جنينة امها
New member
- إنضم
- 2009/09/15
- المشاركات
- 232
شوفي اختي مادام زوجتس يحبتس انتي صدقيني مهما صار مرده لتس ولا راح يرتاح الا معتس لكن اكيد انتي تغيرتي معه وخلا اهله يحتوونه ويزينون زوجته بعينه وعلى كلامتس
صار يشوفها هي اللي مهضومه حقوقها وانتي اللي ماخذه حقتس كامل
شوفي بقولتس سالفة وحده من صديقاتي المدرسات وشوفي بذكائها قدرت ترجع زوجها
البنت تزوجت وحبته وهو تعلق فيها وحبها بعد زواج سبع سنوات وعلاج فقد الامل في العيال مع ان له بنت وولد قبل مايتزوجها كانت عون له بنت معاه البيت كل فلوسها كانت تروح في البيت حطت فيه اكثر منه والبيت مسجله باسمه تزوج عليها بعد كذا وطلب انها تسكن معها بنفس البيت المهم اسكنت معها وزوجته حملت على طول وماشاءالله كل سنه جايبه طفل اكيد الاطفال يجذبون ابوهم مع انها تقول يرتاح عندي اكثر بس اغلب وقته يقضيه مع عياله تقول غصب علي ماتحملت الموقف مع انه يراعي مشاعري
لاني كنت اضغط عليه واطالبه يجلس عندي ويعطيني حقي ماكان الوضع سيء
لكن اللي حصل والطامه الكبرى انه تزوج على وحده ثالثه
الثانيه كانت مسالمه وماضرتها لكن الثالثه حيه رقطا سيطرت على الرجال تقول الكلمه كلمتها بعد ماكان يقتنع برايها هي
معاد تحملت وطلعت عن البيت وصار بيتها اللي دافعه فلوسها فيه يسكنونه حريمه الثنتين شفتي غبنه وقهر اكثر من كذا
رفضت ترجع وهو ماصر عليه لكن فقد البنك المتحرك اللي يساعده خاصه ان حريمه مهوب موظفات بعد ماتمت عند اخوها شهرين قام يتودد لها ويطلب رجعتها وانها هي الغاليه عنده والاساس وانها بعد ماراحت معاد ذاق الراحه من صدعت حريمه وبزرانهم لان الثانيه عندها اربعه والثالثه اثنين
تقول بعد تفكير ومشاوره مع اخوي اتفقنا انا وياه ان غايته هي راتبي اللي بيساعده على معيشة حريمه وبما انها تحبه ومالها بالزواج مره ثانيه قررت ترجع وبعد مشاورتها لي اتفقت انا وايها على الشروط وعرضتها على اخوها اللي اعجبته
اولها تاخذ لها فله باسمها على البنك براتبها وتطلع فيها يعني من بيت اخوها للفله تسكن في الدور الارضي وتاجر الدور الثاني واجاره يروح لاخوها لانه شاري لها ارض سلف وتسدد هي الفلوس لاخوها حقه من اجار الدور ( طبعن هذي كذبه عشان مايبقق عيونه وياخذ اجار الدور بعد زن ويفقد الامل فيه )
الثاني ماتشوف حريمه ابد واجبها بس لامه وخواته الثنتين والزيارات معهم والعزايم كل مره تروح وحده من حريمه هي مادخلها لو اجتمعو الثنتين لكن هي لا ماتبي تشوفهم مع ان علاقتها بالثانيه حلوه مش زي الثالثه
الرابع يقعد يومه كامل عندها مايقول عيالي وعيالي
الخامس يوفر سواق خاص لزوجات الثلاث اللي مايكون عندها تاخذه يسوي اغراضها
وطبعن اتفقت معها انها ماتجيب عنده سيرة حريمه حتى لو قهروها وتعرضو لها تعتبر مالهم وجود وتحاول بقدر الامكان توفر له الراحه اذا صار عندها وتنسيه عياله وحريمه
وتستخدم اسلوب الخوف وانها تخاف الحاله ولازم يمرها يتفقدها ويتصل وعاد تعالي شوفي وشلون الاسلوب والخوف حتى مره قالت له ان فيه صوت حرامي طب عليها وخايفه وهي سمعت بسه وعارفه انها بسه وطلبت مايتركها لانها خايفه وكان يوم الثالثه اللي تكرها تقول طرطعت من القهر لانه عندها في يومها واليوم الثاني يوم الثانيه زعلو وخانقوه زعل عليهم وعاقيهم اسبوع كامل وهو عندها بس يمر عليهم ويشوف طلباتهم والقعده والنوم عندها
المهم هو حاول انها تتنازل عن الشروط وخاصه شرط الفله خاصه ان الراتب بيروح والبيت بيكون بسمها لانه متعود على حبابتها وصرفها هي رفضت
ارجعت له بشروطها وسوت له اللي اتفقنا عليه وصار مايفرقها ابد تقول حتى ايام حريمه يدور فرصه يهرب منهم عندها مايمر يوم مايدخل عليها وتنرفز حريمه ودايم يقولون انك تفضله علينا وكان عذره انها ساكنه بعيد عنهم وماعندها عيال وهو يخاف عليها عشان كذا مايتركها من الاتصالات ولزيارات المتواصله
تقول ولله ان حالي صار افضل من قبل زواجه
عشان كذا اطلب منتس انتس دلعينه وتغيرين جوه وتنسينه الزوجه والعيال ولا تجيبين سيرة زوجته وعياله واهله ماكنهم موجودين مادامه يحبتس صدقيني انتي بتكونين الاساس ولو بعد حين
صار يشوفها هي اللي مهضومه حقوقها وانتي اللي ماخذه حقتس كامل
شوفي بقولتس سالفة وحده من صديقاتي المدرسات وشوفي بذكائها قدرت ترجع زوجها
البنت تزوجت وحبته وهو تعلق فيها وحبها بعد زواج سبع سنوات وعلاج فقد الامل في العيال مع ان له بنت وولد قبل مايتزوجها كانت عون له بنت معاه البيت كل فلوسها كانت تروح في البيت حطت فيه اكثر منه والبيت مسجله باسمه تزوج عليها بعد كذا وطلب انها تسكن معها بنفس البيت المهم اسكنت معها وزوجته حملت على طول وماشاءالله كل سنه جايبه طفل اكيد الاطفال يجذبون ابوهم مع انها تقول يرتاح عندي اكثر بس اغلب وقته يقضيه مع عياله تقول غصب علي ماتحملت الموقف مع انه يراعي مشاعري
لاني كنت اضغط عليه واطالبه يجلس عندي ويعطيني حقي ماكان الوضع سيء
لكن اللي حصل والطامه الكبرى انه تزوج على وحده ثالثه
الثانيه كانت مسالمه وماضرتها لكن الثالثه حيه رقطا سيطرت على الرجال تقول الكلمه كلمتها بعد ماكان يقتنع برايها هي
معاد تحملت وطلعت عن البيت وصار بيتها اللي دافعه فلوسها فيه يسكنونه حريمه الثنتين شفتي غبنه وقهر اكثر من كذا
رفضت ترجع وهو ماصر عليه لكن فقد البنك المتحرك اللي يساعده خاصه ان حريمه مهوب موظفات بعد ماتمت عند اخوها شهرين قام يتودد لها ويطلب رجعتها وانها هي الغاليه عنده والاساس وانها بعد ماراحت معاد ذاق الراحه من صدعت حريمه وبزرانهم لان الثانيه عندها اربعه والثالثه اثنين
تقول بعد تفكير ومشاوره مع اخوي اتفقنا انا وياه ان غايته هي راتبي اللي بيساعده على معيشة حريمه وبما انها تحبه ومالها بالزواج مره ثانيه قررت ترجع وبعد مشاورتها لي اتفقت انا وايها على الشروط وعرضتها على اخوها اللي اعجبته
اولها تاخذ لها فله باسمها على البنك براتبها وتطلع فيها يعني من بيت اخوها للفله تسكن في الدور الارضي وتاجر الدور الثاني واجاره يروح لاخوها لانه شاري لها ارض سلف وتسدد هي الفلوس لاخوها حقه من اجار الدور ( طبعن هذي كذبه عشان مايبقق عيونه وياخذ اجار الدور بعد زن ويفقد الامل فيه )
الثاني ماتشوف حريمه ابد واجبها بس لامه وخواته الثنتين والزيارات معهم والعزايم كل مره تروح وحده من حريمه هي مادخلها لو اجتمعو الثنتين لكن هي لا ماتبي تشوفهم مع ان علاقتها بالثانيه حلوه مش زي الثالثه
الرابع يقعد يومه كامل عندها مايقول عيالي وعيالي
الخامس يوفر سواق خاص لزوجات الثلاث اللي مايكون عندها تاخذه يسوي اغراضها
وطبعن اتفقت معها انها ماتجيب عنده سيرة حريمه حتى لو قهروها وتعرضو لها تعتبر مالهم وجود وتحاول بقدر الامكان توفر له الراحه اذا صار عندها وتنسيه عياله وحريمه
وتستخدم اسلوب الخوف وانها تخاف الحاله ولازم يمرها يتفقدها ويتصل وعاد تعالي شوفي وشلون الاسلوب والخوف حتى مره قالت له ان فيه صوت حرامي طب عليها وخايفه وهي سمعت بسه وعارفه انها بسه وطلبت مايتركها لانها خايفه وكان يوم الثالثه اللي تكرها تقول طرطعت من القهر لانه عندها في يومها واليوم الثاني يوم الثانيه زعلو وخانقوه زعل عليهم وعاقيهم اسبوع كامل وهو عندها بس يمر عليهم ويشوف طلباتهم والقعده والنوم عندها
المهم هو حاول انها تتنازل عن الشروط وخاصه شرط الفله خاصه ان الراتب بيروح والبيت بيكون بسمها لانه متعود على حبابتها وصرفها هي رفضت
ارجعت له بشروطها وسوت له اللي اتفقنا عليه وصار مايفرقها ابد تقول حتى ايام حريمه يدور فرصه يهرب منهم عندها مايمر يوم مايدخل عليها وتنرفز حريمه ودايم يقولون انك تفضله علينا وكان عذره انها ساكنه بعيد عنهم وماعندها عيال وهو يخاف عليها عشان كذا مايتركها من الاتصالات ولزيارات المتواصله
تقول ولله ان حالي صار افضل من قبل زواجه
عشان كذا اطلب منتس انتس دلعينه وتغيرين جوه وتنسينه الزوجه والعيال ولا تجيبين سيرة زوجته وعياله واهله ماكنهم موجودين مادامه يحبتس صدقيني انتي بتكونين الاساس ولو بعد حين
