الأرق ياناس ساعدوني

[سواااالف]

السلام عليكم ورحمة الله وبركاته
أخباركم؟إن شاء الله كل شيء تمام؟

بنات أختي لها يمكن أسبوع مانامت يمكن تنام في اليوم ساعه
أو أقل مره تعبانه ونحفت كثير وصارت عندها هالات سوداء وصداع
وكل ماجات تفتح الكتاب تبكي وتصدع وماتقدر تذاكر لها3ايام ماداومت...........
وعندها ألم في رجولها مع أنها راحت المستشفى وحللت قالوا أملاح والحمد لله ماعندها فقر دم ولاشيء,بس ارق مو طبيعي شكينا أنها عين لانها لمن تسمع الرقيه يجيها خفقان وتبكي بس هي ملتزمه وتتحصن كل يوم..
أحترنا فيها مره متضايقين عليها ماندري أيش نسوي أبيكم تقولون لي من جاها أرق زي كذا وقلة نوم وكيف تعالجت من هالشيء,,
الله يسعدكم​

 

[حمامة الحرمين]

حبيبتي سمعت الدكتور عبد الباااسط يقول
افضل شي للارق

ان تشربي البردقوش والزيزفون والافندر
هاتي الاعشاب من العطارة
وحطيهم مع بعض و صبي عليهم موية حااارة تكون مويا صحة مغليه طبعا وغطيهم الين يدفئ المشروب واشربيه قبل النوم بنص ساعة كثير جربوووووووها وارتاحوا عليها
واحذري المنبهات الشاي وخاصة الاخضر مرة قوي ويسبب ارق
وايضا القهوة والنسكاااااااااااافية
واوعي تنامي بدون وضوء سبحان الله ماندري ايش السبب انا عن نفسي ما انام الا لما اتوضئ ارق على طوووووووول
بس الوضوء وانك تاخذين نفس عميق قبل النوم مرررررررررة راح ينفعك

 

[ام ركونه]

الله يشفيها هاذا مرض العصر كل واحد يشكي منه

 

[ام البسام]

هي تفكر كثير يمكن فيه سبب في شي مضايقها الله يشافيها

 

[لـــورين]

قووولي لاختك قبل لا تناام
تقرأ اية الكرسي وتردد(لا تأحذه سنة ولا نوم)
ترددها حتى وتنام..عن تجربه,,

 

[غااااااايه]

الله يشفيها يارب..... اولا اختي عليها تلتزم بالاشياء هاذي من تجربتي الخاصه:*من بعد الساعه الرابعه عصرا ماتشرب اي نوع من أنواع المنبهات، وانتي تعرفينها،وذكرتها الاخت حمامة الحرمين*المشي ،وما أدراك ماالمشي. والله يااختي يريح النفس،بالاضافه الى فوائده العضويه(الجسديه).*التعرض لأشعة الشمس، تراها مفيده جدا..وفي معلومه والله انا قارتنها من زمان ان عدم التعرض للشمس يصيب الانسان بالاكتئاب ، وبالتالي الاكتئاب ممكن يؤدي الى الضيق والأرق( والله أعلم) . كما أن التعرض بكثرة للشمس يؤدي للاصابه بالضغط(الله يبعده عنا وعنكم)*نسيت أقولك اثناء المشي . تحاول تاخذ نفس عميق يعني( تاخذ شهيق وزفير) عدة مرات .حتى لو عشر مرات.واذا ماتقدر تتمشى خارج البيت .ممكن في الحوش( فناء المنزل)*عدم ممارسة الرياضه قبل النوم،تتجنب هذا الأمر نهائيا. وخاصة الرياضه العنيفه. والقفز على الارضيه بقوه.يسبب الأرق.*اذا نامت اختك عزيزتي ،وحاولت وماجاها نوم ، لاتم فالفراش . تقوم تزاول اي نشاط تحبه، ولاتفكر في سالفة النوم، والأرقم. وانتو حسسوها ان هي ماعندها اي مشكله. عشان مايتولد لديها هاجس انها مريضه،وتقلق كثير ،وبالتالي تزداد مشكلتها. وتصبح نفسيه .لاسمح اللهالله يخليك لها يارب.... أهم شي انكم ماتحسسوها انه عندها مشكله.وتهولو الموضوع أمامها.*وفي الأخير ووالأهم طبعا الأذكار.والقرآن .

 

[غااااااايه]

أنا آسفه اختي سوالف. مادري ليش طلعت كتابتي كذا سايحه ومو مرتبه. مع اني مرتبتنها. وما اعرف حاولت اكبر الخط واغيره بس ماقدرت. يالله الحين فكي الطلاسم المكتوبه. مع اني كاتبتنها على شكل نقاط. شسوي ما أفهم فالكمبيوتر كثير؟؟ الأمريكان واصلين للقمر من القرن الماضي . وأنا بعدني ماأفهم فالكمبيوتر.

 

[عاشقة فزاع]

مرحبااا
الله يعينهاا ويشفيهااا
انصحج تودونهااا عند مطوع يقرا عليهااا هذي عين مب لعبه ان شاء الله بالشفاا

 

[ااانا]

حبيت أضيف معلومه جانبيه لمن يعاني من الأرق :
*كأس حليب دافي وعسل يريح الجسم من الأرق ويجلب النوم…

*الاستحمام قبل النووم…
(بس ذي الايام برررد.. كوب الحليب بالعسل أفضل )

نوماً هنيئاً للجمييع​

 

[ااانا]

العسل Honey: يؤخذ ملء ملعقة طعام من العسل الطبيعي ويخلط مع نصف كوب ماء دافئ، ويضاف له نصف كوب من مزيج من عصير البرتقال الطازج والليمون ثم يمزج جيداً ويشرب قبل النوم.

- الحبة السوداء : ملعقة من الحبة السوداء تمزج بكوب من الحليب الساخن المحلى بعسل، وتؤخذ قبل النوم​

 

[لوحه خواطر فنان]

بما انك قلتي انها تتعب لما ترقونها وتتعب لما تفتح الكتاب
الحل واضح والمشكله واضحه وضوح الشمس لاتحتاج لتفسير اختك تعاني من عين قويه ام التفوق دراسي او حبها للقراءه
ان كانت متفوقه بالمدرسه وتحب تقرأ أو انها ذكيه ذكاء ملحوظ معناه انها محسوده او صابتها عين من احد
الحل إكمال الرقيه عمل برنامج بمتابعه مع راقي اوراقيه يرقونها الافضل كل قبل اذان المغرب تغتسل بماء وسدر وااطلبو من مديره المدرسه تتعاون معكم باخذ اثر الطالبات كلهم كمسح باب مدخل المدرسه او الارضيات والفصول ونقع الممسحه في ماء وتغتسل اختك به لاتقولو قرف ومقزز المهم تتشافى مماهي فيه
او وزعو علبه وحده ودورو بها على جميع الفصول والمعلمات وطلب من كل طالبه ان تنفث في العلبه وتقول ماشاء الله وتمرر العلبه على جميع من في المدرسه من موظفات ومعلمات وطالبات
اتذكر لما كنت بالمتوسط احد البنات صار لها مثل اختك واجبرتنا المديره على النفث في علبه ماء وقول ماشاء الله ولانعلم من هي البنت ولم يخبرونا من هي
واضح انه حسد اوعين قويه
وهذه من اعراضها قلق اضطراب بالنوم قله النوم وسهر لوقت طويل وعدم الراحه في النوم
عالجوها قبل ان تتحول المشكله لشيء اعظم

 

[الصحرا القاحله]

الله يشفيها يارب فيه ناس كثيرين علي حسب ماقلتي ممكن فيه مشكله في الدماغ او اي من الحواس​