للعلاج ... ليش تظنون ظن مو في محله ؟؟؟

اعتبريها انه مسافر مع اخوك (بعيد الشر عنه )) هل راح تسوين اللي مسويته عزيزتي ؟؟؟ اكيد لا

عزيزاتي ...الرجال ما يفكر مثل المراة بعواطفة ...

بعدين عذرية هو اكيد معطي كلمة رجال..يعني ما اظن انه يرجع بدون ما يكمل المهمة اللي هو رايح عشانها

عزيزتي ... اهدأي و كبري عقلك وخليك عون لزوجك في هذه المهمة الانسانية

ادري بمشاعرك ...انا زوجة و اعرف مدى اشتياقك له ...لكن بعض الاحيان الظروف تجبر الانسان انه يتنازل و يضحي شوي

وصدقيني .... العمل اللي قام به زوجك ربي راح يعوضة في عمرة وعيالة و صحته واكيد صبرك انت بعد راح تؤجرين عليه

تحياتي

 

[عذابي عزتي]

الله يصبرك روحي له لاتخلينه هذا لك مو لاحد غيرك

 

[شوق وكلي ذوق]

some
صدقيني انا برمجت نفسي انه هالشهرين اكون معاه هاديه ومااطلب منه انه يرجع ويستعجل بهالسفره
بس لما زادت الايام سبحان الله ماقدرت استحمل خلاااااااص لدرجة احس اني بحلم مو شي حقيقي وواقع وانا واثقه انه ماعنده اي شي غلط هناك ولله الحمد بس عواطفي مو راضيه تتقبل بعده اكثر من جذي

لونلي
محد يبي يسافر مع هالمريض يقولون انه مقعده مو ونيس يعني ممل وفوق هذا ريلي هذا طبعه يطق الصدر للكل وينسى انه احنا بحاجته حتى لو صرف كل فلوسه على اي بني ادم بس المهم مايخيب ظن اللي طلب منه وهالشي متعبني بس مو مهم عندي المهم انه يرجعلي

واذا على سالفة اني اسافرله اهو رااااااااااااافض بتاتا لانه المريض نفسه مايبي مرته تروح هناك بحكم انه العماره اللي ساكنين فيها مافيها ولاحرمه احنا شلون نقعد هناك يقولون صعبه ويخافون علينا

واذا قلتله انت مو مهتم يقوولي حرام عليج طلبي مني اي شي ثاني الا اني ارد انا رجل ولازم التزم بكلمتي مهما صار ذبحني بسالفة انا رجل وانا رجل كأنه الرجوله تقوله الناس اولا واهلك اخرا

((احبه موت ))
اي طبعا ماراح اذل نفسي اكثر وقررت اني اسافر مع اهلي واستانس مع انه بداخلي احس بالقهر بس ببينله انه بيكون اخر اهتماماتي دام انه خلاني اخر اهتماماته انا وعياله واذا رجع بحاول اني اتغلىىى قد مااقدرر الله يعيني

الوفيرا
لاطبعا ماراح اسكت اذا حاول يكرر هالسفره مره ثانيه مهما يكون انا لي مشاعر ماابي اضغط على نفسي اكثر من جذي
وبحاول اخفف من اهتمامي فيه والترجي علشان يعرف انه شوق تغيرت واهو السبب

هند بنت عتبه
مشكوره حبيبتي الله يعين الجميع

the silent
ولد عمته اناني والكل يدري بهذا الشي المهم عنده انه يتشافى مافكر انه في بني ادم معاه وعنده اهل محتاجينه كل يوم ادق على مرته اترجاها تقول حق زوجها المريض يقلل من ايام علاجه قد مايقدر ومسكينه مابيدها شي اهي حاسه فيني بس ماتقدر تغير اي قرار اخذه زوجها
وزوجي رااااافض اي احد يتدخل بالسالفه حتى امه واهي امه زعل منها يوم كلمت المريض وقالتله لاتاخذ ولدي معاك خله مع مرته وعيال عصب عليها وقالها انا رجل وكبير واعرف اخذ قراري بنفسي والحين اهو نادم بس يقول كلمتي لازم انفذها واكمل معاه علاجه واتحمل

ووضعهم هناك نوم واكل ومستشفى هذا كلامهم والله اعلممممم


بدرا
حاولت اطنشه واقفل موبايلي بس ماقدرت بس بحاول اني اتغير تدريجيا بخليه يعرف قيمتي وموعااااااارفه شلون ببداها اني اخفف مسجاتي وبعدها ببدأ بشي ثاني والله يعيني على هالبلوه ويسخره لي

ميوسه
بحاول الله يقدرني واعطيه درس لانه حييييل بهذلني بسفرته هذي وشتت افكاري الله المستعان

هلا نجد
مشكوره على ردج بس اهو راااافض هالفكره لاني حاولت وعصب علي يقولي وين تقعدين اخاف عليج بهذا المكان كله شباب وماارتاح وانتي بينهم بالعماره اللي ساكنين فيها

حبيبااااااااتي ماقصرتوا على ردودكم اللي ريحت قلبي شوي وخلتني افكر الف مره باللي بسويه

اسال الله العظيم انه يساعدني ويعطيني القوه علشان اتحمل هالشهر وماأنهاااار او اتعب اكثرر

تحياتي

 

[شوق وكلي ذوق]

عنقود عنب

صدقيني انا واثقه بزوجي وادري انه مايسوي اي شي غلط هناك بس انتي قلتيها لو اخوي مااتكلم بس هذا ولد عمته وعنده اكثر من شخص يقدر يروح معاه بس الكل رافض لأنه انسان مومريح بالسفر وممل واناني فطاحت براسي وكان زوجي اهو المرافق
انا ادري انه كل شي بأجره بس تعبت من الانتظار تعبت من كلام الناس ونظراتهم كأنه زوجي هربان مني انا ماهمني الناس بالدرجه الاولى هذول اخر اهتمامااااتي

انا المهم عندي انه زوجي يرجع لي ولعياله لانه حيل فقدناه ومحتاجينه معانا
انا ضحيت بشهرين من حياتي معاه ومااقدر اكثر من جذي بس بحاول اني اتصبر واشغل نفسي بأي شي عنه وعن التفكير بالمده اللي بيتأخر فيها عني وعن اهله وعياله

عذابي عزتي
صعبه صعبه حبيبتي اني اسافر وقلت السبب بالرد الاول ومشكوره على ردج ياقلبي

مشكورين حبيباتي

 

[لاهنت]

اويد راي الاخت بدرا القمر 100%

 

[حبيبت رشيد1]

اهلين اختي المفروض انك تتحملين شهر ثاني مثل ما تحملتي شهرين تحمل واحد ثاني انا عارفهانه بتكون سنه عندك بس تحملي علشان واصبري الله يكون في عونك ويصبرك على بعده

 

[شمس لشواق]

طنشيه لا تتصلين عليه

 

[رتوش]

اذا واثقة انه مابيسوي شي غلط خلالالالالاص طنشي واصبري انا عارفة ان الصبر صعب بس مابيدك غيره .. الله يحفظه ويبعد عنه اولاد وبنات الحرام

 

[الااوربية]

اللة يعينك

 

[خلية نحل]

الله يكون معك
سافري لمكه خوذي عمره الله يفرج همك