اعراض الولادة ... بليز من تساعدني الله يوفقكم

[وردة ذبلااانة]

السلام عليكم
ومسائكم/صباحكم معطر بذكر الرحمن
اشتقت لكم يا احلى منتدى في الدنيا ,,, لاني غبت فتره بسبب حملي تعرفون لاهيه اجهز واخربط ههههههههه تعرفون بكريه وابي اكشخ
المهم ,, انا عندي كم استفسار على تساؤل على خووووف وروعه << تحلم في الليل:25:
انا حاليا في الشهر التاسع وتعرفون البكر ماتدري وش السالفه احيانا احس بمغص بسيييييط في اسفل بطني من الروعه معاد انوم:40: ودي تعلموني وشهي اعراض الولاده:4: وكيف اعرف انها ولاده؟؟ ومتى اقول لزوجي مشينا للمستشفى هههههه<< مستعجله
والله خايفه ومالي غيركم بعد ربي ياليت وحده تنورني الله ينور عليها
الشي الثاني ,, انا كنت قبل الحمل رشيقه:3: فجاه بقدرة قادر صرت بطه ههههههه
زاد وزني واحس بديت اتعقد ,,, من منكم زيي ورجعت بعد الولاده لوزنها الطبيعي؟؟
وهل تعتقدون اني ارجع:4: لاني صرت اكل كثير وشهيتي للاكل مفتوووحه والله مو بيدي
اخر سؤال<< ادري زودتها ههههههه
بطني بعد الولاده كيف اربطه عشان تروح كريشتي الجميله :5:
الله يوفقكم ويسخركم ويخلي لكم عيالكم للي بيبردون كبدي واللي بيسفهوني وبيطلعوون ههههههههههه بس جاوبوني
انتظركم يا احلى اخوات​

 

[.PRADA.]

//

نفس الاسئله بالزبطططط​

 

[وردة ذبلااانة]

ههههههههههههههههه
يالبى قلبك يابرادا حسيتك ضايعه مثلي خخخخخ
والله اني من الخوف اسوي نفسي ناسيه ان وراي ولااااااده​

 

[الحب حبي]

وعليكم السلام ورحمة الله وبركااته..
الله يسهلك ويعطيكي السلاامة ياارب ..
اعرااض الولادة ....
نزوول مووية >>>بس تنزل كثير يعني يبان انها مو افرازات >>>تكون موية الجنين ...
تقلصات ورا بعض يعني بين الم والتاني فترة بسيطة من عشر لسبع دقايق >>>يصير ورا بعض ...
او نزوول الدم عليكي لو نقطة تعرفي انها بداية ولادة >>>بس لا ترووحي على طوول اجلسي الى مايسير بين كل تقلص والتاني خمس دقايق >>>لانهم يمرمرطووكي ويتعبووكي لاازم ماا تتحركي ويخلوكي عالسرير في البيت اريح تتحركي على كيفك توقفي تمشي تتسدحي عالجنب الي يريحك ...
ولما تبدا التقلصات الافضل تمشي عشان يتفتح الرحم بسرعة بس لو ماقدرتي خليكي وااقفة وافتحي رجولك >>>يقولو سبحان الله الجاذبية الارضية تسااعد على انفتاح الرحم بسرعة ...وكلي رطب يسهل الولادةباذن الله ..


وعلى البطة >>>ههههههههههه
كلنا بطااااات ياعسل
في بكري صرت برميلة مو بطة ههههههههههههه
بس لا تخافي هذا تنفيخ حمل مو تخن ...
تولدي يسير جسمك حلوو وسط بس كرووشة زغنطوووطة ومع الرضاعة بعد 6 شهور تبداي تصيري رشيقة وامكن ارشق من اول تصيري تناادي تعالوو شوفولي حل صرت هيكل هههههههههههههههههه
والله رجعت اخس من اول ...
تربطيه بشماغ قديم او بقمااش تلفيه كم لفة من اسفل البطن بس مو تشديه مرة لاا ..بس تلفيه لفة ترتاحي فيها وتربطيه بس من اسفل البطن ...
والاهم من داا انك ماتشربي باارد اياام النفااس لانه هو اللي يطلع البطن...
والله يسهلك يااااااااااااااارب ويسهلي ..
لاتنسي تدعيلي مررررررررررة تعباااااااااااانة

 

[منحشه]

يارب تقومي بالسلامه وتفرحين بالبيبي خساره ماقدر أفيدك لأني بولادتي السابقه
كان لازم طلق صناعي يعني اروح بعد ماتشوف الدكتورة كم الرحم مفتوح ولا أني
حاسه بطلق فتصير هي تحطلي الطلق الصناعي

 

[وردة ذبلااانة]

الحب حبي
مشكوووووووووووووووووره ياعسل جعلها بميزان حسناتك يوم القيامه الله يفرج لك
ويقومك بالسلامه ويعافيك من تعبك يااااااااااارب ويحقق لك ماتتمنين
اختي منحشه مشكوووووره ياعسل الله يوفقك ^_^


يالله صبايا نبي تجااارب اكثرررررررر​

 

[ღ اُمـ رامي ღ]

من تجربتي بالحمل
لا تخلي زوجك يوديكي المستشفى الا اذا كنتي مرة متوجعه
الطلق عادة تحسي بيه منتظم
اذا شفتي الالم كل ربع ساعه منتظم يعني ولادة باذن الله و ساعتها قولي لزوجك يوديج المستشفى
اما اذا مغص عادي ويجيكي بين فترات مختلفه يعني هذه طلوقه كاذبه
وبالنسبه لوزنك فيكي ترجعيه بعد الولادة بكل سهوله بالتمارين الرياضيه والمشي و الاكل الصحي الخالي من الدهون

و شد البطن الحين لا تفكري فيه نصيحه بعد الولادة احسن شوفي ولادتك كيف بتصير وساعتها الدكتورة هيا تقولك متى تبداي بالشد
موفقه
​

 

[الليـــدي]

شوفي ياقلبي
انا كنت مثلك قبل ثلاث شهور وبجاوبك على اسألتك وعندي كم معلومه بقولها لك بعد
اهم شي لاتنسيني من دعاءك وان الله يحفظ لي ابني وزوجي

اعراض الولاده تكون واحده من هالامور
نقط دم-مويه كثيره تبين من ورا الملابس ( انتبهي مو افرازات عاديه )- ألم يجيك كل دقيقتين كرقم تقريبي (الطلق)

انا اول شي حسيت بألم كان يجيني كل يومين تقريبا وهو مثل الم الدوره
وبعدين ليلة ولادتي صار كل عشر دقايق وبعدها كل دقيقتين ورحت المستشفى وقالت الرحم مفتوح شويه
ونصيحه لك لاتروحبن للبيت خليك بالمستشفى وامشي بالاسياب اان المشي يساعد على فتح الرحم
ورددي دعاء قاله موسى عليه السلام لما شاف بقره تتولد ودعا الله ان يفرج عنه
( اللهم ياخالق النفس من النفس ويا مخرج النفس من النفس ويا مخلص النفس من النفس خلصني)
ردديه قد ماتقدرين وانتي تمشين وترى بتكرهين نفسك من الالم ولكن جاهدي لانها ساعات وتولدين ان شاءالله ومافيك الا العافيه


طبعا اثناء الولاده بيكون فيه 3 حاجات تسهل عليك الولاده بعد الله
ابرة الظهر- بخار مثل الاوكسجين تتنفسيه كل ماجاك الطلق يخفف الولاده-ابره عضليه للتهدئه

ملاحظتين لازم اقولهم لك ولكل اخت هنا
اولا: ابرة الظهر ماتاخذينها الا لما يكون الرحم مفتوح 10 سم
وغير كذا ماااااااايصير انتبهي لطبيبتك ترى بعضهم دلخه اللهم لك الحمد
ثانيا: البخار اللي مثل الاوكسجين فايدته يخفف عنك الالم بعد الله
لكن لاتخافين اذا طلع البيبي مزرق لانه يشفطه معاك هههه
واول مايولد يسحبونه منه الممرضات باجهزة الشفط ويكون بإذن الله طيب وبخير

اذا جت حزة ولادتك خلي احد من اخواتك او وحده تمونين عليها من الاهل معاك عشان يهونون عليك ويذكرونك بالادعيه
ولما تجي الدكتوه تخيطك تقولها تضبطك وانا اختك هههه ويكون من قبلها لك كلام مع دكتورتك عن الخياطه وصيها قد ماتقدرين
اذا ولدتي بدلي ملابسك وألبسي لبس ثقيل وغطي راسك ورجولك وانصحك تستخدمين فوط اولويز كبيرة الحجم لونها موف
واتركي فوط النفاس تراها خرطي
و كولي اكل دافي وخليهم يعطونك حبه مهدئه عشان تنامين وتريحين بعد التعب

واهم شي حطي معاك خوا جو عن الشمم وابدي استخدميه من ثاني يوم عشان اللي بيجونك بيتعطرون ويسلمون عليك


وبالاربعين استخدمي مشد اللي ينلف كذا مره ( ابدي باستخدامه من بعد اسبوع ونص عشان بطنك يرتاح)
وحاولي دايم تاخذين نفس وتشدين بطنك دقيقتين وكرريها باول اسبوع
ونامي على بطنك بعد باول اسبوع

وانصحك بعد ترضعين طفلك من صدرك عشان تكسبين 3 امور بوقت واحد
يرجع الرحم لوضعه الطبيعي
ويستفيد طفلك ويتغذى غذا صحي
ومايصيبك الله يكفينا سرطان الثدي

واذا شفتي ان صدرك ماينزل حليب وثقيل عليك اشتري من الصيدليه الة شفط الحليب ماركة بيجون
تجي 2 في 1 ( شحن كهربا وبطاريه ) انا افضل انك تحطين فيها بطاريه اسهل لك

واخيراً بالنسبه للوزن انا كنت بحملي مره دوبا ولما ولدت حافظت على رشاقتي وكنت اآكل اكلات صحيه وابتعد عن السكريات والحاجات اللي تسمن ابتعاد كلي ... يعني اكلك خليه متوسط لاهو شبع ولا هو جوع
وتقريبا لما وصلت ثلاثين يوم بديت العب رياضه وامشي لمدة ساعه شبه متواصله والمشد خليه عليك طول الوقت إلا اذا جيتي تنامي شيليه

وماطلعت الاربعين الا وانا نيو لوك الحمدلله
ونصيحه لك وللاخوات خلي شنطتك وشنطة البيبي جاهزه من الشهر السابع لاي ظرف طارئ
وخلي غسولك حق الخياطه معاك واهم شي يكون بدون رائحه عطريه ( اسألي الصيدلاني ) وعشان الحساسيه اذا كان فيك استخدمي كريم ابو اسد من الصيدليه طبي وآمن
ادعو ربي سبحانه انه يسهل عليك وتعدي امورك على خير
ارق التحايا

 

[دمعه مشتاق]

الله يعطيكم العافية جميعا..............​

 

[وردة ذبلااانة]

اختي الليدي
الله يجزاك خير ع المعلومات القيمه
ويوفقك ويسخر لك زوجك ويخليه لك
ويخلي لك ولدك يااااااارب
مشكووووووووووووووووووووووووره​

 

[عاشقة سوسو]

والله نفسي افيدك بس الحال من بعضو انا بكر وفي الشهر التاسع وماعرف شي عن الولادة استفدت من اجوبة الاخوات جزاهم الله خير

 

[دنيا العشق]

والله ماابغى أتخيل أن نهاية حملي فيه شي اسمه ولادة<<بكرية
شايلة هم الله لايوريكم..واحاول اتجاهل الولادة لوقتها
ماشاء الله البنات ماقصروا معك والله استفدت منهم
الله ييسر لك الولادة ولي والجميع..
نتظر معك تجارب البنات

 

[وردة ذبلااانة]

حتى انا بكريه
وفي التاسع

الله يسهل علينا كلنا أأأأأأأأميييين​

 

[جارة حرم مكة]

انا من كثر الروعه قاعده اقرا مع اني ماني بكرية بس الحمد لله البنات ماقصروا الله يهون علينا جميعا الولادة وييسرها

 

[روح مغليها]

الله يهون... استغفر الله لااله الا هو

 

[مدري ليش]

شكريات خواتي

 

[فجر..]

ياخواتي احذروا الشمم
العطورات القويه تسكر الرحم لابد ان تشربي مره مع القهوه لو شوي او بمويه وتشمينها وخذي معك مره وحلتيت وشمي لان الطاقم المستشفى حتى العاملات عطورات
والدعاء في الولاده لابن جبرين ممتاز الله يسهل علينا يارب

 

[فجر..]

واحذروا الصرااخ ترى مايجيب نتيجه بالعكس يتعبك بالفاضي
هدي اعصابك وخذي النفس وربك يسهل واسمعي كلام الممرضاات​

 

[الاموره القموره]

يــوه ذكــرتوني والله اني خــايفه من الولاده يارب تســهل علينا
انــا يوم بنتي ..نزل مــويه كثيره وخفت رحت للمستشفى علطول وقالت حلو انك جيتي لو متأخره خطر على البيبي وقلت للدكتوره ابغى امشي زي الحريم الي في الممرات يتمشــوت ورفضـت قالت انتي عندك مــويه وجلستني في السرير وقالت لاتتحركي حتى مــاتخلص المويه عن البيبي لانه خــطر..
وبالنسبه لشد البطن انا شديته يوم اويومين مدري نسيت بس يصير عندي الم في مكــان الخياطه وتركت وخفت بطلت ..وقالت لي وحده نامي على ظهـرك وشدي بطنك على ورا مو بشي لا بس تتنفسي يعني ترجعــي بطنك وانتي نايمه على ورا يارب تكوني فهمتين؟ لاتنسيــــــــني من دعواتك

 

[خطاك يغير غلاك]

وردة ذبلانه ,برادا الله يهون عليكم<<رحمتكم اللي قدامكم مو سهل هع هع<<بتخوفكم
شوفو الاعراض تختلف انا عن نفسي كانت الطلوق معي يومين بس كانت بارد ورحت وحجروني عندهم لان الرحم كان فاتح وهو فكولي المويه لا وابشركم عطوني طلق صناعي <<داخله اخرعكم نياااااااهاااااهاااي
يعني لو انكب عليك المويه وتصير كثيررره مرررررره مررره روحي او اذا بدت معاك طلوق حتى لوخفيفه لانو احتمال يكون الرحم فاتح كثير وانتي ماتدرين
وعلى قولت فجر لاتصرخين خلك قدعه وتحملي بقد ماتقدرين
وياااارب تهون ع كل حااامل وتسهل ولادتكم