اطلب استشاره ورأي من كل متزوجه......

الله يكون في عون المتزوجات جميعا والله ان الظلم اللي احنا نعانيه موهين ويمكن لو الاقي اللي يهتم بعمي كان من زمان طلعت ولا اهتميت وتحملت احد.....اما الزوج فالله يصبرني عليه ويعوضني خير يعني كل الرجال نفس الشي الا من رحم الله فما اتوقع اني ان تركته ابلاقي زوج غيره خالي من العيوب على الاقل تعودت على عيوبه وماله اي اهميه عندي حاليا همي نفسي وعيالي وعمي........خواتي المتزوجات شكرا على كل ردودكم الطيبه......
 
واللة يا عمري اذا عندي اولاد وما استغنى عنهم مجبورة اتحمل يعني وين بروح الاهل دام بنتهم اتزوجت خلاص ما لها الا بيتها وان اتحملوني طبعا العيال لاء لكن بصبر نفسي ان لكل شيء نهاية وما راح يدومون واهم شيء زوجي كل شيء يهون دام ما فكر يجيب وحدة على راسك وللة الحمد وترى الابيوت ما تخلى:sad_1:
 
واايد نفس حالتج حبيبتي ميخالف تصبري واحتسبي الاجر ومحد ايدور المثاليه بس اتوقع كلنا نضحي علشان

عيالنا ولان مافي خيار اخر ، انشالله باجر عيالج ايعوضونج عن كل شي

ولا بهالزمن ما قمت اثق بريل ولا حتى احبه واتوقع منه اي شي
 
الله يكون في عونك , ومالك الا الصبررر وخذي اي مريض مرض وشووفي كيف هو متعايش مع مرضه لوكان سكر سوى حميه ولو ضغط نسى الملح ويمشي كل عمره على الادويه والابر وينحرم من اشياء كثيره حلوووه وتلقينه مبسووووط:1eye: والاهم من هذا يكون ماجوووور اذا صبر واحتسب :clap: خطرت لي فكره وانا اقراء موضوعك:cupidarrow: ليش ماتطليعين ببيت مستقل وتطلبين من عمك انه يجي معكم وتعذرو بان البيت صغير وودكم تتوسعون وتعيشين مع عيالك وابوهم وعمك الطيب احلى عيشه:bye1:
 
حبيبتى اي اقدار اذا كان الرجل طيب ويستاهل اقدار ايش عليكي من اهله لو كانوا جن اهم شي زوجك تقدرين تعيشين من غير حب اول شي القلب قلوب اليوم ماتحبيه بكره غصب تحبيه مع العشره في شي اسمه رحمه احترم اهم شي احيانا الحب ينقلب كره موا شرط اهم شي زوجك حاولي تحبيه اذا كان طيب تقربي منه اكثر
 
الله يجزاكم خير ياخواتي والله ادري اني ثقلت عليكم وضايقتكم وكل حل وراي منكم قريته وسبق اني فكرت فيهم وعمي قلنا له يجي معانا مع عمتي بس عمي رفض يطلع من بيته تعرفون الشيبان وتفكيرهم وما ينلامون هذا البيت عزوتهم وعلى قولت المثل من طلع من داره قل مقداره...

اما الزوج فمشكلته مشكله لان الاحترام اللي بينا بدا يقل وانا ما اخبي عليكم كنت احبه بس هالحب تدمر لانه مالقى اهتمام ولا رعايه الله يسامحه وانا حتى لو يحبني هالحب ماله اي قيمه عندي..يعني اللي يحب مو المفروض يحافظ على هالحب مو يهمل ويخون ويقصر بحقوقي يللا اهو تعودت على مشاكله ماهمني اللحين افكر بنفسي وعيالي وابي راحتهم وراحتي قبلهم علشان اقدر اربيهم بما يرضي الله وابخلي ابوهم يمي رحمة فيهم وبس....
 
الله يصبر قلبج أختي ويسعدج دنيا وآخرة
اسمحي لي أختي على الرد السابق لأني فهمتج "غلط "
ماكنت أدري إنج هالكثر طيبة وخلوقة ومتسامحة وممكن تضحين براحتج ومصلحتج وسعادتج علشان غيرج
والله ان غيرج مايسويها!
بس أجرج عند رب العالمين كبير
والله أحس إنج تعيشين سلسلة مشاكل لها أول مالها آخر!!
يعني كفاية مستحملة أبوه وهله بعد يخونج؟؟ اش هالرياييل اللي عندهم النعمة جدامهم ولا هم بحاسين فيها
غيرهم مو لاقيين !!!

بس مالج الا الصبر والدعاء ، الله سبحانه وتعالى ما ينساج وهو أرحم الراحمين

وتقبلي خالص تحياتي واحترامي لشخصك الرائع








 
نسيت اقول لج أن الخيانة صاير مثل الفايروس منتشر بشكل مو طبيعي!!

أنصحج تستفيدين من القصص الموجودة بالمنتدى مثل قصة ام بسمة وقصة ام الوليد فيهم العبر
 
دندونه !!!!

والله على بالي انا اللي كتبت المشكلة بمعرف جديد

لكن الفرق ان زوجي ما عنده شي اسمها خيانة ولله الف حمد و شكر .... و يعاملني بما يرضي الله

لكنه جاف في مشاعرة كأي رجل شمالي غربي ...صامت ..غامض ...عواطفة غامضة ...لكنه الشهادة لله يحترمني

اما عن عمك ...فأنا ايضا اهتم بعمي ...لان زوجي هو الابن الكبير و هو المسؤول عنه

وعمي ما في مثلة ...طيبة و حنية و اخلاق ...ويحبني و يقدرني

ومثل ما انت تسوين لعمك ...انا بعد اسوي

الفرق ان عمتي متوفية من تسع سنوات

انا كنت ساكنه في بيت لحالي ...ولكن لما توفقت عمتي ...عمي ما رضى يطلع بيت لحالة ...فاضطرينا ننتقل

توقعنا انه يتزوج ...لكنه خايف من بناته

بناته طيبات معي جدا ...هذا شي لا انكره ... ولكني في المقابل شايلة عمي و فاتحة لهم البيت

هم ما شاء الله تبارك الله عائلة كبيرة جدا جدا جدا

وفي كل مناسبة يجتمعون في بيت ابوهم ... و يظلون بالايام والاسابيع في بعض الاحيان

والخدمة على من ؟؟؟؟؟؟علي انا ...

طيب زوجوا ابوكم ...انا حياتي انقلبت 180درجة ...كانت لي استقلاليتي و خصوصيتي ...اما الان ما عندي شي خاص بي الا غرفتي

لكنهم لا يريدون ان يزوجوا ابوهم ...حتى لا يتغير عليهم شي في البيت

الخلاصة من كلامي ....انت غير مسؤوله هذه المسؤولية عن عمك ....انت عمتك موجوده يعني المفروض هي المسؤولة .... بناته موجودات ....هن مسؤولات

انت للي طيبة و مثالية بزيادة ....ولكن على حساب من هذه المثالية ..؟؟؟؟؟ على حسابك انت و عيالك

انت مو مجبورة تعيشي معهم ..... استقلي بحياتك ..حتى تستطيعي ان تنظميها اكثر

حتى تستطيعي ان تستفردي بزوجك ...اما في هذه المعمعة ....مستحيل تستطيعين ان تسيطري على عائلتك

لا اقول لك اقطعي العلاقة ....لا .... فصلة الرحم هي من تطول الاعمار و تجلب الرزق و البركة

زوري عمك كل يوم لو اردتي ...ولكن استقلي

انت عندك بديل ...لكن انا ليس لي بديل

تنازلت عن اشياء كثيرة بعد سكني مع عمي في البيت ... افتقدت اشياء كثيرة ...ولكن احتسب الاجر عند الله

واتمنى ..وهذه ليست انانية ...هذا من حقي ان يتزوج كي اعيش حياتي التي تعودت عليها قبل تسع سنوات

انت وانا مثاليات جدا ...وهذا متعب

انا من زود مثاليتي ...اصبت بالاكتئاب و القلق والتوتر ... واتعالج لي الان ثمان سنوات من الاكتئاب

وخاصة ان رضى الناس غاية لا تدرك .... لو تولعين اصابعك العشرة شمع ... لن تلاقي من يقدر

انفذي بحياتك و نفسيك و عيالك ...وهذه ليست انانية ...هذا حقك

خاصة ان عمك معه من يهتم به

وانت في الاول والاخير صاحبة الخيار

وربي يجازيك و يجازيني والمؤمني كل خير
 
يا حياتي اقدر اقط الناس كلهم ورى ظهري واشوف نفسي بس انت ما تدرين كيف عمي طيب..وكيف حقه مهمل بالبيت اصلا عمتي ما تهتم فيه بالمره لانها كبيره وعجزانه عن نفسها...وانا ما اهتم بعمي الا لانه يستاهل وحتى ارضي ضميري واعود عيالي على خدمة الكبار بالسن مو مهم عندي رضى الناس المهم رضى الله ولرضاي عن نفسي...وانتي الله يعينج وعندج خيارات شوفي اللي ينابج واتخذي قرار ونفذي دام عمج يقدر يتزوج خليه يتزوج على الاقل يلقى ونيس اما عمي لو بعافيه جان زوجته ومحد همني بس حرام تعبان والله اعلم بحاله الله يعافيه ويخليه والله اني اخاف عليه مثل ما اخاف على عيالي
 
اختي روح الورد ..عادي حبيبتي ردج ما فيه اي شي يزعل وانا ابي الكل يشارك برايه حتى لو كان جارح علشان اقدر افهم الوضع اللي انا فيه يمكن انا اشوف نفسي صح واكون غلط وانتم اللي راح تنبهون على هالغلط خذي راحتج بالرد انتي وباقي الخوات لاني ابي اعرف وين الغلط بحياتي حتى اقدر اتجاوزه وبارك الله فيكم ياخواتي ونعم البنات والله
 
عزيزتي ...ربي يجازيك كل خير

والجزاء من جنس العمل


ولكن لا يكلف الله نفس الا وسعها

انت اللي عليك سويتيه ...,ولكن اذا يوصل الامر بانك تضغطي على نفسك و يصير على حسابك و على حساب عيالك ...هذا الله ما يرضاه

لو الامر متعلق فيك انت وبس كان قلنا انك انسانة مضحية و ايثارية

لكن لا تنسي ...ان الامر فيه عيالك و زوجك ...وهم لهم حقوق عليك لازم ما تغفلي عنها

انت صحيح تبغي تربي عيالك على انهم يبرون باهلهم ...لكن مو بهذه الطريقة

تقدرين تخلين عيالك يفهمون البر ...بانك تخلينهم يزورون اهلهم ...تبيني لهم انك مهما استقليتي في بيت لحالك انك لازم تواصلي صلة الرحم بالاهل

وانا اشوف انهم راح يشعرون بقيمة هذه المهمة اذا كانوا بعاد و مع ذالك يظلون على تواصل مستمر مع اهلهم

لكن بما انكم مع اهلهم في البيت ...فيظنون ان هذا امر طبيعي بما انكم مع بعض ..

شوفي عزيزتي ...بما انك شايلة الامر و المسؤولية عن بناته فأكيد راح يرفعون ايدينهم عن السؤولية

لكن لو تتركينهم امام الامر الواقع ....مستحيل راح يهملون ابوهم

وانت كل يوم روحي زورية و تفقدي امورة

هذا راي ...وانت لك القرار الاخير

وربي يجازيك الخير
 
بارك الله فيج اختي عنقود العنب...ومشكوره على رايج الطيب لكن للاسف عمي الله ما رزقه بنات ما عنده الا حريم عياله وكل وحده لاهيه بنفسها وعيالها على الخادمه وعمي له الله لو عنده بنت اكيد مو هذا حاله جان حنت عليه واهتمت فيه...وعمي يعتبرني مثل بنته ومو مقصر فيني فكيف اطلع عنه.....لكني انشاء الله قاعده احاول اقنعه نتوسع ونشتري بيت واذا يبي يحطه باسمه وهو مو راضي يحطه باسمه خايف على حقي يضيع عقبه الله يطول بعمره لكنه شبه مقتنع بفكرة البيت الجديد وانا قلت له البيت ضاق علينا والعيال يبون مكان اوسع وانهم مو راضين يطلعون الا وانت معانا ....يعني حملته مسئولية معاناة عيالي علشان يضحي لهم ويطلع معانا ...مع اني سببت له شوية ضيق الا ان هذا لمصلحته لانه بحاجة العنايه والاهتمام...

تدرون يا بنات ان عمي لما كلمته اول كلمه قالها تروحين عني ؟ولمن تخليني يا بنيتي ؟" وحبس دموعه عني كسر خاطري وبكاني ....

الله يوفق كل من ردت علي وكل من قرات مشكلتي وما قدرت ترد لسبب او بدون سبب جزاكم الله الف خير والله يسخر لكم ازواجكم ويرزقكن الذريه الصالحه ويقدركن على فعل الخير ويسخر لكن كل من يقدر عليكن ولا تقدرن عليه ويكفيكن شره............آمين
 
مرحبا حبيبتي انتي تقولي ان معاك اطفال يعني بالعشره الزوج ينحب بس يمكن انتي حاطه في بالك انك
تحترمينه وبس وانك ماتحبينه اعتقد انه لما يسافر اويبتعد تحسين بحبك له اواذا حبيتي تختبرين نفسك
تخيلي حياتك بدونه (الله يطول في عمره ويخليه) تخيلي لو يدق عليك احد يقولك صار حادث اوغيره (فال الله ولا فالي)بس انا اقول تخيلي صدقيني راح تحسين بشي ياكل قلبك
اما بالنسبه لاهله لازم تتحملين لاجل عين تكرم مدينه خليك انتي الأحسن والصبر جميل لابد ان الله يفرجها
الله يهديكم لبعضكم ويسخره لك..تحيااااااااااااتي
 
كان الله في عونك
والله يااختي ماادري وش اقولك بس الله يفرج همك ويسخر لك زوجك
 
حبيبتي الغاليه دندونه .....الله يجزاك خير ويفرج همك ويكثر من امثالك

ويجعل الي تسويه في ميزان حسناتك .....الله يسخر لك زوجك وعيالك

ياااااااااااااااااااااااااااااااااارب
 
الله يزيدج صبر على صبرك ويكون في عونج (كان الله في عون العبد ما كان العبد في عون اخيه)او كما قال صلى الله عليه وسلم دايما ادعي ان ربي يحنن قلب زوجج عليج ويسخره لج ولا تياسين صحيح احيانا من كثر المشاكل الوحدة منا خلاص قلبها يموت لكن لا تنسين ان الله قادر ان يحنن قلب زوجك عليك
 
عزيزتي الغالية استمري في صبرج وطريقتج ان شاء الله صحيح وما يصح الا الصحيح الله بيكون معج باخلاقج وطيبتج
 
سالفتك تشبه سالفتي تزوجت زواج تقليدي لكني ماحبيته للان ولي منه ولد وزود الطين بله اني مارتحت معاه ابدا ثلاث سنوات متزوجه صليت استخاره وارتحت ورحت لاهلي طلبت الطلاق ورفض تسع شهور وانا كارهته ولازلت لكن رجعت فترة تجربه مثل مايقولون فاذا انتي مو مورتاحه مع اهله اطلبي بيت لحالك وذا مو مرتاحه معاه اصلا ولادخل قلبك صلي استخاره بنية الطلاق بس لاتفكرين في الطلاق الا اخر شي احر حل فكري بعيالك ونظرة المجتمع للمطلقه والله يعينك والله حاسه فيك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل