اعتبروني وحدة من خواتكم وساعدوني

[سعاد٣٣]

ليس الذكي بسيد في قومه
لكن سيد قومه المتغابي

رضي الله عنك ياعلي علي هذه الابيات

اذا الرجال طيب واخلاق معك تغافلي تغيبي
انا انصحك انك تقولين له مره وحده كلمت علي وقالت لي كذا وكذا
وعطيه رقمها وقولي له انا ماصدقتها قلت يخاف ربه ومستحيل انه يمثل الدين وبعدين هو رجال والرجال مايسوي كذا
يعني هو اللحين بيشك فيها + ذكرتيه انه ملتزم + وذكرتيه برجولته

وبنفس الوقت تغيبيتي عن علاقته
اما مسالة انك تسكتين عن يوم تكلمك احسها قالت له او هددته وهو عارف انك تدرين وانك مسكته وكذا يدري ان، ماعندك ردة فعل

وبعدين اتركيها وادعي له اهم شي انه قايم بحقوقك كامله وماظلمك وهذي نزوه الفتن كثيره والشيطان مامات ويزين الحرام
وهي تبي خراب بيتك وبتعجز باذن الله
استغفري كثييييييييييييييييييير
والله يوفقك ويرده لك ردا جميلا

 

[نور القمرررر]

الله يسهل امرك وينصرك نصرا قريب باذن الله

مثل ماقالو البنات سجلي مكالماتها كذا بيكون الدليل اقوى ....

والبنت هاذي الله يفضحها شر فضيحه على اهون سبب وكل بنت تحاول انها تكلم رجال متزوج الله يفضحها ...​

 

[أم عيالي]

شكلها وحدة تبي تدمر حياتكم لأنها هي اللي ترسل يعني هو ما يرسل انتي قولي الرقم هذا مزعجني رقم غريب هو بيشوفه نفس الرقم اللي عنده وبيتصرف لكن لا يدري انك شاكة فيه لأنه الى الآن وهو برئ
والله يفرج همك

 

[أم عيالي]

زوجك برئ ولا توسوسين الرسايل منها وهي قدرت تشكك في زوجك احذري منها

 

[أنثى أستثنائيه]

كيف جابت رقمك لو هي صديقته ماراح تحصل الرقم بسهوله

انا اتوقع وحده تحب زوجك من قرايبكم وتبي تفرقكم

وزوجك مو غبي عشان يحتفظ برساله منها فيها مواعده اكيد تارك الرساله عشان يمسكها عليها واكيد وحده تستهبل عليه وبيعرف وش اخرتها


والله يستر لاتكون تسب فيك او تقول لزوجك اشياء تشككه فيك

ياقلبي ادري صعبه بس لاتتركين بنات الحرام يفرقون بينكم مدام انكم مبسوطين ومرتاحين واقري بذا المنتدى عن الرجال اللي مهبلين بزوجاتهم وبتحمدين ربك مليون مره


ولاتنسي الدعاء والاستغفار

وبعدين عندي سؤال كيف الرساله تدل على انهم يتقابلون وانتم بغربه يعني هي من وين؟

 

[اغلا من اللولو]

شوفي ياعمري انتي انتبهي هو باين انه مايخونك بس هي ارسلت على جوال زوجك بتخرب هي تلعب على الطرفين وانتي تقولين باين انهم يتقابلون يمكن هي حاطه الرساله كذا علشان انتي تقرينها المقصود انتي مو هو وهذي باين انها من الجماعه لو صاحبته كيف عرفت رقم جواله ورقم جوالك انتي صارحي زوجك قولي انا جتني مكالمه من ذا الرقم وكانت تقولي كذا وكذا ومره فتحت جوالك لقيت انها مرسله لك رساله

 

[الحجاب2]

الله يفرج همك وينصرك ويسخر زوجك لك ويره لك رد جميل

 

[دلوعة عمرو]

واي بنات صرت اخاف على زوجي من كثر ما اشوف قصصكم


الله يعينك ​