افكار تزاحم في افكار!!!
السلام عليكم
تضج الحياة في كل مكان هالايام بالتنمية البشرية والافكار للارتقاء
واتقان كل فنون العيش في الدنيا توفير استثمار متع الـــــــــــــــــخ!!!
اغلب الاشخاص اللي يتقنوا هالفنون ويعرضوا علينا في الافكار مرتاحين ماديآ ويجوز كمان
مرتاحين معنويآ ..........انا مش سلبية ويعجبني كل الحكي والافكار عن التنمية واتقان فنون العيش
وبالرغم من اني مواطنة في دولة نفطية بس قيمة دخلنا لاتساعد في توفير حياة مستقرة تخلو من
الديون لذلك كل ما اتمني من اقتراحات الرخاء ان تشمل الاشخاص المعدمين المعتمدين علي مرتب
600دولار في بيت عيلة اقله 6 افراد وتشمل المقترحات كيف ينعموا بحياة مستقرة ومرضية
عن نفسي اوقات اكون فالحة ونعرف شن نبي وكيف نصرف واوقات تزعجني الدقة والتنظيم ونعيش
بجنون اصرف مافي الجيب ياتيك مافي الغيب...عندي ايمان شديد بقراءة سورة الواقعة للخروج من
ازماتي وكل مادخلت بيتي قراءت سورة الاخلاص........واوقات تاخذني نفسي ويش بعد؟
عندي 3بنوتات بعمر 8و6و2 صحيح مازال صغار بس يحلموا بالمتع والاستقرار والسفر تاخذني
لحظة ندم ياريتني ماصرفت اللي صرفته وخليته متعتهم بيه....بس لحظات واستجمع قواي واواصل
حياتي علي قد لحافي!! حقيقة زوجي خارج التغطية المنزلية يعني ماله علاقة لبسوا البنات ولا لا
وماله علاقة البيت يبي اضافات او لا كاثاث او تصليح او تعديل مثلآ ادري احبه ولا ايش اللي يخليني
ساكتة تفاصيل عن مرتبه مالي علاقة سوا ب200 دينار ليبي كل شهر 100 لفطور الشهر باقتصاد
اضيف عليها اوقات من مرتبي و100 جمعية كنا صلحنا بيها بعض الاشياء في الشقة وهالمئتين
ثابتة مدي الحياة اذا الله عطانا عمر ما ادري تزيد او تنقص مع الايام....مرتبي 430 دينار ليبي
والحمدلله هذا في هالسنة ونص صار هكي بعد زيادة المرتبات في ليبيا منهن 65 قسط سلفة بليت
حالي فيها علي امل تسديدها عن طريق جمعية لانها اشعر هي اللي قاطعة البركة في البيت!!
زادن 360 منهن 40 دينار جمعيات صغيرة و30 للبنوتات توفير فضلن 295 اشتري منهم لبسي
ولبس بناتي وشوي حاجات للبيت وكمان بعض المساهمة في بيت العيلة طبعآ ملابس الاطفال مانحكيلكم
النار والبارود وملابس الكبار عادة القطعة مثلآ بلوزة او قونة او بنطلون من 35 دينار فما فوق
طبعآ ما تجيب ال 290 كل هذا مع كروت النقال بس هيك مرات ال290 لبناتي ومرات ليا ومرات للبيت
وهكذا ماشية الحياة معاي مرة شقي ومرة راحة بس تراودني افكار لدعم الدخل والوصول حتي لوضع
مستقر افكار من سنين سنين في التجارة زبطت معاي وبزنست مرة بين الاهل والاصحاب ببضاعة من
مصر اكسسوار وجلابيات وطلعت الضعف بس قسمناه علي اثنين معاي اختي حاليآ نحلم يكون عندي
مشغل خياطة ومحل ملابس خاصة بعد جضت الاسواق الليبية بازياء لميس اللي ماتناسب كل الاجسام
كمان البضاعة عندنا شعبي عام كل المحلات زي بعض خصوصآ في الجنوب سبها باستثناء محل
واحد يخدم علي قطع بس القطع من 50دينار فما فوق يعني مش لكا حد وعادة نلجوله في المناسبات
اتمني افتتح متجر نسائي حتي في خدماته اقدم قطع ازياء منطقية وسط بس قطع مو جملة يلبسها
كل من في البلد اري الفكرة ومشروعي قريب بس التمويل يحتاج صبر....وتراودني فكرة الحصول علي
سلفة بدل استجداء العالم بالمشاركة براس المال وانا المجهود مشروعي كبداية يحتاج 10000 دينار
ويالله شدوا معانا الدعاء والافكار ومشاركاتكم حتي بالارشاد والله يوفقني واياكم لما فيه صالح مجتمعنا
اختكم اراماس من ليبيا
اعذروني لو دوشتكم وطولت عليكم بس كان ودي افضفض:fish:
تضج الحياة في كل مكان هالايام بالتنمية البشرية والافكار للارتقاء
واتقان كل فنون العيش في الدنيا توفير استثمار متع الـــــــــــــــــخ!!!
اغلب الاشخاص اللي يتقنوا هالفنون ويعرضوا علينا في الافكار مرتاحين ماديآ ويجوز كمان
مرتاحين معنويآ ..........انا مش سلبية ويعجبني كل الحكي والافكار عن التنمية واتقان فنون العيش
وبالرغم من اني مواطنة في دولة نفطية بس قيمة دخلنا لاتساعد في توفير حياة مستقرة تخلو من
الديون لذلك كل ما اتمني من اقتراحات الرخاء ان تشمل الاشخاص المعدمين المعتمدين علي مرتب
600دولار في بيت عيلة اقله 6 افراد وتشمل المقترحات كيف ينعموا بحياة مستقرة ومرضية
عن نفسي اوقات اكون فالحة ونعرف شن نبي وكيف نصرف واوقات تزعجني الدقة والتنظيم ونعيش
بجنون اصرف مافي الجيب ياتيك مافي الغيب...عندي ايمان شديد بقراءة سورة الواقعة للخروج من
ازماتي وكل مادخلت بيتي قراءت سورة الاخلاص........واوقات تاخذني نفسي ويش بعد؟
عندي 3بنوتات بعمر 8و6و2 صحيح مازال صغار بس يحلموا بالمتع والاستقرار والسفر تاخذني
لحظة ندم ياريتني ماصرفت اللي صرفته وخليته متعتهم بيه....بس لحظات واستجمع قواي واواصل
حياتي علي قد لحافي!! حقيقة زوجي خارج التغطية المنزلية يعني ماله علاقة لبسوا البنات ولا لا
وماله علاقة البيت يبي اضافات او لا كاثاث او تصليح او تعديل مثلآ ادري احبه ولا ايش اللي يخليني
ساكتة تفاصيل عن مرتبه مالي علاقة سوا ب200 دينار ليبي كل شهر 100 لفطور الشهر باقتصاد
اضيف عليها اوقات من مرتبي و100 جمعية كنا صلحنا بيها بعض الاشياء في الشقة وهالمئتين
ثابتة مدي الحياة اذا الله عطانا عمر ما ادري تزيد او تنقص مع الايام....مرتبي 430 دينار ليبي
والحمدلله هذا في هالسنة ونص صار هكي بعد زيادة المرتبات في ليبيا منهن 65 قسط سلفة بليت
حالي فيها علي امل تسديدها عن طريق جمعية لانها اشعر هي اللي قاطعة البركة في البيت!!
زادن 360 منهن 40 دينار جمعيات صغيرة و30 للبنوتات توفير فضلن 295 اشتري منهم لبسي
ولبس بناتي وشوي حاجات للبيت وكمان بعض المساهمة في بيت العيلة طبعآ ملابس الاطفال مانحكيلكم
النار والبارود وملابس الكبار عادة القطعة مثلآ بلوزة او قونة او بنطلون من 35 دينار فما فوق
طبعآ ما تجيب ال 290 كل هذا مع كروت النقال بس هيك مرات ال290 لبناتي ومرات ليا ومرات للبيت
وهكذا ماشية الحياة معاي مرة شقي ومرة راحة بس تراودني افكار لدعم الدخل والوصول حتي لوضع
مستقر افكار من سنين سنين في التجارة زبطت معاي وبزنست مرة بين الاهل والاصحاب ببضاعة من
مصر اكسسوار وجلابيات وطلعت الضعف بس قسمناه علي اثنين معاي اختي حاليآ نحلم يكون عندي
مشغل خياطة ومحل ملابس خاصة بعد جضت الاسواق الليبية بازياء لميس اللي ماتناسب كل الاجسام
كمان البضاعة عندنا شعبي عام كل المحلات زي بعض خصوصآ في الجنوب سبها باستثناء محل
واحد يخدم علي قطع بس القطع من 50دينار فما فوق يعني مش لكا حد وعادة نلجوله في المناسبات
اتمني افتتح متجر نسائي حتي في خدماته اقدم قطع ازياء منطقية وسط بس قطع مو جملة يلبسها
كل من في البلد اري الفكرة ومشروعي قريب بس التمويل يحتاج صبر....وتراودني فكرة الحصول علي
سلفة بدل استجداء العالم بالمشاركة براس المال وانا المجهود مشروعي كبداية يحتاج 10000 دينار
ويالله شدوا معانا الدعاء والافكار ومشاركاتكم حتي بالارشاد والله يوفقني واياكم لما فيه صالح مجتمعنا
اختكم اراماس من ليبيا
اعذروني لو دوشتكم وطولت عليكم بس كان ودي افضفض:fish:
التعديل الأخير بواسطة المشرف:
اسم الموضوع : افكار تزاحم في افكار!!!
|
المصدر : فنون التوفير والإقتصاد الشخصي