اعطوني حل قبل لاخسر حياتي

[عيون ملائكية]

السلام عليكم ورحمه الله وبركاته
انا متزوجه لي سنه ونص وعندي بنت عمرها 8 شهور
اكتشفت لما كنت حامل زوجي كان متعلق بوحده متزوجه .. طبعا عرفت عن طريق انه مسجل مكالمات بينهم ..
طبعا اخذتها وهو مايدري وماكان غرضي اني افضحهم .. بس بعد 8 شهور .. صارت مشكله بيني انا و زوجي لدرجه انه مد يده علي .. ورحت لاهلي .. وجلست 3 شهور عندهم وهو يحاول يرجعني بس مارجعت الا بهديه ذهب وشروط انه مايقصر علي انا وبنتي شي .. طبعا بالفتره اللي كنت عند اهلي اتصلت عليها وهددتها بالرسائل بس هي ماتعرف اني زوجته .. وصرت اسمعها مقاطع التسجيل .. والحمدلله انقطعت عن زوجي بالمره لاني ماصرت اشوف لااتصالات ولا رسائل لها

المهم هو وعدني انه يفتح صفحه جديده ..وصدقته .. وانا والله مارجعت الا علشان بنتي واخذت عهد بيني وبين نفسي اني ماادور وراه .
بس قبل اسبوع كنت عند اختي ولما جاء اخذني لقيت بسيارته كوب شاهي على اطرافه بقع روج ..
لما سالته انكر بالبدايه ان احد طلع معه .. بعدين قال صاحبي بس متزوج .. انا تميت ساكته
لحد مارجعنا البيت وعلى طول هو دخل الغرفه ونام ..ماتكلمنا ولاتناقشنا
طبعا فتحت جواله وشفت الاتصالات لقيت مصائب ..
وحده اظاهر انها باستمرار تطلع معه .. واتصالات باستمرار
انا من جد انصدمت اخذت رقمها .. طبعا هذه غير كثير ..
بس هي اللي باستمرار
وسبحان الله بالصدفه اعطاني جواله علشان اكلم امه وطلع من الغرفه علشان كان عندنا عامل ..
لما دخل علي لقاني اقلب بجواله ..
وهذه اللي مستمر معاها .. في رساله من الرسائل كاتبه لي حبيبي انا جايتك على البيت
انا من جد انصدمت .. دخل علي وسحب الجوال وطلع مقهور
ولما رجع جلس يسالني عن اشياء بالبيت وانا ساكته مو قادره اتكلم ..
طلعت من الغرفه وصار يلحق وراي قلتله لاتجي يمي .. مو قادره اتكلم ..
بس صايره دموعي تنزل واستغفر الله ..
شوي جاني وحظني .. وقالي هذا والله من زمان ..
من جد انا تعبت بالكلام معه ..
جاني بعد صلاه العشاء وقال تجهزي بنطلع نتعشى برى
وطلعت .. ولاتكلمنا بالسالفه .. وبعد مارجعنا شكرته على الطلعه لانه من زمان ماطلعنا حتى صار يحاول يقرب مني بالليل ابعد عنه ..
طلبت منه يجيب كرت العائله .. بحكم اني اخاف على سمعتي .. رفض ..تهاوشنا ..
رحت عند اهلي ... مااتصل علي .. غير اليوم الثاني يبشرني ان التلفون تركب لنا اسبوع مقدمين عليه بس ماراح يجيب جهاز تلفون ..
انا زعلت وقلت ليش ماتحط تلفون كل شي مركب الا الجهاز قال مايبي تجي عليه فواتير ..
قلت له حطه محلي مو لازم خدمات .. رفض وقفل الخط
ارسلت له ليش دايم توعدني وتخلف .. ياتحط التلفون والانترنت سوا ياتلغيهم ..
قام اتصل قال انا مااتهدد وتلفون مافي بس نت ..
المهم جلست انتظره يجي ياخذني من عند اهلي تفاجات انه رسلي بالليل صحيني الساعه 5 ص للدوام
رسلت لما اكون برى البيت اعتمد على نفسك .. ولا عاد اتصل ولا شي
من جد احس حياتي صايره مسخره معه .. على رغم خياناته يعاملني بجفى .. المفروض يحاول يدور رضاي ..
اخاف اخسر حياتي ومستقبلي بسببه ..
دلوني وش اسوي ..لاتقولون كلمي اهلك .. ماابي ادخل اهلي بها المواضيع
ابغى اكسبه بس هو مو معطيني الامان ..
وش اسوي مع هذه البنت لانه هو سالني اني اخذت ارقام من جواله .. قلت انا مااحط راسي براس بنات الشوارع ..بس لازم القي طريقه علشان تتركه ..
انتظركم

 

[nona--]

هلا بك حبيبتي ومن البداية بقولك هداك الله ولية تكتشفي انة على علاقات بالحرام وتمشي الموضوع بعشوة برى البيت
ابسألك هو لما يطلع معها اش يبغى فيها هاة وش يبغى
؟؟؟؟؟؟؟؟؟؟؟؟
يبغى الجنس والعياذ بالله
يعني روج على الكاس ووووووووو الرسايل الى اخرة
وسكتي
لا انتي الغلطانه
انتي عطيتيو وجة فتمادى ماراح ابد تكسبية بها الطريقة
وترى هالزوج مو ربي
عشان يسوي كل هذا
وانتي تطاردي رضاة

 

[مصممه مختلفه]

والله يا اختي اذا كنتي عاجبك تصرفه وراضيه انه يكلم وتركب معاه واكيد جابهم للبيت بعد بس انصحك يااختي تدخلين احد من اهله واهلك لا ترضين بانك مهزله والله ان يستمر يدخلهم عليك ولا هامه بس لازم لك من وقفه اذا كان شاريك والا مع السلامه مامعك الا وحده احسن من اكثر ولا هامه وانا من تجربه اكيد زوجك فاقد حاجه عندك دوريها واشبعيه فيها والله يهديه 00

 

[بـدويـه مـودرن]

انتي عطيتيه اكبر من حجمه وسكتي له كثير على حاجات ماينسكت عليها
عشان كذا اتمادى
والله مانلومك وضعك بالمررره صعب
بس لازم تتخذين موقف

 

[المتغيرة للأفضل]

عليك ان تراقبيه من الان بصوره جديه وتتأكدي ان ليس له علاقات جديده كوني حازمه ولاتتركي الامور هكذا .اخبرينا هل انت عند اهلك غاضبه ام زياره عاديه اختي زوجك لاتتركيه لوحده كثيرا واعرفي نمطه لتتعاملي معه حسب نمطه ابدئي صفحه جديده وراقبيه جيدا لتبعديه عن بنات الحرام وفقك الله وجمع بينك وبين زوجك وابعد عنكم حبائل الشيطان​

 

[تشكرات]

كان أستغليتي الطلعه معاه وفهمتيه بكل هدوء وقلتي له ( تخيل ترجع للبيت وتلاقي سيجاره )كيف بتكون حالتك وبعدها أسكتي لا تتكلمي ولا كلمه >>>>خليه يخاف ويرتعد ويقول بينه وبين نفسه (( عفوا تعف نسائكم ))

 

[أم-سلطان]

الله يكون فعونك....
بس كيف قص عليج بعشا بره......؟!!!!!!!!!!!!!!!!!!!
كوني واضحة أول شي مع نفسج...
شوفي بالضبط شو تبين...
بعدين...كلميه بأعصاب قويه...
لاتتنازلين...ولا تضعفين قدامه...

 

[بيرو العمودي]

عالجي العله الاساسيه اللي هي زوجك
اذا عرفتي تتخلصي من البنت هذي
هتطلعلك غيرها
لانه لسه ما عالجتي مشكلة زوجك
بدل ما تدوري على حل كيف تبعدي البنت هذي عنه
شوفي حل يوقف زوجك عند حده ويبطل الحريم كلهم
مو هذي بس ​

 

[امل رحيل]

رد بيرو العمودي صح.. لازم تعالجي زوجك

كثري طلبات و انشغلي عنه

 

[أم القسام]

نفس اللي يصير معي بس أنا ما أسكت له أضل كل يوم أراقب السجل
وإذا حصلت أرقام بنات أتصل فيهم و أهددهم بالشرطه أو أخبر أهلهم طبعا هذا على حسب نوع البنت
وأجلس ذاك اليوم زعلانه وأسمعه كلام يهز البدن وأذكره بربه وأقوله الدنيا دواره بكره بيدور الزمن على بناتك
بس الحمدلله بعد عناء ومشقه توقف عن هذه الطباع
لكن لم أغفو عنه أضل أتأكد يوميا من هاتفه طبعا بدون مايدري لأنه لو درى يمكن تصير مشكله وأنا في غنى عنها أستغل فتره الأستحمام أو النوم وأحيانا أتعمد أخليه ينسى هاتفه عشان أشيك عليه

ثانيا يا أختي حاولي تغيري من أسلوبك في الحديث معه غيري ملابسك إذا كنتي سمينه أنحفي وأهتمي في شكلك وإذا طلب منك حاجه قولي يالبيه ونفذيها أهتمي بنظافة البنت والبيت وبنظافة بنتك
لأن الزوج إذا راح برع معناتها شي ناقصه في البيت حاولي تشوفي ايش ناقصه وأنا أتوقع يكون ناقصه الحنان وهذا الشي اللي لاحظته في زوجي يوم أكون مزاعلته أكتشف مباشرة أنه يدور وحده يسولف معها ودائما يقو لي لا تزعلي مني لأني ما أحب أفقد الحنان أحخبك دايما تكوني حنونه علي
هذا اللي أذكره الحين وإذا ذكرت شي بخبرك
صح تذكرت ومو كل شوي تروحي عند أهلك أجلسي في بيتك والمرأه الذكيه هي اللي تعرف كيف تحل مشاكلها بدون تدخل أحد لأن الزوج يحس بالإهانه لما يعرف أن زوجته تخبر أحد عن فضايح زوجها ولا يمكن ينسى هذي الإهانه وأصلا زوجك راح يشوف كثرة ذهابك لأهلك على أتفه الأسباب حاجه عاديه حبيبتي رجعي بيتك وكبري عقلك وإذا قالك زوجك ليش رجعتي قولي كنت متضايجه ورحت أغير جو عشان أهدا وماتصير مشاكل بينا ولا أنت ما أصبر على فراقك ليله ولا تخلي أحد يتدخل في حياتك لأنك في النهايه بترجعي لزوجك وماراح تستفيدي شي بالعكس بعدك بتخسري سمعة زوجك وبتخسري هيبتك مع زوجك جدام الناس
وهله هله بالكلمه الحلوه لزوجك وبعدين بتشوفيه كيف بيتغير
أتمنى أكون أفدتك

 

[اصغرزوجة]

الله يهدي ويسخره لج ويفرج همك يارب​

 

[عيون ملائكية]

nona
تسلمين ياقلبي على ردك .. بس هو انكر وبنتي كانت بحظني نايمه ماقدرت اتكلم كثير ..
ومسأله العشاء ماراضتني ..وانا ماادور رضاه بس انا ماابي اخرب حياتي بمسخرته ..

المتغيره للافضل ...
تسلمين ياقلبي على تفاعلك .. اول شي انا رحت لاهلي زياره وهو عنده دوام بالليل لحد الفجر علشان كذا قلت اروح عندهم دام انه اربعاء واخواتي مجتمعات وتجينا الخميس .. بس هو طنش ماجاء ..وانا ودي مااتركه لوحده بس اذا وداني عند اهلي يتركني يومين .. ويخترق اعذار واذا كنت بالبيت مايترك طلعاته يخترق العذر علشان يطلع ..

مصممه مختلفه ..
اكيد موعاجبني .. بس انا ماابي ادخل اهلي .. ولا اهله .. لان قبل تكلمت معاهم قالوا لي راح يتغير .. ومانقدر نحكمه ..بالنسبه لانه فاقد شي .. احس الحمد لله مو ناقصه عليه شي ودايم اساله يقول مو مقصره ..بس لما اكتشفت خياناته احس اني بديت ابعد مو بيدي غصب ..
تشكرات
تسلمين على فكرتك راحت عن بالي ..

بدويه مودرن ..
فعلا وضعي صعب

ام سلطان
اشكرك على ردك ..
وشكرا على كلمه قص عليك ؟؟؟؟


بيرو _ امل
تسلمون ياقلبي ..
بس وشلون اعالجه ..

 

[عيون ملائكية]

اصغر زوجه ..
تسلمين لي على الدعوه الحلوه ..

 

[sesebombom]

خانك وبنات فبيتك ورج بالسياره؟؟؟
والمقابل راضاكي وضحك عليكي بعشا بطقم دهب
ازا انتي اختي قبلتي خيانته وعاااااااااااادي عندك كوووووووووول
ماشاء الله اكيد الرجال الخونه بيتمنوا تكون نسوانهم مثلك؟؟؟؟
انتي شو رأيك انا بسألك شو رأيك تصرفك صح؟؟؟
حليتي مشكلت الخيانه والا اعطاكي التخدير بعشوه ووووووووووووو؟
ازا هو عرف دواكي اختي بخونك مره وثنتين وثلاثه وبروح بعشيكي بتشكريه على العشا وبينتهي الموضوع...............
وا اسفااااااااااااه

 

[sesebombom]

اخرب حياتي بمسخرته؟؟؟؟؟؟؟؟؟؟؟؟؟
هاي خيانه وبالدليل القطاع مو لعبه؟؟؟؟
ياريت هو مدمن نت والا بس يكلم بنات هاد بيحكي وبيفعل ولازم انتي تفعلي والا بتروح عليكي للابد