اعطونى حل !!

[نواره الروح]

السلام عليكم

انا متزوجه من سنه
راتب زوجى 2000 ريال
600 اقساط البنك تنتهى بعد خمس سنوات
400 ريال اقساط قرض الزواج تنتهى بعد سبع سنوات
يبقى من الراتب 1000 ريال ( 850 اجار الشقه الباقى 150 مصروف البيت + فواتير )
واالله العظيم من تزوجت ما اعطانى ريال واحد
طبعا اخر الشهر المطبخ فاضي
المشكله انا الحين حامل اخر الشهر الثامن ولا جهزت للبيبي شئ
افكر انى اطلق
تعبت من الفقر​

 

[norahmed]

حبيبتي هونيها وتهون .. وبعدين تطلقي مشان فقر... ياشيخة لو كان بخل كان قلنا بنشوف حل بس فقر .. ياشيخة اذا تشوفي زوجك اساسا لو ربي فتحها عليه ومايبخل عليكي . إصبري وصابري حتى يغنكم الله من فضله ولا تقولي بتطلق مشان فقر إنما قولي الحمدلله انه عندك زوج يحبك وصحتك كاملة والطفل رزقه بيجي معه ان شاءلله

 

[ليدي إلهام]

أسمعي إيذ كان يخاف الله وطيب وهذا غصب عنه معليش إستحمليه والله يفرجها الدعاء والصلاة والله إنها سحر الله أعلم به



الصبر مع الإحتساب

 

[ابتسامه بدمعه]

توكلي على الله في كل شيء ولا تطلبي الطلاق... وفكري في طرق لزيادة الدخل مثل عمل اضافي لزوجك او ان تعملي انت ايضا" بعد الولاده.. وترى مافيه شيء يجي بالساهل لابد من الصبر والكفاح .. تقبلي مروري

 

[بحر مجنون]

ليه تبخلين على نفسك من الدعاء

قولي اللهم اني اسـألك غنى لا يطغيني

وحرام تتطلقين بس عشان الفلوس

يمكن الله يفرجها عليك

 

[جودي سر وجودي]

ذا طيب واخلاق ويصلي ويخاف الله وتعامله طيب الصبر زين لكن الفقر مو عيب

 

[قطـــــريه]

وانتي لمن خذتيه ما كنت تدرين كم راتبه ؟؟
اللي بيخليج تطلبين الطلاق انج للحين ما جهزتي للبيبي ؟؟ ما تدرين ان في ناس ما عندها اكل بالأيام ؟ قولي الحمد لله على النعمة ..
رتبي امورج على هالمبلغ البسيط .. تعلمي تسوين اي شي بالبيت يوفر عليج .. ممكن انتي تشتغلين بالبيت اي شي وتساعدينه .. الحين يا حرام الريال ذابح نفسه على 2000 ريال ومايصفاله الا 150 ؟ وانتي تتحندين ؟ اتفق معاج ان المبلغ بسيط بس الله كريم اختي .. خذوهم فقراء يغنهم الله ..
ساعديه وشجعيه يشوف له شغل ثاني يسندكم .. او انتي اشتغلي بدل ما انتي قاعدة تتحندين وتتذمرين ..

 

[نواره الروح]

شكرا لمروركم

والله العظيم صعبه يكون مصروف البيت 150 ريال مع وجود مولود

اتوقع الوضع ببيكون على هذا الحال لحد ما تنتهى الاقساااااااط

هو يدور على وظيفه فى العصر بس ما حصل شئ

انا افكر اطلق علشانى وعلشانه
​

 

[ترتيلة حب]

حبيبتي لا تحطين الفقر مقياس

اذا الرجل طيب ومحترم ويعاملج برقي واحترام

والله يختي المال يجي ويرووح وممكن بعد ما تربين وتشدين حيلج

تشتغلين وتصرفين على نفسج واعيالج..

بس طلاق بسبب الفقر بس ما انصحج
​

 

[مؤاسم الدهر]

ويش فيكم يا بنات كلامت طلاق سهلة عندكم وبقوة على اقل الاسباب بطلاق خلاص
نسيتو ان ابغض الحلاال عند الله الطلاق
فكرو بعقل ارجوكم الله يهديكم ويصلحكم الى كل خيررررررررررررررررررررررررررررر

 

[miss-toto]

انتبــهي تطلبــين الطلاااق

وخلي عنك الكلااام اللي ماله داعي

وعلييك بالدعــاء والله يرزقكمـ ويوفقكمـ ويهديييك