اكللكم سر عن زوجي هههههه

[التعيسه]

السلام عليكم

يمكن الموضوع عادي وتافه راح تكولون وأكيد راح تكولولي انتي مكبرة الموضوع بس اكتشفت قبل فترة بسيطة انه زوجي بي عمى ألوان ويكول انه يشوف الوردي تركوازي والأخضر اصفر والبني برتقالي ههههه وألوان كثيرة مخربطة عنده يعني اني مثلا يلوكلي اللون الوردي والأحمر وتقريبا كل ملابسي بهالالوان وهو يشوفه علي تركوازي وأخضر هههههه يعني ضاع تعبي ،،،، تدرون اني مو هاي مشكلتي بس لما الكه زوجي أكبر مني بعشر سنين وسمعه طلع ضعيف شوي وعنده امراض كثيرة ووحده من كلياته مو تمام و24 ساعة يتشكة من الأمراض واكله عالج نفسك مايقبل ودائما ويومية تقريبا يكلي اني ماخذج حته اداريني من اوكع ومن أمرض اريد الي تتحمل وإذا تعوقت بيوم تهتمين بيه وإذا كرمكم الله صرت عاجز وسويته على نفسي اتنظفيني ،،،،، وأنا دائما اجاوب أكيد وانت زوجي وهذا واجبي ويرجع يكرر هالاسئله ،،،،، انا أكيد راح اوكف مع زوجي بكذا مواقف وراح أتحمل بس اولا ماكو داعي للتذكير بهالاشياء وكأنما حياتنه هي التعاسة فقط الي ينتظرنه وتكولون ليش لقبج التعيسة انتو حطو نفسكم مكاني بنت عمري 28 سنة وعندي طفله عمر سنتين وتزوجت وأنا كلي تفائل بالحياة وانه تتونسين وتعيشين حياتج وممكن أكيد تمرين بكذا مواقف والكة نفسي ببلد غريب مع إنسان ماقدملي اي شي يريحني او يسعدني ولكيت نفسي عايشه مع رجال عجوز بتصرفاته كله امراض وعيوب ويذكرج ليل نهار انه راح يعجز بيوم وإنتي ينتظرج المستقبل السعيد انه ادارين زوجج يعني مستقبلج ممرضة فقط وبدون اي مقابل ولا حته سعادة باللسان او امنيات كاذبة ،،،،، حبيت افضفض من قهري والله شكرا لاستماعكم

 

[نهرين]

ههههههههههههه لا مستقبلج ان شا اللة احسن لاممرضة ولاشي بس هوة يوهس لابي امراض يخاف تركينة اذا تمرض حب يجربج
انتي كوليلة اني معك بس اسعدني قبل ما تتمرض ههههههه من باب المزاح تحياتي

 

[التعيسه]

تسلمين اختي عالرد الحلو بس والله دائما اجاوبه هيج بس المصيبة زوجي عنده صفه الملحة لحوح ويعيد الكلام مليون مرة ولا يبطل واي شي اجاوبه يكلي لا تقشمرين علي لو هذا حجي لهذا بالأخير اتركه يحجي ومااجاوبه ،،،،، تسلمين يا وردة

 

[نفحات الصباح]

ان شاء الله ربنا ينعم عليك بالسعادة الزوجية وتنسي كل متعابك