افيدوني في حياتي

ارجعي له دامه معك محترم وما يقصر عليك وتاخذين اجر هدايته وانتبهي تحملين وهويشرب لانك ما تضمنين الايام الله يكتب لك اللي فيه الخير الحمد الله الذي عافانا مما ابتلاهم به
 
مشكورة أختي قمر بعيونه بس كيف هو وعدني أكثر من مرة وعطيته هذي الفرصه أخر مرة بس رجع له ,,,أنا معي منه بنت حملت فيها قبل لا اعرف عنه أي شي لله في ذلك حكمه ...
واصلا اهلي موافقين على اساس انو انسان غير مدخن بس اكتشفت بعد الزواج برضو بالصدفه انه مدخن ولا حكيته لاهلي ,,, بس انا كلمت مشايخ معروفين قبل لا اعرض المشكله على اهلي وكلهم قالوا لا تجلسين بس ما ادري
 
السلام عليكم
اتخذت قرار بيني وبين نفسي اني اطلب الانفصال واقول لاهلي قراري
وش رايكم قراي صحيح والا استعجلت
 
لا يالغاليه لاتستعجلين في قرار الانفصال ..عطيه فرصه يتعالج ويتوب ...وفكري في بنتك ...
مو شرط اول ماتروحين لاهلك تتطلقين ...اصبري كم شهر ...
وقبل كذا تفاهمي معه بانه لازم يعالج نفسه واول طريق العلاج الاعتراف بانه مدمن ...
لانه لو ماكان مدمن كان تركه زي ماوعدكم ...وكوني حازمه معه ...
قولي له لاتقول انا السبب عشان تبرر لنفسك غلطتك المحرمه ...
بالعكس لما كنت عندك كنت تعرف اني باستر عليك وتشرب عندي
بدون ماتحترمني وتحترم بيتك او تحترم ابوي اللي وعدته تتوب واخلفت ...
هدديه انك لو ماتركته واحضرت اثباتات وتحاليل تثبت انك مقلع عن الخمر فانا راح انفصل عنك
لانك رجل راشد تعرف الحلال والحرام مانت مراهق تحتاج توجيهي وحمايتي ...
بالعكس انا وبنتك اللي في حاجه لك تكون لنا سند ورجال نحتمي فيه مو رجال مغيب عقله طول وقته وينخاف منه ...
وطبعا لاتتركي الاستخاره والدعاء والله يفرج همك..
 
هلا اختي الشتاء مشكورة على تضامنك مع المشكله
بس صدقيني حاليا انا جالسه عند اهلي ومن جلست وهو يكلم وهو مو بوعيه وأقوله إني راح أرجع لك اذا تركته وأثبت لي انك تاركه وبصبر عليك سنه وماراح اصدقك الا اذا جبت لي اثبات بس هو يقولي لا ماراح اثبت لك حتى حلف ماراح احلف وانتي تتشرطين .. واليوم اتصل علي ويقولي والله ما اشرب خلاص وقلت له خلاص بنتظرك تلاث شهور اقل شي وبعدين تعال علشان اصدقك وكلم ابوي بس رفض يقول ماراح اكلم ابوك ولا راح اتركه الا اذا شفتك ,,,, خلاص تعبت احس اني محتااارة من جد
 
استخيري واكثري له الدعاء بالهدايه وحاولي انك تاثرين عليه بالاشرطه الدينيه وبالطلعات معه اشغلي وقته
 
انا مشكلتي برضو إن كل اللي قدامي مثل أمي وخواتي يقولو لو إحنا مكانك ماجلسنا دقيقه وحدة لانو يقولوا لو انك ساكنه مع اهل زوجك فبيت واحد ولا احديدري عنك وبنفس الوقت فيه احد معك فالبيت اذا صار شي لا قدر الله بس أنتي جالسه بعيد عن اهلك وأهله ,, وغير كذا أنتي عطيتيه فرصه من عندك أنتي سنتين ومن عند أهلي اعطوة فرصتين وما وفى بوعدة يافي بوعدة عندك أنتي ... بس انا قلت له أمس اني خلاص بصبر سنه وأنا فبيت أهلي بس بعد السنه تجي وتأكد وتحلف لي إنك تركته عند أهلي كلهم قالي لا بحلف عندك أنتي وبس
 
حاولي تقربينه من الله
وابعديه عن اصحاب السوء حسبي الله عليهم
وشكله يبغى يبطله والدليل يبطل فتره ويرجع له ومو قادر وحاولي انه يتعالج منه
واحتويه وتقربي منه وحبيه وحسسيه انك واقفه جنبه
بس قبل لاترجعين استخيري لو اسبوع كامل وصلي
والله يوفقك ويسعدك ويسخر لك زوجك ويهديه يااااااااااارب
​
 
طيب أنا كلمت مشايخ معروفين وكلهم يقولون لا تنهين حياتك معه اتركيه ومن ترك شيئا لله عوضه الله خيرا منه ..ويقولوا انتي الحياة قدامك بس دوسي على قلبك سنه وبعدها بتتعودين من دونه وهو رجال مو ضايع من دونك ... وأنا ما ادري
 
قبل شوي كلمت زوجي وقلت له إني راح أصبر عليك سنه وأعطيك فرصه من عندي قالي بتصبرين سنه ما عندي مشكله اللي تبغينه راح يصير قلت وبعد السنه تثبت لي انك تاركه وتحلف وتجيب تقارير قالي ماراح اجيب شي لو بعد عشرين سنه وتبغين تصبرين هذا قرارك وحلف ماراح احلف ... شوروا علي ياخواتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل