اقوله عن ماضيي والا لا شوروو علي بسرعه

[عطر الأماكن]

السلام عليكم خواتي
بادش في الموضوع ع طول واتمنى منكم استشاره عاقله وسرعه لاني حاسه بتأنيب الضمير

طبعا انا مخطوبه بس كنت قبل على علاقه بولد جيرانه وهو يحبني يموت فيني ..

المشكله ان هالانسان من يجوفني يايه بالسياره بروحي خلاص يتم يروح وايي علي ويضحك لي بس انا مااعطيه ويه وانزل ويهي:sadwalk:

اللي قاهرني اكثر انه خطيبي تعرف عليه في الشغل وهو مايدري انه كنت اكلم هالشخص وانا قايله له من قبل اني اكلم ولد جيرانه وهلوون وقالي ماضيج مايهمني..

الحين مشكلتي اني ابي اقول لخطيبي انه فلان اللي تعرفه هو اللي كنت اكلمه لانه مايهون علي قلبي يكون مستغفل في هالناحيه
وابي اقوله انه هو من يجوفني يلاحقني >>مع العلم هو يدري انه نخطبت

|
|
|
انتوو اشراايكم اقوله والا لاا...
شورووو علي والله ضميري مأنبني

 

[اجمل شعور]

الحين انتي يأنبج ضميرج من ربج ولا من خطيبج ؟؟؟؟؟؟؟؟وها التأنيب يا عقب ما أنخطبتي ؟؟؟؟؟؟ ترا إلي سويتيه حراااااااااااااااااااااااام , ارجعي لربج بالتوبه , والله يساعدج ,ووفقج .

 

[RedRose]

اساسا انت المفروض ما قلتيله انك كنت تكلمين احد

اذا بليتم فاستتروا

وانا سمعت مرة الشيخ محمد العريفي سألته وحدة هل تعترف لزوجها عن ماضيها قال لالالالالا

خلاص الواحد يستر على نفسه

بس انت بما انك قلتيله ,, الافضل تعلمينه انه هذا الشخص بما انه تعرف عليه

والله يعينك

 

[Cudde Lady]

انتي غلطاانه المفرووض ماقلتي له شي ابدااااااا
وبعدين هذا الشخص عارف انك انخطبتي للرجال اللي يعرفه ولا للحين مايدري
الافضل دامك قلتي له انه يعرف مين هوا هذا الشخص عشان بعدين لايحس لو عرف انك استغفلتيه
والله يعييينك يارب

 

[طيف الروح]

..؟؟

سبحان الله محدااا خرب علينا فصرنا نخرب على انفسنااا

...؟؟

الله يعين

 

[umm yusuf]

الله ستار يحب الستر ليه انتي تكشفي حالك دام ربك ساتر عليك
اتوكلي على الله وتوبي توبة نصوحه وان شاء الله ربك بيسترها عليك دنيا واخره

 

[أريــ الزهور ــج]

شوفي حبيبتي أنا من رأيي إنك ما تئليلو لإنو لو عرف إنو هو بكرة بس يشوفو بصير الشيطان يلعب بعقلو وما بتعرفي بشو ممكن يفكر وممكن تصير مشاكل وكل ما إجا لعندو أو راح رح يؤول أيوا هو إجا مشان مرتي مو مشاني هو عمل مشان كزا مو مشاني ومتل هيك
.
.
بس إنتِ الله يهديكِ ما كان المفروض تئليلو بس ياالله اللي صار صار ومتل ما ئلتك أوعك تئليلو خلص سكري على الموضوع وما عاد تجيبي أي سيرة عنو
.
.
والله يوفقك ويسعدك :icon31:

 

[مـوفي]

اختي نصيحه لوجه الله

الله سبحانه وتعالى ستر عليك وعلى ماضيك

لا تفضحين نفسك وتضيعين مستقبلك

الشك لا دخل قلب الشخص مستحيل يخرج

ويستمر مع السنين

الرجل يعتبر المرأه جوهره وإذا حس انه احد غيرها مسها مستحيل يقرب منها

موفقه اختي

 

[كيوت مامي]

والله ما عرفت شاقولج بسسسسسسسس انا من رايي لا تقوليله وانتهى الموضوع