السلام عليكم ورحمة الله وبركــاته ..
هنيئا لك بأجر تربية ورعاية جاريتيك وجزاك الله عنهما جنــــات النعيم ..
أخيتي وضع زوجك معكم ومع نفسه قبلكم ومع ربه فيه خلل ..
اسعي حازمة أنكم تكونون بمدينة وبيت واحد طول العمر .. فبعدكم المستمر ينفره منك وهذه ردة فعله .. وسمعت من بعض النساء مثل وضعكم كل واحد بمدينة بسبب ظروف العمل او الدراسة والزوج أصبح ينفر وعدواني على الزوجه واولادها لأنه يحس انه ماله اي قيمة في حياااتهم ووجوده ماله اي تاثير وعدمه ايضا ..
أنظري لزوجك أنه شخص مريض وتجب له رعــاية ومعاملة خاصه ..
أجعلي الأجواء في منزلكم أجواء إيمانية وأطردي ما تستطيعن من بيتك ما يغضب الله ..
وعلاج بناتك اذهبوا سويا من منطقت زوجك لمنطقة اللي فيها المستشفى .. واجعليه احيانا يذهب بهم وحده حتى يشعر بمسؤوليته كأب ويعطف عليهم أكثر ..
واذا كنت عند أهلك ارسلي له رسائل تحسسه بقيمته وأنك فقدتيه ..
واطلبي منه يوديك لبعض مشاويرك الضرورية وقولي اهلي كلهم مشغولين واختاري اوقات يكون يقدر يجيكم ..
وخليك دائما مرتبة ونظيفة وشكلك جذاب وانوثي حتى وانتي بقمة انشغالك ببناتك او بيتك ..
واشغلي نفسك ببيتك بقراءة القرآن والكتب والترتيب وهوياتك ..
جيبي قهوتكم وتقهوو عنده بالمجلس .. واجعليه نظيف ومرتب ومعطر دائما .. حتى يحس بوجودك ..
ولا تسألينه أبدا عن سبب نفوره او ليش سافهكم لا تجيبين لها السوالف طاري ..
وامدحيه دائما امامه وقولي له وش حنا لو لا اللــه ثم أنت ..وامتدحي رجولته ..
وادعيء له دائما أنه يخليه لكم ولبناتك ..
واذا نادك لحاجتكم خليك مستمتعه وحسسيه انك تشاركينه وامدحيه وانك مبسوطه من رجولته ..!
..
أخيتي ما يحدث لزوجك يحدث كثير لبعض الأسر ..
لكن يجب عليك كثيرا من الصبر والحكمة والفطنة ..
والطلاق والخلاص بالزواج من آخرى أخر الحلول وغالبا ما يأتي بهذا الحل العجااااز والكسول والمستسلم لا يريد صبرا ولا تفكيرا .. والتخلص بهذا الحل الجاهز المدمر ..
وفقك الله لما فيه خير الدنيــا والأخرى ..
