اعطوني كف يصحيني

[محتاجه نصيحتكم]

اهلا اهلا
كيفكم اخباركم مشاركاتي قليل مره او يمكن اول مره اشارك
بس بجد محتاجه نصيحتكم هالمره انا راح اخرب على نفسي
ليا فتره بس مناقره مع زوجي مادري ليش ماابغاه لايروح ولا يجي
ابغى اكون معاه على طول ولو طلع من البيت تلاقوني كل شوي ادق عليه متى جاي ولو جاء البيت تحسبوني اقابله بوجه بشوش واني مشتاقتله لا ابد امد البووز شبرين كاني مستنيته يجي البيت عشان اغثه مادري ايش فيا احي اني ماني زي زمان معاه في شي غلط بحياتي وليا فتره ودي اني اسويله جو في البيت يعني حفله ولو جااء يتفاجاء بس احس نفسي متكتفه ماني قادره يعني مالي خلق يووه تغيرت كثير وماافوق لنفسي الا لما يصير بيننا مشكله ويجلس يغلط فيا ويقولي انتي وانتي ابداء افوق لنفسي واحس اني انا غلط عقلوني الله يوفقكم ويسعدكم ويحققلكم الي في بالكم
تحياتي لكم
كانت هنا محتاجه

 

[محتاجه نصيحتكم]

مو هذا العشم والله سويت تحديثين ولا احد رد لا الله يخليكم لاتخذلوني

 

[الفوشيه~]

تعوووذي من ابلليس واذكري ربك واستغفري حاولي تغيرين جوك اطلعي عند اهلك اقاربك يعني ابعدي شوي عنه حاولي ماتدقين عليه لانه كيذا بصراحه بتطفشينه منك ورجال مايحب الحرمه زنانه وعلى قولتك تقابلينه مبوزة اشغلي عمرك باي شئ وغيري جو بيتك عشان مايهج رجال منك هههههههههههههههههههههههااي الله يسعدك ياررب

 

[دانه العيسى]

مشكلتك معترفه ان الخطاء منك ...
كل انسان وله طاقه صبر .. تعوذي من ابليس .. ومو بهالطريقه تكسبينه
انتي عارفه انك زنانه .. ونكديه .. وتبين منه الصبر ..!؟؟؟
اشغلي نفسك بالبيت بالاطفال .. بنفسك عدلي بدلي .. بحالك ..
والرجال لازم ياخذ وقت فسحه من البيت .. منها يشتاق لك ومنها يرتاح من ضغوط العمل
والحياه ... اما تجيبينه للبيت للنكد كذا بيكرهك ونصيحه اختي ترى الرجال ماينسى ..
الي تمرين فيه ضروف .. نفسيه حاولي تعالجينها .. وعليك بالقراءه وتحصين نفسك وبيتك وزوجك ...
يمكن نفس متعلقه فيكم ...
وعليك بهالكتاب حمليه منها تفهمين تفكير الرجل .. وتسلين نفسك


تحميل كتاب رجال من المريخ ونساء من الزهرة


اضغط هنا - وصلة تنزيل الكتاب 1
او

اضغط هنا - وصلة تنزيل الكتاب 2



ربي يسهل امرك ​

 

[حلوووووووم]

استني شويه اسخن يدي واعطيك ذاك الكف اللي يلف رقبتك 5لفات
هههههههههههههههههههههههههههههههههههههههه
خير انشالله لاحبيبتي ماينفع مع الرجال كذا خليك ذربه
والله حسيت نفسي جده ههههههههههههههههه

 

[ياغيابه]

ودي اعطيكـ كف بس ابي يد ثقيله وخشنه عشان تعلم صح

هههههههههههههههههههههههههههه



دانه كفت ووفت
​

 

[سكن قلبه]

عسى ماشر تبينه يجي عندك وانتي معصبه وتبينه يضحك ماينبغي الاسلوب غيري واطلعي لاهلك لجيرانك فضفضي شوي وروقيله زين اللي صابر عليك

 

[قلبي من زجاج]

هلا وغلا

عزيزتي أفضل حل أمسكي العصا من الوسط

وهذا أريح لك وله ,,,,

 

[هلا الرياض]

اقول افضل حل اقري سوره البقره في بيتك دايم يمكن عين وادعي ربك خوذي اللمووضوع بجديه لا تستهينين فيه

 

[حايل بعد حيي]

الله يسخركم لبعضكم وانتبهي لزوجك قبل يطير منك

 

[ليمون بالنعناع]

ألا بذكر الله تطمئن القلوب .... انشغلي عنه ترى هالي تسوينه يخليه يعاند ويزيد اشغلي نفسك عنه تلاقينه قرب منك ... الله يسعدكم .

 

[رازيا]

استهدي بالله اذا راح تضلي على هذي الحالة راح يطفش منك اعطيه مساحة حرية خليه يتنفس شوي مسكين اكيد يعاني الله يكون في عونه

 

[قمر الرياض]

اصحي لنفسك قبل لا يصحيك كف الزوجة الثانية !!!!!!!!!!!

ترا الرجل إذا طابت نفسه خلاااص صعب ترجع مرة ثانية ،،،،

وأنت تعوذي من ابليس لأنه هو اللي يوزك على هالأشياء واذا طلع زوجك اقري قرآن واشتغلي ببيتك ونفسك ولا تدقين عليه أبد لين يرجع بالسلامة يعني لا تنشبين له خليه يوله عليك وتولهين عليه ....

 

[تشكرات]

زوجك رجل طيب ومحترم ..فلا تخسريه بتصرفاتك العشوائيه
انتي انشغلي بنفسك واهتمي باناقتك وترتيب بيتك واولادك
وكوني حنونه على زوجك وخلي سؤالك عنه لمجرد الاطمئنان
فقط ..مو الامتلاك ..
اذا رجع زوجك للبيت كوني هادئه ومبتسمه ومرتبه ...واذا خرج
أستودعيه الله الذي لاتضيع ودائعه ...وأحمدي الله على نعمة
الزوج الصالح >> فبالشكر تدوم ( النعم ) ......وربنا يوفقك ويهديكي ..

 

[لمسات حالمه]

اهتمي بنفسيت زوجك ونفسيتك
لاتجعلي البيت كالقبرموحش خلي القران مو جود دائما بالبيت
حاولي تعملي نشاط لك خارج البيت نادي ..زياره ..تحفيظ .. اي شي يجدد نشاطك

نصيحه انتبهي لالالالالالايطير زوجك وصعب يرجع لعشه بعد مايلاقي راحته بمكان ثاني​

 

[وبشر الصابريـن]

اشغلي نفسك عشان تفكين عنه شوي

انا كنت مثلج صراحه بس بعدين حسيت انه لازم يكون عنده مساحه حريه

وحطيت في بالي اني اذا سويت جذيه بيكرهني ويطفش مني فخليته براحته​

 

[دانة الشام]

الرجال لايهربون سوى من النكد حتى لو كانت الزوجة ملكة جماااااااال....اجلسي مع نفسك جلسة صدق ماالذي يدفعك لهذا الاسلوب مع زوجك؟؟؟ربما عندك مشكلة مع نفسك إحباط من شيئ معين ولاتجدين أمامك سوى زوجك لتخرجي كل غضبك عليه!!!!ضروري تجدي لنفسك متنفسا أي عمل تقومي به غير أعمال البيت أي شيئ يعود عليك بالمتعة والفائدة ويدخل النشاط والحيوية لحياتك ...يجب أن يكون لك هدف بحياتك غير أن تقعدي وتنتظري زوجك وتتصلي به و تحاصريه بهذا الشكل لأن الزوج بنهاية غير مسؤول عن مزاجك وتحسينه ...فكري وجددي بحياتك ولاتجعلي زوجك أكبر همك خاصة أنه بنهاية لايجني من هذا الهم سوى مد البوز....!!!!تداركي الامر قبل أن تندمي يوم لاينفع الندم...

 

[كاندي مطير]

الله يفك كربتك ويسخر قلووبكم لبعض وعلى طااعة وبيت اوصيك ونفسي بسورة البقرة البقرة البقرة ولله انها بركه في كل شي وتطرد الشياطين وعليك برقيه شرعيه اسمعيها من موقع شفاء تلقينه بقسم ارقيه الشرعيه مباشرة اسمعيهااااا بتيقن وبهدو وتمعن بدون متكونين منشغله واسمعيها بنيه اشفاء ولهدايه ووردي على نفسك بلمغرب والصبااح وستودعي زوجك لطلع وتركي له حرييه يقلبي تخيلي لو هو لي نشب لك وحطي نفسك ماكاان بترضين اكيد لا وربي يسر امرك وكيفيك شر شيطااان

 

[perfume]

الله يعينج ويسهل عليج مل عسير يارب

 

[ام لاحلى قمر]

الله يعينك ياقلبي واللله مو حاله