الاطفال والمشاكل بين الزوجين

[غالية غالية]

السلام عليكم ..
انا جديدة فالمنتدى و حابة اخذ رايكم في موضوع و ما اقدر اتناقش فيه مع اهلي و ادخلهم بمشاكلي الزوجية ..
انا متزوجة صارلي سنة وكنا متفقين انا وزوجي مافي حمل مدة سنتين بحكم اني لسى ادرس جامعة ، ولكن فجاة غير رايه وقرر انه يبي طفل و انا ما حرمته من حقه و اتفنا على اني احمل .. ولكن المشكلة مو هنا المشكلة اني من تزوجته واحنا بس مشاكل ومو قادرة اتحمل حياتي معه وصابرة عشان اهلي ما يزعلون و ابوي قبل فترة يسولف عن وحدة من قرايبنا انها تطلقت وزعلان عليها يقول ما عندنا حريم يتطلقون!!! المهم اني خايفة اجيب له طفل وبعدها يصير شي لا سمح الله ويتشتت و صارت لي مشكلة مع زوجي اليوم و تناقشت معه وقلت له اني صراحة اخاف احمل و مشاكلنا هذي تكبر واجيب لك طفل ويتشتت بيني وبينك و زعل اكثر ... شورو علي تكفون انا غلطت بكلامي ولا لا؟؟؟؟؟؟؟؟؟ مشاكله معي ما تنطاق و لا تقولون لي يتغيررر لو جاه طفل لاني واثقة ومتاكدة مارح يتغير ..

 

[سمسم]

اهلا

طيب حاولي تدخلي قسم الانماط وتعرفين ايش نمط زوجك وايش نمطك وتدورين عنها وتقرين
بتعرفين كثير عن زوجك وعن نفسك

وترا كلنا اول سنه او سنتين حياتنا كلها مشاكل وعدم تفاهم ومانستوعب بعض وكل واحد فينا ع باله الطرف الثاني لزم يفهم من نظره او حركه

اساليه وناقشيه ايش الي يخليك تعصب مني او تتنرفز
ايش الاشياء الي اقولها او لسويها تعصبك او ترفزك

ايش تحب مني او اكثر تحب اسوي
يغني زي كذا تناقشي واسالي وتفهمين منه صدقيني واغلبنا الحريم نحب نعاند ونكابر

اذا اشياء بسيطه جدا يعني ماققل احترام او تقدير لك
مشيها اذا عصب او تعبان وخري عنها ساعه زمن يروق
وتعالي بعدين شوفي نفسك وتذكري المواقف اغلب مشاكلكم من ايش حاولس تذكري
من قله اهتمام ولامن عدم التزام بشي معين ولااايش بالضبط وبتعرفين

وحمل قولي له ابشر من عيوني اخر ترم باذن الله بنبدا مشروع حمل يصير اخر ترم ٤ او ٥ شهور كان حملتي ع طول او بعدها اهي فرصه حملتي اخر ترم يعني تعب خفيف وفرصه خلصتي جامعه

او ممكن تقولين له من عيوني نبدا بالحمل ان شاء الله اخر شهرين من جامعه هي كذا شهرين وتعدي ي صار حمل وتكوني بدايه الحمل ونهايه الجامعه او صار بعد جامعه

وخلي في كلامك ونقاشاتك مع زوجم هاديه حتى لو الموضوع مايعجبك هاديه وكلامك معسول
من عيوني ي عيوني اووه ي قلبي ارتاح ابشر
وهاكذا تمشي الحياة باذن الله