اطلق ولا دلووونيييي؟؟؟

ا

ام لأحلى قمرين

New member
إنضم
2010/04/05
المشاركات
32
سلام عليكم
خواتي البلقيسيات عندي م شكله وما اعرف كيف احلها وبدخل في الموضوع على طول خوااتي انا صارلي معرسه 3 سنوات وعندي ولدين المشكله اني صبرت واايد على زوجي وما اعرف هل اطلق منه ولا تعبت من التفكير في الطلاق واخاف اطلق منه واندم واذا تميت معاه اخاف نفسيتي تصير أرف زوجي مهمل في البيت واليهال دوم يبا يسافر واذا ما سافر يروح المناطق الي داخل الدوله في فتره الدوام في البيت واذا إجازه يظهر من المكان الي سااكنه فيه بتقولن ليه يمكن معرس لا لانه انا محطيه ناس يشووفونه قالوا مب معرس .
 
طييييييييييييييييييييب وين يروح؟؟؟؟ واذا بس على الطلع هذا هم اغلب الرررررررجال ماتقدري تغيييييري طبعهم طول عمرهم بره عكسنااااا
 
من خذته وهو يحب يدرس وانا مخلتنه عاادي يسير يدرس في الويكند ويرد على طول بس آخر فتره لاحظت عليه لا يطول هو هاي المره سار عنده امتحان ما صدقته بعدين شفت الأوراق بصدفه طلع صدق عنده امتحان سكتت وبعدين قالي بسافر قلت له وييييين وليش قالي ألحين عناد بسير . وطنشته قلت ما بيسويها ..
المهم دق لي مره ثانيه يسأل عن ملابسه وقالي طرشيها قلت له وين بتسير قال مب شغلج وين قلت له كيف مب شغلي من حقي اعرف قالي مب شغلج وسكر التلفون في ويهي صرت اطرش له مسجات وادق وهو طااف ما يسوي لي ساالفه قلت طرشت له مسج ليش مع كل الناس تعرف تتفاهم ويااايي إلا انا ابا اتفاهم معاك تمشي عني اووكيه ساافر الله وياك بس ما تدخل البيت اذا رديت اتخيلو شو رد علي انا لو بإيدي ما ارد البيت
رديت عليه اووكيه لا ادق على تلفوني ولا اطرش لي مسجات وما ابا منك شي مر يمكن ساعه بعدين طرش لي أنا آسف وما كلمته من امس الظهر لين ألحين دق اليوم عطيت ولدي يكلمه وقال له سلم على امك وانا الي سكرت
 
كلنا تحملنا سفر الزوج وكان عنا ولاد صغار وجلسنا ببيوتنا وربينا عيالنا وصبرنا لحتى كبروا ووقتها الرجل بيتحسن وبتقل مسؤلية العيال وبتروحى معه وبتبسطى لاتخربى بيتك مشان سبب كلنا مرينا فيه واجتزناه بسلام
 
مره كنت ضااايجه حيل شكيت حق وحده قالت لي ريلج مسحوور ما صدقتها قالت وحده سااحرتنه وهي ما تبا منه شي بس تبا يصرف عليها وبعد .
انا انتبهت له ما يبا يصرف على البيت ويقولي دوم ما عندي انتي اصرفي وانا طبعا لا ولا ادفع ولا شي لين صار اضاارب مع اخته تعرفون شو سوت طرشت لي مسجات هي طرشته له واتقوله كلام قوي وقالت له بخبر حرمتك عن سوالفك مع اربيعتك الي تصرف عليها وتعطيييها هداااياااا وغيره انا انصدمت وصدقت كلام اربيعتي قلت فخاطري نفس كلامها بس ألحين صار عندي الدليل بس بعد ما خبرته انه انا اعرف لانه بيسير بيضارب آكثر مع أخته وامه وليش اسوي مشاكل بيي يوم الكل بيتصالح وانا الي بتدمر حياتي صرت ادور على الأغراض الي خبرتني عنه اربيعتي وقالت لي انها هي بعد مسويه لج انتي بس انتبهي أي شي يعطيج لا تستخدمينه وهو فتشي في ملابسه وشوفي الهدايا الي عنده وصرت اشوف اشياء غريبه عنده وبسرعه اسوي الي تقوله رد اووكيه وياااي ومع البيت وصار يضحك ويسولف وكل شي بس بعدين انقلب الريال مره ثانيه وقلت الله يستر خبرتني انها اربيعته سوت له مره ثاانيه بس دووري عليه وشوفي وين دورت وكل شي بس للاسف ما حصلت شي عنده
 
الله يسخر لك يااااااارب هذا اللي اقدر اقول
 
ها اشياء عااديه يمكن عندكم بس في أشياء غيره انا ما ذكرتها لكم صار ما يحس يسولف ويااااييي ولا يرقد عندي واذا رقد بعيد حتى في الجنس يلمسني وبعدين يرد عني ما يحب
 
الله يصبرج ياقلبي ..
بس إلي اأقدر أقوله لج لا تتنازلين عن ريلج لها أبدا وتعطينها إياه على طبق من ذهب ..
حاذري أختي ..
ودومج تحصني وحصني أعيالج وبيتج وريلج ..وهو راقد أقري وأنفثي عليه ..
ودوووووووومج صورة البقره لاتفارق بيتج ..
وانتي أقريها بنفسج ..
ويوم بيطلع ريلج من عندج أستودعيه الذي لا تضيع ودائعه ..
وروحي لرقاه ثقه مو إي كلام ..
رقاه يقرون القران بوضوح مش مساسر ماتعرفين شو يقول ..
وأخير أختي أتمنى ان يرجع لج ريلج وتعيشون حياه سعيده ويحميكم من السحر والعين ..
ملحوظه :
يالغاليه عندي سؤال إشلون ربيعتج تعرف بإلي يصير لريلج..
لا تقولين تفتح الفنجان أو ورق ومن هالخرابيط ..
أنتبهي أختي أستعيني بالله فقط ..
وأخيرا أتمنى لج السعاده دنيا وأخره ..​
 
الله يفرج همك ويرد كيد اللي سحرك في نحره يارب
 
حبيبتي ماشوف بكلامك في مشكله كبيره


انتي تعودي من ابليس تقربي من الله ولزوجك
والله يسخر قلوبكم لبعض
 
اختي انتي اتشوفينها ما شي مشكله بس انا اشووفها كبيره لانه الكل ما يتركني في حالي وينه ليش دووم يترك البلاد الي نحن فيها ليش يغيب بالاسبوع ليييش ما يهتم في عياله وغير بيتج ما يهتم فيه يعني في اشياء وايد يبالها تصليح هو ابد ما يسووي شي يعني البيت يبا صيانه يقولي انتي عدليه انتي سوي كل شي يا ناس انا حرمه كيف اسوي ها كله ولا ولدي لما يقولي بنسير البيت شو اقوله اقوله ابوك محد يرد علي نسير نرقد عنده واقول حق زوجي بس ما يحس يتحراني اكذب عليه من كم يوم ولدي يقول الله بيتنه حلو اتخيلوا شو ردو عليه ليش انت عندك بيت شو البيت الي عندكم كله اغبار صبغه ما شي
 
نصيحه من مجرب لا لا لا لا لاتتركين بيتك المشكله تراها بسيطه لانها راح تنحل مع الزمن بكل سهوله انا مريت بنفس تجربتك اساليني وش استفدت غير الطلاق وحرماني من اولادي ياالغاليه لاتفرطين ببيتك وعيالك مثل ماسويت لانك راااااااااااااااااااااااااااااح تندمين ووقتها ماينفع الندم م م م م م م م
 
اختي سلسلة الغرباء تعبت ما اتحمل لما يقولون لي هو يصرف عليها واذا طلبت أكثر بعد يعطيها والمشكله هو تعبان وااايد وسوه كل الفحوصات وطلع ماعنده شي بس حاس انه حد مسووله شي بس ما يعترف لي بس لما ألمح له احسه فاهم كل شي وواضح عنده
 
يالله انا اتريه ردودكم على فكره نحن ما انكلم بعض ولا شي صار لنا يومين لا يتصل ولا انا اتصل بس اتصل مره وحده كلم ولده وسكر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل