الاسباب الي مخليتني ماالع خطيبي...فشفااشه

الله الموفق عسى ان تكرهوا شيئا وهو خيرا لكم
 
احسه طفل وانا امه
حبيبتي الرجال مثل الطفل صفقي له بيرقص من ناحية لبسه تقدرين انتي اتلبسيه ع ذوقك انتي اختاري له ونسقي ع كيفك واما بروده مثل ما تفضلوا الاخوات هديه كتاب عن الثقافة الجنسيه انا اول ما نخطبة مالي بهل سوالف يعني ماعرف شي معلومات سطحيه خطيبي اهداني كتب علشان اتثقف ولكن ما عطيتها اي اهتمام لكن لما قرب زواجي اضطريت اني اقراها
والله اوفق لج جبيبتي
 
ياالله يافشفاشة
واحد من عيال خالتي نفس حالة خطيبك
تحسيه كنه بزر مايعرف شيء
لا لبس
لا شياكة
لا حوار
حتى اصحابه زيه ( وافق شن طبقه)
تزوج بنت خالته اللي هي بنت خالتي
تخيلي هي اللي لبسته وعلمته الشياكة ودلته على طريق السفر وما كمل دراسته الا على يدها من اول متوسط حتى اخذ الثانوي ودخل جامعة بس مسائي
المهم شوي شوي دخل عالم النت
وعينك ماتشوف الا النور
من شات لشات
لماسنجر
وآخرتها سوى غرفة بالبالتوك وهو مديرها
واشتغل في بنك وصار في الادارة العامة
شياكة وشخصية ورزة وشييييييييي
وعملهم هناك مختلط
واتعرف على وحدة واتزوجها على بنت خالتي
تخيلي الحين تقول
اعلمه الرماية كل يوم فلما اشتد ساعده رماني
 
المشكله انج على قولتج صرتي الريال وانتي اللي تعلمينه .. فكرتي تسوين العكس؟؟؟ مرات من قد ما احنا نفكر انفسنا اذكياء ونعرف كل شي نطلع اغبياء .. شوفي خلج عكس ذكائج بمعنى لا تعلمينه شي خليه هو يعلمج .. وشولن وهو مايعرف أصلا !! انتي بادري بالسؤال وخلي نظرتج زي القطوة اللي تنتظر الجواب .. خلج قمة في الميوعه والدلع والأنوثة .. خليه يذوب من تصرفاتج وحركاتج .. لا تقولين ما يحس وبارد .. بارد لانج ما اجدتي الدلع والاغراء على أصوله .. الحين نرجع لموضوع شلون هو اللي بيعلمج .. اسأليه مثال : حبيبي صديقتي تقولي دشي على موقع .... وشو هالموقع ؟ بيقولج طبعا ماعرف ويمكن يلبخ ويقول علميني .. ردي عليه حياتي ممكن تدخل الموقع وتقولي ايش فيه انت الريال واكيد تعرف كل شي ! هالكلمة لو عدتيها وكررتيها كذا مره بيتعلم وبيعلم نفسه لان مرته ماتعرف شي .. واذا قالج علميني لا تصيرين مدرسته قولي له انت ريال لازم تعرف كل شي انا ماعرف انت علمني .. وأمشي على هالمنوال .. لا تعلمينه ولا تعطينه دروس .. ملابسه ههههههه وانتي تكلمينه وتتمايعين سكري ازرته وقولي له وكأنج اكتشفتي شي مهم واااو حياتي تصدق شكلك كذا غير ونيو لوك .. غير شكلك تماما .. كل مره سو هالحركه عجيبه واقعدي امدحيه فيها عشان يحفظها .. ومن هالطريقه تقدرين تعالجين عيوبه ..

نصيحة : كل انسان له عيوب ومميزات .. والمفروض تقبلينه بمميزاته وعيوبه .. واذا اليوم يحبج يمكن بكره يكره عجرفتج وغرورج بنظره طبعا .. لان الانسان يقاس بجوهره مو مظهره .. واذا غيرتي فيه معناته انج تخلينه شخص ثاني مو على طبيعته ومحد يتحمل هالشي فتره طويلة .. ممكن يتحمل شهر او اثنين سنه او ثنتين بس لو ما كانت طريقتج صح في حل هالموضوع وفيها احترام له مو استهزاء وسخرية وعدم احترام وتقدير له صدقيني بيعاملج بنفس الطريقة بس بعدين وهو مايقصد بس كرد فعل على اسلوبج ..
 
تبييييييييين رايي ....

ياحبيلك زوجك فله .... انا اقولك
زوجك زي الطفل انتي تشكلينه زي ماتبين وياااااليت يكون الحين بفترت الخطوبه وبعد الزوااااج
علميه على اللبس والكلام والاحساس والاماكن الراقيه والنظافه
كل شي كل شي
اطلعي انتي وياه روحو للسوق واشرو مع بعض

صدقين بيطلع ملاااااااااك خوذيه مني
ثقفي

اهو صحيح بتتعبين اول شي بس والله بترتاحين بعدين



واتمنى اني افتك
 
ماشاء الله بالعكس مرة حلو شكله نظيف الفكر وعلى الفطرة والبرااائه مو زي الشباااب التعبانين
انتي عووديه حبيبتي صدقيني احسن لك وكلهاا كم شهر وتسوينه على كيفك وزي ما تبين انتي
علميه وعوديه ودلليه وعطيه من كلام الحب لحد ما يتعلم
الله يوفقك يااارب ويسعد قلبك وايااامك ويخليكم لبعض
 
شوفي حبيبتي واضح انك انسانة واعية ماشاءالله
عجبتني طريقة تفكيرك كونك جالسه تستشيرين وماتسرعتي في قراراتك اول شي تبادر الى ذهني هوشماليتك الواضحه وجنوبية زوجك
الصوره اتضحت عندي مافي اي مشكله عند خطيبك لوكان في عيب واضح مااعتقد انك ارتبطي فيه من الاساس المشكله الان انك مانتي مقتنعة باي شي فيه حتى اسمه
بجد انا مشفقه عليه ليش ماعرفتي اسمه الا الان بالله عليك قبل ماتتخذي اي قرار بخصوص حياتك ابغاك تقرين المشاكل الموجوده في قسم الاستشارات عشان تشوفين النعمة الي عايشه فيها مع خطيبك مافي وحده فينا تقدر تقولك حياتك معاه بتكون حلوه هذا شي فعلم الغيب انتي الان محتاجه تثقفي نفسك اكثر وتقري في موضوع الانماط عشان تعرفين ان خطيبك موبالسوء الي انتي شايفته انظري الى جوهره واتركي عنك المظاهر الكذابه والله مافي شخص كامل ارضي بقسمتك ونصيبك واتركي وسوسة ابليس كل الي ذكرتيه ممكن يتغير بسهوله هذا يعتمد على صبرك وهمتك بس اهم شي قناعتك فيه عشان الحياه تمشي بينكم بشكل حلو وان حسيتي انك منتي متقبله اي شي فيه الله يسعدك اتركيه من الان حرام تكسرين قلبه وتجرحينه احسه طيب بزياده اتركيه يمكن يلاقي انسانه تعرف قيمته وتحبه وتحطه على راسها لانه عمله نادره فهذا الزمن حرام تظلمين نفسك وتظلمينه معاك
اخرشي اقوله لك ربي يسعدك فحياتك ويوفقك معاه او مع غيره0
 
والله شوفي هو حلوووو
ومو حلو
حلو انه رح يكون زي العجينه زي ما قالو البنات

و المو حلو انه بلا شخصيه و رح تحتاجي لرجال يوقف معاك في دي الدنيا و يحسم الامور ولا حتلاقي نفسك الرجال و المراءة
و انتي وقرارك انتي اللي بتعيشي معاه احسمي الموضوع لانه زواج مو لعب
تبغيه ولا لا هذا المهم
 
ليش ما تصارحينه
الزواج مصارحه وإحترام
لو تحبينه كان صارحتيه بلي داخلك وحتى إذا أتزوجتيه كان عدلتي إن كان في لبسة وغيره
وإذا هو يحبك بيعدل من صفاته
الوحده أتشوف الشخص من الداخل ( قلبه ) مش بشكله وأناقته وكلام الصديقات والفشخرة
أنت شكلج من البدايه ماتبينه فالأحسن ومن مصلحتج أتخلين الريال يروح لحاله ولا الزواج وبعدين الطلاق
 
احمدى ربك هذا بتتعبين معاه في البداية لانه انسان اتكالى ومالة رايى نصيحة اخذية ومشية ع كيفك احسن من واحد يلعب فيك يعرف الغزل واهلة ويلعب ياعصابك مع علاقاتة
​
 
شوفوا ياجمااااااااااعه

انا مااحبه ومااتقبل منه شي......>>>>>>>هنا المشكله

انا ادري اني المفروض احاول اغيره
بس المشكله اني مو قادره حتى احاول

لو اني اميل له كان قدرت اسوي كل شي تقولونه

بس المشكله مافيه ميوول ....مو من الحين من زمااااان

تدرون اني ادري انه رح يخطبني من قبل 6 سنوااات..وانا على اساس لا

بس لما جاء وخطبني اهلي قالوا لي نفس كلامكم وجلسوا يقنعوني
وقلت لنفسي طول هالسنين مااقتنعت فيه بس قالوا لما تملكين وتكلمينه يتغير الحال

وملكت وكلمته وماتغير شي
والحين يقولون بعد الزواج واخاف اتزوج ومايتغير شي

انا مااتخيل ابداً اني بعيش معه باقي عمري وجهي بوجهه>>>انجن لما افكر كذا!!

وفي نفس الوقت اخاف اضيع نفسي اذا انفصلت عنه...........آآآآآآآآآآآآآه ذبحني التفكير

وان حسيتي انك منتي متقبله اي شي فيه الله يسعدك اتركيه من الان حرام تكسرين قلبه وتجرحينه احسه طيب بزياده اتركيه يمكن يلاقي انسانه تعرف قيمته وتحبه وتحطه على راسها لانه عمله نادره فهذا الزمن حرام تظلمين نفسك وتظلمينه معاك
أنقر للتوسيع...

اش قصدك يعني انا انسانه سيئه وانانيه وماافكر الا بنفسي

لا تذبحووووووووووني والله انا مو سيئه
حرااام يعني اذا قلت ابي انسان احبه

ليش الكل يحسسني اني انا ظالمه
ليه تحطون الحمل عليه وانه انا الي لازم اسوي كل شي

ياااااااااربي
 
غاليتي
اذا شفتي مصيبة غيرك تهون عليك مصيبتك
مع اني ما اشوفهامشكله
انت رومانسيه ومكبره الموضوع شوي
والواضح ان الحديث مع صديقاتك مخليك تشوفيه مومثل غيره
اهديه كتاب مثلا عن الحب والرومانسيه
وارسلي له رسايل حلوه تخليه دايم يشتاقلك
خطيبك كتاب مفتوح وواضح تقرأينه بسهوله وتغيري فيه ماتريدين بسهوله
ليس مثل بعض الازواج غامض ليس من السهل فك رموزه
وكتاب مقفل ليس من السهوله فتحه
انا اعلم بان كل انثى تتوق الى الكلام الجميل والمدح والغزل
لكن مع الوقت يتغير
انت تحتاجي مزيد من الصبر وباذن الله تكوني انت الربحانه
ياما زوجات كانو ازواجهم من اروع مايكون قبل الزواج وبعد الزواج انقلب الى شخص اخر
ربما مل من الكلام الرومنسي والمحادثات الطويله عبر التلفون واللقاءات المتكرره
او انه لم يكن صريح وكان يجامل
اسأل الله يتمم بينكم على خير وتكوني اسعد انسانه معاه
 
ياختي ياحبيبتي ياقلبي والله ماقصدت انك انانيه اوسيئه كل الي قلته لك انك تتركينه الان اذاماعندك استعداد تتقبلي اي شي فيه اساس الزواج مودة ورحمه وهذا الشي منتي حاسه فيه ليش تظلمين نفسك وتظلمينه طيب على فرض انك سمعتي كلام اهلك ونصايح البنات واستمريتي معاه وانتي كارهته هل عندك استعداد تشاركينه في الحلوه والمره اذا صارت مشكله بينكم كيف حتتعاملي معاها
اتركي كلام الناس على جنب واضح انك شايله هم الناس انتي اذا رفضتيه الان والله مراح تكوني سيئه
لكن لواستمريتي وانتي مشاعرك كذا تجاهه راح تتحولي لانسانه سيئه وحيكره عشرتك ارفضي وانتو عالبر افضل من حياه كلها مشاكل ولاتشيلي هم احد استخيري مره واثنين وعشره واذا لكم خير فبعض ربي يوفقكم واذا مافي نصيب بينكم ربي بيعوضك بانسان افضل يسعدك ويشاركك حياتك بالشكل الي تتمنينه ولاتزعلين مني اناجنوبيه واتعاطفت معاه عشانه جنوبي زيي:20:
 
ما فهمت وضع زوجك بالضبط ، أقول لك زوجي تعبني في أيام الملكة ونفس الشيء حسيت هو بوادي وأنا بوادي لكن زوجي شمالي بعد الزواج حسيته رجاااال ،، ماأدري عن زوجك تحسين أنه قد المسؤلية ورجااال مع أهله وينفع وراعي مسؤلية ومنضبط في عمله وجاد في اتخاذ قراراته ولا هو سميع للناس ويتأثر بهم سواء أهل أو اصحاب ؟؟
ومن خلال الاجابات فرري ياعمري ..
وفيه حاجة أنصحك فيها : أنك تبينين الزعل منه بوضوح وتلمحين بالانفصال بهدوء وجدية له ويمكن هذا الشيء يسوي أكشن وملح على العلاقة وتشوفين شخصيته أحلى ..
أنا أيام الملكة كنت راااااااااااااافضة تقبل زوجي مع أن صفاتي قريبة من صفاتك يعني أحس أن كلي عواطف وطاقات المهم لما شافوني أهلي مت إلا حاولوا يكون فيه تواصل بيني وبينه (( لأن احنا عاداتنا مايشوف الا بالعرس )) وللأسف لما شافني تحطمت لاته ما عنده من هالسوالف ولا شي ((بس الحمدلله بعدين اختلف الوضع تماما)) اكثري من الاستخارة والدعاء والبكاء بين يدي الله لان مافيه أحد يعرف مصلحتك و يدري وش اللي ينفعك ووش اللي يضرك الا الله جلللللللللللللللللللللللللللل جلالالالالالالالالالالالالالالالالالالالالالالالالاله ..
 
شوفوا ياجمااااااااااعه​

انا مااحبه ومااتقبل منه شي......>>>>>>>هنا المشكله​

انا ادري اني المفروض احاول اغيره
بس المشكله اني مو قادره حتى احاول​

لو اني اميل له كان قدرت اسوي كل شي تقولونه​

بس المشكله مافيه ميوول ....مو من الحين من زمااااان​

تدرون اني ادري انه رح يخطبني من قبل 6 سنوااات..وانا على اساس لا​

بس لما جاء وخطبني اهلي قالوا لي نفس كلامكم وجلسوا يقنعوني
وقلت لنفسي طول هالسنين مااقتنعت فيه بس قالوا لما تملكين وتكلمينه يتغير الحال​

وملكت وكلمته وماتغير شي
والحين يقولون بعد الزواج واخاف اتزوج ومايتغير شي​

انا مااتخيل ابداً اني بعيش معه باقي عمري وجهي بوجهه>>>انجن لما افكر كذا!!​

وفي نفس الوقت اخاف اضيع نفسي اذا انفصلت عنه...........آآآآآآآآآآآآآه ذبحني التفكير​


لالالالالالالالالا ياقلبي ما احبه هذي فيها كلام ثاني بالاول انتي قلتي شكله واسلوبه
لكن اذا جت على الحب والراحة النفسية ستووووب
لازم تفكريت الف مره قبل ماتقولين وش تبغين
استخيري الله عشر مرات وطلعي الي فخاطرك لاعز الناس عندك واللي يفهمك
المثل يقول نزله من اول الدرجه ولا من اعلاها وانا اختك
وان شاء الله ربي بيعوضك اذا كانت نيتك صافية
لكن لا تظلمين نفسك وتظلمين الرجال معك
هذا رايي يالغاليه والله يكتب لك اللي فيه الخير ​
 
والله سهل ربيه انتي احسن لك يكون بعدين خاتم بااصبعك وش تبغين في الرجال المتعلم العصري اللي ينتقدك في كل حاجة وهو مااسالك الا يعرف انك ماشاء الله ويمكن تعبيرة بالنظر والابتسامة
 
فديتكم كلكم
والله كلامكم يريحني

بس انا والله خايفه من كلام الناس وموقف اهلي
وخايفه بعد من المجهول((المستقبل)) وخايفه اغضب ربي

وفوق هذا شايله همه هو
يعني حرااام ماسوى لي شي

وبنفس الوقت مو قادره احبه

انا بس خوفي استمر بهالاحساس واتزوجه وقتها رح اظلمه من جد واظلم نفسي

لأني انا ماابلع منه كلمه حلوه...فشلون رح اتقبل منه اشياء ثانيه

ادعووولي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل