اكتب ودموعي على خدي

ا

ام زايد الحلو

New member
إنضم
2009/07/18
المشاركات
8
السلام عليكم
والله ماعرف كيف ابدا قصتي بس اباكم تحكمون اللي سويته صح ولا غلط من اسبوع طلعنا انا وزوجي واهله كله للبر مع اخوانه وحريم اخوانه المهم استانسنا وكانت الاجواء ولا احلى بس المشكله صارت يوم خلصت الرحله السعيده ونحن فالسياره بنتي الصغيره خيست عمرها ولازم اغيرلها والكلنكس المبلل خلص فتصلت تلفون حق حرمت اخو زوجي (سلفتي) وطلبت الكلنكس المبلل مال بنتها وقالت اوكي المهم وقفنا عدال السياره بجانبها تماما عشان لما تعطيني من الدريشه اقدر اتناوله المهم هي كانت حاط الكلنكس فالدبه وهي جالس فالمقعد الخلفي المهم عشان تتناوله لفت ورفعت بعمرها عشان تاخذه نفس حركة ا(الفرنسي ) وهي خلال هذي الوضعيه زوجي كان يطالع السياره بصراحه انقهرت وايد فقتله ليش اطالع شوف سيدا لين ماتيب الكلنكس فرد علي وهو يزاعج انتي قليلت الادب تفكيرج غلط وصخ انا كنت اطالع اخوي ماطالعها هي
المشكله ان اخوه كان يطالع سيده مالف صوبنا ابدا وقتله هالكلام
قال خلاص سكري على هالموضوع وتم يمشي بسرعه والرادار شغال وهو ماهامه لما وصلت البيت قالي نزلي ونزلت وهو طلع ونا مسويه عمري عادي اضحك فالبيت واسولف معاهم لاني احس عمري مش غلطانه مب غلط يوم اقول حق زوجي شوف جدام
وحابسني فالبيت الكل يطلع الا انا كل ماقوله ابا اطلع قال لااااااااااااااااااا
اليوم طرشت مسج عشان اسير الصالون مارد علي فقلت حق امه تقوله فقالها من بيسير معاها قالت بروحا قالها لااااااااااا
فطرشتله مسج وكتبت فيه من تبا يروح معايا؟ اعتقني لوج الله انا تعبت من حركاتك اذا ماتباني خليني اروح كرهت عيشتي شو تبا مني انا ماتحمل اكثر اللي فيه مكفيني رد عليه وكتب انا هذا طبعي انتي شو تبي انا حاظر
اعرف قصده يباني اقول ودني بيت امي او ابا اطلق يعني يباني اسوي مشكله المهم مارديت عليه
انا اعرفه طيب وحنون بس ماعرف شواللي صار وصارله اسبوع مانتكلم الا فحدود سؤال ورد غطاه
واذا ياه الغرفه حط راسه ونام وطول اليوم هو برا
ماعرف شو اسوي افيدوني الله يخليكم هل انا غلطانه ولا هو الغلطان ويبا يحسسني بالذنب :sadwalk:
 
ماكان لازم تقولي له اللي قلتيه لما طالع سلفتج يحلوه في أشياء تتطوف وخاصة اذا زوجج زين معاج
الله يهديه لا تشدين وااايد معاه
 
انتي غلطانه حبيبتي ما كان لازم تقولين اليي قلتيه بصراحه الرياييل ما يتحملون
 
خيتو بدون زعل انتي الي غلطانه يمكن اهو ماكان

منتبه لها او مو ماخذ في باله بس انتي نبتيه لهذا الشي

(خليه اهو يحاسب نفسه بنفسه) ليه تقولين له طالع قدامك

المهم انتي حاولي تغيرين من وضعك مثل اذا جاء البيت لا

تعطينه مجال انه يخليك وينام غيري في الغرفه سوي جو رومنسي

واعتذري منه بانوثتك تقدرين تميلين قلبه وينسى الي صار

الله لا يبكيك على غالي انشاء الله


وسامحيني على الاطاله وانشاء الله اكون افدتك


تحياتي m
 
الصراحة انتي الغلطانة ووايد بعد لان صدق مثل ما قال تفكيرج وسخ وعيب أختي ينقال ...أنا ما أدري ليش دايم يكون تفكيركم سلبي لهي الدرجة ازواجكم مش محترمين !!! يعني حطي نفسج مكانة وكان العكس أخوه الي يناولة الكنينكس وانتي لا ارادي تتطالعين بدون اي مغزى ودار في بالة نفسج نفس تفكيرج وصخ شو بكون ردج عليه ..!! انا من رايي كسري الشر وروحي اتسامحي منه مهما كان ابو عياليج ولا تخلين الشيطان يدخل بينكم وعديها ولاتكبرين الموضوع ..
 
لا مو عادي

انتي اكيد عارفه كيف مجتمعنه في السعوديه يعني طريقه الحجاب

طبعا اذا رحت السوق مع زوجي الحريم اللهم ياكافي العيون المكحله وغيره

انا ما اقول لزوجي لا تطالع بس الاحظ عليه كل ما طاحت عينه على بنت نزل راسه

ويقول استغفر الله -اللهم صلي على محمد

يعني مثل ما قلتلك يحاسب نفسه بنفسه

لاني انا كنت قبل مثلك متهوره اقوله

ويتضايق ويقولي انتي ماليه عيوني ذولي ولا شي

كبري عقلك وبجد خلاص بطلت هالحركات من زمان وشلت هالشي من راسي

والحين قمت اشوف صح


سامحيني على الاطاله
 
اوكي كيف ارضيه قووووووووووووولولي بنات بدون ماطلع عمري غلطانه
بلييييييييييييييييييز
 
ياحبيبتي انتي يمكن حقك لان تحبي زوجك وتغارين عليه بس مع هذا ماكان لازم تكوليله بهالطريقه وانتي تعرفيالرجال اكثرهم يعصبو لما زوجاتهم بتكوللهم لتطالعون حريم مافي رجال ما يطالع صدكيني بس دائما يكولون انو همه لاشيء وبس انتو بحياتنا ومن هالكلام اعتذري منه ومافيها شي صدكيني دامه حنون وطيب معاج وخبري انتي بسبب حبك وغيرتك عليه حكيتي هالشي ودامه مامقصر معاج بيستاهل تعتذريله صدكيني ومسالة الخروح ومايبي تطلعين الا احد معاج او من هالقبيل والله عادي انا نفس الشي بعد واتعس مايقبل اروح لسوبر ماركت وحدي الا ماو معايه لانو يغار وزوجك كمان يمكن يغار عليكيومن حقه هذا ياحبيبتي
استعيذي بالله من الشيطان واكثري من الاستغفار واعتذري لزوجك
اسال الله تعالى ان يوفقك
 
حبيبتي ارضيه عادي بعد مايرجع من الشغل او اي وقت يرجع اسالي اذا بياكل او اي مبادره للكلام منك او لما يدخل للغرفه وتبون تنامون اعتذري منو بكل احترام وبرقه وهمسيلو وخبري بحبك الو وانك غلطانه بس من كثر حبك غرتي عليه وحسبتي يطالع وانك غلطانه وخلاص مو بعيب حبيبتي انتي سوي اللي عليكي والباقي عند الله ويارب يفرج مشكلتك حبيبتي
 
ام زايد الحلو قال:
اوكي كيف ارضيه قووووووووووووولولي بنات بدون ماطلع عمري غلطانه
بلييييييييييييييييييز
أنقر للتوسيع...
عادي ما يبغي شي يا عيوني كلمتين حلوين وحضن كبير وبوستين من الخاطر تغني عن كلشي وان حب يتكلم ويفتح الموضوع مرة ثانيه حطي ايدج على حلجه بطرقة مرحة وقولي خلاص ياعمري انسى السالفه وان حبيتو اتسون شي....!!!!؟؟؟؟ خير وبركة عسى الله يسعدج ان شالله ..وبشرينا عن الاخبار الزينه ما ابغي اليوم يعدي بدون ما ترد الامور لمجاريها واحس بعد ...
 
حبيبتي انتي غيوره حيل
وهذا طبعنا احنا الحريم
يعني المفروض لما شكيتي فيه انه يطالع المفروض ماقلتي له
وكان حاولتي تشغلينه بالسوالف عشان مايناظر
المفروض اللحين اذا جاء وراح لغرفة النوم
روحي تلزقي فيه وتدلعي عليه
وقولي اشتقت لك وباقي الاشياء انتي تعرفينها
متعيه وخليه ينسى ولاتفتحين الموضوع مره ثانيه
واذا هو افتحه قولي له انا وسوس لي الشيطان ومن غيرتي عليك
ولاتحاولين تعلين صوتك خلك هاديه عشان يحس انك صادقه
بس لما تعلين صوتك راح يحس انك ترقعين غلطتك
الله يعينك ويفرج همك

 
لا تزعلين مني
بس انا لو كنت بمكان زوجك كان عطيتك كف
حبيبتي ليه ها الاسلوب مع زوجك والله لو انه ولدك المراهق ما تعاملين عه بها الطريقه
 
أختي ام زايد

قرأت مشكلتج وتبين الصراحة انا معج في كل اللي سويتيه وكل وحده ولهااااااا وجهة نظره
واللي تقول يمكن ما لاحظ او ما شااااااف اقوللها ليش هو اعمى ولااااا شووووو؟؟!!!!!

كلنا نعرف انه الرجال بصريين ويشوفون كل شي حتى ادق التفاصيل الصغيرة

وبالعكس ما فيها شي يوم قالت طالعت قدام لنه قاعده تحفظ حرمة اخوه وعورتها عن نظره وفعلا الي سوته وقالته صح

ويوم قاللها انتي تفكيرج وصخ بغى يتهرب ويطلعها غلطااااااانه وهي اساسا مش غلطانه

في هالحالة لو كنت مكانج ما بعطيه فيس وبقول زول زالت عينك

لكن ما دامج تبين تراضينه اقووووولج قوليله باسلوب لطيف وفي وقت حلووووو يابو فلااااان بعدك زعلان حبيبي تعرف اني اغااااااار عليك من الهوا الطاير فلا تعصب مني ولا تتضايق اعرف انك اشرف ريال وانك تحبني بس انت تعرفني اذا غرت عليك اسوي اي شي واقول اي شي وشلي عمرج وعطيه بوسه على راسه وخده وقوليله بدلع خلااااااااااص سامحني بدلع طبعا في خاطرج قولي اللهم اني اسامحه لوجهك الكريم ولتهديه الى صراطك المستقيم

وربي يجمعكم على خيررررررررررر
 
غلطه وغلطتيها هالحين لازم تعتذرين منه وحتى لو بينتيله انك غلطانه بالعكس بيرضى بسرعه اعتذري منه وحبي على راسه مهما يكون هذا زوجك
 
حبيبتي
لو قلتيله هالكلام بس بأسلون احسن من كذا
يممكن انحرج منج لما قلتيله هالكلام
 
والله قويه و اعذريني بس اشوفج غلطانه و غلطتي غلطه كبيره بعد

كيف تقوليله لاتشوف ! حسستييه انه وصخ لانه يخون اخوه و يشوف حرمته و هي بهالوضعيه

او يمكن كان يشوف ورا بس مب مركز و انتي خليتيه ينتبه اكثر وكبرتي الموضوع

ثاني شي طبيعي بيصد على هاي الحركه ! انتي لو شفتي واحد يمشي فالشارع و فجأه سوا نفس الحركه اكيد بتنتبهين حتى لو ما تقصدين شي .. واذا عصب عليج ريلج ما بتتضايقين و بتقولين شو هالانسان كيف جييه يفكر و هو يعرفني عدل؟!

والله مادري كيف تراضينه

حاولي تخلين عمرج وايد كوول لاتتضاربون حتى لو هو عق عليج كلام او حاول يستفزج دايما قبل ما تقوليله اي كلمه تذكري انه هدفج تراضينه مب ترديين علييه بنفس الاسلوب وتذكري انه هو الزعلان و انتي الغلطانه

طرشيله مسجات حب و اعتذار و ام ام اس صور حلوه .. صوركم في سفرات حلوه هو يحبها او اي شي حلو

فلليل الصقي فييه حتى لو قالج وخري عني .. قوليله ابا ارقد جييه
حطي راسج على كتفه يوم بيكون يشوف التلفزيون او على ريله

اذا شفتيه يالس بروحه فالبيت ما يتكلم سوييله كوفي حار و اشربي معاه

اعتذري منه بكل ندم قوليله سامحني ماكنت اقصد و ادري فيك مب من هالنوعيه انته محشوم بس الشيطان لعب براسي لاتخلييه يخرب علينا اكثر .. خذيله ورد من الليل و الصبح قبل ما يروح دوامه انزلي بسرعه و حطي الورد على كرسييه فالسياره مع بطاقه صغيره

حاولي بكل الطرق و اكييد مع الايام بيليين و بيرضى

و عن موضوع الطلعه والله ماعرف شو اقولج بس يمكن يعاقبج او يمكن بعد اللي قلتييه حط فباله انه دايما ها تفكيرج فما يباج تطلعين بروحج !! انا قلت يمكن و يالسه اخمن وانتي ادرى بريلج

اطلعي هالفتره مع صديقه هو يثق فيها و يعرف انها زينه, امج, بنات عمج خالج خالتج, خواتج .. دامه ما يباج تطلعين بروحج, او مثلا اذا مره قالج لااا, اغمزيله و قوليله اوكي انت بتوديني ؟ :bleh: لاتقوليله ارحمني و خلني اطلع و لاعت جبدي و مادري شو (( تذكري انه هدفج تراضينه مب ترديين علييه بنفس الاسلوب ))

استعبطي جدامه سيري البسي عباتج و شيلتج و رجعيله و انتي مبتسمه و مستحيه :blush-anim-cl:من هالعبط يعني بينيله انج متعمده تسوين جييه عشان يطلعج .. قوليله تولهت على عباتي من زمان ما لبستها و يلسي عداله داعبييه شوي ,, قوليله حبيبي يالله شوي نطلع لو بالسياره نتحوط بس انا و انت محد ويانا

انشاءالله يرضى عليج

:icon26: سلامي وحبي :icon26:​
 
لا حبيبتي انتي مش غلطانه انتي شفتي منكر واتكلمتي ودا حديث عن النبي صلى الله عليه وعلى اله من رأى منكم منكرا فليغيره ..... ) الى اخر الحديث
ماغلطتي بس يمكن زودتيها شويه وانصحك بالتعقل والدلع وربي يسخر بينكم
 
دئم خليك عاديه اذا ماشف مرة اخوه يشوف غيره بس ادعياء الله ان الله يغض بصره عن الحرم ويجعلك في عينيه اجمل نساء ا لعلمين ودئم استودعي بصره وفرجه وجميع جوارحه من الحرم

ملاحظه ضغيره مرة اخوه المؤخره عنده كبيره
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل