الأستاذتان: ناعمة وموزة ... والزوجة الحكيمة .. وكل الملكات والاميرات شاوروني وساعدوني

[ام عبودي]

علموني وشلون اتصرف مع زوجي :icon1366:

وربي تعبت منه ،،، كل مشكلة والثانية يوديني لبيت اهلي :sadwalk:

مرة يتركني يومين ومرة اسبوع وآخرها شهرين

وفي كل مرة لابد من تدخل الأهل ليحلوا المشكلة!!

ياربي تعبت من الفضايح ومليت منها ... أغلب مشاكلنا أهلي واهله يعرفون عنها

وهو عصبي بشكل كبييييييييير ... ومايثمن كلامه ... وعنيييييييييييييييييييييد

من كم ساعة ... بعد ماجاء من الدوام طلعت معاه ومع ولدي الصغير ( سنتين ونص)

اشترينا عشاء راح السوبر ماركت وشراء أغرض للبيت

ورحنا البيت .... في مدخل العمارة بالشارح تكثر الصراصييييييير وانا اكرها خصوصاً النوع الكبير لأنه يطير

وأنا عباية .. ولونها أسود .. يعني لو جاء صرصور يطير وبيتعلق بالعباية :no:

المهم وحنا داخلين (حتى هو يكره الصراصير) مر بسرررررعه من جنب الصرصور

وقالي يلا حتى انتي مري بسرعه :schmoll:

والصرصور واقف عند الباب بالضبط :no:

قلت له ماعرف :schmoll: اخاف يطير ويتعلق فيني

قالي ماعليك منه مري بسرعه ولا تطالعينه .... بس كنت خايفة وماعرفت

فجأة شفته عصب ... وصار يسب ويلعن :icon28:

وصرنا مثل الافلام المصرية ... ضرب كيسة الكوسا بالجدار ( ولكم تتخيلون الموقف)

حتى الحارس الهندي طلع من غرفته وصار يطالع بزوجي باستغراب

قلت له اطلب من الهندي يضرب الصرصور .... بس مارد علي يمكن ماسمعني من العصبية

وقالي مري ولا عليك من الصرصور :icon28:

قلت له ماعرف ...غصباً عني أخاف من الصرصور

بعدها جاني ركض وهو معصب ولاح كل الأغراض اللي بيده في الشارع

وصار يصرخ ويقولي روحي ركبي السيارة

( مسكين ولدي يطالع مو عارف شنو الموضوع بالضبط:sadwalk

ركبت السيارة وجابني لبيت اهلي

مع العلم ان كانت بيني وبينه مشكلة من قبل 3 شهور ... خلاني بيت اهلي شهرين ... ومارجعت الا بعد تدخل كبار العائلة

وقتها قلت له هذي آخر مرة ارجع لك فيها .... مرة ثانية لو صارت مشكلة بيني وبينك ماله داعي توديني لبيت اهلي ... قالي اكيد هذي آخر مرة

بس اللي اشوفه ان مو اخر مرة :dunno:

ياربي شالحل مع هالرجاااااااااااااااااااال

علموني شلون اتصرف معاه؟؟؟

اذا اتصل علي هل أجاوب عليه؟؟ واذا جاوبت هل اكون معصبة ولا عادي؟؟

واذا ماتصل اصلاً شنو اسوي :sadwalk:؟؟

أهلي كلهم تعبوا من سالفتي معاه.... كل فترة والثانية يقولي قومي اوديك لبيت اهلك:sadwalk:

وأنا بعد تعبت كثييييييييييييييييييييير ....

هل في حل؟؟؟


أو أتطلق منه؟؟

 

[مهاا2020]

الله يعينك عندنا وحده نفس سالفتج وعندها بنت عمرها سنتين اول سنه لهم كله مشاكل وبعدين كان يوديها تجلس بيت اهلها وبالشهور و يرجعها البيت وبعد اسبوع يرجعها بيت اهلها هو طبعا متزوج زوجه ثانيه الله يصبرج ويفرج همج

 

[زهرة البوادي2006]

اختي لا تردي عليه اذا اتصل وطنشيه واذا ما اتصل ريحي بالك ولا تفكري فيه يرجعك بيت اهلك بسبب الصرصور والله حاله اذا هذا الموقف ورجعك ولا تقولي انه عصبي وراح اتحمل انتي لمتى راح تتحملي عصبيته نصيحه اذا رجع يريد يرجعك لا ترجعي الا بشروط والله يوفقك

 

[قلم اخضر]

صرصور عاد ....... هذا الريال عنده مشكله في اعصابه ومخه يبا تشييك
لا تردين ولا شي ما ادري بس احس لو صارت مشكله جايده عادي يمد ايده ..هذا انسان ما يعرف العقل ولا التفاهم .. واذا كنت استخدمت ورقة الأهل اكثر من مره يعني ما عاد الها وزن واسمحيلي اقولج انه الغلط في ولي امرج من الأهل الي يردج له من غير ما ييلس وياه ويفهمه انه بنات الناس مش لعبه يوم هني ويومين هناك .... اذا يبغيج لازم يعرف انه الله حق وشرطي عليه يعرض نفسه على طبيب هذا عنده مشكله يسمونها في علم النفس ( مشاكل التحكم ) يعني ما يتحكم في نفسه وينشل تفكيره اذا حصل له شي ومب شرط العصبيه في ناس من الخوف وفي ناس اذا تعرضو لضغط
والواضح انه ريلج من النوع الي اذا تعرض للعصبيه فقد السيطره
اشرطي عليه هذا الشرط وتوجهي له بالدعاء في الثلث الأخير من الليل واذا طالبج بالعوده استخيري الله في ذلك فما خاب من استخار
الله يعينج ويهدي زوجج

 

[rymm]

لاحول ولاقوة لابالله
لا املك لك سوى الدعاء اللهم يامقلب القلوب اسالك بكل اسم هو لك ان تجعل زوجها يحبها وتهديه وتصلح حالها هي وجميع المسلمات اللهم امين

 

[ام عبودي]

الله يعينك عندنا وحده نفس سالفتج وعندها بنت عمرها سنتين اول سنه لهم كله مشاكل وبعدين كان يوديها تجلس بيت اهلها وبالشهور و يرجعها البيت وبعد اسبوع يرجعها بيت اهلها هو طبعا متزوج زوجه ثانيه الله يصبرج ويفرج همج

مها مشكورة على ردك

المشكلة ان لي 3 سنوات ونص :thumbdown: وهذا حالتي معاه

الله يعين قريبتك ويفرج همها وهمي ياااااااارب

 

[ام عبودي]

اختي لا تردي عليه اذا اتصل وطنشيه واذا ما اتصل ريحي بالك ولا تفكري فيه يرجعك بيت اهلك بسبب الصرصور والله حاله اذا هذا الموقف ورجعك ولا تقولي انه عصبي وراح اتحمل انتي لمتى راح تتحملي عصبيته نصيحه اذا رجع يريد يرجعك لا ترجعي الا بشروط والله يوفقك

زهرة البوادي مشكورة على ردك

أنا قلت اذا اتصل بطنشه

بس هو للحين ماتصل:sadwalk:

قاااااااااااهرني :icon28:

ومشكلته هو مستحيييييييييل يعتذر أو يعترف بخطأه

وعلميني شنو اشرط عليه << مخي موقف :shutup: من كثر مايوديني لبيت اهلي

 

[ام عبودي]

صرصور عاد ....... هذا الريال عنده مشكله في اعصابه ومخه يبا تشييك
لا تردين ولا شي ما ادري بس احس لو صارت مشكله جايده عادي يمد ايده ..هذا انسان ما يعرف العقل ولا التفاهم .. واذا كنت استخدمت ورقة الأهل اكثر من مره يعني ما عاد الها وزن واسمحيلي اقولج انه الغلط في ولي امرج من الأهل الي يردج له من غير ما ييلس وياه ويفهمه انه بنات الناس مش لعبه يوم هني ويومين هناك .... اذا يبغيج لازم يعرف انه الله حق وشرطي عليه يعرض نفسه على طبيب هذا عنده مشكله يسمونها في علم النفس ( مشاكل التحكم ) يعني ما يتحكم في نفسه وينشل تفكيره اذا حصل له شي ومب شرط العصبيه في ناس من الخوف وفي ناس اذا تعرضو لضغط
والواضح انه ريلج من النوع الي اذا تعرض للعصبيه فقد السيطره
اشرطي عليه هذا الشرط وتوجهي له بالدعاء في الثلث الأخير من الليل واذا طالبج بالعوده استخيري الله في ذلك فما خاب من استخار
الله يعينج ويهدي زوجج

شفتي عاد :crazy: على صرصور عصب وقط الاغراض بالشارع:crazy:

ولي أمري كلمه أكثر من مره

أصلاً آخر مرة كلموه كبااااار العائلة و وعدهم خير

بس هو مايحب يتعب تفكيره او قلبه بأي شئ:schmoll:


مشكورة على ردك

 

[ام عبودي]

لاحول ولاقوة لابالله
لا املك لك سوى الدعاء اللهم يامقلب القلوب اسالك بكل اسم هو لك ان تجعل زوجها يحبها وتهديه وتصلح حالها هي وجميع المسلمات اللهم امين

مشكورة ياعمري على الدعاء ... وربي يفرج عن كل المسلمين والمسلمات

 

[صدى القمم]

الاخت ام عبودي لاتخلو الحياة من الكدر والهم ولكن الالتجاء الى الله في كل الامور عليك بسلاح الدعاء .
الحقيقة ان هناك امور لم تظهر لنا ماهي مشاكل زوجك معك غير هذا

 

[ام عبودي]

الاخت ام عبودي لاتخلو الحياة من الكدر والهم ولكن الالتجاء الى الله في كل الامور عليك بسلاح الدعاء .
الحقيقة ان هناك امور لم تظهر لنا ماهي مشاكل زوجك معك غير هذا

صدى القمم

انا عرف ان الحياة ماتخلوا من الهم والكدر

والمشاكل الزوجية لابد منها

لكن اللي يقهرني ان كل مشكلة والثانية ياخذني لبيت اهلي ويتركني بالايام واحياناً بالاسبوع وآخرها شهرين

أو يتصل بأمه ويعلمها بكل المشكلة

وخالتي مسكينه طيبة وتحاول تهدئه

يعني بالعربي الفصيح أنا مليت من الفضايح ... ومو معقولة مشاكلنا كلها يا عند اهله او اهلي

الحقيقة ان هناك امور لم تظهر لنا ماهي مشاكل زوجك معك غير هذا

مافهمت قصدك ؟؟

بس انا وضحت بداية الموضوع ان هو عنيييييد وعصبي

ومايحب النقاش أبداً أبداً

ومايحب يوديني لأي مشوار مهما كانت أهمية هالمشوار

اللهم مقاضي البيت من السوبر ماكت والصيدلية فقط

واجازاته الاسبوعية يفضلها يطلع مع الشباب:schmoll:

وأي مشوار اطلبه يرفضه ... الا اذا هو جاء من نفسه وقالي قومي اطلع لمشوار:thumbdown:

عطوني حل .... شنو اسوي معاه ؟؟

هل اروح البيت مع اخوي واتفاهم معاه بالبيت؟؟

او اتركه هو اللي يجي؟؟

وهل اروح معاه على طول ؟؟ او ايش؟؟

محتاره ساعدوني:icon1366:

 

[أ. باسمه الكوس]

السلام عليكم ورحمة الله وبركاته

هلا حبيبتي-- ثقتك برأيي وحكمتي تشرفني جداااااااااا

الله يعينج يا قلبي و يفرج عليج

حسب ما شرحت من حال زوجك

فهو شديد الغضب وسريع الغضب ايضااااا

وليس لغضبه مبرر منطقي

يعني القصه التي كتبتيها تدل على انه غير متحكم بنفسه اطلاقاااا

والأغرب انه اخذك الى بيت اهلك ..؟؟؟

مافي حشيمه ولا كرامه لأحد من اهلك ؟؟

ياخذ زوجته ام ولده لبيت اهلها والسبب ؟؟ خافت من الصرصور

اسمحي لي هذا لازم يعرف نتيجة افعاله

وان ذهابك لبيت اهلك صعب جدااااااا وليس سهل

حسب ما مر علي من نساء لأزواج شديدي الغضب

يجب عليك الا ترجعي الى زوجك بسهوله

اولا : ما تكلمينه ولا تردين عليه ولا كأنه عنده زوجه

اذا مل بيكلم الرجال ( ابوك او عمك او اخوك )

وهنا يبدأ الجد

يسألون ماذا تريد ؟؟ زوجتك ؟؟ وليه جت عندنا اصلا ؟؟؟( خافت من صرصور؟؟؟)

اذا رجعتي له بسهوله - سيكون معك اشدددد وربما سيضربك لأي سبب تافه

زوجك صعب المراس وعصبي والعيشه مع هذا النمط تحتاج قوووووة

وثقه عاليه بالنفس

و الى صبر ومراعاااااة للزوج بمعنى تتحملينه حتى لا يصل الى درجة الغضب

اما اذا كان يغضب بدون سابق انذار و بسرعه

ويضرب او يفضح

او يلقيك في بيت اهلك

فأسألك سؤال وااحد فقط ( هل عندك القدرة والقوة والحلم ان تعيشي معه لبقية حياتك يعني احتمال سنه واحتمال 50 سنه )؟؟؟؟؟؟

 

[سلة فواكه]

ريلج هذا يبي له يتادب وسمحي لي
يمكن يشوفج طيبه وهينه معاه
ما اقولج حمري العين وكوني عصبيه مثله
بس ثقلي عليه وحسسيه بقيمتج ولو اتصل لااا تردين حتى لو احترق التلفون انتي مو لعبه

 

[روعة روح]

اختي الزوجه الحكيمه رايها زين

مصخت السالفه وانا اخبر ان الوحده هي اللي تروح وموهو يوديها

 

[همس النديم]

فرج الله همك .. وهم الكثيرات ..

وكان الله في عون النساء ..

 

[ام شوق]

تأكدي ان الله مع الصابرين

توجهي له بالدعاء بثلث الاخير من الليل

فرج الله همي وهمك وهم جميع المسلمات


وفقك الله ونصرك

 

[فيل فيل]

انا رايي ياحبيبتي انك تردين عليه اذا دق عليك بس خليك رسميه معه مررره وادعي له ان الله يهديه وبعدين مافيها شي انه يروح طبيب نفسي ويتكلم معاه عن مشكلته بالتفصيل والله راح يرتاح انا اعرف واحد نفس شخصيه زوجك ويعصب كثيييير وكان يمر بضغوط نفسيه لما راح للطبيب تغير كثير
ولاتقولين نظره الناس لأن الاعصاب تتعب زي اي عضو ثاني في الجسم
معليش تفلسفت عليك كثيييير
وادعي له من كل قلبك ان الله يهديه ويصلحه..
وبعدين لو رجعك هالمره حاولي تروحين معاه لأي مكان بعيد عن بيتكم وخلي ولدك عند اهلك وتناقشو بكل هدووووووووووء عن الأشياء اللي تضايقك فيه ولاتنسين ايجابياته..
والله يردك له ويسعدك ياااارب..