اطلقت ومااقدر انساه

[segar_uae]

خواتي العزيزات ساعدوني وانصحوني والكم الاجر انا اطلقت وللمره الثانيه من زوجي وللاسف هذا الي احصله منه واالله شاهد عليه اني ماقصرت معاه كزوجه وام لبنته وهو الله يسامحه كانت سلبياته اكثر عن اجابياته وصبرت عليه في كل شي والله على شي صغبر وللاسف ماتاكد منه طلقني وفظحني عند اهله والمحاكم بس الحمد الله الله ماينسى عباده ولا المظلوم خواتي ابا انساه والله الكل يقول اني افتكيت منه اهليه واربيعاتي بس انا مب قادره اشله من بالي و بس الاشيا الحلوه الي فيه اتي فبالي ماعرف قمت انهار وامرض مااحب اطلع ولا ايلس مع خواتي ولا ربيعاتي ابا ارجعله ونفس الوقت مستحيل انا نرجع لبعض والله احترت ومب عارفه شو اسوي والحينه ولد خالتيه خاطبني وشارني بس انا محتاره لان احس مابنسا طليقي ساعدوني والله يفرج على كل وحده عندها مشكله

 

[ايام غربه]

استخيري واشتري اللي شاريك وياكثر اللي تطلقو من ناس يحبونهم وربي يرزقهم ويعوضهم بالافضل وانتي لا تدفنين عمرك على شخص باعك وفضحك
والله يكتـــــــــــــــــــــــــب لك الخـــــــــــــــــــــــــــــــــــــــــــير وين ماكان

 

[مييم]

انتي صبرتي عليه وعلى سلبياته وفي الاخير باعم على شي تافه هذا يعني انه مالك قدر عنده

انتي الحين تفكرين فيه لانه طلقك بس لو رجعتي له راح تندمين


نصيحتي لك فكري في مستقبلك وحياتك وروحي للي شاريك إلا اذا كانت عاجبتك حياة الذل هذا شي ثاني

 

[segar_uae]

يزاج الله خير يا ايام غربه انشالله الله يجدم الي فيه الخير بس وايد خايفه اخاف اندم ليش فكرت فالزواج مره ثانيه وانا عقلي معاه لان والله ماكنت اتخيل عمري اني اطلق لان كنت وايد احب زوجي وبيتي واهله وماقصرت معاهم والله بس ليش لها الدرجه الناس مافيها خير وتنكر المعروف واتخيلو 8 شهور او اكثر ماسال عن بنته ولا يعرف اذا حيه ولا ميته

 

[صاحبة السمو ء]

الله يكون في عونك
وحاولي تلهين نفسك بشغل او عمل
والله ماراح ينساك وراح يعوضك باالي يستاهلك

 

[ايام غربه]

يزاج الله خير يا ايام غربه انشالله الله يجدم الي فيه الخير بس وايد خايفه اخاف اندم ليش فكرت فالزواج مره ثانيه وانا عقلي معاه لان والله ماكنت اتخيل عمري اني اطلق لان كنت وايد احب زوجي وبيتي واهله وماقصرت معاهم والله بس ليش لها الدرجه الناس مافيها خير وتنكر المعروف واتخيلو 8 شهور او اكثر ماسال عن بنته ولا يعرف اذا حيه ولا ميته

سبحان الله المره دووووم تغلبها العواطف انتي قلتيها تحبينهم وتحبين اهله وبيته وهو باعك خلاص اصحي لازم تفكرين زين الانسان اللي حبيتيه وقدمتي كل شي له هو اش عطاك بالمقابل انا ماني عارفه سبب الطلاق لكن مهما يكون اللي يحب يضحي لاخر شي لو على الاقل علشان بنته وانتي تقولين ماسال عنها وللحين تحبينه انتي فكري بعقلك بعيد عن العواطف وحبك له يعني لو رفضتي المتقدم لك هو بيرجعك والا انتي بتقولين تعال رجعني فكري فيها زين والا بتضلين تفكرين طول عمرك وترفضين كل من تقدم لك وهو مو سال ​

 

[segar_uae]

صح كلامكم الكل يقول اني افتكيت منه ومن اهله وانه مايستاهلني وبذات الي يطعن زوجته فشرفها ظلم بس الحمدالله بانت الحقيقه بس فيه اشيا كنت احبها فيه واخاف مالقاها عند الي خاطبني او اي حد

 

[مدنفة أوصالي]

صبرٌ جميل والله المستعان

عندنا وعندك خير ياغالية ، والله مدري أحس كنك تتكلمين عني بس

الفرق بيني وبينك ان ما بيننا عيال للحين ، وللاسف الكل في بيتنا مو راضي

عنه ولا يبيه الا انا وامي اللي نشوف للحين في الناس خير، وماندري هل نحن

اللي طيبين بزيادة ولا هو فعلا انظلم، عموما غاليتي عليك بكثرة الاستغفار

وادعي ترى حنا ماندعي اي شخص، حنا ندعي رب كريم ويعلم ما في نفوسنا من أمور نحبها

ونتمناها ونطلبها ، صدقيني اصبرك وانا اصبر نفسي قبلك ،لاني حتى طلعة من البيت ماعدت

