اغازل زوجــــي بالمســـن ......ولكن!!!

الله يهديه ويصلح حالكم بأذن الواحد الأحد
 
الله يرده لك بس انصحك لاطول الحاله حتى انتيلاتتعبي لان الكذب حبله قصير
 
انا زوجي حالته غير كان على طول جالس على النت والغرفه بعيده عني لما اجي واقله وقتك كله للنت يقول خلاص ذحيين اقفل النت واجي عندك واستنا حتي يقلبني النوم بعدها عرفت انه ميئوس منه وكلت امري لله والله بالدعاء . اواجهه بالاشياء اللي اشوفها يقول مخك ضارب سبحان الله جاني الهام من الله كنت معه في السياره ونزل يجيب اشياء من السبرماركت وفتحت درج السياره وفتحت كتاب كان موجود في الكتاب والاقي صوره وحده اخذت الصوره وفي البيت وريته الصوره وانا ابكي مين هذي طبعا انكر وقال انتي جبتي هذي الصوره وخصام ولاكأنه صار شئ بس بعدها ما يجلس على النت يمكن ندم الله اعلم فكرت قلت انا اتعب نفسي وجبت لنفسي الهم والضيقه هو مبسوط ولا هموه الحمدلله انتبهت لنفسي واخرج واستانس اروح عند اخواتي وحريم اخواني الله يسعدهم .ينقهر عشان اكون مستانسه مع اللي احبهم .
 
الا الفضيحه احذري هذي سمعة بناتك والناس حتى الاهل مايرحمون اعرف وحده زوجها نام مع شغالتها وتاب وهي سوت حكايه وراحت عند اهلها وبعدين رجعت برغبتها والاهل ضل هذا الزوج منبوذ وبناته على جنب لكن عليك بكيد النساء واقري في الانماط وشوفي زوجك وش ممكن تتعاملين معاه الله يسددرميك عيوني
 
اعانك ربي,,,,الدعاء والاستغفار,,,
إلجئي لربك,,,
(طبعت على كدر............)
 
نصيحة . الدعاء ثم الدعاء ولاتنبشى من وراة لأنك انت الخسرانة ماراح يجيكى من ورا ها الموضوع الا التعب . دعى الخلق للخالق وبعدين تخيلى لو اكتشف الموضوع او حتى لو حكيتيلة انت حيكرهك وهنا حيزيد فى اللى هو فية ولا تفكرى انك حتكونى مصدر تهديد لة ابدا انتبهى فى الأخير عند مجتمعتنا هو (رجااااااال وما يعيبة شى ) واللة ان الدعاء سلاح المؤمن ياختى اهدئى وفكرى بمنطق احنا فى زمن اغبر بنات الحرام ما خلو طريقة الا ودخلوا بها على رجالنا حاولى تشغلية اقعدى معاة انت والبنات مرة تسوى شاى وتقعدى مرة تحكيلة شى ضيعى وقتة من غير ما يحس انك متعمدة واصبرى ان اللة مع الصابرين .... استودعتك اللة طولت عليك
 
الله ييسر أمرك ويعينك ويسخر لك زوجك ..

حبيبتي نصيحتي لك ..أتركي الطريق الخاطيء واستعيني بالله ..كيف تعالجين الخطأ بخطإ مثله ...

أخرجي نفسك من هذا المأزق قبل أن يكتشف زوجك أمرك وحينها تكون المصيبة اثنتين ولن يغفر لك ذلك ..وسيبدأ يشك فيك ولن يرض لك تربية بنااته .فالرجل الشرقي مهما كاان لايمكن أن يرضى بزوجة مبتدله أو قابلة للانسياق في الخطأ .فاحرصي أخيتي ..وكان الله في عونك
 
حبيبتي احذرك وبشده انه يكشفك انتبهي

انت الحين عليك تشوفين وش اهو يبي ونفذيها له

وهتمي بنفسك اهتمي غيري لوكك تدلعي عليه الرجال يموت بالانثى الحقيقية الدلوعه الرومنسيه

وهو ماهرب الا لانه فاقد شيء مابحث عنه الا فااااااااااااااااقده واكرر فاقده

شوفي تصرفاتك ولا تقولين مااقصر

اهو مادور الا لانه فاقد خذي كل شيء منه بس لاتكثرين الرومنسيه بالمسن

واذا عرفتي وش ناقصد اتركي المسن علشان ماتنقلب السالفه عليك وويقول انك تغازلين

ولاتعلميني اي احد من حولك اكتمي سرك

وتغيري وسحبيه لك واذا مانفع يكون اهو كله عيوب بس لازم انت تصححين اخطائك

كل شيء سويه معه حببيه ومصمصيه وابهريه بلبسك وشعرك ومكياجك

الله يعينك
واذا احتجتي شيء راسليني وعلمك على مواقع تفيدك

دمت بود
 
ولاتزروا وازرة وزرى أخرى
أخيتي لاتخافين على بناتك فالله سيحفظهن

الله يبتليه هو بنفسه

أعرف واحده مثلك إنسانه عفيفه حافظه لدينهاوزوجها
وزوجها كان يخون فكانت خائفه على بناتها فحفظهن الله وابتلى زوجها بزوجه كانت تعاكس وتخون ولها علاقات محرمه
فربنا كريم حفيظ يحفظ من حفظه

حفظك الله وذريتك من كل سؤ وفتح على زوجك فتحا مبينا






 
الله يوفقك و ييسر امرك و يهدي زوجك و يجعل احدكم قرة عين للأخر و عونا للأخر على طاعته
آآآمين

حياتي بصراحه انا مااايد فكره الايميل ابد بعدين لو بيكشقك شو بيكون رده فعله بتجيبي الهم اكثر وراح تصير اشياء لاتحمد عوقباها

وبعدين ماراح تستفيدي شي غير الهم والنكد
والله مالك الا ان ترفعي يديك بالدعاء واكثري من الاستغفار

وانسي الموضوع وعيشي يومك

وحاولي بقد ماتقدرين تغيري من شكلك وعلاقاتك معه حسنيها غيري من اسلووبك معه

وتكلمي معه بهدو ولين وان شاء الله الله معك

الله يسهل امرك يالغلا
 
الله يعينك عليه فاستعيني به... ثم شوفي شنو اللي لقاه عند هالبنات مو لاقيه عندك .... وحاولي ان تكثري من كلام الحب والغزل والتودد له اكثر ...ولا تظهري له معرفتك بأمره حتى لا يكسر هيبتك خليه يظن انك ماتدرين عنه . وبينيله ضعفك وانكسارك وحاجتك إليه.... وسوف يكون هذا مصدر قوتك..وعالجي المشكلة بمعرفة السبب وراء ما يفعل .... ولا تحاولي ان تخبري اهلك فهم راح يزيدون المشكلة لانه راح يطيح من عيونهم ..
 
الله يعينك ويعيني معاك والله نفس حالتي بالتمام ويمكن انا العن لان البنات الي يكلمهن يحرشنه علي ويبنه يطلقني وما خفي كان اعظم والعن وانا سمعته وهو يكلمهن الفجر والليل وكل وقته معاهن وما يكلمني انا وازيدك من الشعر بيت انا انام بغرفه وهو بغرفه حرااااااااااااااام مسكيييييييين ناقل هم عياله يقول نامي مع عيالك يخافون ينامون بروحهم شفتي العن من كذا
آآآآآآآآآآآآآآآآآآآآآآآآآآآآ ه آآآآآآآآآآآآآآآآآآآآآآآآآآآ ه
لاتشكيلي ابكيلك ويعترف بحبه القديم لحبيباته بالنت ويقول مستحيييييييييييييييل انساها بالرغم من اني متزوج وعندي عيال
هيضتي المواجع وابكيتيني
هههههههههههههههههههههه خليك مثلي اتظاهري بالفرح حتى لو القلب مجروح واسمع دايم اجامل وابكي عليها طبعا بيني وبين نفسي
 
ربي يرده اليكي ردا جميلا اختي راجعي نفسك وشوفي مواطن ضعفك و تقصيرك
​
 
لاتخافي على بناتك انتي ربيهم واحسني تربيتهم وطنشيه علشان لاتتعبي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل