اشلوووووووووون يا خبيرات

[kuwaitya78]

السلام بنات من غير ما احد يتأفف من موضوعي عطوني حل وبي وتكونون متشكرين مني
ابي افكار

انا عندي عنوان البنت اللي خاني زوجي معاها واتوقع انها متزوجة وابي زوجها يعرف بسوالفها عشان يوقفها عند حدها زماابي تدري اني انا عشان ما تبلغ زوجي اشلون وودي اشوفها واتأكد ان هذا بيتها هم اشلون


عطوني حلول يا حلوات وافكار

وابي افكار حق زوجي عشان يعرف اني في احد يوصلي اخبار عن انه لي الحين بعده معاها

يالله نشوف افكاركم

 

[شتات انسانه]

شوفي لو انت متاكده وعندك ادله روحيلها بيتها من غير مايدري زوجك ووريها الادله وقوليلها تبعد عن زوجك بالطيب من غير ماتخربين بيتها ويخرب بيتك وقوليلها اذا بعدتي عن زوجي من سكات ماراح ابلغ زوجك وبعطيك مهله اسبوع واحد تبعدين زوجي عنك من غير ناتدخلك في الموضوع صدقيني بتخاف من الفضيحه ومن زوجها اتوقع هذا افضل اسلوب معاها ولاتخافين من زوجك لو درائ بعدين قوليله احمد ربك ان الموضوع حليته من غير تدخل زوجها واهلي وخلي عينك قويه وقوليله كل اللي في خاطرك والله يسخره لك بس ادعيلي ان زوجي يهون عن البعثه

 

[نور1199]

سييييييييييييييييده على بيتها طوالي قبل لاتخرب بيتك
خذى معاكي اخوك ولا ابوك خليه يسال في الحي يقول هذا بيت فلان
ولا يسال الجيران عشان تتاكذو انو بيتها وقولي لزوجها
اخربي عليها قبل لاتخرب عليكي

 

[kuwaitya78]

تهقون هذا الحل

 

[راحةالقلوب2]

الله المستعان

 

[بنت وايل]

انا من رايي أنك تصيرين اكبر من كذا تركي عنك الفضايح والخرابيط حق اليهال وفكري بعقلك ,, أنتي فكري فيها لو انت عملتي اللي في بالك وخبرتي زوجها والكل عرف ترى انتي المتضرره الوحيده ويشكل كبير ,, لأن لو زوجها عرف راح يطلقها وبعدين انتي بتخربين حياتك لو عرف زوجك ,, الحين اذا هي متزوجه وما قدرتي عليها بعدين اذا انفصلت والله راح يجيبها عليك وفي بيتك وبياخذ المسأله عناد ,,

فكري وتركي عنك سوالف اليهال هذي ,, بنات الله يهاكم بدل ما تعلمونها الطريق الصح تبون تنفضح هي وريلها وبعدين بتكبر السالفه وراح تخترب حياتهم ,, وانا من راي انها مثل ما قالت الأخت أنها تروح لها بروحها وتقولها أنها عرفت كل شئ وتطلب منها تبتعد عن زوجها قبل لاتعلم عليها زوجها والله احس انها بتخاف وتتأدب ,,

طمنينا عنك يالغاليه