اصدق مين؟؟؟؟؟

ه

همسي دلع

New member
إنضم
2010/01/01
المشاركات
5
السلام عليكم ورحمة الله وبركاته

صباحــــــــــــكم/مسائــــــــــــــكم
فل وكـــــــــــــــــادي
مشكلتي اني اول مابدات الدايت كنت اقيس وزني على ميزان عادي لكن حبيت اني اشوفه بالقرامات واشتريت ميزان جديد رقمي يبين القيرامات وياليتني ماشفته ولااشتريته
وزني كان على العادي 69 والحين على الرقمي يعطيني 72 الفرق كثيير صراحه صدمني وزاد الطينه بله امس كنت في مجمع العرب وفي بزار فيه قسم يشوف الطغظ والسكر .....الخ ومنه الطول والوزن لما قسته وزني 68.5 الحين انا اصدق مين اترك الرقمي وارجع على العادي ولااكمل على الرقمي
انصحوني تكفوووون
 
خليك على العااادي ولا اقولك
لا تقيسين من الاساس خلي مقياسك
الشكل الخارجي يعني شوفي نفسك البسي لبس قديم عندك وشوفي الفرق
اختى نفسك مايثبط عزيمتها غير الميزان ولما تلبس لبس كان ضيق عليها وطلع حلو عليها يالله تتحمس وبقوه​
 
الله يعطيك العافيه اختي اهم شي العافيه الوزن ينزل ماعليك بس امشي كثير ولاتحرمي نفسك كلي بس بكميات قليله ولاتقيسي خليها على ربك وتنحفي ان شاء الله
 
مشكورة ماربيل فعلا أنا كذا بس مقدر. اترك الميزان اذا ماوزنت أتجنن **
 
تسلمي. حبيبتي متشوقه للجنه فعلا أنا اعمل
كذا بظبط امين يارب الله يسمع منك
 
الوزن بالقياسات ( بالمتر ) أفضل
الميزان يحطم و غير إنه يشيل كل شي
مثلاً لو شربتي كاسين ماي و وزنتي بتلقين نفسج زدتي كيلو
القياسات و بسسسسس
لكن من لو تبين تحددين وزنج صح روحي مستوصف حكومي بمنطقتكم و وزني فيه
لأن ميزان المستشفى هو الصح ..
 
اختى اهم شئ فى قياس الوزن انك توحدى المكان الى بتقسى فيه وزنك ويكون على بلاط او سراميك ما يكون على سجاد او موكيت و تكون بلاطه واحده ما يكونو اكثر من بلاطه
انا بعمل كده
 
اذا استخدمتي ريجيم او برنامج لانقاص الوزن وتغير شكلك بس الميزان يقول غير كذا
فاعرفي ان الكتله تغيرت من مكان لمكان
وبعد المجموع ممكن تحول من دهني لعضلي وهذااصح
ويصير مع الدايت والريجيم الطيب

استمري صح
ومارسي الرياضه
واحسن شئ للتشجيع
لبس ملابس قديمه كانت ضيقه
بتشوفين الفرق واضح
احيانا تكونين نقصتي
بس فيه سوائل متركزه في الانسجه
فيكون الوزن طلع بسرعه
او مابين النقص وبمجرد تصريف السوائل ينزل الوز ن​
 
أقولج تمتي على الرقمي
و ما يهم كم كنتي
المهم كم نزلتي
فهمتيني
بعني اذا وزنج ينزل مو شكلة
 
على فكرة انا مشتركة في مركز نيترشن
و مالهم الميزان غير و ميزان البيت غييييييييييييير
 
هلا حبيبتي

أكلمك من واقع تجربه

مع بداية ريجيمي ماكنت أوزن إلا مره كل شهر.. في ميزان المستشفى لأني مااشتريت ميزان (أعرف لو اشتريت ميزان راح تصيبني جلطه)
كل مره بنفس الوقت على بطن خاليه تماما وألبس نفس الملابس (ونفس ربطة الشعر حتى) أسير أوزن على نفس الميزان (يكون الميزان في نفس المكان مايتغير في قسم الطوارئ)

ومع ذلك كان الميزان يعطيني نتيجة جديدة

أي شي تسوينه يأثر في الوزن .. لو كنتي حصرانه روحي الحمام أكرمج الله قبل.. لو شربتي ماء راح يعطيج وزن زايد بكيلو أو كيلوين
او الدوره الشهرية قربت راح تشوفين ان وزنج زاد بسبب انحباس الماء في الجسم

كل شيء ..كل شيء يأثر

ثبتي موعد الوزن وإياكي ثم إياكي انج توزنين كل يوم..
مره بالإسبوع بعد وايد

لو تقدرين تتبرعين بميزانج حق جهة خيريه أو مستشفى خيري راح تؤجرين وترتاحين

هذه نصيحتي وانتي شوفي الأصلح​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل