اشم عطر بعد الولاده والا لا 00

[قلبه وطن 000]

بناااااات فيه حريم يقولون شمي عطر بعد الولاده 00

وبعضهم يقولون لا 00


انتم وش رايكم 00

واللحين اشم بعد الولاده على طول عطر وبعده اشم الحلتيته عشان الشمم 00


كييييف تجي هذي اشم عطر بعده اشم الحلتيته والا انتم تسوون كذا تراي بكريه ولا عندي

خلفيه 00

لاتنسونا من دعواتكم 00

اللهم صلي وسلم على نبينا محمد 00

 

[حنيـــن الشــوق]

حبيبتي انا اشم عطر قبل ماولد وبعد ماولد ت وكمان حطيت لطفلي عطر حتى مايشم

لكن طبعا ماتركت المره جنبي علبة مويه صحه وحاطه فيها كذا قطعة مره وطبعا افضل شئ اللي

يكون لونها اشقر

وطووول الوقت اشرب منها خاصه اذا جاني احد وشميت معه ريحة عطر

واحيانا مااشرب لاني شميت عطر وان شاء الله ماراح اتاثر

ويارب اكون افدتك

 

[ذهبه]

انا سمعت حتى اللي معها الدوره ما تستخدم عطور لانه يشم عليها هل هذا الكلام صحيح ارجو من الاخوات الافاده

 

[ABOOORH]

اول مرة اسمع هذا الكلام

ليش يعني تشربي ماء ومرة وفايش يأثر العطر ع الولادة ؟؟؟؟

 

[احلام لم تكتمل]

تكفوون فهموني مافهمت شي من كلامكم

 

[&زهرة الوادي&]

ايه هو الشمم الى تتحدثون عنه وما اسباب حدوثه ؟وماهي اعراضه واضراره على النفساء وهل هو معروف طبيا عند الاطباء وله علاج ؟؟
ياليت تفيدونا اخواتي لاني ماعندي عنه اي فكرة وابي استفيد
وما هي الحلتيته وماهي المرة وايه شكلها وكيف تستخدمونها ومافائدتها لاني اسمع كثير من البنات يذكرونها هنا بالمنتدى وما اعرف عنها شيء ؟

 

[فلسفة أنثى]

السلام عليكم

انا ولدت قيصري

واول ماطلعت عطرت الغرفه

ونقعت لي مره اشمها بس

لاتشربينها لانه راح يعطونك مضاد

والمره ماتنفع مع المضاد بس شميها

واشربي كمون


وبالنسبه للاخت الي تسال عن الشمم
مدري كيف اشرح لك
بس الالام تزيد عليك وتكون اضعاف الالم الطبيعي

 

[themoongirl]

انا رحت المستشفى وفي شنطتي "عطر و مره" اول ماخلصوا الخياطه على طول شميت المر وبعدها تعطرت وعطرت بنتي.......والشمم مثل لما تشيلين ضرس مثلا وتشمين عطر او بخور احيانا يتورم الخد هذا الي يصير مع الخياطه لو جاك شمم لاسمح الله<<<<<<<انا هذا اللي فاهمته وحبيت افيدك​

 

[ℓάⓝόό]

بولادتي الاولى عطتني امي شاش مدري قماش المهم فيه عوود وعطوور بخوه فيه وشاش مربوط فيه مرره مدري حلتيته المهم قالتلي كل شوي شميه بعد الولاده

وبعد ما ولدت كل شوي اشمه حاطته عندي بالسرير كل ماتذكرت شميته

والحمدلله مااااااا تعبني خيااطي ابداااا

وولادتي هذي نسيت اخذه معي ماجا على بالي ابدا

وهاوشتني مرة عمي المهم قلت ان شاء الله ما يصير شي وييسرها الله

وذبحننننننيييييي الالم مااقدر انام منه

لا تغلطين غلطتي

وحطيها مع شنطة المستشفى

والله يهون عليك يااااارب ويرزقك الولاده السهله الميسرررره

 

[edawe]

شمي عطر يكون قوي ومركز عشان ما تضرك باقي العطور بس لازم تشمين بعد الولاده على طول

 

[&زهرة الوادي&]

يعني الشمم معناه التهاب الخياطة في الولادة الطبيعية او التهاب الجرح في القيصرية ؟
هذا الى فهمته من شرح الاخوات هل فهمي صحيح ؟؟
وهل شم العطور بعد الولادة يمنع حدوثه ؟؟
حاسة اني ماني فاهمة

 

[لمسة فرح]

انا قبل ما اروح للمستشفى اخذ من عينت العطر الصغيره وابخ فيها من كل انواع العطور رجالي او نسائي واول ما اولد اتعطر منها سويتها في ولادتي الطبيعي والقيصريه.

 

[قلبه وطن 000]

ثاااااانكس خياتي على الردود 00

واللي يسألون عن الشمم 00 هو التهاب الجرح 00

مثلاً 00 فيك جرح سواء عمليه او خياطه او اي شي نزف منه دم 00

بعد فتره شميتي عطر يزيييييد الم الجرح 00

لكن لو شميتي عطر بعد الجرح طوالي بأذن الله ماتأثر عليك العطور بس مدري اذ كل

العطور والا بس اللي شميتي فالبدايه 00

والحلتيته والمره توجد عند العطار 00 لو لاقدر الله وشميتي تخفف الالم 00

اللهم صلي وسلم على نبينا محمد 00

 

[رمش هيمانة]

العطر فعلا يريحك ..ومايسبب لك شمم

 

[&زهرة الوادي&]

قلبه وطن 000
جزاك الله خيرا حبيبتي على شرحك وتوضيحك لاني اول مرة اعرف هالمعلومات المهمة واستفيد منها فعلا وان شاء الله راح اخذ بالي بعد الولادة من الشمم ...جزاكم الله خيرا اخواتي جميعا ومتعكم بالصحة والعافية ورزقكم الولادة السهلة وفرحكم بمواليدكم جميعا ان شاء الله

 

[رجائي الجنه]

لما تلبسي ملابس الولاده حطي عطر ويكون قوي شوي انا كذا اسوي ولما اولد اجط واخذ شاور واحد ومر وكمون مع بعض تاخذي ملعقه صغيره مع حليب دافي
وتقومين بسلامه

 

[قلبه وطن 000]

تيسيركـ ياكــريم 00

لا اله الا انت سبحانكـ اني كنت من الضالمين 00