اطلع وبصراحة اللي مصبرني اني اقوم كل يوم متفائلة ومحسنة الظن بالله انه رح يكون اجمل

من الأمس واسمع لي كم محاضرة في الصبر وثواب المهموم والدعوات المستجابة

الله يسعدك وينفس عليك ويعطيك حتى يرضيك ،، ابشري بالخير ياغالية والله اني حاسة فيك

ولا بقول اللي باعك بيعيه ولكني بقول استخيري في ولد خالتك ما تدرين يمكن باب رزق انفتح

لك ومع كثرة الاستخارة رح تصير في مساحة كبيرة تركها طليقك ليحتلها ولد خالتك بإذن الله

يارب ان كان في طليقك خير لك الله يرده بعد ما يهديه ويصلح قلبه ويجعله من اخير الناس لك ولبنتك

وان كان فيه شر الله يغسل محبته من قلبك ويبدلك خييييييييييير مما تتصورين في بالك ونفسك

 

[نور كندا]

طوال الوقت البلقيسيات ينصحون بطولة البال وعدم الخناق مع الزوج وعدم اختلاق المشاكل والحياة بهدوء ومسايرة وتطنيش وازا الرجل فيه خصله واحدة تتحمد الزوجة الله عليها ولاتطلب التغيير من الرجل بل هى من يجب ان يتغير وبعد هاد كله نسمع بالطلاق المر وبعدها حزن الزوجة وزعلها يااختى انتهى الامر ولن تنفع المشورة الان ومالك غير الصبر والنسيان لانك انتى اوصلتى نفسك لهالنهاية السيئة للاسف ولم يعد هناك حل الا الصبر وعدم تكرار الاخطاء يلى ارتكبتيها بالحياة ازا قدر الله وتزوجتى مرة تانية

 

[($(متفائلة)$)]

استخيري ولد خالتك ان شاءالله يعوضك

 

[روح تائهه]

انسي طليقك وشوفي حياتك شخص مطنش بنته 8شهور ولسه تفكري فيه كبري عقلك والله يسعدك مع ولدخالتك

 

[الصبوره]

استخيري رب العالمين بس من اسلوبك أشوف إنك لست مستعده للزواج الثاني بس أهم شئ استخيري رب العالمين وممكن تطلبين من ولد خالتك يصبر شوي لأنك بعدك تعبانة ونفسيتك مب تمام.
الله يقدملك اللي فيه الخير

 

[جواهر 2010]

هلا اختي انسيه انا والله شفتي اظلم منه وامه وكمان جاني مرض جنسي من سفراته والله انه كل ارجال ميستهلوان

 

[segar_uae]

والله كلامج يبردالقلب يامدفنه اوصالي وشكرا لكل وحده ردت عليه والله يجازيكم خير وانشالله الله بيفرجها وانا ماغلطت الايوم سويت المستحيل يوم كنت عنده بس عشان ارضيه وهو كان يعاملني معامله ماتتحملها جبال بس ابا انساه ماباافكر فيه وكيف ماعرف

 

[مـــاربيل]

حبيبتي انتي تحبينه وتحبين اهله وتحبين ايجابياته وتتناسين سلبياته وتحبين بيتك طيب وبعدين
نفسك وين محبتك لها **حبي اي شيء بس حبي نفسك اكثر اكرمي نفسك وعزي شانك
استخيري ربك ولا تقولين اخاف مالقى الي احبه فيه //لا يمكن تلقين الي افضل بعد //ربك كــــــــــــــريم اغلق في وجهك باب فكوني على ثقة انه فتحلك ابواب خيرا منة
الله يوفقك ويكتبلك الخير والصلاح

 

[سفن بااارد]

رااااااي نفس رااااي الاخت ايام غربة واستخيري والله يوفقك

 

[زهور البستان]

صعب تنسيه اول الوقت ولكن لا تنسين انه باعك

لذالك استخيري الله في زواجك وشوفي ايجابياته

 

[سموره22]

الله يعوضك خير منه عيشي حياتك وشوفي نفسك ماراح ينفعك حنينك وحبك مايستاهلك
استخيري في امر ولد خالتك والله يختارلك الخير

 

[ابتسامه مهجوره]

الله يعينك

 

[الامومه]

فكري بعقلك وليس بعواطفك
الله سبحانه وتعالى خلق الانسان مكرم له تقديره وكيانه
الا اذا انتي ماتحبين نفسك وتعيشينها بكرامه هذا شي ثاني
اعذريني على اسلوبي بس لازم تكوني صارمه مع نفسك