((اكتب اسم الشاعر واللي بعدك______)

[الـــــروووووعه]

الشاعر تركي الميزاني

ياصاحبي واللي خلق نعمة السمع انك..هنا بين المعاليق ثابت

ماجيتلك صدفة..ولاجيتلي رمع وان غبت عني فرحتي معك غابت

غيري عبث بالحب بسياسة..القمع لاكني لاودت ولايوم جابت

الا مع حبك من عشق يحسن الجمع من شاف حبه لو قوافي ثابت

والدمع هذا اللي تشوفه ماهو دمع اشعلت عيني لجل تشوفك وذابة

واللي نزل منها على خدي الشمع ارقد مادام الشوق في القلب ثابت


اللي بعدي الشاعر حامد زيد
​

 

[دخون العود]

*****أثر المصايب ماتجيـك إلا مـن النـاس القـراب*****

إي بالله أخطوا والخطا اللي جابهم عين الصـواب
مبطي وأنا أشوف الطمع يكشف رداهم وأستـره

مايملي عيون الحسـود بهالزمـن غيـر التـراب
ومن لايتوب من الخطـا تحـرم عليـه المعـذره

اللي من أولهـا خـراب أكيـد تاليهـا خـراب
والبنـدق اللـي ماتثـور فـي هدفهـا تذعـره

ودك اليا من جاتك الغلطه مـن النـاس القـراب
الصاحب اللي ما كسبـت محبتـه مـا تخسـره

مشكلتي إني ماعرفت أحسب لصدتهـم حسـاب
قلّطتهم صدري على ذكرى قصيـد وحنجـره

صوت ٍ يصول بمنبره وخطاب مامثلـه خطـاب
والطيبه اللي زعزعت صوت الخطيـب ومنبـره

مافيه دمع ٍ صوبـوه أحبابـي بوجهـي وخـاب
ولا زرق حزنـي علـى غالـي ولا فـج انحـره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقـي وأخطـره

لأني تجنبت الغرق.. عديت من فـوق السحـاب
لأن أكثر أصحابي ورق..ماشفت للطيـب اثمـره

والله ماحطيت بيـن الحقـد والخـوه حجـاب
حتى غدوا ربعي يحدوني علـى الضيـق أشكـره

البارحه ثارت علـي رقـاب و آوتنـي رقـاب
البارحـه ياثقـل دم البـارح ويــا محـقـره

أثر المصايب ماتجيـك إلا مـن النـاس القـراب
وبهالزمن حتى الخوي اللـي تثـق فيـه أحـذره

أهب يا وجه الحسد وشلـون جمعهـم وغـاب
كيف السنيـن اللـي عطتنـي بعثرتهـم بعثـره

لابارك الله فـي رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مــره

الصاحب اللي مايجي من صحبته غيـر العـذاب
نذر ٍ علي إن ماهجرني وإلا أنا اللـي بـأهجـره

من يفتح لفرقاي باب أفك لـه عشريـن بـاب
و إذا خويـي مايقـدر خوتـي مــا أقــدره

عو ّدت نفسي كل ماشـددت لليمّـه ركـاب
ما صد وجهي عن طموح إلا ليا جبـت خبـره

أن روّحوا فأنـا بـري منهـم ليـوم الحسـاب
وإن جرحوا قولوا لهـم ماحركـوا فـيّ إشعـره

شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحـقـره

ماكنت أحاتيهم صغير ..عـاد أحاتيهـم شبـاب
الصاحب اللي ما أذخره لليوم الأسود ما أذخـره

شفني جمعت أوراقهم بكتاب وأغلقـت الكتـاب
يا وقت لـم اللـي تلمـه وأنثـر اللـي تنثـره

اللي يخاف من الظما يترك لنـا طـرد السـراب
واللي ماهو بقد الظـلام ووحشتـه لا يسهـره

عقب أكتئاب البارحه ماعاد انـا حمـل إكتئـاب
الطيب جرجرني وانـا مانـي بناقـص جرجـره

انا تجرعت الظما ليـن أحتـرق وجهـي وذاب
انا كسرت بخاطـري قبـل الصداقـه تكسـره

انا خسرت اللي غيابه غير عـن كـل الغيـاب
انـا غفـرت لعـالـمٍٍ ماتستـحـق المغـفـره

انا أكثر (أنسان) تعلم من كثر ما أخطأ واصـاب
انا أخر (لسـان) يتكلـم فـي زمـان الثرثـره

انا القصيد اللي فزع من دفتـره مليـون نـاب
وانا الوحيد اللي جمـع مليـون نـاب بدفتـره

جفني وجرّحه السهر ، حيلي وهدّتـه الصعـاب
دمعي هدر ، ضحكي ندر ، عمري وضيعت أكثره

شيّبت بعقـول العرب..هيبـت روس ٍ ماتهـاب
جمهـرت نـاس ٍ عمرهـم مايعرفـون الجمهـره

ماصرت ذيـب إلا لأن اللـي تحدونـي ذيـاب
ما كنت أغيـب إلا لأن العفـو عنـد المقـدره

ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظـهـره

في هالزمن مايملي عيـون الحسـود إلا التـراب
والا الحظيظ.. الطلقه اللـي ماتصيبـه تذعـره

ودك اليا من جاتك الغلطه مـن النـاس القـراب
الصاحب اللـي ماكسبـت محبتـه مـا تخسـره

اللي بعد الشاعر (احمد الصانع)​

 

[بنت مكه 1100]

ودِّي أمُوتْ اليُوم ... وأعيش [ باكر ]
ـــــــــــــــــــ وأشوفْ مِنْهو .. بعد مُوتي فقدنِي ..!

ومِنْهو حَمَلْني لِين .. ذِيكْ .. " المقابر "
ـــــــــــــــــــ وأشْكرْ أنا .. كِل مِنْ دِفنِّي و كَرَمْنِي

وبشُوفْ .. يرثيني أنا كَمْ [ شاعر ] ..؟
ـــــــــــــــــــ ومنهو [ يذم ] فيني .. ومِنْهو [ مِدَحْنِي ]

شِخصٍ تعنَّى لي .. مع إنه .. مسافر
ـــــــــــــــــــ وشِخصٍ قِريبٍ ، في طعونه ، خَذلنِي

وشِخصٍ يمثِّل دمعِتَه .. ما هو قادر !
ـــــــــــــــــــ وشِخصٍ تِطيح دموعه كِلْ ما ذِكَرنِي

ومِنْهو مِنْ أهلي فـ العَزا كان حاضر
ـــــــــــــــــــ ومِنْهو دعى لي في " صلاته " ورحَمنِي

ومِنْهو بنى [ بإسمي ] سبيل ومنابر
ـــــــــــــــــــ ومِنْهو يفز قلبه .. ليا مِنْ [ لِمَحنِي ]

ومِنْهو عشاني : طُول الأيام ساهر ..!
ـــــــــــــــــــ ومِنْهو ثلاث أيَّام .. راح / وتركنِي ..؟

ومِنْهو يرتِّب .. غرفتي .. / والدفاتر
ـــــــــــــــــــ وإن شاف لي ( صوره ) بكى قال : شِفنِي

يالله عسى تعلّمني .. عن هالمشاعر
ـــــــــــــــــــ منهو : رُبَح موتي . . ومنهو : خسرنِي ؟

خايف يروح العُمْر .. وأكُونْ خاسر
ـــــــــــــــــــ وإن طار طيري .. يخلف إللي وعدنِي

وخايف يجيني وقت : أكْسِر خواطر
ـــــــــــــــــــ إن دارت الدنيا .. وزماني .. كِسَرنِي

ومدام هذي الدنيا .. صارت مظاهر
ـــــــــــــــــــ وكِلْ مَنْ على كيفه ، وجوّه ، نصحنِي

[ صحيح مُسلم لكن : الهَم كافر
ـــــــــــــــــــ والوقت قصّر ، والبَخَت ماخِدَمنِي ]

الضيق : وافي . والحزن : حيل وافر
ـــــــــــــــــــ والجرح : أكثر شي شفته ، يحبنِي !

عايش وميِّت بين .. ماضي وحاضر
ـــــــــــــــــــ والصبر [ مفتاح الفرج ] ماشملنِي

قل وش تبي وتتركني ياحزني : آمر ؟
ـــــــــــــــــــ مسكين فرحي ، تصدِّق إنَّه : وحشنِي !!

( شاعر ) ولكنِّي .. ماني بـ [ شاعر ]
ـــــــــــــــــــ ودِّي أموت اليوم .... باكر صدمنِي !!

:

 

[بنت مكه 1100]

الشاعر نايف صقر

 

[O¤°'(نـجـد)'°¤O]

القلب عود يفوح والطيب من مكسره​

تحته من الجمر مايوقد سكات الرماد​

والعين مغرورقه بالدمع ومبعثره​

بين الصور والرسايل والدجا والسهاد​

حنا اليا حسبنا مازرعنا الذره​

قل للعصافير تتركنا وقل للجراد​

البارحه جف في غصن الملام ثمره​

عقب البياض انكسر ضلعه وسال السواد​

والناس خلان قبل الريش والمحبره​

شعوب وفخوذ واحباب وصباح وهجاد​

هذا الجمل لو سنامه سامك فـظهره​

ماله عزوم يقوم بها ولا له شداد​

ياذيب عيد على قلبه وفج نحره​

دامه رغى عقب هدراته وشم الحماد​

تمخض الوكر والقرناس عن حمره​

في راس قشعه لعب فيها الظما والنفاد​

يوم النحاس انصدع لونه وذاب أصفره​

غنيت للسنبله كل اغنيات الحصاد​

مايدفي الا الوبر والوصل والمقدره​

لازاد شوك الشتا في راحتك والفؤاد​

ولاصار ما لك اليا منك ركضت اغبره​

شوري عليك اترك البيدا .. وكب الطراد



الشاعر عبد الرحمن بن مساعد ​

 

[بنت مكه 1100]

تخيلو
ياللي قـريـتـوني شعــر ...
وشفـتوا ملامـح حــبها ...
بين المعاني والحروف ...
ياللي عـرفـتـوني صبر ...
وفـراق وجروح وحزن...
وظروف خانتها الظروف
تخـيـلوا
ان القـصيد اللي كـتبت ...
كل القـصيد ..
اصبح كـذب ..
تخـيـلوا ..
اصدق احساس فـزماني ..
يصبح كـذب ..
تخـيـلوا .. اني ماكنت الوحيد في قـلبها ..
تخـيـلوا .. اني الوحـيد
اللي ابـد ..
ماقـد سكـن
في قـلبها .. !
والغـريب .. احـبها ..
الى هـلحين ..
احـبها...
تخـيـلوا..
ماودي جـراحي تطيب ...
لانها الشي الـوحـيد ..
اللي بـقالي منها .. تخـيـلو .. !​

 

[بنت مكه 1100]

الشاعر خالد المريخي

 

[قتلني الفراق]

يا للي تطالع وكنك ما تطالعني ii"
" نظرتك هذي حبيبي لا iiتكررها
صحيح شاطر ولكن صعب تخدعني "
" أنا على الطاير افهمها iiواطيرها
أنا مزاجي واطيع اللي يطاوعني ii"
" ان كان لي خلق أمررها iiأمررها
اسمع كلامي إذا ودك تولعني ii"
" سعادتي خلها همك iiودورها
ابنصحك قوم خل عنادك وطعني ii"
" وتعال نطوي الليالي iiونتذكرها
وسمعني اللي كتبته فيك سمعني ii"
" والكلمة اللي تشكل معك iiغيرها
بلسانك الشعر لو تكسر يمتعني ii"
" كسر يا بخت البيوت اللي iiتكسرها

الشاعر:بدر بن عبدالمحسن​

 

[بنت مكه 1100]

ابعتذر..عن كل شي..

الا الهوى ..ماللهوى عني عذر..

ابعتذر .. عن اي شي..

الا الجراح.. ماللجراح الا الصبر..

ان ضايقتك اني على بابك امر..

في ليلة الم ..اني على دربك مشيت عمري وانا قلبي القدم..

ابعتذر.. ابعتذر..كلي ندم..

عن كل شي الا الهوى ..

ماللهوى عندي عذر..

اتصدقي مااخترت انا احبك..

مااحد يحب اللي يبي..

ياحبي المر العذب سكنتي جروحي غصب..

ليت الهوى وانتي كذب..

كان اعتذر لك عن هواي..

مااقول انا.. كوني معاي..

ان ضايقك ان ضايقك اني على بابك امر

في ليلة الم..

واني على دربك مشيت عمري وانا..

قلبي القدم..

ابعتذر..ابعتذر..كلي ندم..

عن كل شي الا الهوى

ماللهوى عندي عذر................................

 

[بنت مكه 1100]

وهذا رد من الامل المجروح زوجة الاميربدر بن عبد المحسن
وهذي قصيدة تقوى الهجر ((لاتعتذر)) :-


تقوى الهجر ..

مانجبره من عافنا ماينجبر.. لاتعتذر..

راح الصبر..

لا لا تعنا لي وتمر.. وتبغى الصبر..

وين الصبر..تقوى الهجر..

وش لي بقا عندك .. تدور لي عذر لاتعتذر..


((( جرحي عميق والقلب في دمه غريق )))

وتبغى الصبر ويلاه من وين الصبر مهما تقول ((لاتعتذر))..

مهما تقول من الاغاني والجمل..مايحتمل قلبي فديه جبر الالم..

يمشي معك درب الندم مايحتمل..

يكفي عليه ..منك احتمل كذب وغدر..

حبك سراب ضيعت وقتي اتبعه يكفي عليه..

وسط الضباب صوتك ينادي اسمعه صرت اتبعه..

واليوم في صحراء الظماء..

ترمي فؤادي وتحرقه..

وترجع تقول ابعتذر ليه العذر..

((دام الهوى ماله على قولك عذر))

والجرح ياجرحي يداويه الصبر..ليه العذر..؟

الله كريم .. الله عليم

هو عالم بالحال((ولايمكن يظيم))

عزاه لك ياقلبي يااحلا نديم..

عزتي للحب لو يصبح يتيم..

حبك يتيم وكلك ندم..

وين الندم بين السطور..

عمر العدم ماله ظهور..

((ترى هذا غرور))

تمشي بطريق وين بطريق اللي يودي لبعيد..

عنك يااول رفيق البعد يعفيني المزيد..

وين الوفاء والتضحيه وينك رفيك؟؟!! ......

وبجمع اوراق السنين..

(((((((((((( لاتنسى تجمع جروحي ودمي واهاتي معك)))))))))))

وقلبي بعد ماقتلته يارفيقي ماعاد يقدر يمنعك

كل الامر عاد بيديك ...

ياخلي ياهاجر .. ماعنــــــــــــــــــدك عـــــــــــــــــــذر.....

************

 

[بنت مكه 1100]

الشاعر بندر الظفيري

 

[الـــــروووووعه]

في زمان الوقت طالت وقفتي لك لين جيت
واكتحل ناظر عيوني بشوفتك ثم صحيت آه​

تدري كم لحظة رجيتك وكم من وقتي خذيت
تدري ان الصبر يذبح محدن قواه​

تدري ان الليل دونك تايه بدربي مشيت
وتدري ان النور خافت والقمر باهت ضواه​

تدري ان العمر واحد وانت من عمري خذيت
عقلي واحساسي وشعوري لين قلت العقل تاه​

فيك افكر فيك اعاني بك اشوف ولك صحيت
وقامت احلامي تنادي صوتها اسمع صداه​

صرتي باقلامي حروف سيلها حبي غديت
وانتي في كتبي معاني صنتها محدن قراه​

يا قصيدة عمري يا اللي بين لو وبين ليت
بيت واقف وبيت ينطر وبيت راح وبيت جاه​

وبيت حلم وبيت شوف وبيت ينخاش بيت
وبيت ينشد ليل قمرا وبيت يشرب من ضماه​

وين كنتي جاوبيني يومني حي وميت
وين كنتي يوم سالت دمعتي لك يا فتاه​

اللي بعدي الشاعر ناصر القحطاني ​

 

[بنت مكه 1100]

الله اللي راد والعقده قطعها اللي عقدها
...................لا على الدنيا سلام ولا لباقي العمر زينه
الفضا ماكنه ألا خيمةٍ طاحت عمدها
......................والفرح ما كنه ألا شيخٍ أنقصت يدينه
والعمر قطعة زجاج أنكسرت ولا طال أمدها
.................والعرب في العيد بدموع اليتامى مستهينه
والشوارع لفها ثوب الظلام اللي هجدها
................والبيوت أطلال من عقب المحبه والسكينه
والشتا واليل والبرد وسما يصرخ رعدها
...............والعيون اللي ورى الشباك مذعوره حزينه
طولوا في الكهف الاصحاب وبقت روحي وحدها
.....................كنها في كوكبٍ ثاني خلا من ساكنينه
الوداع اللي بعلم العين يعبر من رمدها
..............والوداع اللي بلا علم القفص صدري غبينه
والوداع اللي بلا رجعه علي أمر وادهى
....................والله أنه غرغرت سم وسكاكينٍ سنينه
والعنود اللي جفيت الناس والدنيا بعدها
.....................مدت الفرقا لغاليها وهي تعطي الثمينه
وينها كيف تركتني ليه ما جت في وعدها
......................والقمر لاطل خابرها تجي بيني وبينه
رحت أنادي واتلمس في مهب الريح يدها
................كني حصانٍ بلا صاحب طوى البيدا حنينه
رحت أصيح الصبح وينه والعرب ما رد أحدها
............ما سمعت إلا صدى صوتي يقول الصبح وينه
كنهم من يوم ذيك الشمس غابت عن بلده
................ طلعوني في النفود وصكوا أبواب المدينه
كنهم من يوم ذيك الذاهبه محدٍ وجدها
...................كل رجال من الشرهه قلع فالدرب عينه
أثرها ماتت وماتت كل فرحه في مهدها
...................والربيع أقفت به اللي كانت التاج لجبينه
جاورت عقب الحدايق حفرتٍ مقسى لحدها
..................حفرةٍ ماني مصدق كيف ضمت ياسمينه
للحزن فيني مثل ما لطهاره في جسدها
...............ويش أسوي لافتشت اللي لها وسط الخزينه
زخرفت حلم وبنت له مسكن وسمت ولدها
.........................أه لو غرت ولدها في خميلة والدينه
عاهدتني وظفرت بيمينٍ أقوى من عهدها
....................والصبي لا خير فيه أن كان مانفذ يمينه
ماتثقى عن رثاها عرقٍ أكتظ بشهدها
.................ولا بقى خلف جدران الجفن عذرى سجينه
كيف عند العالم أيام العرب ما حصى عددها
...................ولا أنا طالت شهوره والله أعلم كم سنينه
لا الثرى فيها نبات ولا المشي خفف نكدها
...................لا السما فيها طيور ولا البحر يمه سفينه
لا القمر هذا مساه ولا العصي هذا رغدها
....................لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها
......................قال يبشر بالعوض والعلم جينا ناقلينه
ساق لك بدر البدور اللي نشدها من نشدها
..................جادلٍ هزت عروش وخيبت روسٍ ذهينه
قسمها في جسمها في رسمها الا في رشدها
........واسمها ان جال الغضب قومه على الألسن رطينه
أترك الناي وعطية شيخنا عن لسعدها
...............وانبسط ياعم وأنسى اللي ورى التربه دفينه
قلت ولصدري تناهيت تروع من شهدها
...................آه واويلاه من يجلب على صدري غبينه
خلوا أغلى ذاهبه ترعى ربيع اللي فقدها
.....................والعطا راعيه محدٍ صوبه الله لا يهينه
لو ظمنت الجنه تفاحة القلب وشهدها
.................قلت من بكره عسى مجنونها تاقف سنينه

 

[بنت مكه 1100]

الامير خالد الفيصل

 

[الـــــروووووعه]

من بادي الوقت وهذا طبع الايـــامـي
عذبات الايام مـا تــــمـدي لــياليهــــــا


حلو الليالي تــــوارى مثل الاحلامــــي
مخطور عني عجاج الوقت يخفيهـــــــا


أسري مع الهاجس اللي ما بعد نامي
و أصوّر الماضي لنفسي و أسليـــهـا


أخالف العمر أراجع سالف أعوامي
و أنوخ ركاب فكري عند داعيهــــــا


تدفا على جال ضوّه بارد عظامــــــي
و الماء يسوق بـمعاليقي و يرويــها


إلى صفالك زمانك علّ يـا ظامـــــي
اشرب قبل لا يحوس الطين صافيها


الوقت لو زان لك يا صاح ما دامي
يا سرع ما تعترض دربك بلاويهـــا


حتى وليفك و لو هيّم بــــك هيامـي
سيّور الأيّام تجنـح بـه عواديهـــــا

 

[الـــــروووووعه]

طلال الرشيــــــــــد

 

[قتلني الفراق]

​

((حبيبتي ))

حبيبتي لا مـن غديتـي لـي سـراج اتبعـه
وكني غديت من الظما اركض ويطردني السراب
لا تبخلين اليا شربتـك ماشربتـك مـن سعـه
دامي من جروح الهموم الموجعه كلي صـواب
اليوم مرتنـي السوانـي والفصـول الاربعـه
اليوم مريـت الموانـي والمبانـي والسحـاب
اليوم ماكنـي لقيتـك مـر صوتـك ماسمعـه
اليوم ما كني فقدتك مـن سؤاليـن وجـواب
يابنت في خدك وهج سيل الشمـوس الساطعـه
احرق بداخل داخلـي انسـان ماهـو للتـراب
واللي خلق ظلـم الليالـي بالعيـون الهاجعـه
اني من الحرمان اتسائـل وحرمانـي جـواب
يوم الـوداع تخيلـي مالـي حبيـب اوادعـه
محروم انا وتخيلي محروم حتى مـن العـذاب
يابنت لـي قصـه تطـول بكلمتيـن موجعـه
هي باختصار اني انا اركض ويطردني السراب
​

طلال السعيد​

 

[الـــــروووووعه]

وقالت بدو
وصدت وقالتها بقرف
بنت الأكابر والترف
متكبره .. متعاليه
يعني بدوي يقعد طرف !!

قالت بدو
والمعنى دون المستوى
ماحنا وياها سوى
احنّا بنظرها من نكون ؟
ريشة يطيرها الهوى

مفهومهما حنّا عدد
رقم ولا أكثر بعد
يعني مجرد تكملة
ولا فهي أصل البلد

قالت بدو
تعني صفر على الشمال
هذا على أحسن احتمال
تصدر حكم ، ما تلتفت
تحكم ولا تترك مجال

قالت بدو
متصورتني باستحي
وأترك مكاني وانتحي
وتفاجئت ، تغيرت ، تلعثمت
ما تدري أني بافتخر
ولي الفخر !!

حنّا بدو
حنّا عمى عين العدو
حنّا البداوة وضعنا
وأهل الوفا هم ربعنا
حنّا نتفاخر بأصلنا
يا بنت هذا طبعنا

ماهي بداوة تلفزيون
ولا مسلسل أردني
بس بدوي بالميكرفون
ولا هد سيفه ينثني
ولا بدو بيت السدو

حنا البدو
حنا بداوتنا الأصل
بالقمة حنّا مو أقل
حنّا بداوتنا تراث
من جيل لي جيل انتقل
حنا معاني ساميه
نروي السيوف الضامية
نرد المنايا ما نهاب
لو هي سعاير حاميه

حنّا بدو

حنّا البداوة عيدنا
ما ناكل إلا صيدنا
ما نعيش عالة مجتمع
نموت .. ما نمد أيدنا

حنّا البدو

حنّا البداوة بدمنّا
ما نسمي أحدٍ عمنّـا
حتى ولو منهو يكون
لو هو زعل ما همنّا

حنّــا بدو

حنّـا البداوة عمرنا
ماحد بيصبر صبرنا
لأنها مصنع للرجال
نمشي وتمشي بأمرنا

حنّــا البدو
حنّا البداوة أصلنا
حنّـا البداوة فصلنا
حنّـا بدو متماسكين
وهذي نتيجة وصلنا

يا بنت ياللي تضحكين
قلتي : ابدوي تستهزئين؟
غرج لباسج الأجنبي
والمشكلة ما تعرفين
أن البدو أصل العرب
تبغين هالكلمة طرب
صارت نشب

يا آنــســة
يـا عانســة
يا ضايعــة ومستانســة
يا تارسة وجهج صبغ
يا تارسة عينج شدو
حنّــا البدو
ولو كان قلتيها بقرف
لنا الشرف
أنّــا بدو

حنّــا بدو
حنّــا بداوتنا شيم
ديــن وقيّــم
معنى كبيــــر
ما أظن مثلك يعرفه
لو تدعين المعرفه
شي عسيـــر
ما أظن مثلك ياصله
صعبه ولاهي حاصله

كلمة بدو !!
تعني التمسك بالجذور
ماهو التخلف والجهل
ولا بعد حب الظهور
ولا التنكر للأهـــل

كلمة بدو
تعني الشمم
فعل وكرم
مبدأ حضارات الأمم
حنّــا القمم
نارٍ على راس العلم
يشهد لنا سيف وقلم
وإن كان ما عندك خبر
لنا الفخر

لو عشنا ببيوتٍ شعر ..
عيشة ألم ..
عيشة فقــر ..
عيشة تعلمنا الصبر
ما نقترض لجل السفر
ونحسّب أيام السفر
ما نفترض
ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنة رمل
هــي الدوا
واهي العــلاج
عيشة رضــا
ماهي نكــد !!
ما فيها تعقيد أبد

ساعات ما نلقى ذرا
يكفي نتلحف بالنجوم
وفراشنا رمل الثرى
وسراجنا نور القمر
لا من ظهــر
وننام من عقب العشا
ونصحى قبل وقت الفجر
نؤمن بقضانا والقدر
ماهو كســل
ولا نعيش بلا أمــل
نملك طمـــوح
علــم وأمـــل
ونرعــى الإبــل
ونــرعى الغنم
ونعزف من الونه نغــم
ونتابع أخبار المطر
وندوّر الروض الخَضَر
ونسري ورا
برقٍ سرى
ولا نتراجع للورى
ونبحث عن المرعى العشيب
ومن شعيب إلى شعيب
ما نستقــر
عنواننا كل الديار
تجوالنا ليل ونهــار

نعيش عيشه هاديه
وهذي حياة الباديه
سنة الربيع ، سنة دهر
ورغم الفقر
نخاف من قولة أفا
ونتعب على قولة نِعِم
ونعيش عاليين الهمم
من فضل ربي ما نخون
نرعــى الذمم
ونركض ونتعب ما نمل

ماحنا مثلك لا شغل ولا عمل
ما غير بس أكلٍ ونــوم
ومن الشحم ضاقت عباتج والهدوم
يا أسمن أنواع الحريم
يا عايشه على الريجيم
يا آنــســة
يـا عانســة
يا ضايعــة ومستانســة
يا تارسة وجهك صبغ
يا تارسة عينج شدو
حنّــا البدو
ولو كان قلتيها بقرف
لنا الشرف
أنّــا بدو

ياللي تقولين ابدوي
أنا ابدوي
ولي الفخر أني ابدوي
عزمي قوي
ما أخون
ما أبوق الخوي
يبدأ نهاري بالصلاة
وأصارع أمواج الحياة
ما ضاقت الدنيا أبد
ولاني من أصحاب الحسد
أرفع ايديني للسما
وأطلب من الله واستخير
ما اقول يمكن ربما
ولا يصير .. أو ما يصير

محافظ على الخمس الفروض
واضح ولا أحب الغموض
ولا أتلون والتوي
لاني ابدوي
متمسك بأصالتي
ولا أغير لهجتي

أنا ابدوي
في فزعتي
وفي قومتي
وبقعدتي
وفي مشيتي
وفجلستي
وفي كلمتي
وبنخوتي
وحتى عقالي ولبستي

ولو قلتي عني فوضوي
ما ضرني
بالحيل يا بنت ابدوي

ويسرني أعرف .. من أنتي ؟
ومن أنا ؟
والفرق واضح بيننا

تدرين وأدري من أكون ؟
ويكفينا نعرف بعضنا

أنتي مثل عمر الزهور
مالك عمر
مالك سنين
شهرين ويجيك الجفاف
وتذبلين
وتصبح ألوانج باهتة
وأنا جذوري ثابته

ماخذ من الصحرا الهدو
وإن كان هذا يسعدج
حطي على راسك يدج
هالمرة لا قلتي بدو
يا تارسه وجهك صبغ
يا آنــســة
يـا عانســة
يا ضايعــة ومستانســة
يا تارسة وجهك صبغ
يا تارسة عينك شدو
حنّــا البدو
ولو كان قلتيها بقرف
لنا الشرف
أنّــا بدو

 

[الـــــروووووعه]

بدر بن عبد المحسن

 

[قتلني الفراق]

​

مـن كـتب الحب العتاق ؛؛ وتاريخ iiالفراق​

وســتـايـر الــدمـع الــرقـاق ؛؛
جـمعت قـلبي غـبار ؛؛ وقـطع فخار ii؛؛
ومــن عـلـى الـمـرمر الـبـارد ii؛؛
ومن ما نسته النار ؛؛ من غيمي المحروق ؛؛
وحملت عيوني وركبت أول سفينه تبحر ii؛؛

عـلى وجـهي الاصفر ؛؛ خريفٍ طال ii؛؛
وســـلال مـــن رذاذ ومــلـح ii؛؛
وفـي صـدري حـجارة نسيوها بحاره ii؛؛
مــــروا عــلــي ف يـــوم ii؛؛
وقـالوا تـعال مـعنا ؛؛ وما كان يجمعنا ii؛؛
إلا الــضــيــاع والـــريــح ii؛؛

راجـع مـن الايـام ؛؛ مـن الاحـلام ii؛؛
ومـن الـف سـناره ؛؛ مغروسة بقلبي ii؛؛
لـقيت لـي بشارة ؛؛ ما اغلى عطا ربي ii؛؛
أثـر الـعمر ساره ؛؛ وموج البحر ساره ii؛؛
وكــــل الــمــدى ســــاره ii؛؛​

سـافرت كل العمر ؛؛ وراجع احب سارة ؛؛

ناصر الفراعنه​