اعز صحباتي................

[واثق الخطى]

السلام عليكم
بنات تكفون ساعدوني عشان اساعدها
وحده من صحباتي وعزيزة على قلبي اليوم جاني خبرها تبغى تنفصل عن زوجها بسب انه عقيم والله يابنات ان الخبر جاني كالصاعقة ابغى انصحها مادري اللي تسويه صح ولا غلط

 

[ღ همي رضآ ربي ღ]

طيب صاحبتك مرتاحه مع زوجهـآ وإلا بس تبي تنفصل

عشان إنه عقيم ​

 

[قيودالروح]

اذا هي مقتنعه انا اعتقد انها مو غلطانه
من حقها تكووون أم
واشوف ان الخطأ استمرارها معاه بدافع الشفقه
او عشان العشره

 

[بحب الحياه 1]

حبيبتى هى صاحبه القرار
ادعى لها الله يرزقها الزريه الصالحه
يمكن حاله زوجها ميئوس منها
ان كنتى تبغى النصيحه قولى لها اذا ما كانت راجعت اطباء تراج اطباء واحد و اثنين و ثلاثه
و ممكن تعمل اطفال الانابيب او حقن مجهرى و ان كانت قد حاولت
فلا رادا لقضاء الله

 

[انفاس عذبة]

لا حول ولاقوة الا بالله
ربي يعييينها

 

[وحيده في دنياي]

اذا مافيه امل ابد حتى بالتلقيح الصناعي
من حقها تاخذ قرارها وتنفصل
مهما كانت علاقتها به زينه

لان من حقها تجيب عيال منها
ومن حقها تبقى ام

والله يكتب لها اللي فيه الخير

 

[ღ همي رضآ ربي ღ]

شوفي ياقلبي إذا البنت مقتنعه خليها على راحتها

أما إذا كانت متردده أنصحيها تصلي إستخاره

الله يكتب لها اللي فيه الخير
​

 

[doonat]

بالعكس اذا كان مافي امل تحمل الي تسويه عين العقل00000المال والبنون زينه الحياه الدنيا000اقولك قصه وحده من جماعتنا زوجه عقيم وجلست معه الين كتب الله توفي زوجه قبل كم شهر هالحين تشوفينه تقطع القلب لحاله ببيته مافبه احد يساعده وهي كبيييره بالعمر 000

 

[دمعتي خانتني]

خليها تستخير ربها وإلي الله كاتبه راح يصير
وأتوقع لو هي عقيم أكيد بيدور غيرها
يعني لا يضيق صدرك
{زينة الحياة الدنيــــــــــا المال والبنون }
الله يفرج همها وكل مهموم..

​

 

[واثق الخطى]

يابنات في الزمان هذا صعب تلاقي زوج يحبك ويقدرك ويشيلك من الارض شيل صحبتي زوجها حيل يحبها ويعزه ويدلعها واي شي تطلبه يكون مجاب وش تبغى اكثر من كيذا وهي تقريبا احسها مقتنعة وراضية بنصيبها بس تحسينها دائما تفكر في الناس ونظرتهم لها
صحيح الذرية نعمة من الله وكذلك الزوج المحب المخلص اكبر نعمة
فما رايكم يابلقيسيات

 

[فراشه الامل]

طبيعي ان اي انثى ان تصبح ام وهذا ليس عيب ولاكن الصبر مفتاح الفرج ولاننسى ان الله قادر على كل شي ولايصعب عليه شي ماذا يضمن لها انها اذا تزوجت تلاقي زوج طيب او صالح وماادرها يمكن ماتحمل هذا بلا واختبار والله ثم والله لوكان زوجي عقيم ماتركته ابدا

 

[رازيا]

انصحيها بالصبر وقيام الليل والاستغفار والاستخارة

 

[A انا احبه A]

تنصحينها انها تكون معه ليش طيب الله يستر عليه حتى لو كان معيشها احلا عيشه
بس الاطفال غير حلاوة الحياه ربي يحفظهم

الله يرزقها ان شاالله باذريه الصالحه ويشفي زوجها

 

[واثق الخطى]

يابتات في الزمان هذا نادر تلاقي زوج يحبك ويدللك ويشيلك من الارض شيل صحبتي زوجها يحبها ويعزه وطلباتها مجابة وهي تقريبا مقتنعة وراضية بنصيبها بس دائما تفكر في نظرة الناس لها بنظرات الرحمة والشفقة​

صحيح الذرية نعمة من الله وكذلك الزوج المخلص المحب اكبر نعمة
فما رايكم يابلقيسيات؟

 

[قطرة في بحر]

لو مافي أمل في علاجه من حقها تنفصل
الأمومة غريزة صعبه تتخلى عنها المرأة بإرادتها وهو الله يعوضه ببنت الحلال المناسبة له يعني مثل حالاته ممكن يتزوج واحدة مطلقة أو أرملة عندها أطفال خلاص أو واحدة ما تنجب
لكن صاحبتك من حقها تجيب ذرية
أهم شي قوليلها تستخير قبل ما تقدم على أي تصرف

 

[قطرة في بحر]

يابتات في الزمان هذا نادر تلاقي زوج يحبك ويدللك ويشيلك من الارض شيل صحبتي زوجها يحبها ويعزه وطلباتها مجابة وهي تقريبا مقتنعة وراضية بنصيبها بس دائما تفكر في نظرة الناس لها بنظرات الرحمة والشفقة​

صحيح الذرية نعمة من الله وكذلك الزوج المخلص المحب اكبر نعمة
فما رايكم يابلقيسيات؟

بالنسبة لرأيي كزوجة وأم أشوف الذرية والأبناء وإشباع غريزة الأمومة أهم من حب الزوج وتدليله
لكن إن شاء الله ربي يعطيها الآثنين الذرية الصالحة وحب الزوج وتدليله

 

[واثق الخطى]

معليش للتكرار الرد لاني ظننت انه انحذف
وانا مع الاخت فراشة الامل
واشكر الجميع على الردود
واسال الله العلي العظيم ان يعينها في اختيار قرارها ويلهمها الصبر
​

 

[دلعون]

معليش أختي خلينا واقعيات لو هي مكانه بيصبر ويتحمل علشأنها
ولا بيتزوج صدقيني المرأة تتحمل وتصبر بس الرجال مايضبرون

 

[حلم احلامي]

[SIZE="5"]حبيبتي والله لو انا مكانها مستحيل اتركه لين مايفرقنا الموت...هذا قدري وانا ارضى به..
انتي قلتي يحبها ويدللها سبحان الله الكامل وجهه سبحانه ...ربي اعطاها شي وحرمها من شي..
ايش يضمنها انها ممكن تتزوج او يجيها واحد مايخاف الله فيها ..في الزمن هذا قلو الرجال الأوفياء والصالحين..
فيه عوائل كثيره عندهم اطفال ومال وكل شي بس الزوجين مايحبو بعض وعايشين مع بعض بس عشان كلام الناس وعشان عيالهم مايتشتتو يعني بصراحه عايشين في بيت واحد ولكن كل منهما في غرفه لوحده ولا يدرو عن بعض ..يعني محد مرتاح بالدنيا لا الي عندو اطفال ولا المحروم ...
الله يرزقها بالذريه الصالحه....[/SIZE]

 

[ندى3]

والله شوفو يابنات لو كانت الحرمه هي العقيم كان طلقها او تزوج عليها فليش هي ماتسوي مثله ولا حلال عليهم حرام علينا