افيدوني من تجاربكن فانا مقبله على الزواج

[فتاة المزرعه]

السلام عليكم ورحمة الله وبركاته
طاب مسائكن اخواتي...
هذي اول مشاركه لي وانا سعيده بانظمامي لكن
احببت ان تنصحوني وتفيدوني من خبراتكم اخواتي فانا مقبله على الزواج فلا ادري كيف اتعامل مع الزوج وكيف ابدأ حياتي معه؟ بعض من الاخوات تنصحني بقولها ولدك على ماربيتيه ورجلك على ماعودتيه :21: ماادري اذا هالشي صحيح او لا ؟ واساسا مااعرف ايش الاشياء اللي بعوده عليها اعذروني طولت عليكم لكن انا خايفه مره ومتوتره حيل واذا فيه روابط لمواضيع دلوني عليها
جزاكم ربي خير الجزاء

 

[بقعة ضوء]

بالبداية ربي يوفقك ويسعدك

وبالنسبة للكلام الي سمعتيه صحيح .. يعني عوديه إن لك مصروفك الشهري .. عوديه هو اللي ياخذك ويجيبك مشاويرك وإذا تحبي إنه يروح معك للسوق .. عوديه إنه يتعاون معك بشغل البيت لو الشي القليل ولا تعوديه على الوقفة قدام باب الحمام وإنتي ماسكة المنشفة وملابسه لين يخلص ويخرج .. لا تعوديه يعتمد عليك بكل شي

خليك صريحة معه يعني شفتي حاجة منه أو موقف صارحيه بشعورك ولا تقولي مايحتاج أكدر عليه لأنه مع الوقت راح يتراكم هالشي ويسبب مشاكل وانتي مو عارفة سببها وهو التراكم..

هذا اللي عندي حاليا ً إن شاء الله الأخوات يفيدوك ..

 

[نبض أبوي]

هلا ياقلبووووو

لي ثمان اشهر متزوجه ولله الحمد

في البداية اعرفي طبيعة زوجك هل هو عصبي ام متفهم لنقاش ..الخ

وحاول تتجنبيه في الانفعال اثناء النقاش الحاد لو هو عصبي

ترى الحياة اسهل بكثير من مخوفاتنا

اهم شي لاتفقدي ابتسامتك وروحك المرحه

ولو ماكنتي مرحه حاولي انك تبحثي عن كل شي تجعلك سعيده لانه راح يعكس

عليك وعلى من حولك

الرجل لايحب المرء النكدية المبوزة طول الوقت

واهم شي استفدته من استاذه ناعمة انه بعد فترة من الزواج الرجل يحب يرجع لايام عزوبيته

واصحابه وتظن الزوجه انه يكرهها ويمل منها

لا ياقلبو امر طبيعي لكن اشغلي نفسك باي شي تحبيه لانه بعد فترة مرد الطير لعشة

ولحضن زوجته

الله يوفقك ويجعلك اجمل عروس في ليله فرحك واجمل عروس في عيون زوجك للابد​

 

[اختي]

عسا الله يوفقك انشاء الله
سوي كل اللي نفسك فيه لا تقولين استحي لأن الزوج يتغير بعد سنه 180 درجه وسعتها ماتقدرين اتسوين شي

 

[اتعبني حبيبي]

انا اللي ندمت عليه في زواجي
من البدايه اذا شفت شي وما عجتني اسكت وما اقوله اقول لا تونا متزوجين بعدين بعدين
بس للاسف تاخرت وماعاد ينفع التعديل مثلا...
كان اذا جا من الصلاة يفسخ ثوبه ويجلس بالفانيله والسروال بالبيت
كنت اتضايق لان الشغاله كانت ام زوجي ناديها وتجي تدخل عندنا بالجلسه وزوجي موجود وابوه واخوه
تخيلوا تخلي الشغاله تصحي ولدها اللي ماتزوج تقول ناديه وطقي عليه الباب
وتعرفين الاندونيسيات العيون يمين وشمال والحركات اللي تسويها اذا بغت شي من الارض
وكنت اتضايق بس للاسف ماتكلمت لو قلتله من البدايه الوضع هذا مايناسبني
البس ثوب البيت اقل شي ... لاتجلس كذا قدام الشغاله واخواتك (وزوجي ماشاء الله جسمه ملياااااان)
الشغاله لاااااتدخل بوجود رجال بالمجلس
والاشياء اللي مالها نهاااااايه.........ز
المقصد حبيبتي اي فعل يبغاله تعديل من البدايه عدليه وكلمي زوجك فيه
لاتغلطين غلطتي بعدين تندمين

 

[فتاة المزرعه]

أشكركم صراحه افدتوني حيل ولازلت اريد المزيد من الفوائد

 

[اماراتية دلع]

نصيحة زوجك على ما عودتيه
يعني عوديه احترامج و احترام اهلج
عوديه هو يصالحج
احترمي امه عشان يحبج اكثر
و اهم اهم نصيحة انج لا تزعلين على اشياء تافهة عشان يوم تزعلين على اشياء كبيرة يسوي لزعلج حساب و يخاف انج تخلينه
يعني لو تعود كل دقيقة انج زعلانة خلاص بيصير عنده عادي
و مبروك!!!! منه المال و منج العيال انشاء الله

 

[vdhq]

المصروف الخااااص بك لاتهمليه ابداااا


عوديه تتسوقين كل فترة


عوديه ع الكلام الحلو والحركات اللي تخليه يشتاق لك لو فقدق


الله يسخره لك ويصلحه ومبروك مقدما

 

[!!اميره الورد!!]

الله يوفقك ويسعدك ----

 

[مايصحش هالحتسي]

كفن ووفن البنات