الأخت توهان ياليت تفيديني وطبعا باقي العضوات

ا

امرأه تائها

New member
إنضم
2010/04/06
المشاركات
7
مرحبا بلقيسيات
معليش بغيت الاخت توهان تنظر بمشكلتي احس من ردودها انها حكيمه
وكانها خابزه الدنيا
انا مدري وش اقول بس مشكلتي صعبه
وارجوا عدم التهجم علي من الاخوات
انا متزوجه لي 6 سنوات كانت لي علاقات قبل الزواج بس بالهاتف
وتزوجت وصرت افتقد للحنان اكثر واكثر
زوجي عصبي وبخيل ودايما مع الشباب
سهر بالليل ويحب امه كثير
وعمامه وانا تاركني
رجعت اكلم الشباب بس طبعا الشباب غير الشباب اللي قبل الزواج
وتجيني فترات اتندم واتركهم وبعدين ادور على غيرهم
لكن والحمد لله ما خنت زوجي جنسيا محافظه على نفسي وعمري ما فكرت بها الشي
وعمري ما حبيت الشباب اللي اكلمهم واكرهم اكثر ليه يخونون زوجاتهم
الحين ندمانه
بس في شي يقلق حياتي
اني صورت مقطع لي وواحد من اللي اعرفهم ارسلته له بالغلط
وانا كنت حظره من ها الشي
والحين يهددني انه بيفضحني لو ما طلعت معه
وما اقدر اقول لأحد والا اشتكي عليه
ودي بحل سريع والله قررت اتوب توبه نصوحه
بس تنحل هالمشكله وراح ادعي لكل من يحل مشكلتي
ولاتغثوني تراني متندمه وقررت التوبه والاستغفار
احس حياتي على المحك
ساعدوني ولا تبخلوا علي بالنصيحه والارشاد
 
روحي بلغي الهيئة مالك الا الهيئة لاتخافي مابيسووك شي قوليلهم انا صورت نفسي وارسلت المقطع بلغلط وانا تبت وندمانه مابيسوولك اي شي
في حل ثاني هدديه بلهيئة قوليلو اذا ماسكت عني والله والله لابلغ الهيئة وافضحك وانا ماهمني مابيسوولي شي ولاتخافي منه خليه يهددكك اسمها تهديد وصدقيني لو كان بيسوي شي كان سواه من زمان ماجلس يهدد فيكي
 
عادي بلغي الهيئة وموضوعك ينحل بين يوم وليلة
الله يغفر لك
 
انا مع الاخوات ع طول بلغي الهيئه بدون مايدري اهم شيء...
تقبلي مروري..
 
المشكله يا أخوات اني اكتشفت انه من معارفنا
ومهددني انه راح يخبر زوجي واهلي ويدمر حياتي لو ما وافقته على اللي يبي
يارب استر علي بسترك
ياليت اللي تدخل تدعي لي لو ما عندها حل
عشان ربي يستجيب منكم
الله ياخذ كل الذئاب البشريه ويتوب علي
 
شكرا على ثقتك بي بس انا احس ردودي عاديه وانا اللي محتاجه من يحل مشاكلي
والا ينطبق علي المثل اللي يقول باب النجار مخلوع
المهم
مدام ما تقدرين تخبرين احد
اول خطوه بيني له انك مو خايفه منه واعلى ما في خيله يركبه
ولو كان ناوي يفضحك كان فضحك من زمان
وثانيا قولي له ان عندك له تسجيل مخليته لزمن وبتقدمينه للهيئه لو حاول يهددك وهو اللي بينفضح
وترى الهيئه تحل ها الامور بسريه تامه لا تخافين واقطعي علاقتك فيه وفي غيره اولا ارضاء لربك
وثانيا لنفسك وسمعتك وكثري استغفار وقرري التوبه بأخلاص وانك ما ترجعين لهذا الطريق
وهذا درس لك
وانصحك لو ما فاد فيه اتركيه ولو اعطى زوجك التصوير قولي له انك مره نسيتيه عند صديقتك ويمكن اخذ المقطع منه
ويبي يخرب علينا الحياه الزوجيه
وخبرينا وش يصير معك
وشكرا لثقتك بي
 
الله يستر عليك ويهديك ويقبل توبتك ....
<<فيس معصب ​
 
الله يسترى عليك بس لاتزعلين ياقلبي بس هذا درس من ربك انتي انسانه متزوجه وحرام عليك اصبري على زوجك وحاولي انتي تبداين معه باالكلام الحلو باالرسايل باالهديه وصدقيني بتلقين من استجابه وبعدين باالنسبه لموضوعه اتصلي على هيئه الامر باالمعروف والنهي عن المنكر وصدقيني قولي الحقيقه لهم وهم راح يحلون لك القضيه بسريه تامه بس عليك الصبر والدعاء وانك صادقه مع ربك اول وبعدين بتنحل مشكلتك انشاء الله والله يفرج همك وهمي بأذن الله تعاله والله يسترى عليك
 
رددي اللهم استرني فوق الارض وتحت الارض ويوم العرض
 
بلغي الهيئه باسررررع وقت واصحك تهددينه بالهيئه سوي كل شي من غييير مايحس بشي ولا تتهاونين بالموضوع وتقولين بس يهدد وماعنده سالفه هذول ناس مااايخافون الله واحتمال يرسلها حتى لو لبيتي رغباته عشان كذا استعجلي في التبليغ عنه والله يستر عليك ويكفيك شره..
 
والله شايله همك كثير الله يفرج كربك يارب
وطمنينا وش يصير معك
وادعي لي الله يفرج كربي ويصلح اموري
 
هذه نهاية متوقعه في كل الخيانات
فضيحه وعاااااار وخراب بيوت
إرجعي لربك وأدعيه ليلا ونهااارا
أن يستر عليك ..
 
لو انا مكانك بجلس مع زوجي وبقوله حبيبي انا مره جاني اتصال بالغلط وسكر ويوم سكر ما اعرف يمكن حطيت تلفوني في الشنطه بالغلط وبعدين انتبهت طلع تم التسليم وعرفت انا صورتي بالغلط ارتسلت وقلت ان شاء الله ما يكون رجال بس من فتره نفس الرقم صار يهددني ومالي الا انت قولي ايش نسوي
والا انك تعيشين في خوف مع انك غلطتي ولازم تتحملين النتيجه وانتبهي تطلعييييييييييين معه انتبهي حبيبيتي لان لو طلعتي ابدا ما بيبطل واكيد بتكثر التهديدات
الله يعينك ويهديك
 
أولا تقربي من الله كثيرا وثقي أنه تعالى هو القادر على تخليصك من هذا الهم وقولي حسبي الله لا إله إلا هو عليه توكلت وهو رب العرش العظيم 7 مرات بثقة تامة بقدرة الله على إبعاد هذا الشخص عنك وأكثري من الاستغفار وقيام الليل والصدقة
استمري في الطاعة واعتبري هذا انذار لك من الله تعالى واحذري من التمادي لإرضاء هذا الشخص
عليك لإسراع بالاتصال بالهيئة وثقي أنهم يتعاملوا مع الأمور بسرية تامة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل