اطفالي والرومنسيه

[الحب موجع]

:no:حبايبي انا اعشق الرومنسيه بكل اشكالها الليالي الحمراء والورديه و.............و.......لكن مشكلتي براعمي الصغار ما يعطوني فرصه الوقت اغلبه لهم احاول بكل طريقه انومهم بدري و....و...لكن الوضع مرررره صعب وبدون شغاله كمان ايش الحل انا حاسه الملل داخل بيتي وداخل زوجي ماالعمل وما مرئياتم ؟؟

 

[الورده الشرقيه]

ماتقدرين يوم تودينهم اهلك ولا اختك ولا اي احد تمونين عليه اوصحيهم بدري وخليهم يلعبون ويطلعون كل طاقاتهم باللعب علشان اذا جا الليل بعد العشاء وهم نايمين انشالله وبعدها سوي اللي تبغينه

 

[sandrila]

صح خليهم يلعبو كتير الصبح ولما يجى الليل يتعبو واينامو وكمان لازم تعلمينهم النوم بدرى..........بالتوفيق

 

[lovely1]

لابد من تنظيم نومهم بالقيام مبكرا والنوم مبكرا ، مع تمنياتي لك بحياة رومانسية

 

[ذات]

فعلاً البنات جزاهم الله خير ما قصروا..هذه أفكار روعة لحل مشكلتك
وممكن أيضاً إذا لم يتوفر لديك الوقت لعملك ليالي رومانسية..استعيضي عنها
بحركات رومانسية تكون بمثابة رسائل شوق و غرام لزوجك ..ممكن حتى كوب الشاي أو القهوة تقدمينه في صينية حمراء و كوب أبيض عليه قلوب و تنثرين على الصينية ورد ..
ممكن تعملين مثل هالحركات للفطور على السرير إنتي و إياه..
ممكن تأخذون حمام مع بعض كله شقاوة و حركات ..
ومن هالحركات كل كم يوم كفيلة بأنها تدخل على حياتك احساس الرومانسية:cupidarrow:

والله يسعدك

 

[تونكل]

الأطفال آه منهم
مانقدر نعيش معهم ...ولا نقدر نعيش بدونهم

لكن إذا نظمتي أوقاتهم
بإذن الله تنحل مشاكلك
​

 

[أساور]

يعتمد كم اعمارهم .... كنت مثلج بس حااااااااااولت واايد ...

أولشي وعيهم الصبح بكير و العبي وياهم ...( لة قدرتي رقيدهم ع الساعه 1 أو 2 قبل لا يوصل ريلج من الدوام )
لو ما رقدوا خليهم يواصلون لين الليل ....الساعة 8:30 أو 9:30 و بالكثير 10 ينامون )

يعتمد متى زوجج يرجع بالليل .... و اذا كان للأطفال غرفه بروحهم ...

انثري ورد ع السرير و خلي موسيقى كلاسيك بالغرفة قبل لا يوصل ...و حتى لو كانوا الصغاريو واعين ( المهم ما يدشون الغرفة )

خلي ملابسه مبخرة و معطرة و دسي ( خبي ) بطاقة صغيرة بجيب كندورته و اكتبي كلام حب.

هاتي وردة حمرة و خليها ع سيارته الصبح قبل لا يطلع ع الدوام .

فاجئيه بلبس و ميك اب حلو قبل لا يوصل ع الغدا.

فاجئيه ببانيو حلو مع ورد و شموع ...

كلها أفكار تقدرين تسوينها لو واعين ...

بالنسبه لليالي الحب ( إلا ما تضبط مره و يرقدون مبكر )...

استغلي اي فرصه يعني وقت لو الصبح ( ع الفجر

الله الله بالمسجات الحلوه ...

لو مره كل شهرين او اكثر وديهم عند امج او امه و اطلعي المطعم وياه ولو تقدرين روحي الفندق وياه..

الله يوفقج

 

[انوثة بلا حدود]

بالتوفيق حبيبتي

والبنات ما قصروا وكل كلامهم 100بالمية صحيح

واسالي مجرب ولا تسالي طبيب

 

[مؤاسم الدهر]

لزم تنضمي وقتكي بين زوجكي واطفالكي

 

[نينا]

الأخوات ما قصروا أهم شي تصحينهم بدري ولا ينامون الظهر إلا ربع ساعه وبلتوفيق