اكرررررررررررره زوجي

المملوحه 2 قال:
وشلون اكون ذكيه يعني وش تبين اسوي مع واحد ضعيف الشخصيه ووش ينفع معه --
أنقر للتوسيع...


ساعديه يتغير اكسبي فيه ثواب

احترميه امدحيه وراح يتغير



الحل بيدك بعد الله
 
هههه شر البليه مايضحك

احسك موت حااااااااااااااره وهو موووت بارد

ههههههههههههه

معليش الله يصبركم ع بعض

ملاحظه..

يا قلبي شوفي الاشياء الحلوه فيه قبل الشينه

يعني لو رجال ثاني ضربك وذبك عند اهلك هههههه
 
ماليزيا قال:
مملوحه ,,,,,,,شوي شوي ........هدوووووووووء
يعني زوجك دايما يمنعك ؟ كيف معاملته معاك ومع اهلك؟
بعد في نقطه وااااااااااايد مهمه,,,الله اكرمكم باطفال اولا؟
حاولي تبيينين لنا ايجابياته وسلبياته عشان نقدر نساعدك
اذكري الله وصلي على النبي .كل شي وله حل ..
مو على طوووووول طلاق.
أنقر للتوسيع...



انا معها
نبي توضيح
 
اذا ماعندك اطفال
الطلاق هو الحل الوحيد اهم شي نفسيتك
 
بصراحة هذا اللي يقهر لما يكون الرجال الطيب ضعيف شخصية والنحيس قوي شخصية
اني ما اريد احطكم عليش وعليه من كلمات بسيطه بس اختي اللي لفتني
لعنتيه ورجع وسوى العشاء
يعني الرجال طيب ويحبش لان لو مايحبش كان قال لش روحي بيت اهلش وانتي الخسرانة اللي بتكوني مطلقة للمرة الثانية
والرجال بدال المرة يحصل 1000
اختي اتقي الله وهذا زوجش مايصير كذا تقولي عنه ترى مايجوز شرعا وربي يحاسبش
انتي بس حبيه واحترميه وحاولي تبيني له ان شخصيته تعجبك وصدقيني شخصيته بتقوى وبيصير مايرفض لش شيء
في النهاية ثلاث خيارات اختاري منها
1- امدحيه وحبيه واحترميه وهو بيموت عليش وبيدللش
2- خليش مثل ماانتي عصبي واللعني وهو مابيتغير او بيصير نحيس وبيتزوج عليش
3- اطلقي وبيجي يوم اللكل مشغول بحياته وانتي وحيده

عزيزتي لك الخيار
 
واضح عليك انك شماليه

وهو جنوبي

بس حبيبتي انتي حاولي تحترميه وماتتجاوزين حدودك معاه

عشان تحسين بالرضى والمتعه ,, جربي ومو خاسره شي

الشماليه غالبا تحب الزوج الي ينفضها نفض يعني عصبي وحار وقوي وملوسن !

حتى تفخر فيه قدام الناس و يبرد خاطرها وترضي غرورها وتامن مستقبلها ومستقبل عيالها دام هالاسد معاها

لكن لو فكرتي بشويه رويه وتعقل لقيتي ان الانسب لك الزوج الجنوبي سبحان الله

حتى استاذه ناعمه حكت هالكلام مادري وين قصه الشماليه مع الجنوبي

الجنوبي ياحبيبتي هو الانسب !

هو الي يبقى معاك وتدوم الموده والرحمه للابد !

هو الي يتحمل حدتك ويحن عليك ويعطف لكن للاسف انتي تشوفينه ضعف

وغيرك يشوفه قمه العظمه والكظم والحكمه والحنان هو عشانه يرحمك ويحبك يتغاضى عن مساوئك

ولاتنسين انك عروس شي طبيعي بيكثف حنانه اصبري عليه سنه يبدا يفتر عنك

لانه اجتماعي بالتالي بيرجع لاصحابه واهله واخوياه , ونصيحتي استغلي بدايه زواجك وابدي اكسبيه

وارفعي من شانه وشجعيه يفكر بمستقبلكم ترا الجنوبي من اشد الناس حساسيه ومن اشدهم اخلاص في الحب

لكن تخيلي لو زوجك شمالي بتنقلب حياتهم الى جحيم

لانه حار مع حاره بتصير حياتهم عفيسه ونقره وكل واحد اعند من الثاني واطول نفس

انتي لاتفكرين ان حياتك كم شهر وخلاص لا هذي عشره عمر يعني بيصير بيناتكم احتكاك

وشرار خصوصا لاجاكم عيال الشمالي يفوح زياده

والله ماعاد يصير بينكم حب او رحمه او موده

ارضي بقدر ربك لك

يعني تشكين لنا من قدر ربك ؟؟ ماراح نكون احن من ربي عليك

الظلاق لاتفكرين فيه اطلاقا انتبهي يعني طلاق مرتين بحياتك وانتي توك في بدايه مشوار حياتك!!

فكري باصلاح حياتك وتغييرها وانعاشها

مو بس تمشين وتطلقين !! لين يجيك الي في بالك .. واصلا من بيضمن لنفسه شي يرضيه

كل شي بقضاء رب العالمين ومشيئته

عيال الناس بيتحاشونك دامك ماعندك اي مسؤليه وقدره تحمل

الله يهدي سرك ويشرح صدرك
 
الله يهديك حتى لو هو غلطان انتي جيبيه باسلوب حلو لاتقولين اكرهه اصلا الحب مابيجي الا اذا انتي اقتنعتي من داخلك انك مالك غيره وانك تبين تحبينه من قلبك وبعدين تعلمي كيف تتعاملين مع شخصية زوجك ترى الحرمه مهما كان ماتستغني عن الرجل وهو بيعيش معاك العمر كله
اتفقي معاه يوديك كل اسبوع او اسبوعين عند اهلك وخلاص يصير يوديك من غير زعل او مشاكل اهم شي تتفقين معاه من البدايه
وشوفي ترى كل الرجال كذا اعرف وحده مايجيبها زوجها الا كل 3شهور واحيانا ماتقعد ساعتين عند اهلها وعادي ماشاء الله سعيده ومبسوطه جدا مع زوجها
وامها كل مااشتاقت لها كلمتها
وترى حق زوجك اكبر من حق الام
اتقي الله فيه
 
أنا عندي سؤال واحد
يوم أنك ماتبغينه ليييش ماتطلقتي منه ؟؟؟؟؟؟
 
اتسائل كيف تتوقعين منه ان يخدمك وانت لا تحبينه ولا تظهرين له حتى القليل من الاحترام؟ هروبه الى الاستراحات نتيجة اكيد للطريقة التي تعاملينها به. حبيبتي هذا الرجل زوجك حقه عليك اكبر من حق اي شخص آخر. والكلمات التي استخدمتها لشرح كماباتك لا تقال حتى للعبيد"دلخ,لعنته؟؟؟؟؟؟؟؟؟؟" اعجب منك فعلا, ولا اعجب من تصرفه كان الله بعون المسكين زوجك.
ملاحظة: ملايين النساء يتمنون الزوج حتى وان كان "دلخ" فانهن سيستخرجن افضل ما فيه. حافظي على زوجك فالنساء كثيرات هنا وزوجك له قلب واعين.
 
مملوحة أنت الآن مستاءة جدا توضئي و استعيذي بالله من الشيطان و فكري في أمرك و ما آل إليه .. ثم لم يذهب بك لأهلك ؟؟ ما الذي حصل !!!!!!!! بدل اليوم غداً و الإنسان لا يعلم أين يكون الخير ،،
أمر آخر ربما أنت صغيرة أو حديثة عهد بزواج أو غير ناضجة و تظننين أن الدنيا دائما على ما ترغبين و اسمحي لي أقول لك الغلط راكبك بقووووووة و إن أخطأ زوجك فبسببك وسبب تعاملك السيء معه فمثلك من يرغب في العيش معها !!!
أعلم أني قسوت عليك لكن أنت من تريد الاستشارة فتقبلي الردود ..
أعانك الله على نفسك و يسر أمرك و هداك طريق الصواب ..

و دمت بخير و حب و هناء ..
 
حدّثنا عبد الله ، حدثني أبي ، حدثنا خلف بن خليفة ، عن حفص ، عن عمه أنس بن مالك قال: «كان أهل بيت الأنصار لهم جمل يسنون عليه، وإن الجمل استصعب عليهم فمنعهم ظهره، وإن الأنصار جاءوا إلى رسول الله صلى الله عليه وسلم فقالوا: إنه كان لنا جمل نسني عليه وإنه استصعب علينا ومنعنا ظهره، وقد عطش الزرع والنخل، فقال رسول الله صلى الله عليه وسلم لأصحابه: قوموا، فقاموا فدخل الحائط والجمل في ناحية، فمشى النبي صلى الله عليه وسلم نحوه فقالت الأنصار: يا نبي الله، إنه قد صار مثل الكلب الكلب، وإنا نخاف عليك صولته، فقال: ليس عليّ منه بأس، فلما نظر الجمل إلى رسول الله صلى الله عليه وسلم أقبل نحوه حتى خرّ ساجداً بين يديه، فأخذ رسول الله صلى الله عليه وسلم بناصيته أذل ما كانت قط حتى أدخله في العمل، فقال له أصحابه: يا رسول الله هذه بهيمة لا تعقل تسجد لك ونحن نعقل فنحن أحق أن نسجد لك؟ فقال: لا يصلح لبشر أن يسجد لبشر، ولو صلح لبشر أن يسجد لبشر لأمرت المرأة أن تسجد لزوجها من عظم حقه عليها، والذي نفسي بيده لو كان من قدمه إلى مفرق رأسه قرحة تنبجس بالقيح والصديد، ثم استقبلته فلحسته ما أدت حقه».


سنن الترمذي ج4 ص 253 :
 
اقرو الحديث زين
فقال له أصحابه: يا رسول الله هذه بهيمة لا تعقل تسجد لك ونحن نعقل فنحن أحق أن نسجد لك؟ فقال: لا يصلح لبشر أن يسجد لبشر، ولو صلح لبشر أن يسجد لبشر لأمرت المرأة أن تسجد لزوجها من عظم حقه عليها، والذي نفسي بيده لو كان من قدمه إلى مفرق رأسه قرحة تنبجس بالقيح والصديد، ثم استقبلته فلحسته ما أدت حقه».
 
لاصار زوجك محافظ على الديين اهم شي لاصار مصلي فرضه بااار بوالديه
يخااااف الله
تمسكي به
 
والله زوجك اللي يكسر الخاطر مو انتي

الله يهديك ويهدي بالك وحرام عليك تسوين بالرجال كذا اذا ماتبينه طلقيه وشوفيلك رجل ثالث

الله يهديك تطنزت بهالطريقة يمكن تصحييييييييييييييييييييييييييييييييييييييييييييييييييييييييييييييييين من غفلتككككككككككككككككككككككك
 
السلام عليكم اخوووووووووواتي جميعا -- اول شي اعتذر للجميع عن طريقه اسلوبي بس كنت مره متنرفزه وانتم ماقصرتو زتدتووو الطين بله -- بغض النضر عن طريقه تعامله معي قبل انا يهمني انه يذكر سبب رفضه بشي مقنع انا ماجيت من بيت اهلي انحبس صح ولا لا -- الحين اخوي تعبان مرررررررررره وبالمستشفى واهلي مقفلن الاجوالات ولا ادري وش فيهم وطلبته يودين ورفض من دون سبب وللمعلوميه كلمني قبل قال تروحين معي لاهلي ورفضت -- شرايكم
 
حبيبتي اكسبيه وروحي معاه عند اهله واخذي معاج حلو ولا تروحين ايدج فاضيه وقعدي معاهم واستانسي وبعدين طلبي بدلع وقولي له ودي اشوف اميمتي وان شاء الله ما يحرمج نصيحه اذا زوجج يصلي ويخاف ربه اكسبييييه صدقيني بيتغير وان شاء الله نسمع عنج اخبار حلوه والله انا في بداية زواجي "ايام الجاهليه اسميها لأني ما كنت اعرف اتعامل معاه كان دايما يعاقبني انه يحرمني من زيارة بيت ابوي مع العشره تعلمت وتغيرت واهو بعد اتغير الحين تقريبا اروح كل يوم
الله يسخر لج زوجج ويفرج همج يااارب
 
الله يصلح الحال حبيبتي
رجاء إذا رفض لك أي شيء لا تتخذي أي موقف سلبي مهما حدث واضغطي على نفسك بعدها سيشعر بخطئه و ربما سيكافؤك ..
رفضك الذهاب إلى أهله سيفهمه عناد ،
أو ربما أراد تعويضك أي بدلاً من ذهابك لأهلك اقبلي بحب ورضا مع اشعريه بمدى حزنك بصمت .. تدربي وكوني أقوى من نفسك واهدئي .. الصبر الصبر ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل