اغازل زوجــــي بالمســـن ......ولكن!!!

اول شي لازم تسوينه احتفظي بنسخ للمحادثه معااك وديها لاختك حطيها بملف لو كلمتيه بيقلب السالفه عليك
ضروري يكون معاك شي يثبت كلامك خارج البيت عشان ماتضعفين وتعطينه
النسخه
بس مو حلوه تعلمينه انو انتي اللي تسولفين معاه عالمسن
لااازم تكلمين احد عاقل يوقفه عند حده لاتقولين والله ماابغى مشاكلنا تطلع برا البيت..
 
نصيحه مني من مجربه
اتركي هالايميل ولا تكلمينه منه
ماراح يجيب لك الا تعب وكره لزوجك

لما سويتها خف حبي لزوجي كثييييييييييييييير
تخيلي لما اكلمه على اني وحده ثانيه ويقول لي كلام جنسي اتفل عليه من وراى الشاشه
بديت اكرهه
ولما تركت هالطريق ارتحت
ربي بيحاسبه مو انا
وادعي له
ولبناتك ربي يحفظهم


صح صعب جدا تتركين هالايميل
لاني مرات اعجز امنع نفسي من دخوله
لكن خففت من دخولي كثيير
 
راح تتعبي اذا ضليتي وراه

واجهيه ووقفيه عند حده

احاولي تشغلينه باي شي وجيبو تلفزيون واجلسي انتي وياه يكن عند وقت فراغ وانتبهي يعرف انك انتي اللي تكلميه والله راح تنقلب ضدك اذا ا عرف انو انتي اللي ت انا عندي خطه راح يتفشل ويندم على كل كلمه قالها لبنات الحرام راح اقولها لك كلميه
 
لاتنبشين وراه والله تتعبين وانسي هالإميل هذا وسكريه وحاولي تيين له من جهه ثانيه يمكن اهو شايف منج تقصير وعوضه بهالخرابيط الله يهديه
فأنتي بدل ماتدورين وراه وتاكلين بعمرج سحبيه صوبج بطريقه ثانيه تريحج وتريحه
آنا ما أقول إنج مقصره لكن اللي عليج تسوينه إنج تحاولين تتغيرين عشان بيتج وبناتج قبل لاتكبر السالفه أكثر...
 
اختي يمكن لان طريقتج محافظه معاه وتربيتج ملتزمه فما يحب يطلع بصورة مب حلوة قدامج ومايقدر يسوي اللي يبي لانه بيطيح من عينج .. لكن لمن كشفتيه وخليتيه يحلف وهاي اكبر غلطه سويتيها لانه كررها وبذلك تكونين سبب في حلفانه كذب عشان مايخرب بيته بدليل المره اللي بعدها صار عادي لان انتي بينتي له انه طاح من عينج بهالصورة ..
انا ما ابرر له أبدا .. لكن بوضح لج الصورة .. نفرض ان الزوج يحب بعض الحركات الجريئه جدا جدا .. هل تتوقعين بيقولج ؟ لا ماراح يقولج مو لانه مايبي هالشي معاج .. بس لانه حاط ببالج انج متحفظه وملتزمة ولو طلب بتقولين اكيد شاف واكيد واكيد .. بالتالي يضطر يشوف افلام خارج نطاق الزواج عشان يمتع نفسه باهالاوضاع اللي مب قادر يسويها معاج .. هو فكرته كذا انا ماقول انتي السبب بس هو فكرته كذا لانه حتى انتي كررتي ان هلج تلفزيون مافي ودخان مافي ومتشددين من هالجانب وبيطيح من عينهم تتوقعينه بيقولج مثلا ؟؟؟ لا
طبعا مب قايل ..
اتمنى انج لمن تتعرفين عليه في الماسنجر تتعرفين عليه صح وليش هالشي يسويه .. ولو سالتيه عن زوجته بيقولج وايد ملتزمه ومحافظه وكل شي عندها حرام .. جربي وبتصدقيني .. ساعتها اعرفي منه نوع الزوجه اللي يبيها وطبقي اللي يريحج ..
 
قطـــــريه قال:
اختي يمكن لان طريقتج محافظه معاه وتربيتج ملتزمه فما يحب يطلع بصورة مب حلوة قدامج ومايقدر يسوي اللي يبي لانه بيطيح من عينج .. لكن لمن كشفتيه وخليتيه يحلف وهاي اكبر غلطه سويتيها لانه كررها وبذلك تكونين سبب في حلفانه كذب عشان مايخرب بيته بدليل المره اللي بعدها صار عادي لان انتي بينتي له انه طاح من عينج بهالصورة ..
انا ما ابرر له أبدا .. لكن بوضح لج الصورة .. نفرض ان الزوج يحب بعض الحركات الجريئه جدا جدا .. هل تتوقعين بيقولج ؟ لا ماراح يقولج مو لانه مايبي هالشي معاج .. بس لانه حاط ببالج انج متحفظه وملتزمة ولو طلب بتقولين اكيد شاف واكيد واكيد .. بالتالي يضطر يشوف افلام خارج نطاق الزواج عشان يمتع نفسه باهالاوضاع اللي مب قادر يسويها معاج .. هو فكرته كذا انا ماقول انتي السبب بس هو فكرته كذا لانه حتى انتي كررتي ان هلج تلفزيون مافي ودخان مافي ومتشددين من هالجانب وبيطيح من عينهم تتوقعينه بيقولج مثلا ؟؟؟ لا
طبعا مب قايل ..
اتمنى انج لمن تتعرفين عليه في الماسنجر تتعرفين عليه صح وليش هالشي يسويه .. ولو سالتيه عن زوجته بيقولج وايد ملتزمه ومحافظه وكل شي عندها حرام .. جربي وبتصدقيني .. ساعتها اعرفي منه نوع الزوجه اللي يبيها وطبقي اللي يريحج ..
أنقر للتوسيع...
كلامك صحيح وانا معك
 
لاتضيفينه بتكبر السالفه
خليه على راحتهوالايام تربيه مالك الا الدعاء له
 
شوفي اسامي البنات في المسن وقوليله ان وحده من جماعتك قاعد تكلمها وقالتلي انو زوجك مايستحي على وجهه واذا قالك مني قوليله انت تعرفها زين واذا قالك من وين جابت الاميل قولي مدري وخوفيه وهدديه وقوليله انها راح تفضحك وانتي قولي له انا ادري انك تكلوهن وانتبه لنفسك ترا راح تنقلب ضدك واذا قالك من هي قولي له هي مسجله كل مكالمتك وراح ترسلها لي وانا انتضرها وخليه والله راح يشك فيهن وماراح يعرفها
 
شوفي اساليه اساله تفيدك بس

وتصلح اخطائك معه

وبعدين اقطعي وهدديه بس لايدري انك زوجته

عشان يعاف المسنجر من قلب

ووالله خطوتك بتوجعلك قلبك وتشد اعصابك وبتكرهك بزوجك وتقصرين بيتك وعيالك

مالك الا اللي خلقه وخلقك ادعييييييييييييييييييييييييييييي ليل نهار

ربي يفرج همك
 
انا مع قطرية

بس لا تتمادين في المسن بتتعبين
ودعي الخلق للخالق
 
الله يكون بعونك همااااا الرجال كذا مايملي عيونهم غير التراااااااااااااااااب
 
كل واحد يكلم بنات معناه التقصير من زوجته؟؟!!!!! تقولون لها شوفي وش يبغى وسويه له..

صدقوني إذا استمرت معاه بالكلام و سوت له كل اللي نفسه فيه برضه بيستمر يكلم بنات وماراح يبطل..

لأن الخلل مو بزوجته الخلل فيه هو ماعنده خوف من رب العالمين وثاني شي التقصير منه اللي ما يطلب زوجته اللي يبيه منها..ويعودها على مايريد ويحب..
 
لو انا منك لا ادور لي هكر بهالنت انشاءالله رجال

ولتفق معاه على انه يسرق ايميل زوجي لو يبي احوله فلوس ما عندي مانع

وبس يخترق ايميل زوجي ويخربه له

احذف انا ايميلي واذا ابي اسويلي ايميل جديد وبس

ولا يا حبيبتي اذا تبين سالفه طويله

خذي ايميلات البنات اللي عنده وتواصلي معاهم بالحسنى

ووضحيلهم انه زوجك وانه انتم ترضون على نفسكم فكيف ترضون علي انا

وانصحيهم بالحسنى>>> طبعا البعض راح يتجاوب والبعض الاخر انسي طبعا وممكن يردون عليك بردود جارحه

وممكن احد يقول لزوجك منهم

المهم اشكال هالازواج ما ينفع لهم الا الرش بالنار


..............تحياتي
 
على فكرا اذا تبين تهكرين ايميل زوجك

وتبين ترسلين للهكر فلوس انتبهي ترسلين له من حسابك

لانه بيعرف اسمك وممكن يجيب اذا كان ولد حرام

حوليله من حساب احد اخوانك تقولين له مثلا ابحول لوحده فلوس وهذا حساب زوجها

وخليك حريصه على كل خطوه


..............تحياتي
 
الله يهيدي كل زوج عاصي ويبعد عن ازواجنا بنات الحلال والحرام ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل