اكتب وانا مصدومه واحس اني بحلم...ساااااااعدوني

ا

الكتكوتهـ

New member
إنضم
2008/07/07
المشاركات
42
السلام عليكم ورحمة الله

بنات انا كنت حامل في نهاية الشهر الثالث وكل شي كان طبيعي 100 بال100 بس رحت الدكتوره اول ماعرفت اني حامل وقالت لي الجنين صغير ومافي نبض..المهم انا ماعاد رحت مره ثانيه لان ماكنت اعاني من اي شي..والكل نصحني ان مازور الطبيبه وايد لان اول حمل وبيتعبوني وقالوا لي دام كل شي اوكيه روحي لها فالثالث ..رحت لها من كم يوم زيااااره عادييييه وماشتكي من اي نزيف ولا الم ولا صداع ولااا شي غير الم الحمل الخفيف اللي نفس الدوره وخفيف ويجي ويروح ...



انصدمت ........................لانها قالت لي ان الجنين مو مبين حولتني على دكتوره ثانيه عشان اتاكد..وقالت لي ان الجنين مات وهو بالشهر الاول..مع العلم ان بطني بين عليه ملامح الحمل بالثالث وكيس الجنين واااضح بس الجنين ميت

الكل كان مستغرب انه مانزل ولا حتى بين علي اي تعب


الله يبعد عنكم الشر ..ماقدر اوصفلكم شنو كان شعوري ..بس الحمدلله انا راضيه بحكم رب العالمين


بس احين انا مو عارفه شو اسوي


دكتوره قالت لي بتعطيني تحاميل طلق عشان يفتح الرحم وبعدها بتسوي لي تنضيف رحم ..وبس الدكتوره الثانيه مانصحتني فيه قالت لي انتي توك بكريه ويمكن يلعبون فيج ...يعني في ناس ممكن ياثر عليهم


وقالت لي ..انتظر لين ما الرحم بنفسه يطرد الجنين ويصير اسقاط طبيعي..بس انا خايفه اني انتظر وبعدها يصير شي ويقولون لي لو نزلتيه بسرعه احسن ..

بس الجنين حجمه صغييير مررره

وهاليومين احس بالام الدوره كانها بتنزل و افرازاتي مايله للصفار ومااافيه اي نقطة دم واشرب دارسين يقولون ينزل الدوره يعني قاعده احاول اخليه ينزل طبيعي خلال هالاسبوع



الله يفرج همكم ..بايش تنصحوني ..والله اني محتاااره ومو عارف ايش اسوي ..وفي نفس الوقت خايفه من الحلين ..الله يخليكم ساعدووني

انا اكتب وانا مصدومه واحس اني بحلم :icon1366:
 
:cupidarrow:بسم الله عليك حبيبتي ليه محتاره وعندك رب العالمين استخيري احسن ولاكثر الآرآ راح توترك بس استخارة رب العالمين راح تريحك اكيد وراح اقولك قصت اختي
والله شاهد على ماأقول لما حملت راحت المستشفى وانصدمت وربي كانت في الثالث قالو فيك كيس بس بدون جنين ولازم تنزلينه بتنظيفه ولا حبوب خاصه تنزل بس هي ماطمنت وراحت لدكتور كبير ومعروف وله صيت مرررررررررررره وغالي بس تبغى تتأكد وقال نفس الكلام بس هي حاسه انه فيه جنين واستخارة ورفضت تنزله تخيلي في الخامس تحرك الجنين وطلعت بنوته وعمرها الحين 8سنوات ومن استخار ماخاب بس اذا تأكدتي لاتخذين التحاميل فيه حبوب انا مجربتهن من الدكتور لما مات الجنين في الشهر الثاني اعطانيها ونزلت الدم ونظفني بدون لحتاج لتنظيفه والله يفرج عليك حبيبتي ويرزقك انتي وبنات المسلمين الذريه الصالحه:cupidarrow:
 
لله ياجرك ويخفف عنك تصدقى ودعى ربك ترى مفعول عجيب وما تشوفين شر
 
تسلمين حبيبتي طمنتي قلبي ..بس الله يخليج عطيني اسم الحبوب

والله يوفقج ويرزقج الذريه الصالحه ..
 
انشالله راح استخير الليله ..والله يصبرني

واذا مالي نصيب الله يعوضني انشالله
 
:cupidarrow:حبيبتي انا ماعرف اسمهن بس للأمانه لازم مراقبه اذكر الدكتور راقبني وراقب الضغط عندي وكل ثلاث ايام يصورني في الأشعه حتى نظفت وانا احلفك بالله ماتخذينهن على ذكر احد انتي بكريه وكل حاجه تضرك خوذيهن تحت استشاره دكتور وانشالله ماتحتاجينهن:cupidarrow:
 
الله يجزاج خير

اشكر لج حرصج

بس لان رحت عند دكتورتين ولا وحده قالت لي عن هالحبوب الثنين قالوا لي عن حبوب الطلق ...بس انشالله بسال


وانا استخرت الحين وبتوكل على الله

الحمدلله على كل حال والله يبعد الهم والحزن على كل من يرد علي او حتى يقرى ويدعي لي


بس ابي ردود اكثر الله يخليكم ..لاتحرموني
 
تذكرت سالفه وحده كانت حامل وجنينها مات ونصحتها وحده قالت لها تاخذ ثوم كامله كامله تقطعينها او تفرمينها وبعدين تطبخينه مع البيض وتاكلين منه يعني تسوينه مثل بيض المقلى { وهذي الطريقه تحطين في القدر زيت والثوم يخليه يحمر شوي وعقب حطي البيض تقربيا بيضتان } ينزل الجنين وينظف الرحم وان شاءالله يفيدج
 
وهذي الحرمه جربت الطريقه وتقول ان نفعها ونزل الجنين
 
الله يكتب لك الي فيه الخير
نصيحة مني استخدمي حب الرشاد وهو مادة عشبية مافيه اي ضرر
وخبرينا وش يصيار معك
 
ماعندي خبرة في حالتك بس ما حبيت أدخل وماأرد عليك،،،،،،أصبري أختي وتذكري ان هذا ابتلاء من الله وادعي

دايم في استخارتك بأن يحفظ لك الرحمن جنينك إذا كان فيه خير وصلاح ويصرفه إن كان في شر،،،،،

الله معاك
 
جزاج الله خير اختي فوفه

الله يسعدج ويبعد عنج الاحزان

ويررزقنا واياكم الذريه الصالحه


وين الردود ...وفوق ال80 مشاهده
 
السلااام عليكم اختي الكتكوته ... صار لي مثللج بالضبط كنت بالشهر الثالث وقالوا لي ميت من الشهر الاول لان ما يبين بالكيس او احتمال حجمه صغير وايد.. انتي فيج الالام صح؟
يعني الرحم حسب ما قالت لي الدكتورة قاعد ينزل الجنين من جذي تحسين بهذي الالام والتقلصات ومااا يحتاج تاخذين اي شي
حبيبتي لا تاخذين اي حبوب لان الجنين متى ما مات يطرده الرحم تلقائياا .. قالت لي دكتورة ثانية ,, لما اشتدت علي الالاام ... تبين نعطيج حبوب او طلق صناعي بنعطيج بس هذي بياثر عليج في الحمل الجاي
انتظرت حتى تخلص الرحم من الجنين وما احتجت الى عملية تنظيف .. حبيبتي الله يعوضج ويعوضني امين رب العالمين اسئل الله لج العافية والمعافاة .. الله يقومج بالسلامة
 
زهرت الكون ...تسلمين على المشاركه اللي طمنتني

انا احين احس بالم الدوره وحرقه برجولي..والم باسفل الظهر..بس يعني مو الالم اللي ماقدر استحمله يعني حياتي طبيعيه

والالم يجي ويروح

وانا بعد عندي ايمان ان جسمي بيقدر يتخلص من الجنين وينضف نفسه

بس انتي متى صار معك هالشي؟؟..وحملتي ولا للحين؟



والله يعطيج على قد نيتج


والحمدلله على كل حال
 
واللي خلت الرحم يتخلص من الجنين وينظف نفسه


شنو اللي حسته بالضبط ..يعني شلون اتعرفين ان الجنين طلع

قالوا لي بينزل دم ..كيف اعرف ان هذا الدم طبيعي ومو نزيف او ان خلاص نزل كل شي ..لان لو اعتمدت على المستشفيات ..ترى يجيبون المرض ويخرعون الواحد ..ويستعجلونك ويخلونك اتسوين اشيا من غير تفكير من الخوف ..مع ان الله اقدر منهم

ولما نزل دم رحتي المستشفى على طول ولا كان دم عادي كانه الدوره ؟

انا مو عارفه شبيصير ومو متخيله الوضع؟؟ ومحد من اهلي صاده نفس الموقف
 
غاليتي .. الكتكوته ,, الله يعينج ويصبرج يارب ,,


حبيبتي انا صاري لي جي ,, كنت بالثالث ,, كان عندي مثل ماده مخاطيه لونها بني ينزل ,, واتريت اسبوع ,, ونزل كل شي ,,

ومثل ما قالت الاخت ,, رحت المستشفى والحمدالله ما سولي تنظيف ,,


و احين بكمل السنتين و بعدني ما حملت ,,


الله ييسر لج ,, ويعينج ,, ولا تخافي وخلي كل شي بوقته ,,
 
ام ماريه ..الله يرزقج انشالله ويعوضج

بس انتي صار لك في حملك الاول وللحين ماحملتي ولا عندك اطفال

وبعدين انا ماينزل مني شي لونه بني انا يننزل لونه اصفر شدييد مايل للخضار ..وماحس بالام كثيره يمكن بس بالليل ..وفقدان شهيه

واليوم رحت فحصت وقالوا لي نفس الكلام للمره الثالثه ..بس قالوا لي تقدرين تتاكدين بتحلليل هرممون الحمل لما سويته طلع عندي الهرموون عااالي وقالي الدكتور شنو المشكله قلت له ان انا قالوا لي الجنين ميت من شهر ..استغرب قالي بس الهرمون طبيعي وبدا يغير كلامه وقالي تعالي بعد كم يوم يمكن ينزل وقالي المصدر الموثوق هو التلفزيون ....!!!!!
 
اول شئ رووووووووووحي مستشفى حكومي ماراح يكذبو عليكي ويقولولك الصح احسن لك تتاكدين نصيحه مني لا تروحين خاص واذا الجنين ميت يدخلونك تنويم على طول ويحطولك طلق صناعي انصحكي تروحييييييييين بسرعه لانه موطيب يجلس اكثر من كذا عشان مايسبب لك مشاكل او يلتصق الجنين في الرحم
لا تخافين من كلامي بس مجربه مرتين
 
التعديل الأخير:
كتكوتة عزيزتي الله يعوضك خير وفوضي أمرك لله .
بالنسبة لسؤالك حبيت أرد عليك لأني سبق ومريت بتجربة اسقاط وموت الجنين في بطني
أنا كنت المفروض في الأسبوع 13 يعني تقريبا 3 شهور نزلت في البداية افرازات بنية يصاحبها بعض الألم البسيط ثم ذهبت إلى المستشفى وكانت أول زياره لي للطبيبة منذ حملي لأن عادة نروح في نهاية الثالث أو بداية الرابع

قالت لي الطبيبة إن الجنين يبين إنه 8 اسابيع يعني وقف نموه منذ أن كان 8 أسابيع ، هي ما قالتلي إنه ميت حرصا على مشاعري ولكنها كانت تعرف إن الأعراض اللي أمر فيها أعراض نزول الجنين فقالتلي هو شكله بينزل رجعي البيت وشوفي الوضع وإذا نزل دم فتعالي عندي.
أنا كنت حابة أروح عند طبيبة ثانية عشان أتأكد ولكن قبل ما أروح يتني آلام مثل آلام ولادة ولكن على أخف ونزل الجنين وهو يكون من غير عظم يعني مجرد كتلة لحم مثل الكبدة الحمرا .
بعد ذلك أخبرتني إن أصلا هو إذا كان ميت فإنه على الشهر الثالث ينزل بنفسه سبحان الله ولكن بما إن كانت هناك بواقي ما نزلت عملتلي عملية تنظيف والحمدلله .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل