اشك ان ولدي مريض بـــــ .... ؟؟

[وحيده في دنياي]

انا عندي ولد عمره سنه و8 شهور ولدت به في الشهر السابع
والسبب كان فيني تسمم حمل
وعندي بنت عمرها 3 شهور

ولدي من صغير من كان صغيرمااتحمل صياحه وازعاجه
فااصرخ عليه بقوووه وكل شي يسويه او يلمسه
على طووووووووول اقوله :
عيييييييييييييييييييييييييييييييب

وابوه يضربه ضرب اقوى من الكبير
بصراحه انا نبهته انه مايضربه بس لاحياة لمن تنادي

وصرت الاحظ على ولدي انه لازم يحط شي على وجهه
فوطه او مفرش ويهز براسه وجسمه يمين وشمال وبقووووه

ومايتعب يظل مده كيذا
ومايحب يجتمع مع الصغاااار

دايم يصيح بسبب او بدون
حركي كثيييييير
واحسه مايفهم كثير ومايتكلم
احيانا يصرخ
واوقات يضحك لحاله
يعني امر جمب غرفة النوم قبل لاينام :11: يضحك بقوووه
او وهو سرحان يضحك بقووه
ويحب يلطخ براسه في شي صلب مثل الباب الخشب


تعبت منه حركي بدرجة ان اهلي كلهم يقولون ماعمرنا شفنا كيذا
والله يحرجني كثير لما اطلع به
لانه يحب ياخذ اغراض الغير
وبالاخص اكلهم حتى لو كان شبعان يجلس قابلهم ويصيح
ويوقف لهم مثل العظم في البلعوم

وش اسوي معه والله تعبت
قلت لابوه نوديه دكتور مارضي
يقول ولدي مو خبل :25: يقول اني المح انه مجنون:10:
واني ابي الناس يقولون مجنون ؟؟

احترت مدري شسوي ؟؟:21:

 

[حلو القصيد]

بسم الله عليه

عطيني طفل هادي حرام عليكم تتفاولين عليه

حتى ما كمل سنتين خافو الله فيه

ضمي ولدك وسمي عليه واقرأي عليه

بنت اخوي مولودها بسابع واعقل مني

حرام جننتي الولد خفو عليه

وشيليه من راسك

 

[طيف الريسي]

الغالية الصدق حرام الضرب وقبل جي انا زلت موضوع عن الضرب شيكي والرسول علية الصلاة والسلام نها عن الضرب حرام الغالية ارحمو من في الارض يرحمكم من في السماء الغالية وانا نزلت في التربية والامومة شيكي والله بتتعلمين وبني ادم خطاء وخير الخطائين التوابين

 

[ام أمجد]

ياحياتي عليه يااختي لاتضربونه ولاتصيحون عليه خففو عليه والله حزنت عليه المشكله باقي صغير ربي يحفظه ويخليه لكم والتصرفات الي يقوم بها اكيد من كثر الضرب لاتتوهمي ربي يطمنكي عليه وطمنيني

 

[زهره التوليب]

لاتخلي أبوة يضربة بعدين يطلع شخصية مهزوزه واقري علية
وترى هذا السن حساس ويحب يلفت النظر

 

[فتاة هادئه]

حرام عليكم تضربوه معاليه حركي كل الاطفال مثله بس انتم سببتوله عاهه
من كثر الضرب فيه عقدتو الولد خفو عليه توه صغير ع الضرب وخاصة من جهة ابوه وكثر الصراخ عليه راح يسببله توحد لانه لسه مافهم زين ع ايش تصرخين وتضربين واسأل الله ان لايولينا من لايرحمنا

 

[ريم 666]

يجب عرضه على الطبيب لان بعض الاعراض الي تقولين عنها ربما تكون توحد خفيف

ولا تنسين يا ايتها الام الحنووووووون انكم ظلمتم هالطفل انتي وابوه

بالضرب تاره والهواش تاره

خافي ربك انتي وابوه هذااااااااااا طفل طفل
هذا نتيجة تعاملكم معه .

ياناس هذولا احباب الله في الارض .

حرااااااااااااااااام عليكم

الي ماتحمل الاطفال لاتفكر تجيبهم .

 

[جارة حرم مكة]

حرراااام

ياحبيبتي مابي ازيد عليك المواجع لكن اولا: انتوا ماحسيتوا بالنعمة اللي انتم فيها اللين ذحين نعمة الذرية غيركم يددددور مايلقى هذا وهو ولدكم البكري يعني اول فرحتكم
ثانيا : المعاملة ذي تجيب للكبير مرض نفسي كيف هالمسكين
ثالثا: حاولي بقدر الامكان مايشوف ابوه كثير اذا كان كل شوي يبي يضربه بعديه عنه احسن وحببي الولد في ابوه مثلا جيبي هدية وقولي هذي من عند بابا
رابعا :اهم شي اقري عليه وكلما نام استودعيه الله الذي لاتضيع ودائعه وشغلي عنده سورة البقرة ورشيه بمويه مقري فيها ودهنيه بزيت مقري عليه
خامسا وديه دكتورنفسي حتى لوزوجك مادرى اهم ماعندك ابنك
سادسا:اقعدي اكثر وقت ممكن ولعبيه وحسسيه ان اخته تحبه لا هذا يحس فيه لا تخلينه يكره اخته
اسال الله لكم التوفيق وانه يشفي ولدك ويصلحه آآآآآمين
​

 

[غدا نلقى الآحبة]

الله يعينكم والله زعلتيني على ابنك ,,

تداركيه واقري عليه اولا الرقية الشرعية وسورة البقرة والمعوذات في ماء زمزم وشربيه منها يوميا وعوذيه ,,

ثم لااااااااااااااااااازم ضروري اخذه الى اخصائي نفسي لانه يمكن معه توحد لاقدر الله ,,

اسألك هل يرد عليكم ويلتفت لكم عندما تنادونه .؟؟

وهل اذا اراد شيء يمسك يدك ويأخذك ويضعها على مايريد

هل يكرر كلمات ويتمتم بكلمات غير مفهومة ؟؟ وطريقة لعبه غريبة كأن يدور الاشياء ويرتبها ؟؟ ولايعتمد بلعبه على الخيال والقصص ؟؟

لازم تتأكدوا لكي تلحقوا عليه وهو صغير افضل مايكبر ويزيد ..

انا ابني معه توحد وفرط نشاط وحركة ومتعبنا كثير لكن لايصح ضربه لان افعاله ليست بيده ويحتاج لمن يفهمه ويوقف معه ..

ولاتنسي تطمنينا عليك وعليه ,, حتى نتابع معك ان شاءالله ..

 

[ياحبني لنفسي]

حراام والله حرام ناس تتمنى ظفر طفل وانتو تضربونه!

هذا طفل ماله لا حول ولا قوه

حبيبتي لو كلامي قاسي عليك بس والله انا عورني قلبي

بهالعمر لازم الطفل حركي مافي طفل هادئ واللي هادئ مو طبيعي

تحملي طفلك ولو انتو ماتحملتوه الناس تتحمله!

لاياختي لاتسمحي لزوجك يضربه ابدن ضمي طفلك لصدرك

الله لايجيب اليوم اللي تفقدينه فيه والله بنتي في عمر طفلك وما اضربها ولا اعصب عليها قد ماقدر


تحمليه والله ناس تتمنى الاطفال وناس ماتقدر هالنعمه​

 

[o.o]

انا ما انسى ردك مره كنتي كاتبه اخليه بنفسه بالساعات واتشيك علييه مادري اذا للحين تسوين هالشي احس حراااام والله لو وشو ما نتركه بنفسه خاصه من سن السنه الى السنتين الطفل يكون خواف ويبي حد جنبه وانتو خليتوه يفقد الامان
انا ولدي عمره سنه وخمس شهور بس يعفس البيت ويصيح يحن لو اروح الحمام الله يعزكم قعد يصرخ عند الباب يضرب اخته الصغيره مايخليني اشتغل في البيت من حنته اشرب الماي بالخش لانه لو شافني بتصير مناحه لانه يبي يلعب فيه .. والله تعبت معااه لكن ماقد صرخت عليه .. انا كم مره فقدت اعصابي و اصيح منه اشد شعري استخف ولا اصرخ عليه تعرفين ليش لانه في هالسن مهما فهمتيه مستحييييييل يفهم ممكن تشرحين باو تكلمينه بنبره بس لا توقعين بينفذ ..
مخه يشتغل بهالطريقه : شي احمر فوق الطاوله يمسكه يشوفه ويطيحه (مايفهم ولو كان كوب بيكته على الارض
لكن هل يعرف انه يركب خطأ لا طبعاً هو مايدري وين الله قاطه هو بس يبي حنان واهتماام